( عدسة - com )

خخخخخخخخخخخخخخخخ

لاتخلوني اتهور وانزل صورة ( داب والا حيه ) : )





كنت هنا .. اتأمل واهوجس ..


مثل ماقال شاعر عبدالله ابن عون


ماغير اهوجس تقول مضيع ٍ حاجه
اخذ واسند على روحي واهرجها

المشاركة الأصلية كتبت بواسطة ناصر الشيباني

خخخخخخخخخخخخخخخخ

لاتخلوني اتهور وانزل صورة ( داب والا حيه ) : )





كنت هنا .. اتأمل واهوجس ..


مثل ماقال شاعر عبدالله ابن عون


ماغير اهوجس تقول مضيع ٍ حاجه
اخذ واسند على روحي واهرجها

الله الله الله ياناصر ,


ابداااع ابداااااع ,

طيب قولنا من بدري انك مخبي صور للشوط الثاني .


ياخي انت مبدع وبس .

خصوصاً بهذه الصوره


اشتعلت المنافسه ,

^

^

الابداع منكم وفيكم يااهل المرقاب / انا تعلمته من جنابكم الطيّب ..

عسى مايشتعل بيننا لامنافسه ولانار : )








اليوم كنت على البحر وقت العصر
اتأمل واشم هواء نقي .. الثلاثاء 17 / 9 / 1432 هـ
ماأجمل البحر .. ومااحلى امواجه ..







بكل امانه في هذه اللحظه الجميله والغروب واصوات الامواج ..

تمنيت موهبة شاعرنا / سداح

الجو شاعري على قولتهم ,,

..







هذه الصورتين الواضحه امامك لـ داب من نوع الكوبرا وقد يتضح ذالك في اتساع رقبته
وكذالك في حجم راس الداب الصغير ..

سالفة هالداب رحت انا وابوي واخوي يوم الجمعه امس 19 / 9 / 1432 هـ على سيارة والدي الى ( الأبل ) يوم نزلنا مع الخط قال ابوي لاخوي اخذ والسياره واسبقنا للابل وانا وناصر بنمشي ونجيكم // المهم مشينا الا هذي جرة الداب على جرة السياره اللي عليها اخوي بمعنى هالداب ماله خمس دقايق يوم مر قال ابوي قص الجره من يمك وانا بقصها من يمي مايمديه يكمل كلامه الا اشوف الداب رغم صعوبة رؤيته بسسب لونه المشابه للارض // نصه الامامي مرتفع عن الارض ونافخ رقبته وهذي عادة الكوبرا // ظربه ابوي بالخيزرانه وجاااه ماجااااه يقول الشاعر علي سالم العازمي ياحبني لـ شعره

ناطا على روس الافاعي بالاقدام
حتى ولو ان العواقب وخيمه


بكل امانه ماكنت ابي انزل هالصور مافيه داب فالصحراء الا نزلت صورته مقتول ..
لكن الحياه صارت آخر الوقت بين قاتل ومقتول .. شوفو بشار ومعمر القذافي وش سووبـ خلق الله .. واللي سلم من الحروب ماسلم من ذبحة الحب خخخخخخخخ

يقول الامير خالد الفيصل

يااهل الهواء في ذبحة الحب عبره
خل ٍ قتيل وخل ياناس قتال


اول موضوعي عن الداب وآخر عن قتل المحبين : )

..

هالصورتين لها سالفه قبل اسبوعين وانا جاي من السفر وقابلت ابوي وسولفنا
قال وش رأيك بكره نعتمر ؟ قلت لاتشاورني انت ( رغباتك أوامر ) قال اجل
توكلنا على الله .. قالت انا بيت ٍ لـ خلف هذال

توكلنا على الله والله اللي يقضي الحاجات
ليا صرت قفول أبواب غيره مـا أنقفل بابه

بديع الصنع جبار الخواطر واقي العثرات
عزيز الجاه ما غيره الآه ولا كفرنابه

الوكيد وحنا راجعين قبل وقت المغرب فرقنا مع كبري لبخه وحويته الواضح فالصوره الاولى ونزلنا عزبتنا وصلحنا قهوتنا وفطورنا جهزناه وافطرنا ..

الصوره الثانيه الغروب في نفس المكان غربت الشمس من دونها نفود مااعرف اسمها
المهم ان الجو كان لايعلى عليه ..

يقول سفر الدغيلبي

ديرتي مدهال ربعي منزحة الخصوم
ذكرها شوباش راسي وعزه وفخره

لو شتاها قاسي وصيفها عج وسموم
عند افضل من هولندا وروما وانقره

المشاركة الأصلية كتبت بواسطة ناصر الشيباني

^

^

الابداع منكم وفيكم يااهل المرقاب / انا تعلمته من جنابكم الطيّب ..

عسى مايشتعل بيننا لامنافسه ولانار : )








اليوم كنت على البحر وقت العصر
اتأمل واشم هواء نقي .. الثلاثاء 17 / 9 / 1432 هـ
ماأجمل البحر .. ومااحلى امواجه ..







بكل امانه في هذه اللحظه الجميله والغروب واصوات الامواج ..

تمنيت موهبة شاعرنا / سداح

الجو شاعري على قولتهم ,,

انا من عشاق البحر يانااااصر ,

والصورتين هذي خيااااااااليه ,



كني جالسٍ على جال البحر صدق .


الله يعطيك العافيه ياراعي الآيفون .

المشاركة الأصلية كتبت بواسطة عبدالله الزراقي

انا من عشاق البحر يانااااصر ,

والصورتين هذي خيااااااااليه ,

كني جالسٍ على جال البحر صدق .

الله يعطيك العافيه ياراعي الآيفون .

من فينا يكره البحر ياعبدالله ؟ !! انا احبه من يومني ورع

<<< يارجال ماعرفته غير امس : )

كلمة ( جال ) ياعبدالله تقال عندما تكون على جال الضو اي بجوارها //

الله يكفينا شر النار وعسانا مانطيح ابها ..

اما البحر تقول ( كني جالس على شاطي البحر ) وليس جال البحر

<<< يتفلسف ابو رند : )

( ان بغيت الفلسفه تراني اكبر فيلسوف )

المشاركة الأصلية كتبت بواسطة ناصر الشيباني

من فينا يكره البحر ياعبدالله ؟ !! انا احبه من يومني ورع

<<< يارجال ماعرفته غير امس : )

كلمة ( جال ) ياعبدالله تقال عندما تكون على جال الضو اي بجوارها //

الله يكفينا شر النار وعسانا مانطيح ابها ..

اما البحر تقول ( كني جالس على شاطي البحر ) وليس جال البحر

<<< يتفلسف ابو رند : )

( ان بغيت الفلسفه تراني اكبر فيلسوف )

المشكله ياناصر انك جايب كلمة جال في جملة باللغه العربيه ولاكنك اخرجت الكلمه من قاموس اللغه العربيه لتحصرها في زاوية النار او ( الضوء ) على قولتك وتمنع استخدامها في موضع آخر .


على العموم ياناصر . سأعطيك بعض المعلومات لعلها تفيدك ياغالي .


كلمة جال ذكرت في أكثر من موضع وهي كلمة عربيه فصحى ..

وبعطيك امثله بسيطه .


المعجم: اللغة العربية المعاصر

جول : جالَ/ جالَ بـ/ جالَ في يَجول، جُلْ، جَوْلاً وجَوَلانًا وجَوْلةً، فهو جائل، والمفعول مجُولٌ به:
• جال الشَّيءُ
ارتفع "للباطل جَوْلة ثم يضمحلّ [مثل] ".
• جال به / طاف به : "فَجَالَتْ بِهِمْ حَتَّى قَذَفَتْهُمْ فِي جَزِيرَةٍ [حديث] ".
• جال الأمرُ بنفسه/ جال الأمرُ في نفسه: تذكّره، تردّد، فكّر فيه "رأى الدَّهشة تجول في وجه صديقه" ° جال الدَّمعُ في عينيه: كانت عيناه مغرورقتين بالدموع- ما يجول في خاطره أو بخاطره: ما يخطر له أو يتردَّد في نفسه.
• جال السَّائحُ في المدينة: طاف ودَارَ وتجوّل غير مستقرّ فيها (("جال في البحر".))
• جَال في الحرب جَوْلَةً: فرّ ثم كرّ وهجم "صال وجال في حَوْمةِ الميدان"? صال وجال: وَثَب وكَرَّ وهجم.

المعجم: اللغة العربية المعاصر



وفي الحديث .

رقم الحديث: 3033
(حديث موقوف) قَالَ : قَالَ : أَخْبَرَنَا مُحَمَّدُ بْنُ عُمَرَ ، قَالَ : أَخْبَرَنَا إِبْرَاهِيمُ بْنُ مُحَمَّدِ بْنِ شُرَحْبِيلَ الْعَبْدَرِيُّ ، عَنْ أَبِيهِ ، قَالَ : " حَمَلَ مُصْعَبُ بْنُ عُمَيْرٍ اللِّوَاءَ يَوْمَ أُحُدٍ ، فَلَمَّا جَالَ الْمُسْلِمُونَ ثَبَتَ بِهِ مُصْعَبٌ ، فَأَقْبَلَ ابْنُ قَمِيئَةَ وَهُوَ فَارِسٌ فَضَرَبَ يَدَهُ الْيُمْنَى فَقَطَعَهَا ، وَمُصْعَبٌ يَقُولُ : وَمَا مُحَمَّدٌ إِلا رَسُولٌ قَدْ خَلَتْ مِنْ قَبْلِهِ الرُّسُلُ سورة آل عمران آية 144 ، أَخَذَ اللِّوَاءَ بِيَدِهِ الْيُسْرَى ، وَحَنَا عَلَيْهِ فَضَرَبَ يَدَهُ الْيُسْرَى فَقَطَعَهَا ، فَحَنَا عَلَى اللِّوَاءِ وَضَمَّهُ بِعَضُدَيْهِ إِلَى صَدْرِهِ وَهُوَ يَقُولُ : وَمَا مُحَمَّدٌ إِلا رَسُولٌ قَدْ خَلَتْ مِنْ قَبْلِهِ الرُّسُلُ سورة آل عمران آية 144 ، ثُمَّ حَمَلَ عَلَيْهِ الثَّالِثَةَ بِالرُّمْحِ فَأَنْفَذَهُ وَانْدَقَّ الرُّمْحُ ، وَوَقَعَ مُصْعَبٌ وَسَقَطَ اللِّوَاءُ ، وَابْتَدَرَهُ رَجُلانِ مِنْ بَنِي عَبْدِ الدَّارِ : سُوَيْبِطُ بْنُ سَعْدِ بْنِ حَرْمَلَةَ ، وَأَبُو الرُّومِ بْنُ عُمَيْرٍ ، فَأَخَذَهُ أَبُو الرُّومِ بْنُ عُمَيْرٍ فَلَمْ يَزَلْ فِي يَدِهِ حَتَّى دَخَلَ بِهِ الْمَدِينَةَ حِينَ انْصَرَفَ الْمُسْلِمُونَ " ، قَالَ مُحَمَّدُ بْنُ عُمَرَ : قَالَ إِبْرَاهِيمُ بْنُ مُحَمَّدٍ عَنْ أَبِيهِ ، قَالَ : مَا نَزَلَتْ هَذِهِ الآيَةُ وَمَا مُحَمَّدٌ إِلا رَسُولٌ قَدْ خَلَتْ مِنْ قَبْلِهِ الرُّسُلُ سورة آل عمران آية 144 يَوْمَئِذٍ حَتَّى نَزَلَتْ بَعْدَ ذَلِكَ .


الأمثله الي وضعتها لك فوق تدل على المعاني الكثيره للكلمه وجواز استخدامها في اكثر من موضع حينما يكون مناسباً بحسب معنى الكلمه ..



وبختصر عليك .



جال الدمع في عينيه وصل إلى حدود العين .

وفي الحديث ("فجالت بهم حتى قذفتهم في جزيرة من جزائر البحر ) :

ويقال (( جال الوادي )) .

او (( جالا الوااادي )) .

وهو مكان ( بلوغ الماء ) في طرفي الوادي .

لذلك الماء يجول في الوادي ويكون له جال يصل اليه .

والبحر يجول وبه مد وجزر وله جال يصل اليه .



اخوي ناصر قد يتعود الشخص على استخدام كلمه معينه في موضع معين بحسب طبيعته .!
ولاكن هذا لايعني ان يقوم بحصر كلمه في اصل اللغه العربيه للأستخدام الذي يراه مناسباً له فقط .!؟



المعلومه خاطئه بس ياحليل فلسفتك يا ابو رند من الجال للجال . هههه. ..

^

^

والله ماعاد اقدر اقول شي لاصار فيه احاديث انا stoop
على قولة ابوي ( لاتكثر فالكلام ولاتطوّل فالجدال )







هذي مصورها صباح السبت اليوم 27 /9 /1432 هـ وانا مسافر

طرى علي بيت وقلته لو اني ماراحت لـ أبوظبي


الا يابو ظبي ماجيت ادور شاعر المليون
انا جيتك بخلص لي لزوم واعود لـعيالي

من تصويري آيفوني اليوم الاثنين 29 / 9 / 1432 هـ


احد ٍ معيّد بين ربعه والاحباب
واحد ٍ مع امواج البحر يوم عيده


البيت ترآه لي ..

<<< أحلف : )

صورة فطورنا في آخر يوم من رمضان هذا طبخ الطباخ .. الله يديم النعمه
عسى ماهوب العوض في فطور ام سلطان .. العسل بديل عن الشيره : )
لحد يقول ليه ماقاطعتو المراعي ؟؟ محدودين ٍ عليه .. : )

لكل منطقه من مناطق المملكه عوايدها واكلتها المفضله اللتي لاتخلومنها مائدة
الافطار كما يتضح فالسفر ( الثريد ) وهي تعبر وجبه رئيسيه فالافطار بالشرقيه ..

فمثلا ً مدينة جده بحكم اني عشت فيها مايقارب سنتين بسبب ظروف العمل
كان هناك وجبة ( الفول ) تعبر وجبه رئيسيه // فما اكثر الزحمه على الخبز وصحون الفول : )

و كذالك في منطقة مكه ( السوبيا ) وهو كـ العصير اعتقد انه من الزبيب ..

•

ناصر يعلم الله من حبي لك , صرت أحب عدسة . com ,,,

و إرتباط ذاكرة عدسة كميرتك ب ذاكرتك الشعرية ,,,

الساعه الثامنه والنصف تقريباً من اليوم الأول من ايام عيد الفطر المبارك
1 / 10 / 1432هـ
سفرة الإفطار
في الديرة المصونه ( شقصان )

المشاركة الأصلية كتبت بواسطة مصلح بن نميان

ناصر يعلم الله من حبي لك , صرت أحب عدسة . com ,,,

المشاركة الأصلية كتبت بواسطة مصلح بن نميان

و إرتباط ذاكرة عدسة كميرتك ب ذاكرتك الشعرية ,,,

الله لايحرمني من محبة شرواك ..

( فديتك يابعد راسي فديتك )

هذه الشجره اللتي لم يبقى بها ورقةٍ خضراء بقيت واقفه (وقفة شموخ ) .. يقول الامير خالد الفيصل في قصيده له هالشطر ( لك الله شجر للموت ماترخي الهامات ) .. رغم ان غصونها الميته تطلب الري ..

طال الفراق وحال بيني وبينك
واصبحت في دنياي ميت وانا حي

محتاج قلبي يرتوي من حنينك
مثل الغصون الميته تطلب الري

..

اليوم كنت عند البل والجو مثل ماتشوفون رائع .. وقت المغرب والبل ضاويه
من مفلاها قلت اخذ هالصوره اهداء لـ اخي خالد الروقي ,, وبكل امانه
وانا اصور المطيه تذكرت بيت لـ عبدالله المسعودي مع مطلق الثبيتي يقول

تصيح الها مع المغرب وتقهرها طلوع النور
شداد ٍ فوق غـاربها وحبل ٍ فـوق اذانيها

بحكم ان خالد الروقي بدوي نبيه يعطينا نبذه قصيره عن حياة الباديه ..
<<< هب يالحضري : )

على قولة حبيّب العازمي مع مستور العصيمي

ياصاحبي مستور يوم انت بدوي سنك كبير
قدم لنا نبذه قصيره عن حياة الباديه

احسن ركوب الطائره والباخره والا البعير
والا ركوب الموتر اللي مشيته متحاديه


..

-

إدمااااان



-

هذه صورة فحل الأبل ( عومان ) وهو من سلالة ابل عتيبه كما يتضح فالصوره ان الفحل ( عاصب ) بمعنى هايج .. فالفحول تبدأ بلقاح الابل بعد طلوع سهيل يقول احد الشعراء في شطر بيت له ( سهيل يطلع فالسماء ويهيج فالارض البعير ) ..

فالابل هي مواريث الجدود ولها محبه عند اهلها .. يقول سلطان الهاجري في قصيده له هذه الابيات

مير والله ماعلى الدنيا طـراه
كان مالك مع هل الذيدان ذود

والله انك ماتلذذ في الحياه
فالوجود وكن ماانت ابـ فالوجود

الغـناه بدونها ماهـي غناه
لا تنقص في الحياة ولاتزود

البل تزود الرجل سمعه وجاه
واللي مايشقابها مافيه فود

هنا تذكرت ابيات لـ نايف صقر // تروق لي بالحيييل ..


ذكرته يوم انـا جنبـه نحيـل وناظـرٍ مذهـول
وانا ليلـة وصالـه ماحسـدت سهيـل نجماتـه

يسلمنـي يدينـه والسوالـف واشقـر المجـدول
وانـا افـل الستايـر للحنـان وشمـس نزواتـه

سمح لي مرتيـن المـح صبـاه وقـده المفتـول
عجزت اروى وانا اشرب دجلته واشرب من فراته

ولكنـه تغيـر مـن خطيـه طيـب المعسـول
وانا ياامـا تعـذر لـي خطـاه وشلـت زلاتـه

يروح فالقصيده لين يقوول ..

تركني للتجافي لامعي حيلـه ولا لـي حـووول
ماغيـر اشيـل مسبـاح القلـق واعـد حباتـه

المملكه العربيه السعوديه لها يومين مثل العروس اللي تنتظر وقت الزفاف فقد جهزت
بالاعلام السعوديه والانارات الجميله .. الله يحفظ مملكتنا الحبيبه .. وبهذه المناسبه
اهديكم هالابيات لـ الشاعر / رشيد الزلامي

الكلمه اللي على الصفحات ماثـورة
يا صدق تعبيرها يا حلـو معناهـا

بلسان عبدالعزيز البطل اخو نـوره
تاريخ الامجـاد يكتبهـا ويقراهـا

وشلون لو انها بالصوت والصـوره
والله لا اقف مكانـي مـا اتعداهـا

لاشفت سيفه ومجلاسه على كـوره
وذلوله اللي من اقصى السيف سراها

بالليـل الاظلـم يعدلهـا بباكـوره
يطعن نحـور الفيافـي ويتحداهـا

ياغزوةٍ جعلهـا بالخيـر مذكـوره
معه اربعين ابلج تومـي مطاياهـا

عاشق ومتولعٍ في حـب غنـدوره
نزيهة العـرض هاويتـه ويهواهـا

ياكثـر عشّاقهـا لاشـك ممـروره
ماطاعات الا لأبو تركي بعد جاهـا

جاها زعيمٍ حكيـمٍ صامـلٍ شـوره
من حبها فيـه صافحتـه بيمناهـا

حكّم بها الشرع وانشأ مجلس الشوره
ورفع بها راية التوحيـد واعلاهـا

لين اصبحت دولةٍ بالعـز مشهـوره
الشرع دستورهـا والعـدل مبداهـا

الدوله اللـي بديـن الله منصـوره
ترعى وطنها وعيـن الله ترعاهـا

ولا مات عبدالعزيز ولا انتهى دوره
نمشي على سيرته ونعيش ذكراهـا

ساروا عياله على نهجه ودستـوره
اسرة وفاء والوفاء والعـدل مبداهـا

قوس قزح , يزين سماء الطائف في مساء اليوم الوطني ,,,,,


كانت الأجواء جميله جدا ما شاء الله تبارك الله ,,