مـخـتـارات الـمـرقـابـيـيـن (ديـوان)

ومرقابيه ثانيه
للدكتور / سـداح


[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أعذروني عن غياب ٍ زلـّته مدموحه= وأسمحوا لي لين أراجع سيرتي وسجلـّي




غبت كليّ والدوافع كلـّها مشروحه=أفتحوا كشف الحضــور وسجلّوني كلـّي




هكذا طعم المحبّه .. حلوه ومملوحه=وهكذا الفرقــا مملـّه .. والوصــال مسلـّي




العلم مرفوع يا اللي ترفعون اللوحه=الشحيــح يصــدّ عنــيّ والكريــم يهلــّي




دام باقي في ضميري نافذه مفتوحه=عبرها ينفـــذ شعـــوري لين يبرد غلـّي




قلبي المجروح مدري كبدي المجروحه=جـرّ عمرك يا النسم بين الضلوع وقلـّي




دمعتي تبحث خفاي وضحكتي مذبوحه=هيـّنـه والصبــر طبعي والقناعه دلـّي




ما بقا للشعر واهس والهجوس تشوحه=بين منقود الرفيق وبين شرهة خلـّي !




أنقرض نسل القصيد وراح راحت روحه=وأكثر الشعــّار ولّـت والزمان مولـّي




أنتكس حالـه وحــال الساحه المسيوحه=الحصن تضبط وتربط والكديش تفلـّي




يا معين الصايبــه والمخطيـه مسموحه=قام يمشي مع رصيف الشمس..راكب الليّ !




جاك وقت الذرّه المفتــرّه الدرموحـه=عقب باد ( المارتين ) وبادت ( العصملـّي )




يفزع الطحطوح وألاّ تفزع الطحطوحه=الدعــاوي حطــّها وأشتالهــا بامجلـّي




كيف صدّرت الفتاوي يا بناخي توحـه=وأنت لا تعرف تصوم ولا تعرف تصلـّي ؟




كلّ ما هبّ النسيم أستنزلت منفوحــه=والعليـّـا يا ماشــاء اللـه حظـّها متعلـّي




القضيّه بين شمطان اللحــا مطروحه=ينقطــع حبـل النفاق وعقدته تنحلـّي




طاوله وأربع كراسي وأمسيه وأصبوحه=والله الله .. ميـر حلـّي يا حلاوه حلـّي ![/poem][/frame]