ياحلو خوة كاسبين النواميس

اللهم صلي على محمد



ويوم اقلبت شقراء شقارٍ بتدهيـس
عن صالي الاهـب فهقهـا وراهـا
لحظات يطرقهـا بـراد النسانيـس
بالمبـرده واقبـل يذعـذع شذاهـا
ودنا لها الي تقـل مشكـاة قسيـس
متفرعنـاً كـل الوصايـف حواهـا
ساقاً و عنق ومبهماتـاً مقاويـس
لا ارخالها المشفي تجاوب أعواهـا
وحضب لها اللي كنها طير بلقيـس
ممشوقتاً من عذب ماهـا سقاهـا
تقلب غضب من حر صلو المقابيس
فوق السنى لاما استوى مستواهـا
ولقـم بثنتينـاً أوزاهـا مكانـيـس
وسط الوجـار مسايفـات بذراهـا
صفراً على روس النشاما مراويـس
ماغيـر هيـل وزعفرانـاً اغذاهـا
لا صخا بها القاصر ولا حافها الهيس
دسع الرجال اللـي أكرامـاً الحاهـا
فنجالها طـب الهواجيـس وابليـس
يجلى صدى الضيقه ويصحي سماها
لا ساقها الشغموم بيـن القرانيـس
روس الرجـال اللـي بعيـدٍ مداهـا
بوجيهم هيبـه وحشمـه وتونيـس
وامجـاد جـودٍ فـي ثناهـا تباهـا
خويهم يحشم ويكـرم ابـلا قيـس
معزتـه محـداً يقـرب احمـاهـا
ايقدسونـه طـول الأيـام تقديـس
لاشينـت سـود النـوايـا نبـاهـا
ياحلـو خـوة كاسبيـن النواميـس
قطاعة الفرجه ايلى أوحش خلاهـا


الله الله


اخي محمد

شعرك اصيل وجزل وممتع وشاعريتك عذبه وخيالك حر

صح لسانك مدد

تحياتي