قصايد × قصايد ( 3 )

كـــانت هنا


(( ..هبوب اهل الهوى والهوى صلف .. )) لـ حبيب العازمي
(( .. الثريا .. )) لـ عبدالله الطلحي
(( ..سكرة الفرقا .. )) لـ فيصل السواط
(( ..الهديفه .. )) لـ فهيد بن عصيدان
(( ..عرش بلقيس .. )) لـ سعود ناهض الرويس
(( ..الدخيله .. )) لـ محمد السواط
(( ..وجـيـه الـخــــوف .. )) لـ سعود القت
(( ..سر إلهامي .. )) لـ عبداللطيف الغامدي
(( ..ماتهز اركان ثقلي واتزاني .... الا شيخه.. )) لـ سعود الحارثي
(( ..جية ما لها داعي .. )) لـ فايز ابو رجيله الثبيتي
(( ..بقايا الحب .. )) لـ بدر الداموك
(( ..لا نامت عيوني..ولاني غاسلٍ يدّي واتوب .. )) لـ ساير الرماحي
(( ..هبوب الاحساء .. )) لـ خالد الغازي
(( ..يا ويل قلبي .. )) لـ نوض
( جديدة بلا عنوان ) لـ معيض العتيبي
(( ..يالله .. )) لـ محمد بن مصوي
وحده من الثنتين هاك وتخيّر .. )) لـ سعود المحجان
(( ..أذنـي عن هروج المقاريد صمـا .. )) لـ موسم بن سفر القثامي
(( ..خدوش الرجال .. )) لـ عبدالله القثامي
(( ..ما يصح الا الصحيح .. )) لـ قبسان
(( ..توتتها .. )) لـ عبدالرزاق الذيابي
(( ..دموع العز .. )) لـ خالد الحصيّن
(( .. السّلوم الطيّبه .. )) لـ حسن علي الهاجري
(( .. هذا .. وانا .... )) لـ عبد ربه

بناءا ً على طلب ياسر .,


يقول بن مريبد .

\
/

[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خذني بقايا غرام وخلنى دمعه=ان طاحت بسبتي لاتقبل اعذاري
انا وشعري حبيبي نحترق شمعه=لاجلك ومنك الرضا يانجمة الساري
تامر وعود الغلا باقي علي نبعه=من وين ما اقبلت يطرق عوده الذاري
ياعود فخر الصناعة ماركة درعه=بدفن بقبري وانا ماجبتلك طاري
ياغلا من اغليت يالمهيوب يالمتعه=ياقبلة المجتمع يا نهري الجاري
ان جيت يمي فكن الناس مجتمعه=وإن رحت عني جلست احسب اوزاري
تكفا لو إن الغلا من بيننا بدعه=ان جاك أحد قل محمد شاغل افكاري
قل اني اليوم خاتم يحمله صبعه=ويقدر يغيّر حياتي كيف ما اختاري
اكذب وكفارة الجمعه الى الجمعه=تمسح اذنوب البشر من رحمة الباري
واجمع لقلبي من عروق الغلا وزعه=خلك مهاجر وانا في حبك انصاري
بس انتبه لاتحسب ان الغلا رمعه=وتشوف نفسك علّى وتهين مقداري
انا زبون الخساير لانتخوا ربعه=من دونهم ياعبير الورد ما اداري
بحيا مكرم وبرحل طيّب السمعه=ولاهمني وش نوى البياع للشاري[/poem]





نبي لـ .. مطلق بن شوية

نسمة الشرق
لـ.. حمدان المري





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هبي علي يا نسمه الشرق ونسانيس الشمال = لي وقفة لابدها لي وقفة لابدها
في خاطري قصيدةٍ ترقى على روس الطوال = من محتواها والهجوس تقدني وأقدها
أصفق بها في جال وتصفق بي على عشرين جال = لكن على ما تشتهي نفسي لزوم أحدها
مدامني شاعر ولي جمهور وبيوتي جزال = بَعدها واصوغها واصوغها واعدها
الوقت موزينا لكن مال الحمول الا الجمال = وحنا جمال كلما زاد الحمول تشدها
صدورنا تاسع بلد وعزومنا مثل الجبال = بدري على الأيام وصدوف الزمان تهدها
لا تضيق وانت من الرجال اللي يضدون الرجال = عوق العدو عون الدخيل اللي سكن في حدها
يا معرب الجدين من عمان ومن صوب الخوال = رفيق ومثلك فالرجال تودني واودها
أفعالكم تشهد لكم والطيب مايبغي سؤال = ربعي وربعي كلما جات اللزوم تسدها
أستغفر الله ما خلقنا الا علشان الثقال = حتى البحار تهابنا من جزرها لمدها
تشره علي لا ابطيت والا اني قطعت الأتصال = وانا تعبت اجمع كروتك واضيع عدها
لكن علومك وش علوم جنيف يا مال الزوال = واعطيك علم اللي تسولف للعرب من جدها
تنشدني البارح وانا مالي على الهرجه مجال = بغيت اعلم والعرب ما يندرا وش سدها
لا تطول الدعوا ترا مالي على الصبر أحتمال = الكلمه اللي تستحي من قولها لي بدها
ان كان قصدك فالوصل مابه وصل يابن الحلال = الله يلعن نازحات البين ويلعن جدها
والجادل اللي روحت عقب العصر قبل الزوال = راحت وانا في موقفي وش حيلتي واردها
شلون وانا اعدها رصيدي الا راس مال = ياليت نفسي تنعطى من مدتي وامدها
صغيره وربي مكملها ولله الكمال = الزين آيه والوصوف الباقيه في قذها
حتى الصغير اللي ماهو يعرف الا كلمة تعال = يشفق على دناقها ويحبها في خدها
علي الحرام ان أعظم مامرني طول الليال = قفايها وانا اتفكر ماقدرت اردها[/poem]





نبي للشاعر / علي متعب الحميداني

هذه قصيده للشاعرعلي متعب الحميداني بعنوان

( اسـعـد الله صـباحـك )

[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أسعد الله صباحك واسعد الله مساك = كيف حالك ؟ .. عسى حالك يسر الصديق
انتظرت اتصالك .. قلت عذرك معاك= والحشا من غيابك يشتعل به حريق
ودي أوصف شعوري وأفتخر في وفاك=ودي اعتب عليك وخايف إنك تضيق
سامح الله دروبك سامح الله خطاك = وكل ظرفً صدفته طول ذاك الطريق
ايه احبك و احبك وان ذبحني غلاك = كل شعري حلالك من جديد وعتيق
بين هم الفراق.. وبين لحظة لقاك= ضقت كلي وانا اللي ماعرفت استضيق
بين سطوة زعلك ...وبين نشوة رضاك = ماحسبت القريب ولاحسبت الرفيق
وبين حد النجاة... وبين حد الهلاك= ابتدي في عيونك وانتهي بك غريق
في وصوفك يضيع الشعر لانك ملاك = وماتطولك حداثه لانك اصلاً عريق
وفي كلامك لطافة نابعة من حلاك=وفي عيونك حفاوة في حضوري تليق
لايهمك حبيبي قول هذا وذاك = انت الأول بقلبي .. وانت آخر عشيق[/poem]

والاختيار من قصائد الشاعر عامر عمار

وهذه من أبيات أبو صالح .,

( صفق الهوى ) .!


[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


\
/
.


ياللي فراقك حل ووصالك امحال = تغانم الفرجه وذبّ الخريمه .!

ماعادلك في داخل القلب منزال= الكذب خيبه .. والمجامل ظليمه

ياكثر مـ اصبر والصبر طيّب الفال= وياكثر مـ أكرمت النفوس اللئيمه


يامحللٍ طعم الهوى وأنت محتال= استح على دمّك يامال الغنيمه

لاضاق منهاجك مع كل مدخال = دونك على هونك لاتآخذ .. قسيمه .!

سياسة التدليل بعيون الاطفال = ماتشبه الدمعه بخد اليتيمه .!



العب على غيري من الجال للجال= واصفق مع صفق الهوى كل ديمه

ياللي تحب القيل وتعذرب القال= ماتستوي عند الغريم وغريمه


أعبر من الحرمه ليا جاك رجّال= مايعرف المنقود .. سينه وجيمه .!

ياللي تقيس الطيب بعيون الانذال= ماللمراجل عند الانذال .. قيمه .![/poem]



عطونا .. لـ .. سعد الموقي

.
.

( البريد اللي مع الساعي )

لـ / سعد الموقي


لاقلـت لـك :مـا احبـك ؟ لا تكذبنـي
صدّقني وخلّنـي! مـا للحكـي داعـي

خلّيتنـي للغيـاب ! الـلـي يتعبّـنـي
ما عندي إلا البريد .. اللي مع الساعـي

أرسل لـك الشـوق .. لكنّـك تجنّبنـي
وتموت الاشواق في قلبي .. وانا الناعي

تدري ! خلاص .. الوصل ماعاد يعجبني
إسكت ! ليا صرت تجهل ! مدّي و صاعي

ما ودّي أجرحـك .وإحساسـي يأنبنـي
وانا عيوني تـذوب ، وخاطـري واعـي

وأخـاف لا أسلّمـك قلبـي .. تعذبنـي
وأنت أكثر إنسان أعرفة ! سبّب اوجاعي

وإن كان ودّك تحاول بي .. وتطلبنـي ؟
تعال وإجلس هنيّـا ..وإدهـل أضلاعـي

وقّف على راحة جروحـي ..وعاتبنـي
مع إن ما للعتب بعـد الغـدر ! داعـي

بـس إنتبـه ! لا تزوّدهـا .. وتتعبنـي
قل كلمتينك .! ورح .. لا تنقض أوجاعي


المطلوبه لـ / سعيد بن مقبل الأكلبي ،

.
.

يا راعي الفندق


لـ سعيد بن مقبل


[poem= font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=0 line=1 align=center use=sp num="0,black"]
يا راعي الفندق اعتزنـاك وافهمهـا=
وياحبني يوم اعيّن شخـص فاهمنـي
ابي لـي سويـت ياخذنـي وياخذهـا=
سويت مضبـوط ياخذهـا وياخذنـي
خويّتـي جعلنـي والله مـا اعدمهـا=
وهـي بعـد جعلهـا والله ماتعدمنـي
اللي ليا احتجت شـيٍ جيـت زابنهـا=
وهي بعد تنبسط وتموت فـي زبنـي
في قلبهـا كلبـو الاسـرار حافظهـا=
وهي تحافظ علـى سـرّي وتحفظنـي
يازيـن هدووهـا لاصـرت حاظنهـا=
وهي تواسا علي وتْقـر فـي حظنـي
بطني على بطنها وايّـديّ فـي يدهـا=
وهي على قربها تدني علـي وادنـي
لاتروح عينك على الصالـة تدوّرهـا=
كانـك تحـاول تدوّرهـا فـدوّرنـي
افكار بعض العرب ما عـاد نضمنهـا=
نضمن مباديـه والتفكيـر ماضمنـي
خويّتـي شنطتـي قدّامـك احْملـهـا=
وليتك مع اللفـت تحْملهـا وتحْملنـي
نبـي لنـا غرفـةٍ يالقـرم نسكنهـا=
الله يجيرك من المسكـون والسُكنـي
طـول المسافـات متعبنـي ومتعبهـا=
والا الحقيقـة تعَبهـا اللـي متعبنـي
قال انت دعـواك خابزهـا وعاجنهـا=
وانا التعب والسهر والهـم باعجنـي
هذا انت واقف على الزحمة وشايفهـا=
بعيونك تشوف مثل ما انـت شايفنـي
ماعاد فـي الفنـدق اجنحـةٍ نأجرهـا=
ويالله على الصدق ياربـي تواجرنـي
كل الغرف فيه محْجوزة علـى اخرهـا=
وهذا هو اللـي مجلّسنـي ومخّرنـي
حتـى البنيـات تاركتـن منازلـهـا=
ماتشوفهن في الدرج واللفت ينزلنـي
اللي مع اصحابها واللـي مـع اهلهـا=
واللـي تأهـل بهـا اللـي مايأهلنـي
واللي تغـرّب ولا احـدٍ داريٍ عنهـا=
يعني بـلا محـرم ويعنـي ولايعنـي
قلت انت هرجتك ما ادري ويش داخلها=
قال انت هرجتك منها الشـك داخلنـي
قلت اطرح اهدومها وانطـل ببرقعهـا=
بعـض البراقـع تراهـن مايبرقعنـي
قـال المدافـع مـركـزةٍ ذخايـرهـا=
وماحدٍ بذاخـرك للعـوزة وذاخرنـي
قلت احتمى سوقها كان انـت بايعهـا=
قال احتمى سوقها كان انـت بايعنـي
قلت انتهينا عقـب مـازان مطلعهـا=
قـال اذكـر الله وفيهـا لاتطلّعـنـي
قلـت الوداعـة لاضيعهـا مودعهـا=
ماتقّـدر تقـول لاخُذنـي ولادعـنـي
نسّيتنـي شنطتـي بغيـت اضيعـهـا=
وتقـول بعديـن همّلنـي وضيّعـنـي
خويّتـي جعلنـي والله مـا افقـدهـا=
وهـي بعـد جعلهـا والله ماتفقدنـي
[/poem]




نبغى من ابداع / مرزوق الروقي

( غربة الروح )

لـ / مرزوق الروقي

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

رضيت بالحزن عمر وبالمواجع خليـل= وقدرت اعيش بحيـاةٍ باهـتٍ لونهـا
عودّت نفسي مدامي جيت عابر سبيـل= كل ما دهتني مصيبـه قلـت ياهونهـا
عاصرت من دورة الأيام شـيٍ مهيـل= ومريت بـدروب غيـري مايمرونهـا
من كثر ماشلت ماباقي بجوفي مشيـل= روحي تدور معيـن ولا لقـت عونهـا
كم شجرةٍ جيت أدور لي تحتها مقيـل= وحتت ورقها وعرّت فوقي غصونهـا
واليا رميت الهموم بسهم صبراً جميـل= اما يجـي خلفهـا والا يجـي دونهـا
اسمع بصدري صياح وهمهمات وعويل = وأردهـا خايـفٍ لا النـاس يوحونهـا
من غربة الروح ضيعت الهدى والدليل = وخطاي تاهـت ولابـه مـن يقدونهـا
نهاري أعتم وليلـي بالتعاسـه طويـل = الكون مشرق وروحي مظلـمٍ كونهـا
هذي علومي بعد فقد الظـلال الظليـل = مالي من الـدور خاويهـا ومسكونهـا
زهدت في عيشتي بعد ام طرفٍ كحيـل = ياليـتي ادري بتالـي الوقـت وشلونهـا
عهدي بها يوم تروي قلبي السلسبيـل = من قيظ الأيام توردني علـى عيونهـا
وتفيض في قلبي الظميان شوق وتسيل = وأروى ولا أروى وأعود أظما لماعونها
وان سولفت كني أسمع للحمايم هديـل = وأقوم أغنـي لهـا والاحـي لحونهـا
كان اختصار الأنوثه في جسدها النحيل = يلغي جميع النسـا بعيـون مفتونهـا
كنا سوى والزمن بالوصل مده جزيـل = ذقنـا حـلاة الحيـاه اللـي يقولونهـا
ومن ذاق قلبه حنان منقضات الجديـل = والله لتشتالـه الدنيـا علـى متونهـا
وانا بعد ما أهتنيت أقفت وحل الرحيـل = وياويل حالـي ليـا قامـو يطرونهـا
بابقى عليـلٍ يحركـه النسيـم العليـل = لاهب في قاع روحـه جنـت جنونهـا
ومادام راحت مابي من حلمي الا القليل = أن عشت في قلبها وان مـت فعيونهـا [/POEM]

المطلوبه لـ / خولان بن عامر

معكم نقرأ و نكتب .. وبين هذا وذاك تتجسد الكلمة ..


*
*

يقول خولان بن عامر في قصيدته



وظيفه شاغره
[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لي ثمان سنين ادّور لي مع العالم وظيفه = والغريب اني مخضرم والشهاده جامعيه
والبلد مليان مثلي يمكن انهم بالنصيفه = والبطاله كونت في مجتمعنا عنصريه
زعل ابوي وزعلت امي واصبحت حاله مخيفه =مالهم غيري وانا ودي بخدمة والديه
يرتجون الفايده والفايده صارت كليفه = والفقر دكا على المركى ودن السمسميه
ان بغيت النوم عفته وان بغيت الزاد اعيفه = حالتي يرثالها والاقرباء شرهوا عليه
صارت قلوب البشر قشرا بعد كانت لطيفه = يوم ماعندي وظيفه مابقالي قابليه
والوظايف سكروا بـيـبانها كلن وكيفه = والتجارة روّحت بيد العماله الاجنبيه
سجلوني لو على بند الاجورات الضعيفه = من خذيت الجامعه ما طب قرشٍ في يديه
باشتري لابوي غتره واشتري لامي قطيفه=كم تمنيت اشتري لابوي ولاّ امي.. هديه
وعاد قدامي زواج ومستحقاتٍ خفيفه=ياهني اللي توظف في الحكومه واهنيه
اكتبوني حارس كلن تشّبث في رغيفه=بعد ماكنت احلم اني في قطاع العسكريه
البطل صار الضحيه بين بارع والعسيفه=الله اكبر يازمان صاروا ابطاله ضحيه
ليت وادي فاطمه سيله مثل وادي حنيفه = كان نبت العشب بين الكوع وشداد المطيه
المشاكل حلها عند الرجاجيل الشريفه = مالها الا سيدي نايف وزير الداخليه [/poem]



اختار ناصر تراحيب

لـ ناصر

[][ .. عطر الأنفاس .. ][]



[poem=font="Simplified Arabic,4.5,black,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]

آقول ياللي .. نصّ زينك مع الناس = والنصّ الآخر فيك ( وحدك ) بأسرة
انا على فكره ترى ( كتلة إحساس ) = أحب وأعشق .. لكن / أغار وأكره
لو كنت أجامل وأنكر الهم والبأس = فالعين دمع .. وفأيسر الصدر حسره
بكره ليا نسنس من الغرب نسناس= وجاء للهجوس بداخل الصدر عبره
ابكي .. وغنّي .. كل لوعه وهوجاس= ونوحي ولو مالك على النوح .. قدره
وتذكري رجلٍ عشق دون مقياس = تنبض جنون العشق .. في روح شعره
مجنون في حبّك .. ولا يعرف اليأس = كنتي وليّة عرش .. قلبه و أمره
كنتي له أغلا من قناطير الألماس = وأغلى بعد من نبض شعره وعمره
لاجلك يضدّ الموج .. عايم وغطّاس = لو كان ماله فالمحيطات خبره
يعشق ولكن .. جرح الإحساس حسّاس = وفالجرح والتوديع والبعد .. عبره
ياما لأجل حبّك صبر .. قاسي الباس = حتّى نفذ من شدّة الصبر .. صبره
له شيّمة الأعراب منهج .. ونبراس = ما أرخص لأجل يرضى وترضين قدره
مهما خضع قلبه بقى .. شامخ الرأس = ماهزّ فيه البعد مقدار .. شعره
الاّ .. ليا منّه ذكر عطر الأنفاس = يفزّ .. هذا هو .. والعطر .. عطره
واليا إنتبه ما حوله أحدٍ من الناس = هلّ المدامع ( عظّم الله أجره )[/poem]


عطوووني لـ ناصر مناحي

( ساعة / مساء )


[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ساعة مسا تساهلت لعب الاعصاب=منها .! زفير الصدر يزهم شهيقه
ما غير افك كتاب واسكّر كتاب=واشكي على ضيقه من افعال ضيقه
دفعت لأحداث السهر كلّ الاتعاب=في ليلةٍ ماهيب ليله رقيقه
قلق ودوخة راس وحساب وعتاب=وأزريت لا القى للسلامه طريقه
لو تنفع الرجوى مع النور لا غاب=شحذت من بخل الثواني .. دقيقه
مدري من جروح المقادير منصاب=وألا من جروح الرفيق لرفيقه
تعوّدت نفسي على بذل الاسباب=لو كنت احملها حمل ما تطيقه
من لا يهاب الناس ماهوب ينهاب=ومن لا قنع فالحال .! ما بلّ ريقه
مانيبّ اطقّ الباب لمسكّر الباب=لو ان حجاجه فالمواقف طليقه
للنفس حق ومن ورى الحق طلاب=والأمر من منجي النفوس الغريقه
أعوض حالي عن رجا الظنّ لا خاب=بالحق نورٍ ما يغطّا بريقه
واقول للكذاب .. ليه انت كذاب .!=ولا اسكت وعيني تشوف الحقيقه
واذا خسرت اصحاب واقراب واحباب=ربحت مع نفسي علاقه وثيقه[/poem]




عطونا لـ .. ناصر آل صامل

(( زلّه لسان ))

المشاركة الأصلية كتبت بواسطة فالح الهاجري

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الصمت كنز اللي عرف قيمة الصمت = والحكي في بعض المواقف جريمه
يا من على زلّة لسانك تندّمت = ماعاد تنفعك النوايا السليمه
لو ترجع الأيام بك ما تكلّمت = ولا خسرت من الشيَم ربع شيمه
سهّرت لك صاحب على صدمته نمت = أحزنته وفرّحت راعِ النميمه
لوّ انجرحت ومن جروحك تألّمت = ما كنت تطعن صاحبك في صميمه
عذرك تلعثم وانت مثله تلعثمت = والعذر قاصر دون كـُبر الظليمه
يا صاحبي كانك على العذر عزّمت = وش عاد لو تمطر على البحر غيمه
جهلت بي وانا عرفت وتعلّمت = والعاقل اللي صار عقله خصيمه
شحيّت بك واليوم عن رفقتك شمت = خَـلِّك مع ذكرى السنين القديمه
وانا بكلّ اللي تعلّمت سلّمت = إن الحكي ماله ولو طال قيمه
وان كانك بغفران ذنبك توهّمت = عندي على حقران مثلك عزيمه
[/POEM]

نبي للمبدع / فهد بن خميس العتيبي " غشام "

..

(( طوال المشاوير ))

لـ / فهد بن خميس العتيبي



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الله يعدي ليلتي ذي على خيـــر=بعد الهموم لضيقها سلمتـــني


ولقيتني بين الخطا والمعاذير=كتبت نفسي للسنين وقرتنــــي


مابين شرهات الوجيه المسافيـر=واقسى الليال اللي خذت ماعطتني


غضيت عيني عن صروف المقاديــر=ماكنها اللي للعيون فضحتنـــي


دربي طويل ولا حسبت المخــاسير=مدامت ارباح الندم مفقرتـــني


ثنيت رجلي ياطوال المشـــاوير=ماشايلن حمل التعب غير متنــي


كم لي وانا ضامي على جمة البير=لا البير جف ولا الرشا مسقيتنـي


الهم وظروفي عجاج و معـــاصير=من وين ماسوق الرجاء واجهتـني


مخلاب عوزي ماترك للأمــل طيــر=وانياب تاريخ القصى جرحتنـــي


قلطت حلمي عند غبن المدابــير=والمقبلات لجـورها قلطـــــتني


ولا انت ياعم الهوى والغنـادير=نهيت عيني عن سهرك وعصتنــــي


عقبك مقاديري جفتها التباشيـر=واشياء كثيره في حياتي جفتني


اجامل ايام التعب كني بخيـــر=وانا بك سنين الـبطا متعبتـني


شفني لك اسرجت المواجع طوابير=ونصيتها قلبك عقــب ضايقتتــني


واقبلت وجروح الزمن مالها غيـر=وجهك دواء يوم الوجيه انكرتني[/poem]



نريد من قصائد / بدر ناصر العجمي ،

..

قصيدة { بدري عليك الهوى }
للشاعر بدر ناصر العجمي

:: :: ::

:: ::

::


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حـاولت لكن نفذ صبري=بـغير اليوم نظراتي
أن غبت عندي بعد عذري=غـيرك يحب ابتساماتي
والله لا أمسحك من صدري=يـمكن أريح بعد ذاتي
لـشك عديت أنا جسري=راسي وثابت بخطواتي
تـبث الأرصاد لك حصري=أمسلسلٍ عبر شاشاتي
لـتقول بالله يا عمري=لـد النظر في معاناتي
كـبيت حبك ولو تدري=يـلعثم الوقت نبراتي
نـام وتريح وأنا بسري=وأغطي الحزن بإسكاتي
نـهر المحبة ولو يجري=ما شوش اليوم موجاتي
فـضلٍ من الله أنا حبري=نـصير نفسي ولا أحاتي
ذا طبع فيني ترى فطري= ظـافر وعارف مساراتي
صـبرت والصبر ما يبري=ركايز القلب وآهاتي
بـدري عليك الهوى بدري=أرتاح وأكره مجاراتي
ربك حميد أنجبر كسري=تـركت همي وضيقاتي
يـا هيه ريحت أنا فكري=يـكفيني أعيش ما حاتي[/poem]


اختار من ابداع الشاعر سداح

هذه قطره من بحر ابداع سداح

اصعب حدث

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طفح كيل الدليل وكبرت الحجّه على البرهـان=وأنا ثابت وأشاهد والحقيقـه شاهـد إثباتـي

على الفطره ما أحبّ المفتري بالزيف والبهتان= فطرني من يوايق فـوق سيّاتـي وحسناتـي

أدوّر للصراحـه طرقهـا وأكوسـر الألحـان=ولا تقبل تصاريحـي تخـلاّ عـن صراحاتـي

عسى الله يقطع لساني ويتركني بدون لسـان=ليا بالغت في همّـي وفـي واقـع معاناتـي

نشف دم القصيد وذاب مدري شابـت القيفـان= سكن كله عسى تدفـع حركاتـه .. حركاتـي !

أغنّي مع مسيرات الحوادث لين وقتـي شـان= وجاب أصعب حدث وأخطر مسيره من مسيراتي

مصاب ومستصيب وضربة ٍ في معقل الوجدان= وأنا أعلنت الطواري عقب ما نكّسـت راياتـي

على ضيق التّنفس وإنحباس الـدمّ فالشريـان=وزفرات ٍ تـروح ولا تمثنـت خاطـري تآتـي

شهقت وقلت ياربي فنيت وكـل خلقـك فـان= لكنّ أحسن خواتيمي .. وعفوك عـن بداياتـي

أحسب أنّي زناتي في المحبه وأحكـم الميـدان= وأثر ما في المحبه والغرام وحربـه زناتـي !

ألا يا خلّي اللي مـن عرفتـك سيـد الخـلان=ومن ساد الحبايب والقرايـب سيـد ساداتـي

فراقك ولّع بصدري لهيـب وشعلـه ودخـان=وخلّف في ضلوعي قنبلـه تفجيرهـا ذاتـي !

كذا بالشمع الأحمر عن حبيبك تقفـل البيبـان= ولا حتىّ تبي تسمع صـدى نوحـي و وناتـي

ثلاث سنين أردّد ( لا عدمتك ) لين فقدك حـان= وعدمتك آه يا كبر المصاب وما أكثـر آهاتـي

بغيت أبكي وأنا خابر دموعي من ثلاث الـوان= ولا أدري بأيّ لون أهلّ من فرقاك عبراتـي ؟

أحبك ..لا ما أحبك ..لا أحبك .. صبتني بجنان= وأنا أكثر عاشق ٍ عاقل في تاريخ العلاقاتـي !

تقول أنّـك مثبّـت لإتجـاه الحـب ماجـلاّن= تحاصرني وتظهر لـي علـى كـلّ إتجاهاتـي

بقت كلمه وشايلها معـي بسـم الله الرحمـن= ليا منّه سلم منهـا لسانـي تجـرح شفاتـي

عزيز وهيبتي تبقى عزيـزه والذليـل مهـان= حفظت أغلى كنوز الارض في ذمـّة قناعاتـي

ولو نعرض علاقتنا على لجنة حقوق إنسـان= تبي تحكـم عليـك بحكمهـا وتقـرر الآتـي

عليك تعود لي وألاّ عسى ما تنجزي بإحسـان=قريت الفاتحه وأزريـت لا تقـرا التحيّاتـي ! [/poem]

وانا ودي اقرأ شي من ابداع مطلق بن شويه

(( الغرو الفروع ))

**

المشاركة الأصلية كتبت بواسطة مطلق بن شويه

مشاركه للتواصل لا غير ..




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجفول اللي توايق على حدب الضلوع=حوّلت بين الحنايا .. وانا خليتها

تدله بقفر المفالي بقلب ٍ فيه روع =ومن حذرها !! شوف عيني ليا لديتها ..

جازي ٍ ترعى السراجيف وتفز وتفوع=تستذير من الهبايب .. ومن تنهيتها !

إن توارت قلت : لبيه يالغرو الفروع=وإن تعالت قلت : ياعزّها .. ياصيتها !!

الهواويه على بيتها مثل الجموع=كنّهم ( وِرِد ٍ على غب ) .. والماء بيتها

مايطرّون إسمها الا تسابقه الدموع=من عيون ٍ تطلب القرب يابلفيتها

إن باقي من رجاها على تالي السبوع=ساعة ٍ ماينعرف حيّها من ميتها

أفطمتني عن سواها !! وخلتني قنوع=مابعد حبيت لي نفس من حبيتها !!

ياوجودي والوعد ليلة ٍ قبل الربوع=كل ٍ أمساها وأنا ساهر ٍ ما أمسيتها

قلبها نار ٍ تواقد .. وأصابعها شموع=تحتريني في وعدها وأنا ماجيتها

إستماته !! خوف !! رهبه !! ضما !! تشتيت !! جوع=غيرها أشياء لو أعرف إسمها سميتها

الحظيظ اللي تهيّت له الدنيا بـ" طوع "=دلّها قبلي وأنا تهت مادليتها

كل عمري عشت به .. ماعدا ليلة ربوع=إبتدت ياليتها .. وإنتهت ياليتها !![/poem]






وسلامتـــكم ..

عطونا لـلشاعر القدير / غازي المغيليث

قصيده { مرفى القمر والحرير }
للشاعر غازي المغيليث

,, ,, ,,

,, ,,

,,

,
,

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

طاحت سماء الصبر واغتال الفراش الهجيـر=يالله يـا ملتجـى وجـهـي ويامحـزمـي
يطغي على سطح صدري فيض هـم" غزيـر=وانا ادمي قلـب وعيـون وضميـر ادمـي
ان مرني من نسيـم الصبـح نسمـة عبيـر=مريت جرح" زرعنـي فـوق رمـش قلمـي
اصـور النـاس والدنيـا خضـار وغديـر=واصلب دموعي على شرفة دمّـي ولحمـي
واحيان احس ان قلبي قلـب طفـل" صغيـر=يسكن عيوني ويركض فـي فمـي ونسمـي
ومابين دفن الشهيق وبيـن نبـش الزفيـر=يعرض على شاشة افكـاري ذهـب وفحمـي
واشوف نوب التذلـل فـي شمـوخ الكبيـر=واشوف عـزة ملـوك الارض فـي معدمـي
واشوف الاجـرام فالوجـة السفيـر المنيـر=واشوف نظرة براء الاطفـال فـي مجرمـي
والياركض وسط وجهي دمع عيـن الفقيـر=يتمـت مالـي وجاهـي وقدمـي وكـرمـي
وان مدلـي حظـي العـاثـر رمال"وجـيـر=حولـت نفـدة وضلعانـة ذهـب منجـمـي
وغلطان من قال حبـل الكـذب حبل"قصيـر=وغلطان من قال قلب محـب اصـم ابكمـي
والارض لوتؤأمت نيتشـة واداب شكسبيـر=وجابـت وراء التوأميـن الاولـة تـوأمـي
مرت على الجهل واهل الجهل ديمة عصيـر=نهـار" اجـوف وليل"موحـشـن مظلـمـي
صحافـة اليـوم مسنـود وغنـي ووزيـر=اشعـار ماتنبلـع.. وافـكـار ماتهضـمـي
والنود وان فاح فيهـا نفـح جـوري وكيـر=يقـول دمـي عـدا دمــي ودم رحـمـي
الكم فضاءكم نفـاق ومـدح بشـت ومديـر=واليـه فضايـه ياعلـيّ ماخـلا واعدمـي
والكم بلدكـم روافـد سلـب عـزة وخيـر=واليه بـلادي فـداء عمـري وفـدوة دمـي
والكم من الحسد.. مايعقـل مسيـر البعيـر=واليه مـن الحـب ماخـلا الجمـل درهمـي
وان ضاع من بخلكـم مثقـال حبـة شعيـر=ماضـاع مـن مـد يمنايـة كـرم حاتمـي
وان مات الاحساس فى ابن ادم ومات الضمير=لاعاد ترجـي مـن ابـن ادم يكـون ادمـي
خلوني اهيـم فـي وادي وفـي جـم بيـر=وخلوني ابحث عن اجزئـي وعـن معظمـي
ابكي بكاء الغيث واحزن حزن شيخ " ضريـر=وانثر جروحي علـى سكـة جمـر ميسمـي
واللون البحر واضحـك ضحـك طفل"غريـر=واتبـع جـداول خيالاتـي واسـج قـدمـي
خلونـي اكـون للفكـر المناضـل سفـيـر=كم غيـر النـاس بيـت" شـاردا" ملهمـي
وياعايدة .. عايد التشويق ..وضـع خطيـر=ياسيف موسى نصير وسيـف ابـن مكدمـي
الحب علمني اشياء غيـر واحسـاس غيـر=جروحة اجـروح غيـر وبلسمـة بلسمـي
والبعد لو حط قلبـي وسـط قلـب السعيـر=فى وجة سيف الوليـد وخنجـر الحضرمـي
والله مانسـاك يامرفـى القمـر والحـريـر=وانتـي جرائـم سكوتـي وانتفاضـة فمـي [/poem]

اختار من ابداع الشاعر حسين ضيف الله الدوسري

وهذه لشاعرنا / محمد المغيره

( دروب الحب )


/
/





يا ليتني ما عرفت الحب ودروبــــه .
. ولا تولعت في طرد المزايــــــيني

كله من اسباب غرو ٍ زاهي ٍ ثـــوبه .
. اللي خذ القلب من بين الشرايــــيني

أبو جديل اشقر ٍ ياصل لعرقـــــوبه .
. أمغذي ٍ بالشمطري والرياحيـــــني

والعين عين الوحش والعنق مصـبوبة .
. والخد ورد ٍ نبت بين البـــــساتيني

من حبها قمت احس الكبد مقـــلوبة .
. يالله عسى صاحبي ماهوب ناســيني

مكمل ٍ زين خلي روعة اســــلوبه .
. يمين بالله مثله ما رأت عيـــــني

القلب مني توجه ياملا صـــــوبه .
. واصبحت مجنون من عرض المجانيني

محبتي له أبسياته أوبعــــــيوبه .
. أمثبته بالدلايل والبراهـــــــيني

غديت بيديك يالمجمول لعـــــبوبة .
. تلعب ابقلبي مثل لعب الوراعيــــني

العمربعدك قضى والحال منــــكوبة .
. خليتني يا حبيبي بين نــــــاريني

نار المحبة ابقلبي منك مشــــبوبة .
. والحقتها نار فرقا ًدوم تكـــــويني

أنا حبيبي جماله بس عـــــذروبه .
. ما في حلاياه شيءٍ يا عـرب شـيني

يوم ان كل ٍ جمعه الله بمحــــبوبه .
. اليوم يا اهل الهوى وينه وانا ويــني

أفزّ فزة سجين ٍ يقضي عقوبـــــة .
. من دون ذنب ٍ سجن ضمن المساجيـني

يذكر اعياله إلى جاهم وفرحـــوا به .
. أكبرهم اللي بعمره أربع اسنيــــني

هذي حياتي معك يازين مكــــتوبة .
. كتبتها لجل عينك بين سطريـــــني

حلفت عن حب غيره لاعلن التـــوبة .
. واللي حلف لازم انه يوفي الديــــني





نبي .. فايز ابو رجيله

((*** حكاية ذبولي ***))


للمبدع فايز ابو رجيله


ياصاحبي لو مالعطش والمسافـات
ماشفت في وجهي حكايـة ذبولـي
ولاشفتني بيـن المخاليـق بـذات
طفلٍ وضيع منـه وجـهً طفولـي
والليل طال وطالت ابه الحكايـات
عن الخريف اللي بقى من فصولـي
فان كان مالمت المواجع والاهـات
باي حـق تلومنـي فـي نحولـي
هذا سـوال ومالقـي لـه اجابـات
وياليتنـي قلتـه بداعـي فضولـي
والصبر طول بس هيهات هيهـات
الحول حـول الله ولاهـو بحولـي
والجرح عـدا لاتقولـي سلامـات
الله يسامح كل مـن كـان حولـي
صحيح من ذكرى وماضي وقد فات
لكـن يبقـى فالملامـح ذهـولـي
واذا الزمن سولف فمجد وبطـولات
وعن الطعون اللي بغاهـا عذولـي
انا بسولف عن نجـوم السمـاوات
وعن الخطام اللـي موثـق ذلولـي
ومادام قلبي حي وان طحت مامات
انا اعتبر موقفـه موقـف بطولـي
لكنـك اسمـع والعبـر بالنهايـات
وانا باقـول ووقفتـي قـد قولـي
طال وكبر حاقد وحاسـد وشمـات
ماهمـنـي ذولا وذولا وذولـــي
يهمني لن كان راحت ولـن جـات
كم صار بين الناس عرضي وطولي


واعذرونا التنسيق عيا يطلع معي


اختار الشاعر المبدع

حاتم البراك

المشاركة الأصلية كتبت بواسطة حاتم البراك

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]عزّ الله انّي منوّل في رحاب وسعه=مرتاح ، ماجبت للحب ومجاله خبر
حايدت في موقفي لاضدّه ولا معه=والعبره انّي من احداث الحياه أعتبر
لين اعترض من بذر حبّ الهوى وزرعه=في وسط قلبٍ يدبّر فيه ..عبث الدبّر
يلعب بقلبي سوات السلسله باصبعه=كنّه معه صك من صدري ، شبر في شبر
طاغي وباغي وصغر السّن مايمنعه=ويعرف يستهوي العقال من هالكبر
انا اشهد انّه طعنّي طعنةٍ موجعه=من ليل فرقاه وهمومي عليّه زبر
ماغير ادوّر خياله وين هو واتبعه=واحط له فوق مشراف المحبّه سبر
حبل الرّجى حدّ موس الياس مايقطعه=والبعد ، للعاشق المقياس والمختبر
ويمكنّي أصبر ثلاث أيام ولا أربعه=لكن غيبة شهر مانيب ويّا الصبر
امّا يعوّد علي وشملنا يجمعه=ولا ذبحني بهجره مثل ذبح الجبر[/POEM]

عطونا لـ محمد آل عبدان

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا فوادي لا تضـدك صواديـف الدهـور=الصعيبـه قـف لهـا و البسيطـه خلهـا
ما يوقف لا ابتلت كـون رجـال صبـور=كـل مـا زادت عقدهـا يجيـك يحلهـا
الليالي ما عـرف سدهـا كـل مغـرور=إن صفى له بعضها ما صفـى لـه كلهـا
و الرجال أشكال و الله يعلـم بالصـدور=عالـم دق الخفـايـا و يعـلـم جلـهـا
الليالي و إن غزتنـي و جتنـي بالدبـور=ناصيتنـي بالشقـا و السيـوف تسلـهـا
قلت يا الله يـا كريـم بعبـده مـا يبـور=كان نفسي همّلـت يـا إلهـي مـن لهـا
و الله إني من رجال لهم في الضيـق دور=لابـة يـوم الشدايـد يظـلـل ظلـهـا
و و الله إني من رجال لهم في الشور شور=تعتزي لأكبـر مصيبـه و تعـزم ذلهـا
و و الله إن الهم متسيـد قـد لـه شهـور=السرايـر باحهـا و الضمايـر علـهـا
من فقد خوة عريـب مسمّـى و مخبـور=وش دواه وعلتـه فـالضميـر يشلـهـا
يا رفيقي و الجفا بيـن وافيـن الشبـور=عيب و لا العيب فـي جفوتـك يـا قلهـا
فرّق أهل الكير يا صاحبي و أهل البخور=و شوف فرق أصابعك يا فتى و افطن لها
و الله إني خابر ما حصل منـي قصـور=خذ وفا ولاّ الرديه تـرى مـا حـن لهـا
مـا مشـى بالنمّـه إلا ردي و معـثـور=كيف تسمع هـرج نـاس خبيـث دلهـا
من بنى بيت الردى جعل ما هو بمعمـور=قلـت لـه يـا علهـا للهدم يـا علـهـا
و من بغاني له رفيق على الشده جسـور=لا يقصر في حقوقـي لمـا جـاء حلهـا
و هو أجي له شوف عينه بصلفات الأمور=محزمه في يـوم تجفـى الأخلـه خلهـا
الحصان إليـا عثـر لا تهيّبـه العثـور=يعتنز مـن عقبهـا فـي دروبـه كلهـا
و السلام ختام ما داجت أفـلاك البحـور=و الفضـل للـي يغفـر لعبـاده زلـهـا
[/poem]

نبي من إبداع ... (( عبدالله ذويبان )) ..!

.. أسوار القوافي ..

[poem= font="Simplified Arabic,4,black,normal,normal" bkcolor="transparent" bkimage="" border="none,4,blue" type=0 line=0 align=center use=ex num="0,black"]
يقولـون : الـزعـل بــاب التجـافـي = و انـا أقـول : العتـب بـاب التصافـي
اذا صـار الزعـل .. صـار المـفـارق = على عكس العتـب مـن قلـب صافـي
و أنـا مـره قسيـت بـحـق نفـسـي = و كانـت قسوتـي خــوف و تشـافـي
لـذا حاكـمـت نفـسـي .. و بأمـانـه =كتبـت أسمـي .. و سجلـت أعتـرافـي
و من دون أرتبـاك .. أصـدرت حكمـي = بترحيـلـي الــى أقـصـى المنـافـي
رفضـت النقـض .. و انهيـت القضيـه = بـدون أثبـات .. و أعلنـت انصـرافـي
رحلت و ما عرفت أرجـع .. و صـارت = بدايـاتـي هــي نهـايـة مـطـافـي
أخـاف النـاس .. و أجـواء المديـنـه = و أسالـيـب التـوافـق و التـنـافـي
أعيـش و داخلـي .. ذكــرى قديـمـه = عجـزت أمضـي و أخليـهـا اخـلافـي
أنا المذكور و المنسـي .. و أنـا اللـي : = علـى وقتـه ستـار الحـزن .. ضافـي
علـى بـاب السهـر .. مـرت عيونـي = و لا نامـت .. و كـان البـاب غـافـي
بغيـت اسـأل عـن العمـر .. و تعـذر = قيـاس الوقـت الأصلـي .. و الأضافـي
عرفت وجيـه .. و قلـوب .. و ملامـح = مدابيـر .. و مسايـيـر .. و مـلافـي
و لا فاجـأنـي بـجـد .. و صدمـنـي = سـوى انـي مـا لقيـت أنسـان وافـي
تعبـت مـن أكتشـاف جـروح صـدري = و مـن صـدري بكبـره .. و أكتشافـي
ما عاد أبحث .. و لا أستفسر .. و لا أسأل = رصيدي مـن جـروح الوقـت .. كافـي
تبعت الخوف .. و أبعـدت .. و حبسنـي = ورى النسـيـان و أســوار القـوافـي
تفجـر فالضـلـوع الشـعـر .. كـنّـه = من دموعـي و انـا عروقـي مصافـي
طفولـة حلـم .. و الحـلـم أبتسـامـه = تلاشـت .. و أنتهـى الحلـم الخـرافـي
تغيـر كـل شــي .. و مــا تغـيـر = حنـيـن الطـفـل لأزهــار الفيـافـي
كبـرت .. و سـادت الـوحـده بعيـنـي = و زادت حاجـتـي لأحـسـاس دافــي
يتيم أيـام .. و أحسـاس .. و مشاعـر = منامـي الغيـم .. و انفاسـي لحـافـي
و أنا لا زلت أنـا .. مهمـا حصـل لـي = و لـو زاد أنكـسـاري .. و اختـلافـي
أنـا اللـي كـان يقـراء .. اي حـاجـه = عـشـان اتـمـره الليـلـه عـوافـي
و فجاة صرت أحـب الشعـر .. و أقـراء = دواويــن الهـويـدي .. و النصـافـي
و أخيراً .. صرت شاعـر فـي سكوتـي = قصيـدي قلبـي .. و وجهـي غـلافـي [/poem]

نطلب لـ عفاس