[ قصّه قصيره .. / أبو عجايب و الشعر .! ]

أبو عجايب / بطل مسلسلنا .. بإختصار هو :

شاب .. لم يفلح في دراسته .. حيث لم يتجاوز المتوسطة .. ومع ذلك كان يقرأ المجلات دائماً
خصوصاً / مجلة باسم ..ومن ثمّ تطوّر وصار يشتري اليقظه ..

في أحد الأيام ذهب إلى بقالة ( الأحلام ) وهذه البقاله هي ( مركازه هو وأصحابه .. من صلاة العصر لين تجيهم الدوريه .. وتطردهم لبيوتهم نص الليل )

وصل .. ابو عجايب .. ومالقى من اصحابه أحد ..
إستغرب !!
وقال بينه وبين نفسه (أين هم ياترى ) متأثر بمسلسل مكسيكي .!


عندها إلتفت إلى عبدوو بائع البقاله وقال له / وين الشباب .؟
رد عليه عبدوو .. اليوم عندهم مباراة .. وانت ما تحب الكوره يابو عجايب .. وتراهم قالوا اذا جاك .. قلّه : ينتظرنا بعد المغرب .
قال ابو عجاايب .. إيييييه ..
يتركوني لحالي .. وأنا اللي كل يوم أشتري لهم .. ( ديّو ) <<<<< عصير مثل السفن للي مايعرفه

( آخذ ابو عجايب في خاطره على شلّة الأنس .. وشعر ( بجرح المشاعر اللي يقولونه )
( وكأنه .. لإول مره في حياته يحس بالوحده ) وهو اللي طول عمره .. منبوذ من البيت .. و المدرسه ..

.. نوى ابو عجائب .. يسوي قصيده هجاء في شلّته ,, مع أنه ما يحب الشعر .. ولافيه أمل يصير شاعر ..
قال : يا عم عبدوو ..: عطني ورقه وقلم .. ناوي لي على نيّه .! .. في هالناس اللي يجرحون المشاعر .. وهم مايدروون .
العم عبدوو ..غاثّه ابو العجايب ..وجايب له ( الصمرقع ) لدرجة إن ابو العجايب من كثر ما يكرهونه هل الحاره .. صاروا ليا شافوه عند البقاله راحوا لبقالة ثانيه ,.!
قال أجيب لك .. قلم وورقه ( بس إنت إصبر شويه ) إستغرب ابو عجايب .. .. قال ابوووك يالفن .

قعد يكتب ابو العجايب .. أول قصيده في حياته وكان مطلعها :

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
يا اصحابي اللي .. عندي أغلى من الناس = ليه ولماذا تتركوني لحالي
صحيح انا ما اعرف سواليف الإحساس = لكن أحس احيان وأحيان خالي [/poem]

ضبّط القصيده و اكثرها مكسر .. وقال وش رأيك يا عم عبدوو ؟
بدون نفس قال : حلوه
ما صدق ابو عجايب .. وقال قل : قسم
هنا عم عبدو ..وبعد ان اندبلت كبده قال : أنت شاعر لكن عندي لك نصيحه علشان تصير أكبر شاعر .. خذ المجلات هذي اقر فيها عند العمود اللي فآخر الحاره .. وانا متأكد إنّك ما تجي بكره غير مسوي 10 قصائد .. عطاه مجلات المختلف وفواصل وقطوف وليلة خميس و معها كم جريده .. هنا فزّ الشاعر ابو العجايب وأخذ المجلات وراح .. للعمود .. وإنبسط عبدوو من فراق ابو عجايب

قعد ابو عجايب على الرصيف ,, يتصفح المجلات ويناظر فالصور .. يشوف وجهه في كل صوره ويتخيل نفسه
و .. بعد ( ان غرق ابو عجايب في حلمه الوردي ) مادرى الاّ والظلام قد إنسدل عليه .. لإن الشمس غابت والعمود مايولع .. وأصحابه ( ناكرين العشره ) ماجو .. لإنهم بعد المباره كل واحد راح لبيته ..

عندها صابت ابو عجايب ( قشعريرة ) خوف .. لإنه مايحب الظلماء وفي روايه أخرى ( جبان ) جمّع مجلاته .. و هرع إلى منزله .. إستغربت أمّه جيته بدري .. لحقته في غرفته .. تبي تسأل وش فيه .! ..
واليا الولد .. ( داخل جو مع المجلات ) ويوم شافت أمّه المجلات .. قالت بكل ذهوول .. افااااا .. ( وطاح من عينها ولدها ) : يوم إنك تفرّج في صور الحريم ماتستحي ..؟ وكان غلاف وحده من المجلات عليه ( مشعال بسكلاني )
حاول يبرر ابو عجايب .. الوضع ليا مافيه مجال .. حاول يهدي أمّه ويفهمها أن المجلات مجلات شعر وقصيد وسوالف .. قالت .. شعر .. أنت تعرف الشعر .. أنت ما تعرف الاّ ( الدوجه ) في الشوارع ..وهالحين تجمع صور الحريم وتفرج فيها . عندها حسّ ابو عجايب إنّ امه جرحت مشاعره .. وهنا تأكد ابو عجايب إنه الشاعر القادم .. إلى الساحه وبقوه .. أجل يحس مرتين في يوم واحد ..!! .


الحلقه القادمه / سنرى أول خطوات .. ابو عجايب نحو الشهره .!

الحلقة الثانيه
× × × × ×

بعد أن جرحت ( امّه ) مشاعره ( في الحلقه الاولى )
راحت وتركته يتصفح مجلاته . التي لازالت مصرّه على إنها مجلات ( فنانات ) . جلس ابو عجايب .. يناظر صور الشعراء .. ويتخيل نفسه ( انا مدري ليه ما يقرأ القصائد )
شاف صورة شاعر جالس وحاط يده على خده وأعجبته الصوره .. وراح للمرايه وقعد يجرب .. مره يحط يده اليمنى ومره اليسرى ( دخلت أمّه عليه للمره الثانيه وكان عند المرايه ) وعندما رأته ( يتمنظر ) ويسوي حركات .. رفعت يديها للسماء قائلة : ( ياربي لك الحمد والشكر ) .. هالحين من زين وجهك يوم إنك تفرج فيه .. راحت .. من عنده .. وهي ( تتمتم وتبرطم ) بكلمات غير مفهومه ( دابل كبدها ولدها ) ولا فهم من كلامها الاّ : إذإ تبي عشاء تعال والاّ إجلس ناظر في وجهك اللي كأنه وجه ابووك

تحطّم قليلاً ابو عجايب .. لكن وبحكم التعوّد صار ( ماعنده مشكله ) جلس في غرفته .. يتصفح الصور .. قرر ابو عجايب أن تكون الخطوه الأولى في طريق النجوميه هي الصوره .. هنا عقد العزم أن يذهب ( بكره ) إلى المصوّر ( الإستديو ) .

نام ابو عجايب .. غارقاً في أحلام النجوميه .. والشعر .. وصحّا نصّ الليل .. مفجوعاً .. حيث قام فزعاً .. يتلوى من الجوع

تأكد ان للنجاح ضريبه .. ولابد أن يتحمل الجوع في سبيل الوصول إلى النجوميه .!
أكمل نومه .. ولم يكترث بالجوع ( أهب يالصتيمه )
نهض ابو عجايب .. مبكراً وغسل وجهه ولبس أجمل ملابسه .. ويقال أنّه تعطّر . إستغربت امّه مقامه بدري .. وكانت مجهزة الفطور لإبوه .. جاء الشاعر ابو عجايب اللي قرر أن يكون شاعر من هذا اليوم .. وقبّل جبين امّه ... لإول مرّه منذ ست سنوات ..! وحياها ببيت نظمه وهو يلبس ملابسه :

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
صباح أجمل نهار يكون في العالم اذا مريت = وشفت أغلى نساء الكون .. تمشي داخل عيوني [/poem]

ما إستوعبت البيت أمّه ..لإن ابو عجايب بدأ يتفلسف .لكنها تقبلته منه . كيف لا وهو أول بيت يقال فيها

جلس ابو عجايب وتقهوى وافطر .قالت امّه على وين ياوليدي
.. بكل رومانسيه ردّ : طالع مشوار . ما كثرت أمه معه قالت الله يوفقك ويستر عليك ( الشعر يعمل عمايل ) .

طلع ابو عجايب وإتجه للإستديو اللي في الحاره .. يبي يتصور
ضبّط الشخصيه .. وقال للمصور صورني .. ( مادرى ابو عجايب إن الناس تصوّر بالليزر ويلعبون فيها بالفوتوشوب .. على نياته ابن الحلال )
تصوّر وما اعجبته الصوره لإنها ماهي مثل صور المجلات ..خلفيتها ستاره زرقاء والوانها ماهي واضحه .. تهاوش مع المصور .. قال صورتك ماهي زينه .. وجهي طالع فيها أسود و عيوني حمر . تفاجأ المصور .. وقال ياخوي لا تزعجنا هذا انت .. ووجهك وش نسوي بك ..! تشوف المرايه هذيك .. قال : إيه قال رح شف اللي فيها مثل اللي فالصوره والاّ لا .. راح وشاف وجهه مثل الصوره لا ويمكن الصوره أحلى .
قال طيب صورني وانا اناظر يمين والاّ يسار .. قال : ما ينفع لك قال ليه قال فيك ( كوايا ) من يمين ومن يسار .. وكانت رقبته فيها كوايا ..لإنه كان قد أصيب باللوز في صغره

تحطّم ابو عجايب .. ومع ذلك لايزال يعيش انّه النجم القادم .
وقال بينه وبين نفسه معقوله كل الشعّار .. حلوين ( مادرى إنّه لو يشوفهم على الطبيعه تحمد الله على وجهه )
أخذ صورته .. ذات الخلفيه الزرقاء .. ومن ثمّ بدأ يفكر في الخطوه الثانيه .. بعد أن تجاوز المرحله الأولى حسب إعتقاده .


الحلقه القادمه .. سنتابع فيها .. ابو عجايب .. وثاني خطوات ( البحث عن النجوميه )

الحلقة الثالثه

× × × × ×



كانت الخطوه الثانيه ..
كيف اكتب قصيده كامله ... بدأ يسأل ويفكر وش أحسن جو لكتابة القصيده
خرج ابو عجايب من الإستديو .. ومرّ المركاز ( بقالة عبدوو ) .. إستغرب العم عبدو .. وقال وش عندك جاي الصبح ماهي عوايدك .. وبعدين فاقدينك البارح .. عسى ماشر .
بكل هدووؤ وعلى غير العاده . رد ابو عجايب / ياعم عبدوو انا : شاعر تعرف شاعر يعني وش .؟
يعني ( إنسان رومانسي ) لذا رجاء .. لا تكلمني الاّ بهدووء علشان ماتقطع حبل افكاري .. لإني الآن اسوي لي قصيدة .. ضحك عبدو وقال ( تكفى يا سعد علوش ) .
عندها حسّ ابو عجايب إن عبدوو ( يسخر منه ) قال : هين يا ابو يمن .. إن ماشفتني بكره على غلاف مجلاتك هذي لا تسميني عجب العجاب .أخذ له ( علبة ) سفن اب .. وطلع زعلان ابو عجايب .
وقعد ( يهجرس ويهزهز رأسه ) يسوي له قصيده .. وكل من مرّه وهو يمشي .. رفع يدينه وتحمد الله على العافيه .
وصل ابو عجايب للبيت .. وهو يدندن .. ولازالت علبة السفن في يده

دخل غرفته .. وأخذ ورقه وقلم وقعد يكتب البويتات اللي طرت عليه :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
يازماني .. ليه انا واحد لحالي = لا صديق ولا ونيس ولا رفاقه
حتى عبده يازماني .. كان غالي = لين صار .. اليوم ماعند لباقه[/poem]

كمّل القصيده .. وكان موضوعها ( هجاء ) في عبدوو .! ماهو كره لعبدوو لكن يدور له موضوع وصارت من نصيب عبدو .

أخذ المجلات وعناوينها .. وقام يرسل عليها صورته وقصيدته ماخلا مجله ما راسلها
إستمر على هالحال .. اكثر من شهرين كل يوم يرسل ويشتري جريده وكل شهر يرسل للمجلات ولا طلع له شي .
وفقد الأمل ، ولكنّه لم ييأس ( وشلون تجي مدري ) المهم ،، بعد اكثر من اربع شهور .. لقى إسمه وصورته بمساحه 1سم ×2سم في وحده من المجلات ما احد يشوفها الا بتلسكوب.. ومكتوب :
الاخ / ابو عجايب .. نعتذر عن نشر قصيدتك لعدم صلاحياتها للنشر .!

فرح ابوعجايب وشرى من المجله 10 نسخ ( مبسووط صورته طالعة فالمجله ) وزعها على اصحابه .. اللي ضحكوا كلهم عليه الاّ رفيق دربه ( حماد ) .. اللي كان يواسيه دائم .. ويرفع من معنوياته .

قرر ابو عجايب أن يقطع علاقاته مع أصحابه اللي سماهم أصحاب الرخاء .. ويبقيها مع ( حماد ) >> والله ولا علاقات امريكا وطهران


إجتمع هو وحماد لبحث الموضوع بشكل جدي اللي هو ( كيف أصبح نجماً ) وتعاهدا على أن اللي يصير نجم يساعد الثاني .
حماد ماهو شاعر .. لكن ذكي .. وابو عجايب شاعر لكن ( ... )

بعد فشلهم مع المجلات . إتجها للمنتديات ..وهناك بدأ فصل جديد

الحلقه القادمه / سنرى ماذا .. فعل ابو عجايب وحماد .. في ( المنتديات )

الحلقه الرابعه


× × × × ×


سجلا في أحد المنتديات .. وصار ابو عجايب يكتب قصيده لنفسه وقصيده لحمّاد .. ويردون على العالم .. لكن ماصار يرد عليهم أحد لإن قصائدهم يمشي حالها و علاقاتهم متوتره مع العالم .
ولحل هذه المشكله .. حماد .. قال الرأي عندي .. وانا ابوهندي .. وش رأيك نسجل بأسامي ثانيه و ( نطبل لإنفسنا ) وافق ابو عجايب .. وسجلوا ( شوق ) و ( الدلوعه ) وكم إسم رجالي ..
صارت قصائد ابوعجايب وحماد .. يجيها مدح ( غير طبيعي ) من شوق و الدلوعه والأسماء الجديده .. وتحركت قصائدهم ..وقاموا يسرقون قصائد بعضهم في المنتديات الثانيه ، وينوهون عنها في منتداهم الأصلي .. وصار لهم شعبيه ( مفتعله ) في المنتدى وفي أحد الأيام .. بدأت الشهره تلوح لإبو عجايب .. حيث جاءه إضافه على ماسنجره بإسم ( عاشقه ابو عجايب ) .. إنبسط ابو عجايب وعلّم حماد .. وقام ينتظر طلة عاشقته

وبعد أن تسمّر على المسن ( 24 ) ساعه .. تفاجاً بـ عاشقه ابو عجايب تسجيل دخول .
قبل تبدأ في الكلام .. غير نكّه ( ياجمهوري أحبكم لكن خفوا علي ) >>> مايعرفه غير حماد
المهم بدأ يتميلح عندها .. وبدأت المحادثه الآتيه :
- السلام عليكم
- عليكم السلام
- ابو عجايب
- - نعم الشاعر ابو عجايب
- هلا فيك اخوي
- هلا بك اكثر
- انا معجبه بشعرك
- حتى انا معجب بشعري ( يحالو يستخف دمه )
- ههههههههه واو دمك خفيف
- شاعر ورمانسي لازم دمي خفيف
- طيب باي ياعسل وبكره اشوفك

قفلت المسن ( وعاش ابوعجايب جو خاص ) حتى حماد صار مايكلمه ، ونوى يكتب فيها قصيده
قرب الكيبورد وكتب :

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
متى يجي بكره .. واشوفك قدامي = يا أول جماهيري .. وأول محبيني
يافتنة أشواقي .. يا قمّة أحلامي = الشعر لك يكتب مسحوب وهجيني [/poem]

راح فيها ابو عجايب من أول محادثه >>> وشلون لو شافها والاّ كلمها
المهم .. راح ابو عجايب في خبر كان .
غير إسلوبه في المنتدى .. صار مايكتب الاّ بالالوان .. وصار رومانسي وقصائده لازم يقول فيه ( اشتقت ) و ( أحبك ) و ( الورد ) وكل الكلام الناعم
إستمر ابو عجايب وحماد في المنتديات وكل واحد منهم وخاصة الأول .. صار ماسنجره مليان معجبات ..
في أحد الأيام كلمته ( مجنونته ) الآولى .. وقالت أبا أكلمك .. جوال . إنبسط ابو عجايب وعلى طوول كتب الرقم .. دقت عليه وسكرت .. ودق وردت .
كانت الصاعقه على ابوعجايب / مجنونته ( رجل ) يوم كلمة وهو يضحك ( هاهاهاهاهاها ) يابو عجايب يا دلخ / إثقل شوي .. يا ( .... ) .!
وترى إدارة المنتدى .. كاشفةٍ تطبيلك لنفسك يا ( حلو ) هاهاهاهاهاهاهاها
ابو عجايب إنصدم .. وماعاد بهي لحية ( جرح مشاعر ) اللي تعوّد عليها .. هذي صفعة على الوجه .
حسّ ابو عجايب إنه فقد بريقه في المنتدى .. هذا
وأتفق هو وحماد .. ومعهم كم واحد ( إمّعه ) على ترك المنتدى وتأسيس منتدى ثاني .. يكون له
فيه الكلمة الأولى .. أسسوا منتداهم .. وكانوا يعتقدون إنّه يبي يضرب كل المنتديات .. صارت بدايته متعثره .. وجاك ( مستشار الفلس ) حمّاد .. وقال .. إخذ الرأي .. قال .. تم .. لكن وش هو .. قال .. خل الأشراف كله أسماء نسائيه .. وصورهن الرمزيه .. أحلى الصور .. وشف ( المخفّات ) وش يسوون ..
فعلاً نجحت الخطه .. وصار كل عضو .. يفرح إذا ردّت عليه ( بنت ) وقالت شرفت الدار .. وأرسلت له ورد .. ورساله خاصه .. فيها اسعدني تواجدك .. واضفني ماسنجر .. صار كل عضو مضاف عند مشرفه .. والمشرفات .. هن ( ابو عجايب ) وحماد ضحكوا على الناس .. وحركوا منتداهم .. كم شهر .. وآخرتها .. إنسحبوا الناس من عندهم .. لإنهم إكتشفوا إنهم .. دايخين .
وبقى ابو عجايب وحماد .. واسماءهم .. المفبركه .. ثم إكتبوا على المنتدى .. ( للتقبيل )

هجر المنتديات ابو عجايب .. ومع ذلك لازال يبحث عن النجوميه .



الحلقة القادمه .. يتجه ابو عجايب للأمسيات .. لكن هل ينجح ..!؟

الحلقة الخامسة

× × × × ×


إتفق هو .. وحماد على .. إنهم يسجلون في ( مكاتب الشعر ) شعراء أمسيات ..
سجلوا / جاءهم .. أول عرض إقامة أمسيه ( في حفله خاصه ) إستأجر جيب .. هووخويه .. وراحوا للحفل.. كل واحد يحمل ملفه ( كأنهم رايحين يحققون في قضيه )

.. إستقبلهم راعي الحفل .. ياهلا بالشعار .. تقهوو .. ثم بدأت الأمسيه
ابو عجايب .. وحماد متفقين على قصائدهم
هذا يوجه لهذا ..وهذا يرد
بدأت الأمسيه .. وبدأ الهياط ..
كانت البداية عند .. حماد .. اللي قبل يبدأ بدأ .. يرّفع با ابو عجايب .. قال /
قبل أن ابتدي أمسيتنا هذه .. لا أستطيع أن اصف مدى سعادتي بالجلوس على طاوله واحده مع إستاذي القدير ابو عجايب .. وووو كل كلامه ( مدح في ابو عجايب ) حتى ما بارك للعريس ولا شكر اهل الحفل


بدأ في قصيدته ثم إنتقل المايك لابو عجايب .. اللي بدأ بالشكر والتقدير ( ماهو لإصحاب الحفل ) لرفيقه حماد .. وقال انّه أخجلني بكلماته ( ابوك يالتواضع )
إستمرت الأمسيه.. وكانت قصائدهم ( هياط × هياط ) هذا يسند على الثاني ويمدحه وهذا يرد عليه بمدح وقصائد مدح في قبائلهم ... وحركات بهلوانيه .. وشيلات وهم أصواتهم ( نشاز )
إستمرت الأمسيه لين قال ابوعجايب في أحد قصائده :

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
الشعر لو ماله مع الناس غيري = اكفيه عن سكان شبه الجزيره
والله لأنسيكم قصيد السديري = وقصائد الشعار من كل ديره [/poem]

إلى آخرها .. وكلها مدح في نفسه
عندها طفح كيل ( صاحب الحفل ) اللي قفّل المقرفونات .. وراح للمنصه قال :
انتم جايين تمدحون أنفسكم عندنا .. والاّ وش سالفتكم ... قم أنت وأياه .. قمّ
طردهم .. صاحب الحفل ( وبيني وبينكم يستاهلون )
ركبوا جيبهم .. وخذوا ملفاتهم .. وجاءوا يدربون رووسهم

في الطريق .. بدأو يفكرون في خطوه توصلهم للجمهور ..
جابها المستشار . حماد وقال اقصر طريق .. ندفع فلوس .. ونسجل فيديو كليب ونعرضه فالقنوات ..
إنبسط ابو عجايب .. وعاشوا الدور قبل التنفيذ ..

في صبيحة اليوم التالي .. راحوا لشركات الإنتاج يبا يصورون ..فيديو كليب
كل واحد جهّز له قصيده .. ولبسوا أحسن ملابسهم .. وراحوا للمؤسسه ، قابلهم مدير الإنتاج .. إتفق معهم على مبلغ محترم وقال أنت يا بوعقايب .. حتعمل خبطه في السوق .. صدّق ابو عقايب .. وقعد يناظر في حماد بنص عين
كانت قصيدة ابوعجايب .. تقول :

[poem=font="Simplified Arabic,4,green,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
أعد النجوم .. اللي سرت تالي الليل ..= . وانا والهجوس .. ننادم الليل والشوق . [/poem]

جاء المخرج ..وآخذ قصيدة ابو عجايب .. وقال : ( عندي حتتة فكره إنما أيه ) إستانس .. ابو عجايب .. وقال مواافق .. بس بسرعه ابي اصور اليوم .
آخذهم المصري .. ووداهم الثمامه .. الساعه 2 الظهر لإنه بعد العصر ..عنده تصوير في المؤسسه .
قال لإبوعجايب .. تشوف الطعس هذاك .. قال إيه .. قال .. إجلس في رأسه . وحاول تلعب بالرمل . ودق اللطمه .. علشان يصير تصويرك رومانسي . ولو تلبس نظاره شمسيه .. يكون أفضل سوا المطلوب ابو عجايب .. بحذافيره ( شاطر المره هذي )
خذوا الفلوس .. وعطوا ابوعجايب السيدي ..اللي كان مبسوووط مررره
وصل البيت ..ونادى أمه .. يبيها تشوفه . .
جت أمّه .. ونادت ابوه .. وإخوانه تعالوا شوفوا ابو عجايب فالتلفزون ..
شغّل السي دي .. وقعدوا يتفرجون .
ابوعجايب في رأس الطعس .. ما ينشاف الاّ بناظور ..وجالس يحرث الرمل .. لا وداق اللطمه قالت امّه .. هذاااااك أنت .. رد بفرح إيه . قالت : وعلامك رايح بعيد ومتلطم .. من يقول إنّه أنت .. قال إسمعي صوتي .. سمعت صوته يقول : جالس فالليل أعد النجوم .. قالت .. هالحين النجوم اللي تعدّها .. التراب اللي تحفره ( صارت أرشد منه أمّه )
قال : هاه >>>> علامة إستهبال .!

حمّاد .. إخذه المصري .. في حدى هالادويه .. وقال إمش من أول الشعيب ليا آخره .. لاتجلس ولازم ( تحرك ) إيديك .. يوم إنتصفت القصيده ( طاح مغشي عليه ) من ضربة الشمس .
[overline]وترك السي دي عندهم . وإعتزل الشعر[/overline]

الحلقه القادمه سنعرف فيها قصّة ابو عجايب .. مع القنوات الفضائيه .!

الحلقه السادسه



× × × × ×




ابو عجايب / راح للقنوات .. يبي يعرض الفيديو كليب فيها .. كل قناه صرّفته غير قناة ( ماهب ودب الشعبيه ) قالوا ياهلا .
هات فلوسك ونحن قناة العالم الواحد

جلس .. عند السكرتاريه .. وحصّل له ..اربعة ( مطاوعه ) كل واحد ماشاء الله .. مشخص بالبشت .. ومن باب اللقافه .. سألهم :
وش عندكم يا ( قصار الثياب ويا طوال اللحى ) .. شعّار .. .؟
رد عليه واحد .. وقال / ألم تقرأ حفظك الله .. الإعلان الذي .. على الباب ( يتكلم بالفصحى .. على باله إن الواحد مايصير شيخ الاّ اذا تكلم فصحى )
ابو عجايب .. دخل جوّ وتذكرمسلسل ابو جعفر المنصور .. قال / كلاّ أيها الشيخ الجليل ولكن ماذا به .. ثكلتك أمّك .!
قال الشيخ الليمتد : مكتوب حفظك الله / مطلوب للعمل في شهر رمضان المبارك .. شيخ .. حسن المظهر .. وذو سمات دينيه .!!
عندها .. أطلق ابو العجايب .. ضحكته الشهيره اللي من يوم صار شاعر ما قالها
قال إيه ... وأنا أشوف كل يوم شيخ .. جديد ..لا ويفتي .. ابوووك يا الدنيا .
الله يرحم ابن باز وابن عثيمين .

ولقى له .. شاب قصير القامه .. معه ( كرتون أشرطه ) إستغرب ابو عجايب .. قال .. : هالحين هذي كلها قصائدك .. ضحك الشاب القصير .. وقال .. لا هذي أشرطة محاوره .. شريتها من الحراج .. وجيت أبيعها على الدلوخ اللي هنا ..
قال وشلون تبيعها .. قال .. القناه هذي تبث أي شي .. حتى لو تصوّر بجوالك مقطع فيديو .. عرضوه .. ماعليهم منه صافي والاّ لا .. ومايهمهم المضمون .. وحتى مايشوفون اللي فيه الاّ بعد العرض .. لا وأحياناً يكتبون الخلل من المصدر .. على بالهم بثّ مباشر
فتح فمه ابو عجايب .. وقال / معقوووووله .!
قال إيه معقوله ونص .. لكن أنت وش عندك .. قال مصوّر فيديوك كليب .. مكلفني في شركة الإنتاج .. 8000 ريال .. قال .. لو دريت عنك .. صورتك بكاميرا فيديو عندي .. وبلاش .. وبعتك على القناه .
قال يعطوني فلوس .! والاّ يأخذون .. ؟
قال يعطون .. الذكي لكن الدلخ يأخذون منه فلوس .. ويتمننون عليه بعد .!
ماصدّقه ابو عجايب .. وراح لمسؤلي البرامج .. وعطاهم الفيديو وطلبوا منه مبلغ .. مقابل عرضه .. قال أنا اللي ابيكم تشترون ..العمل مني .. وتعرضونه في قناتكم
ردوا عليه .. ( لا يكثر ) >>>> يعني إسكت .
عطاهم ابو عجايب الفلوس .. ومعها ( حبّة خشم )
عرضوا فيديو كليبه .. وكان فرحاً ومسروراً .. ليا جاءت قصيدته .. أحرق الشات .. ابوعجايب يا معجبهم يا كايدهم يا أحسن شاعر يا نجم .
وكل يوم .. وهو يطلب قصيدته .. ويراسلهم بأكثر من إسم ، ويعطي نفسه .. ألقاب مرّه إلإمبراطور ..ومره الهيلع ومرّه العجيب

لا وصار يطالب القناه .. بإجراء لقاء .. مع الشاعر الكبير ابو عجايب .

يوم من الأيام / راح يتمشى فالسوق .. صار يطالع فالناس ويبتسم .. ويهز رأسه لكل من يمره .. مره بنت إبتسم لها وهز رأسه كالعاده ( على باله إنها تعرفها لإنه طلع فالتلفزون ) . قالت : وجع يا شاعر المليون .. إبتسم ابو عجايب .. قالت شاعر يعني تعرفني .. راح يلاحقها .. يبي يسألها وين شافته .. قال اقول.. ( طسّ ) >>>> عرف فيما بعد إن كل بدوي صار يسمى عند البنات شاعر المليون ..
ابلشها ابو عجايب ..! ونادت إبوها .. اللي جاء ومسك ابو عجايب بتلابيبه ( ومردغه ) .
رجع ابو عجايب / لحماد .. اللي قرر يعتزل الشعر بعد فيديو كليبه اللي صوره .

وإشتكى كعادته .. كيف أصبح حديث المجالس .. وفارس أحلام نص المجتمع


الحلقه القادمه .. أصبح مشهوراً .. ولكن ....!

الحلقه السابعه

× × × × ×




كعادته .. طرح ابو عجايب شكواه المعتاده على حمّاد :.. يا حماد .. ما أحد يعرفني .. وش السواة .
كان حماد ..منسدح تحت التلفزون .. وحاط رجل على رجل .. يشاهد مسلسل ( سنوات الضياع ) ورايح شوربه مع فنانة فيه مدري وش إسمها

لم يرد .. حمّاد على ابو عجايب
عندها .. نادى مره ثانيه .. حمّاد جعلك ( للصمخ ) وش السواه ..؟
جلس حماد .. بعد أن خرّب عليه ( عاشق الشهره ) وحدته .!
وإلتفت إليه وقال
/ تدري عاد .. / تعرف الأماكن ..؟
قال : الأماكن . إيه أغنية محمد عبده ..
قال ممتاز .. أجل قل أنك شاعرها .. وكاتبها .. عام 95 م ..واليوم سرقها ( الشادي )
إطلع فالجريده ووجه له الكلام هذا .. وقله : يخاف الله .. يسرق تعبك ,, ومجهودك ..!

أعجبت.. ابو عجايب الفكره .. وقال صح .. انا كاتبها ( صدّق )

حتى بالماريّه .. كاتبها في ( بنت جيراننا ) يوم شدو .. من شقتهم اللي جنب شقتنا ..
صرت أقولها كل ما أطلع مع الدرج .. وأمرّ باب شقتهم .!

ابو عجايب .. لإستعجاله .. لم ينتظر إلى الغد .. وراح ( دايركت ) للجريده ..اللي يعرف فيها صحفي .. وقال السالفه كذا وكذا .. وش رأيك .. تسوون معي لقاء .
وابا اقولكم كل شي .. حتى إن (كلمات صدفه) مشتريها .. من .. حماد .
المراسل نقل الخبر .. لمدير التحرير .. اللي رد عليه : لا ياشيخ .. قدييييييمه
سلم لي عليه ثم .. قلّه غيرك أشطر يا شاطر .. لكن لا أشوفه في الجريده ثم أطردك معه .. مابقى الاّ حبيبنا ( الشادي ) يسرق .. ويشتري .. نااوي تقطع إعلاناتنا أنت وشاعر الغفله ابو عجايب ..!
رجع المراسل .. وقال لإبو عجايب الكلام .. وهز رأسه وقال ( حسبي الله عليك يا حماد )

رجع لحمّاد.. وقال .. ( حاول مرة أخرى وشكراً )

قال . عندي حل ثاني / تعرف ولد عمّك الشاعر .. الجماهيري ( مرزوق ) قال إيه .. قال رح لإي قناه وقل .. أنا اللي أكتب له .. وأتحداه .. يقابلني .. وينكر الشي هذا .!
لا .. وقل أعرف اللي يكتبون له .. واحد واحد .. والآن تنكر لنا وصار مايشوفنا شي .

راح ابو عجايب للقناه الشعبيه .. وماصدقوا يجيهم واحد .. لإنهم فاضيين ماعندهم لا مذيعين ولا برامج ,, غير برامجهم يعيدونها .. لهم سنتين . واكثرها سباق نياق .. ومسلسل بدوي .. من عام ( الف واربعميه وخشبه )

سوا معه المذيع اللي يعمل مدير ومراسل ..لقاء ,, وإشترط عليه أنّه يهاجم كل البرامج والقنوات .. ويحدد بالأسماء .. لا يصير دبلوماسي ( ابو عجايب ) نوى يبيعها .. ماعاد عنده شي يخسره . تهجّم و ذكر أسماء .. وتحدى
والمذيع كل شي .. يقول .. ترى هذي وجهة نظر ابو عجايب .. نحترم الأشخاص ونكن لهم التقدير ( وهو متعهد على ابو عجايب الدلخ إنّه يشرشح العالم كله .!)
تكلم .. ابو عجايب .. وماخلى في صدره شي .. كل ماقالوا وش رأيك في الشاعر فلان .. قال إفلقني ياشيخ .. إذا هو شاعر .
ركزّ الخبل على ولد عمّه .. اللي ماجاه منه شي .. صار يتكلم عنه كأنه عدو .
قال المذيع شارك في أمسيات .. وأبدع .. قال كلها واسطات .. والاّ أنا أحسن منه
والدليل .. قصائده .. كلها أنا اللي كاتبها .
لكن .. لإني ما أحب الإعلام .. والشهره .. قررت إني أعطيها إبن عمي .. لإنه ( مسكين ) يبحث عن الأضواء .
لكن .. سلموا لي عليه .. وقولوا ..له .. أنا اللي وصلته للنجوميّه .. المزيفه .
شتم ابو عجايب .. وطالب المسؤلين بالتدخل .. في تنحية مرزوق عن كرسي الشهره .. لإنه لا يستحقها . وإنها عرشه المسروق .

وقامت القناه تعيد اللقاء كل يوم ..ومع ذلك ما حصل ابو عجايب غير ( بردة الوجه ) كرهته قبيلته .. وصار ما أحد يعرفه غير بـ المهبول .!
إشتهر لكن .. شهرة ( فضيحه ) كل ما مر له ناس يعرفونه قالوا .. شوفوا المهبول شوفوا الدلخ

بدأ يصيب ابو عجايب ( خفقان ) وهرقله .. وهستره .. ( أمراض العصر )
وصار يستخدم ( مهدئات ) يقول إنها مسموح بها دولياً ..! والله أعلم .

ابو عجايب / صار .. ( مهستر رسمي ) حتى الأطفال إذا شافوه قالوا .. المهبول جاء

المهبول .. ابو عجايب ..بعد الهبال .. صار (( نجم جماهيري محبوب )) .. لكن كيف سيكون ذلك في الحلقه القادمه .!

الحلقه الآخيره

× × × × × ×



والآن بعدأن وصلنا إلى آخر حلقه ..
كيف كانت نهاية ابو عجايب ..



بعد أن طفح الكيل بابوعجايب .. جته فرصه من ذهب .. وإستغلها ولد عجاب ..

ففي أحد الأيام مضى يمشي في شوارع الرياض بعد أن إنهبل .. ومسح عقله الاّ حاجة بسيطه .. توصله البيت .!

حيث عرفنا في الحلقه السابقه ( لمن لم يتابعنا ) تكفى يا باب الحاره
أن ابو عجايب .. إنهبل لإنه ( تهجم في إحدى القنوات على إبن عمه ) وسموه الناس المهبول ..وصار مهبول .
عوده إلى محور حديثنا .. قام يسحب ( كراعينه ) ويلفلف حول الفيصليه والمملكه .. ويقول بينه وبين نفسه .. إن شاء الله ما أسكن فيها .. لإنه لو أسكن فالدور الأخير .. وتقضي ( إسطوانة الغاز ) تبهذلني ..لالا ماتصلح لي الأبراج هذي .!

وبينما هو يتسكع .. وجد زحمه .. وفوضى .. ودخل مع الناس .. مايدري وش فيه .. يحسب إنه توزيع صدقات يوم وصله الدور .. واذا هو وسط لجنة مسابقة جائزتها ملايين .
دخلوه .. وقالوا إكتب إسمك .. وجهزّ قصيدتك .. ابو عجايب .. كتب إسمه .. وكتب قصيده من قصائده القديمه .

ودخل على اللجنه .. وعرّف بإسمه .. وقعد يستهبل .(وهو مهبول رسمي ).بيت يوقف معه والثاني يجلس .. والصوت مره يرفعه ومره يغني ومره .. يسولف . أعجبتهم حركاته .. وحضوره ( المهبول ) وضمّوه مع قائمة الـ 48 .وماصدق ابو عجايب .. !

وبعدها .. بدأ .. يشغل ما تبقى من عقله .. لإنه ( عرف ) أن الشهره والنجوميه هنا .. وقعد يخطط مع مستشاره الفذّ : حماد .. اللي خطط له ( خطّه ) ماتخرش الميّه .!
قال حماد : دقيقه .. دقيقه .. ابا اجيب لك قصيده تصلح للجنه .. وفتحوا النت .. وقاموا يقرون في الأدب الأندلسي .. وأخذوا قصيدة شاعر ما أحد يعرفه إسمه .. النابلسي ..وسرقوها
قصيدة النابلسي .. كان مطلعها /

سرينا من التوفيق فوق نجائب=إلى أن دخلنا في ديار الحبائب
وقرت عيوني بالعيون التي رنت=إلي بأحداق كمثل القواضب

وكان مطلع ابو عجايب :

سرينا من الديره على اربع نجايب = سرينا وجينا اليوم دار الحبايب
وقرّت عيوني .. بالعيون الجميله = عيون تناظرني وانا ابو عجايب

صراحه كانت قصيدته .. (مرستكه ) ولاطشٍ قصيدة النابلسي كلها



في موعد حلقته .. .. بدأ يستلج .. ويسخن .. راح ( يلف ) الفندق .. جناح جناح .!
وتناول .. حبتين ( بنادول ) طبعاً
دخل المسرح .. وصفّق الجمهور .. وعند باب المسرح .. يوم شاف الجمهور نزّل شماغه .. وصار يلوّح بها .. ويصيح ..وصار مشهد ( مؤثر ) ابوعجايب يصيح والجمهور يضحك .. وابو عجايب يصفق والجمهور .. يصايح .. ابو عجايب .. يضحك والجمهور .. ينادي .. والشماغ الله يخلف . من الطنخه رماها على الجمهور جلس على الكرسي البرتقالي .. وقبل أن يمسي الجمهور بالخير .. قعد يغني .. والله واحشني مووت ..!( وش مناسبتها مدري )
بدأت مشاركته .. وأعجبت اللجنه .. لإنها مسروقه .. ومادروا عنها .
ابو عجايب أثناء كلام اللجنه .. إستخدم بقيّه عقله .. وصار يقف .. يعنني أحترمكم
إنتهت مشاركته .. وقبل يطلع .. قعد يقول .. اشكر كل من صوت لي .. من قبيلتي ومن القبايل الآخرى .. مادرى الدلخ إن الحلقه .. الآولى بدون تصويت
إستهبل مع الجمهور .. شوي وودع بكل ضحك وهستره .!
بعد إنتهاء مشاركته .. أجراء معه المذيع .. لقاء سريع .. كان ابو عجايب مرتبك .. وقال .. اقول :
لاتسميني ابو عجايب إذا .. ما أخذت الكأس .. وسلموا لي على .. كل الشعار ..وخلوهم يستريحون ..
ابوعجايب .. كسب شهره عريضه .. وطلع مع أول جوله .

صار إسم ابو عجايب معروف على كل لسان ..وصارت شعبيته طاغيه .
لقاءات .. في كل القنوات .. والمجلات .. وأمسيات بعشرات الألوف
حتى يقولون .. قنوات الفضاء .. سوت معه عقد إحتراف .. بحيث إنها تكون راعي رسمي لكافة أمسياته . ودوواينه .
إنفتح باب رزق ابو عجايب أخيراً .. لكن .. بعد ماصار مهبول .
وقام بتأليف كتاب .. عن حياته ( تكفى يا نيلسون مانديلا )
إختصره كل بجمله واحده .. وهي : (( إذا أردت أن تصبح مشهوراً .. يجب أن تكون مهبولاً ))


حمّاد من جهته .. راح لمواقع النت .. ولصفحات الجرايد وكشف سرقة ابو عجايب .. للشاعر الأندلسي .. النابلسي وصار ناقد خطير وكل الناس عرفته .!


ولازال .. ابو عجايب .. ( محبوب الجماهير ) لإنه ممثل كوميديا .. وشعبنا .. مسكين .. يفتقد للمسرحيات .. الكوميديه .. لذا من أراد الضحك .. ماله الاّ ابو عجايب
ومع إن الضحك كله على هبالته .. لكنّه مبسوط .. وطايرٍ فالعجّه .




ختاماً /

لم يكن هذا المسلسل .. بإعداد مسبق .. فقد كان مسلسل ( كيبوردي ) أعتذر من الجميع .. ولم يكن لدي الرغبه في .. وضعه هنا .. الاّ بعد .. إلحاح .. البعض .
واشكر كل من ضيّع من وقته الثمين .. دقائق للحضور هنا ..

ابك العلم وشنهو يابو وليد

..

الحلقات الفارغه .. وش .. علمها


ابو العجايب وش صار عليه

ياكثر اباء العجايب في وقتنا يا ناصر

اتوقع ان احساسه مايخيب ويصبح احد نجوم الساحه

والله اعلم

بانتظار بقية الحلقات يا ابو وليد بارك الله فيك

المشاركة الأصلية كتبت بواسطة محمد السواط

ابك العلم وشنهو يابو وليد

..

الحلقات الفارغه .. وش .. علمها


ابو العجايب وش صار عليه

اصبر على رزقك

يالقفك ياذالادمي

<<<<<< يعني ما تلقّفت

:
:
ابووليد حلقات مثيرة بالذات الحلقات الأخيرة .. !!
< -- فاتح فمي وأنتظر الحلقة (( التاسعة )) .. !!





بأنتظااااااااااااااااااااااااارك .. !!

المشاركة الأصلية كتبت بواسطة عبدالرحمن حمد العتيبي

:
:
ابووليد حلقات مثيرة بالذات الحلقات الأخيرة .. !!
< -- فاتح فمي وأنتظر الحلقة (( التاسعة )) .. !!





بأنتظااااااااااااااااااااااااارك .. !!

سكرنا (( الفم )) .. !! لعدم (( التفرغ )) .. !!
< -- أجمل شي تذب على نفسك .. !!

المشاركة الأصلية كتبت بواسطة عبداللطيف الغامدي

اصبر على رزقك

يالقفك ياذالادمي

<<<<<< يعني ما تلقّفت

^
^
^

هذي الحلقة التاسعة


ههههههههههههههه كل عام وأنت بخير يابو راكان

وقال بينه وبين نفسه (أين هم ياترى ) متأثر بمسلسل
مكسيكي .!


اهب يابو عجايب




يابو ترحيب شكلنا ريضين المسلسلات المكسيكيه 200 حلقه

الظاهر الحلقات لحقة المسلسل الممنوع ( الطريق الى كابل )

ابو وليد


متااابع

ابك اركدوا ، اركدوا،

الحلقات كل يوم وحده ، ليش الاستعجال ؟؟

يعني تقدرون تقرون تسع حلقات في لالةٍ وحده ؟؟؟



<- جاك الفاهم




حي الله اخونا القاصّ أبو وليد !


متــاااااااااااااااااااابع
إن شاء الله

والله الموضوع كله عجايب

يا ناصر تراحيب الله يعطيك العافيه

ياسلام سلم

يابو وليد بس المسلسل متى يعاد

متابعين ابو العجايب ومتابعين ابداعك


تحياتي لك

..

هالحين حنا ناقصين مسلسلات فالتلفزون عشان تجي و تكمل الناقص في المرقاب؟؟؟

الله يزّاك خار يا ابو وليد بس...

و لازلنا في انتظار بقية حلقات البصل اقصد حلقات ابو العجايب...


كل عام و انت بخير حبيب قلبي ابو وليد....


محبكم و مغليكم

شفق اللندني<< غيّرنا التابعيه

ناصر تراحيب





سطور مرحة

وخفة ظل واضحة

وضرب على الوتر الحساس ولكن على خفيف

لكي لا تجرح مشاعر امثال ابو العجايب







متابعين

المشاركة الأصلية كتبت بواسطة محمد السواط

ابك العلم وشنهو يابو وليد

..

الحلقات الفارغه .. وش .. علمها


ابو العجايب وش صار عليه

ابو العجايب آخر حلقه يبا ينتحر بس لاتعلّم أحد