تفتح البيبان وتهز الدرائش

[align=center]السلام عليكم ورحمة الله وبركاته
من الارشيف احضرت لكم
مراسله قديمه مع الشاعر الكبير مفرح عبدالله ابن بداح
أمل ان تحوز على رضاكم واستحسانكم ودمتم بخير[/align]
[poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
من هواجيسٍٍ على المعنى عطشها=يوم احصل من وفاء الكلمه نوايش
تشتهي شهوة رضيع الديد واشها=دام في المنهج من المعنى عرايش
كن فوح الذاكره مما دهشها=فوح قدرٍ فوق صلو النار غايش
يوم كلف هاجسي جمعة طششها=رغبتي في مخةٍ وسط المشايش
أخر المنتاج لبست مرتعشها=صاغها لبس المعاضد والغوايش
ما يريح الفكر لامنه رقشها=لين يبطش بالجميله بطش طايش
يا مخلي صعبة الارياء هششها=بسمكم يا مفرح ابن بداح شايش
لو يلمس خدها غيرك خدشها=حرةٍ ماهيب تخضع للكدايش
مقصدي ما جات للغشّام مشها=وكم بحر شعراً بعذب النظم جايش
جابها حظٍ كسبها ماكدشها=وانت حظك للكلام الزين حايش
يا مفرح قصةٍ يبلش بلشها=شايفاً شوف الهوايل والفتايش
من سمع صوت الجنازه في نعشها=حالةٍ منها سليم الفكر دايش
هالني يوم اقبلت واسمع وقشها=تفتح البيبان وتهز الدرايش
قال يا حلاّق روس الناس نشها=قلت نشها واما انا ماني بنايش
لن بعض الناس صيدة من كفشها=جاهلٍ مغرور وعظامه هشايش
شوكةٍ ماهيب تتعب من نقشها=مير اناماني بادور ل اللبايش
جزت من ناسٍ مربيتٍ اشوشها=لابسيناً للمشاكل لبس قايش
القلوب السود ما يبراء غششها=من مدورة النشب شفنا البلايش
مروحة بقعاء محركةٍ اريشها=ما يعيش الاّ المراوي والمرايش
اقلب الصخره ولا تامن حنشها=دام راس الداب تحت الصخر عايش[/poem]


[align=center][size=5]وهذا رد الشاعر الكبير / مفرح عبدالله ابن بداح[/[/align]size]


[poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
من هواجيسٍ تسر اللى نبشها=صرفها مثل الذهب مابه غشايش
تنتعش لامن راعيها نعشها=بالكلام الزين ماهوب البكايش
يا هجوسي حضر افكارك وحشها=واظمن الكبوت والاّ اللعب كايش
القوافي كلها علي اقترشها=ما تبقى غير صلفاتٍ خشايش
ترجم القصه وبرمجها وعشها=ولم شمل المستذيرات الخرايش
والتحف باقواء دروعك وافترشها=لاقتحام اسوار تفكيك الكمايش
المطاريش البعيده من طرشها=ايتعرض للمعاسر والعتايش
يا علي وش هالكلام الزين وشها=البيوت اللى زهن بيض القمايش
صغتها صوغ الذهب في افخم ورشها=وانقشت لك فوق زينات النقايش
والتكلف يا على زود وششها=من يمين ومن يسار ابها وشايش
مير مهما صار فيها مامخشها=الجميله ما تبين بها المخايش
الهنوف الفاتنه لا ابدت بششها=تسحر العشاق وتشب الهوايش
درةٍ ما كل غطاش يغطشها=ما تلد العين في راع الغطايش
دارها علي بمهاره ما ربشها=وطلعت كالمسك في وسط الغرايش
يا علي خل الفقاراء في اعشها=لا يهمونك مجمعة القشايش
الخبول اللى مصررةٍ بقشها=ما بها غير الدوادي والمتايش
اترك الجرباء ولا تطلا وقشها=عمر ابوها ما تطيب من الوقايش
وان بلشت ابها اخذ رشاشك ورشها=وابطش بمن يستقون البطايش
العيون الطمش معروفٍ طمشها=لو تغطيها كثيفات الرمايش
والحقيقه عشرها غير احد عشها=ما يزود نقصها مرشي ورايش[/poem]


[align=center]وسلامتكم[/align]