إيـــقاعُ نــَبض ..!

على بعد الطريق وضيقة الخاطروسقم الكسر
تعبت و لا بقى فـي داخلي صبرٍ يقدّينـي

أحبك والسنين أقسى من الغربة ورمح العسر
ومهما طالتْ الطرقـة يجي لك يوم تلقينـي

انا ماأنكر غرامك / والمحبّة لو بنتْ لك جسر
اخاف ان المنايـا تهْدمـه ما بينك و بينـي

تعلمنا من الدنيـا بعد عسـر الليالي يسـر
تضيق وتنّفرج واللي بقى منها العناويني

مادام ان الخفوق اللي يجلّك في لقانا خسر
خلاص ارحـل فمان الله يا جـرح ٍ معنينـي

وشلون ما أذكرك وانتي اول أحلامي
يا حلمـي اللـي بعمـري مـا تناسيتـه

ان اشهد اني بعـد فرقاك منضامي
تعبـت مـن غيـبـتـك و الصبــر ملّيتـه

لا شفت وضع الشام حرّمت نومي
هو فيه مسلم ما طلب نصرة الشام

.
.
.

@M_morqi

هذا حسابي الوحيد على تويتر

اخالف المملكة وانهج سياستها
لو الضرايب جسام ووضعنا خارب

انا ما احمّل خطا الدوله رئاستها
لا والله الا البطانه عقلها ضارب

انا بعد مجـروح يا جرح الأيـام
لا تتركيني جرح يصعب علاجه
.
أما خذيني حب وأشواق وهيام
والا بلاش من الحكي واللجاجه

مـرّت سنة/ من سكـرة الحب ما فقت
كني جريـح إحسـاس خالف زمـانـه

ماهو صحيح الحب ينسى مع الوقت
( الحـب) مهمـا صـار / يبقـى مكـانـه

ما دام وضع الشام ما يسعف الشام
وأكبـر مشايخنـا من السجن خايـف

بـ[معنى]

نحتـاج للأمّـة (سياسـات صـدام)..!
ونحتـاج للـدولـة رجـل مثـل (نـايف)

وجـودي عليهـا وجـد من حـدته دنيا
على باب دونه ناقل الخلب والحربة
.
توجد من اللي فيه وأسرف على لاماه
يـداري خفوقـه والصـواديـف تسعربة

أروي غروري منك ساعات واضماك
وأحاسب أشواقي على كثر هجرك
.
اتعبتنـي / يا كثر ما ادوّر رضـاك
الى متى و الليل مـا {زاح فجـرك}

.

‏ابشّرك باقي مكانك فالضلوع
ما زاحته هوج الرياح العاتية




.

درب الرجا من دونه اليآس يافهيد
وكبودنا من ضيم الاقدار حرقا

تعوّدتْ بقعا على الظلم والكيد
مابينها واسلوم الانذال فرقا

الغرب داستْ فوق راس الاواليد
واطلق شنب للعز والمجد يرقى

وش موقفك والرِجل جارتْ على القيد
عاقل رجاها القيد والعين غرقا

تبغى الشهادة من كفوف المقاريد
والا بنصرة دونها نوح ورقى

تعبت من شوف الثمر فالعناقيد
وارسوم قوم بين غربٍ وشرقا

مالي جدى غير البكا والتناهيد
لا حاسمٍ قالة ولا لاح برقا

كلاً برى قوسه يبى النصر والفيد
لين اجنفتْ واسهوم الأيام زرقا

تدارقوا شيخاننا والصناديد
واكبر مشايخنا ورى الصمت درقا

من علّـم الاجواد سلم المناقيد
اللي تجاوبنا على كل طرقا

ما جيت ابررلك خطاك وخطاياي
لا والله الا جيت والشوق حارق

أبغاك تفهمني وتفهم خفاياي
قبل الرحيل وقبل يبدأ المفارق

ليته يوادعني .. وداع المحبين
و الا يروح وجعل دربه سلامه
.
مادام عايش فيه من ستة سنين
وشلون ينساني / بقل اهتمامه

اخر أمل عمري وآخر وصاتي
اني أشوفك قبل ياخذني الموت

يا سوريا حكامنـا مابهـم خير
ماتت ضمايرهم ومتنا وراهم

يا سوريا دارتْ علينا المقادير
واصبح منافسنا بكثر الدراهم

تقول الظروف الموجعة { سدّها بوّاح }
وأقول الظروف اللي بدت مالها حاجة

تراهن على الجيّة واراهن على المرواح
عسى الله يصبّرني على القلب واخلاجة

الوضع مزري والعواقب وخيمة
والشّعب قام يعالج الدَين بالدَين

ان كان باقي لأبيض الوجة شيمة
لا يسفـه المحتاج و يقـول بعديـن

بين الرجا و معانق المستحيلات..!
مثل الذي {يا شوق} بينك وبيني

اجيك وهمومي [بصدري ثقيلات]
واروح ودموعي ملي حجر عيني


@ M_morqi

لا تشمت المجروح و تقول ما بقت
ترى مصير اهل الشماتة مصيرك

تعال عايدني وابـ/نسى مع الوقت
أمّـا معـك {عايـدت} و الا {بغيـرك}

في عيونـه شـوق يفهمه النبيه
لا توارابـه عـن النـاس افضحه

طالت سنين الرجا وانا احتريه
لا غفتْ عيني و لا قلبـي لمحـه

،
،

لـولا { غلاتـك } ما تمنيت [ لقياك ]
و لولا (المحبّة) ما ضحك لي جبينك

ياللي جمعتك شوق وشلون بانساك
{ القلب } تحت أمرك و راحت يدينك

لا طال بعُدك صاحتْ شجون فرقاك
وان جيت [دمع العين] يسألك وينك

يـاما كتبتك شعر { والعين تقـراك }
و ياما شطبته من عنا (شامتينك )