مرسى ( هاجوس فكري )

مرسى
رقم 277

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

نظمت الحروف وعقدهن لولو المحار = و قوالب ذهب في معمل السك ساكبها
احطه لجيدك طوق تأمن من الأخطار = و اغيّر مدارات الحروف وكواكبها
و ا واصل نجوم الليل لو طال بي مشوار = و اسابق بواخر في البحر مع مراكبها
والا يا حسين الدل من يتقن الأدوار = ليا ابهر عقول , اجساد هزّت مناكبها

[/poem]

مرسى
رقم 278

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شاطي البحر والرمل مبتل بالمـا=رسمت بحروف القوافي وصوفك
قبل الغروب ولا اشتكى الرمل ثلما=حتى رمال الشط تشفق لشوفـك
و استوقفتني فكرة بوقـت ظلمـا=وجهك بداء نوره , وقامة و قوفك
و اكلمك في العلم ماهوب حلمـا=ولا رد صدي عنك قـوّة سيوفـك

[/poem]

مرسى
رقم 279

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كريم من منشاك يا سـاري البـرق = اللـي مقاديـم المخيلـه تلـوحـي
و ليا انهمر شلال جاء خاضع الطرق = وتسترسل القيفان مسـكٌ يفوحـي
وعلى ضفاف النيل يا ساجع الورق = غن اللحـون ولا تـزوّد جروحـي
لحن الفرح والحزن ما بينهن فـرق = والفرق في التوقيت ساعة تنوحـي
احيان إذا غنيت سببت لي حرق = على شرايين الخفوق اللحوحي
و احيان إذا غنيت سرقتني سرق = تسرق سويداء القلب وتسر روحي
مابه شبيهٌ لك مع الغرب والشرق = تجفل ولو طبعك أليف ٌ مزوحي


[/poem]

مرسى
رقم 280

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بيني وبينك يالسجن قـاب قوسيـن=وجريمة الشايـب تهجـاء القـراءة
وسجن الأدب كفالته كتب شطريـن=ومن ضاق صدره قفـل بابـه دواءه
وماد الحياة اللي به الناس غافيـن=ما احدٌ على سرجه وثق ب/ استواءه
من لا يعاين قـدم ويسـار ويميـن=وش ينفعـه يـوم يتلـفـت وراءه
ما فات فات ارسم هـدف للنياشيـن=ومن جاد جوده مـا يمـن بعطـاءه


[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الرفيق اللي حداني على شيءٍ ما ابيه = كيف من باب الوفاء ماش شيٌ يردعه
يعرف إني ما استمع قول عبّاد الوجيه = اتخذ للصمت مركب ليا فل أشرعه
كل ما حاولت دمح الخطأ, و ارضى عليه =سن له سنّه جديدة و لومي ما أقنعه
كيف ما قدّر ولا جاب له عذرٌ وجيه = خاتم (ن) في يد حسين الوصايف يتبعه !![/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استأذن الصمت باعلان القرار الأخير = مراكب الحرف في المرسى تدق الجرس
من بعد رحلة طويلة مع نسيم الأثير = مابين شد الطروق وبين عسف الفرس
و مابين عشب الفياض وبين شمس الهجير = ومابين سمّار حرف وبين غفوة حرس
يا هاجس الفكر من مرساك بجناح طير = وتبقى لك الذكريات وكل بذر انغرس
اسبح مع الغيم لا تربط بمرسى المصير = و عن ما يعيق لجناحك في المطير احترس
خلاص و اعلن وداع بلا قليل وكثير = غادر جراهيد بيد اهل الصمم والخرس[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اطلق سراح السجين وتكسب اجره = ياللي سجنته بلا ذنب وجنايه
طوفان غزر المحيط اسباب سجره = ونار الغلا موقده داخل حشايه
الهرج صعبٌ معه والصعب زجره = ماغير اداريه لا يقطع رجايه
مانيب من عصبته واقوى لحجره = حتى العناوين يخفيها نكايه
يا قو سهم العيون إن زاد دجره = لو بس بالطيف يتقن للرمايه
اراقبه من عِشاه اليين فجره = و اخاف طول السهر يثر عمايه
يبخل بوصله وانا ما اقوى لهجره = لعل ما غيروه اهل الوشايه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سجن الادب ليه قيّد حرفي سياجـك ؟=لا تسجن الحرف يوم الحرف جاء حِله
يا سجن لو تفرش لرجلـيّ ديباجـك=احساس شاعر ظلام السجن قد ملـه
حرفي تمرد ويعكـس كـل منهاجـك=واكتب على السور ليلة جمعة ءسجلّه
ياقاف شعري عليـك يـزم هداجـك=وانا عليه لاعـز القـاف مـا اذلـه
بحر الهواجيس خفف عني امواجـك=تقلّب المـوج سبّـب خافـي العلـة
يا موج كثر الهجوس تشابه افواجـك=يا موج ما تدري انت إني اسيـرٌ لـه
ويا المزن ما تسقي العطشان ثجّاجك=والحلق ليتك بصافـي وبلـك تبلـه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا درةٌ وسط البحـر مكنونـه = ما كل غيص يشمّر الذرعانـي
ولا كل طاروق اطرب لقيفانـه = ولا كل من غنّا يثير اشجانـي
ءليا شعمت النار رمث مع ارطا = يطرد لهبها عايـث الدخانـي
فوّح من البن الهراري طبخـه = وقناد هيل و دلـة الرسلانـي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عزتي للي تعنّـز علـى جـرفٍ هيـال = السعـة فزعاتهـا ذا وذاك ءصحيبـهـا
إن تنـادوا للهزايـل وعقـدات الحبـال = لفّت ارقـاب الـردى وانعقـد تأديبهـا
لو تجمع جمعهم من جنوب ومن شمـال = سمهم في سمنهم والعـدو يحـري بهـا
و ان بغيتوا ما قف الجد في وقت الفصال = فزعة الميقاف تعـرف ويعـرف شِيبهـا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لو سج فكري وامطرت دهم المزون اشعار = تخيلت اني بنجد العذيه والسماء صافي
اسج الرجل بالممشى ما بين المزرعه والدار = من الرشاش سقيا المزرعه والغصن غريافي
رذاذ الماء ليا هب الهواء مامعه نسف غبار = معه يحمل رياحين الزروع ويمنع السافي
مع المنظر همومي كلها عني تروح يسار = و تروح الضيقة اللي في الحنايا سمها خافي
وليا من الغسق قرّب ردمت من السمر في النار = سناها يجذب اللي من بعيد الديره يشافي
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقول المثل من يفقد الشـي مـا يعطيـه=ولا اعـارض الامثـال فيـمـا يسنـنـي
و اذا شفت ما قد عفت لو قال لـي لبيـه=بصـم الأذانـي مابـه اصـوات نادنـي
الا يا زمن من كان بالنصـح و التوجيـه=بذل ما قدر وقـتٌ بـه نفـوس شحّنـي
تعرّض لشذب وكـذب لـو فعلـه ايبريـه=هقاويـه ضاعـت فـي عقـولٍ يغرّنـي
تسوّق وشاف الدر ما فيـه مـن يشريـه=وتنازف جـروح الولـف عيـن يطيبنـي
وتذكر لما قـد فـات بالكيـل و التشبيـه=ولقـى كفتيـن الـوزن ماعـاد يوفنّـي
بخفي حنيـن يعـود الادراج لـو تمويـه=وسجلّ التجارب يحـرق الهيـل والبنـي
زمن والزمن ماعابـه الا هـل التشويـه=لياليـه وايامـه كـمـا هــن يعـدنـي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين انت ياللي تسلي الخاطـر الضايـق=ماتدري ان الهجـوس تـزود بغيابـك ؟
الوصل محدود و ظروف الزمـن عايـق=ولا ودي اقول ضـاق الصـدر باسبابـك
في غيبتك لا تضـن الفكـر بـي فايـق=الفكر اسيرك ولو هـو مـا طـرق بابـك
اوزع الابتسـامـة كـنــي الـرايــق=ومن شافني قال حظك , تمسك اعصابك !! [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقـدر مـن يقدرنـي واعــزه=ولا اعطي شـي و ادور بديلـه
مواريـهـا عليهـنـه دلايـــل=وانا كديميس فـي الغـدراء دليلـه
و لـو قلـت انهـا نجـم الثريـا=أنا الجدي الشمالي , كيف اجي له ؟
مداري غيـر مـا ياصـل مـداره=ومسـارات الفلـك دايـم طويلـه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إذا أنـه بيّـت النيّـه وداري = فلا ابيحه بمـا سـوى بـي إلا
إذا عالج صواب العشق وصلـه = و إذا إنه عن صويبه ما تخـلا
وأنا من قبل زاهد عـن هواهـن = ولا ادري كيف جاني واستحـلا
مثل ما احتل بوش أرض الخلافه = وعن التحريـر عيـا وإيتعـلا
شبيهـه بإحتـلالـه للحنـايـا = وليفٌ في الضمايـر لـه محـلا
وعقب ما احتل صدري شال قلبي = وعيا القلـب مـن قربـه يمـلا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يروي الراوي قصص و اثر الغرام إسطورة=و إتخـذت الـدور عنـه بعالـم الألفيـه
ما دروا عنها الصحافة من هل المعمـورة=ولا كشف عنها التراث اللي يـزود بغيّـه
كل ما ارسلت السبور يوافقـون اسبـوره=هي صدف والا تعمّـد روحتـه و الجيـه
يا محاسنها الصدف يالديـرة المهجـورة=يا عسى يسقيـك ودان ٌ مـن الوسميـه
لجل مرباعـك يطيـب ويثمـرن زهـوره=وتفرح وتسعد بشوفـه عينهـا الريميـة
والهوى يا صاحبي ماهوب لعبـة كـورة=بيـن جمهـور الرياضـة تثبـت النديّـة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم معك القلب قفى معلـنٌ لـك طوعـه=استحليتـي محلـه تنظميـن فنـونـي
مسكنك في وسط صدري والسياج ضلوعه=ما قدر يردع غلاك وصار لـك مديونـي
صرتي إلهام المشاعر ياضمـاه وجوعـه=تستبيحينه تغلـي لـو تزيـد غبونـي ؟
يا سماء نجد وجبال حجاز في مشروعـه=في التضاريس العجيبه بيّـح المكنونـي
كان للشاعر جنون الهام في موضوعه = شاعرك عاقل و موضوعك يثير جنوني
طال بي طرد السراب وشح في قرطوعه = لين عشقه سار مع دمي ولا يدروني[/poem]

كتبت قبل يومين خمسة ابيات
في المرسى

ومطلعها
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا لو سج فكري وامطرت دهم المزون اشعـار=تخيلت اني بنجـد العذيـه والسمـاء صافـي
اسج الرجل بالممشى ما بين المزرعه والـدار=من الرشاش سقيا المزرعه والغصن غريافـي [/poem]


,
,,
,

و بعد أن قرأتها في المرسى

الأخت / شاعرة نجد

كتبت مجاراتها للأبيات بقصيدتها التالية

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابياتك ياجزيل القاف ثارت فيني التذكار=وتذكّرت المزارع والأهل والقلب ميلافي
مزارعنا حقيقه ماكتبت إمن الخيال أفكار=أصوّر مزرعتنا واتخيّلها على قافي
ألا يامزرعة (..) ألا يامنتجع لــ/اخيار=ألا يانبع ماها العذب ياشلالها الدافي
مع الرشاش لامن أشتغل والزرع ريحه ثار=على وقت الغروب يْصوّر الفنان ماشافي
وقصر المزرعه حوله زرعنا روعة الأشجار=تحتها الجلسه اللي جوّها ماهوب ينعافي
مَعَ لمّة حبايب قلبي امن كْبار ومْن صْغار=ودلال الكيف في يدين النشاما بنّها وافي
وإلى من السحاب المدلهم أستوقف الأنظار=تباشرنا بْشوفه والرعد لاقوّم الغافي
يطيب الوقت لامنها علينا هلّت الأمطار=وعلى ذيك النفود اللي طرفها حولنا ضافي
نشوف السيل وسط المزرعه يجري مع المعبار=على تصميم رائع هندسي ممتع وجغرافي
وإلى من المطر جهّى وثارت ريحة الأزهار=هذاك المنظر الخلاب شوفه لاحصل كافي[/poem]

,
,,
,

واتت هذه الابيات كتعليق على قصيدتها
,
,,
,


[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا يوم ان فكري سج في بحر الهجوس ودار =تجارب من غثاهن شاب راسي والقدم حافي
تعلمنا من الدنيا وعرفنا من العباد كثار =وعرفت إن الأوادم والعقول اشكال واصنافي
وبعد ما ناحت الورقا وذعذاع الشمال اندار = مدادك يالقلم من ماء الذهب للطرس رعّافي
الا يابنت من يثني نهارٍ ترخص الأعمار = حماك الله من اشرار البشر والله هو الكافي
على وضح النقاء ما حط من دون القصيد ستار = ولا للجزل غير الجزل والقيفان تطّافي
ليا هيضك قاف الشعر كم جارا الشعر شعّار =مجارا و المجارا ما ذكر به عيب و خلافي
رسمتي ما بدالك واقع ملموس بالمنظار = و تذكرتي وسجيتي بفكرك كل الاطرافي
ولا احدٌ لا يمك في من تذكرتي بوصف جهار= حماك الخالق اللي نزل التوبة والأعرافي
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
منول نحسب إن اللي عدو الدين قوم الروس = و عدو الدين شرع الله محلل ماله ودمه
على نهج العقيدة في المواجه معه روس لروس = لنصر الحق راية حق دايم عالي القمة
وطورنا التعاون والتعاون واضح وملموس = و أثر عدوان دين الله على الإسلام ملتمه
من الأعلام و أهل العلم أخذنا حصتين دروس = و من الغرب وتجاربهم , عرفنا دروس ومطمه
نحسب إن اللقاح اللي يعالج يشترى بفلوس = و قلنا المال يرخص , كل عقد امضاه بنتمه
و ما دام إن اللقاح اللي شرينا أخطر من الفيروس = وش يسوي المواطن , يا الله تعينه على همّه
لكن الله يشافي الخلق والمؤمن قبل محروس = حماه الله من أهل الكيد , والله يكشف الغمّه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيض القلب مسرى الليل عقب الغناوي = و كل ذكرى لها عندي مسار ومسيرة
كن خط السفر قدمي يصير متساوي = لو تصيح السيور ولو تشب الظفيرة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هيض القلب مسرى الليل عقب الغناوي = و كل ذكرى لها عندي مسار ومسيرة
كن خط السفر قدمي يصير متساوي = لو تصيح السيور ولو تشب الظفيرة
كله لعين شبه الريم عين النداوي = عندي إن المسافة قدم عيني قصيرة
فوق جيبٌ قدم راعيه ماهوب ياوي = إن طرت له طواري ياعسى الله يجيره[/poem]

,
,,
,
سر الحرف

إذ لكل حرف من الحروف معنى و الدليل من القرآن الكريم

( الم ) ( حم ) ( عسق ) ( كهيعص )

ينطلق العنان للقلم بما توحيه له بنات الفكر في سفينة الحياة

لتعبر من اعماق البحار ,

وقمم الجبال وبطون الأودية ,

و أرجاء الصحاري,

يكون صاحب القلم جزء من كل وما ذكر سالفا هي الكل ,

فنجد اصحاب التفكير المحدود يستعجبون من التشبيه وسعة الخيال وينقدون ذلك ,

بينما لا يعجب أي صاحب فكر واعي من ذلك

, بل يؤيد الإبحار في هذا العالم ,

الا يعلمون أهل التعجب , والإنتقاد بأن الفكر يستطيع الكثير ؟

من براعة التصوير

البحر نجني منه الدرر ,

وقمم الجبال جلمود ينحت فيه الحرف ,

وبطون الأودية اخصب التربة للزراعة ,

والصحاري الشاسعة نجدها لإتساع الخيال ومتاهة للأغبياء ,

وجهة نظر عن قناعة

,
,,
,