( مقتطفاتي )

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضيقتي روحي عسى الله يجازيك=تضيق بي من سبتك وسع الآفاق
عكّرتي أجوائي ولازلـت أغطيـك=وأصبر لو أن الصبر ماعاد ينطاق
شومي إذا عندك كرامه,يكفـّيك=لاشان وجهي لاحضرتي والاخلاق
وأن أسألوني قالوا العلم,وشفيك؟=جحدت ضيقة خاطري,قلت ماضاق [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تـذكّـرت ماضي,ليتـنـي ماتذكـرتـه=على جرّة اللـي سافـروا منّـي مْسيـان
مشوا مع طريـقٍ قـد مشيتـه وخابرتـه=ولكـن هنيهـم راحـوا لْديـرة الشيبـان
يزورون قصـرٍ فيـه الاحبـاب عامرتـه=وأنا لي سنه,دخيلـة الله مـن الحرمـان
أنشهـد شهـادة حـق وانكـان مازرتـه=ليجيني مرض ياسعود والا اشهَوَة بـزران
يْخفف علي دمـعٍ علـى الخـد ناثرتـه=ياكثره عقب مامات أبوي وُطغت ل/احزان
لاصار الدمـوع كْبـار والليـل ساهرتـه=تشاكى المشاعر فالدجى مع ضمى الوجدان
تسلطن علي حكم القدر,وشهـي آخرتـه=وأنا وأنت ياصبري على قسمة الرحمـن [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاصار مالي فود من بوح الاسرار=ماللمشاعر والأحاسيـس داعـي
بلاش أفضفضها وأنا جوّي غْبـار=وبلاش أشيّد في الهبايب شْراعي
والورد واليشموم وأنوااع الازهار=ريحة شذاها من هوى النود شاعي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غيابه زوّد الضيقـات ضيقـه=وأنا ماجاز جوي في الحقيقـه
بغيت أزعل على شوقي وأكابر=ولكن مقـدر الفرقـى دقيقـه
بدونه سفرتـي مر(ن)طعمْهـا=ولو صبّ النحل فيهـا رحيقـه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أغنـي للنجـووم وُللكواكـب=ولامنهـا ولاكوكـب سمعنـي
حساافه يالدموع اللي تساكـب=وحسافه يالسهر ماحد(ن)نفعني [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل ماغابت خْيوط الشمس واقْفت في سماها=وأسدل الليل الظلام اللي على الأجواء يعمي
تنطحه لهفة خفوقـي فرحـة الأم بضناهـا=وأتعلّل مع سكونه بهجتـه تسـري بدمـي
مع ظلام الليل أنااا لي قصة(ن)ماحد(ن)قراها=يافديته لادعيتـه قـال لـي لبيـه سمـي
كم يسامرني وكم خفّف على نفسي عناهـا=لو كشفت أسرار قلبي كلهـا لـه مايهمـي
كم طلبت الشمس تتأخرولايظهـر ضياهـا=لأجل أسامرليلي المعتم وافضفض جور همي
كم تشاكت له هْمومي وافتحت خزنة خفاها=وكم مسحت دْموع عيني لاظهر صبحه بكمي
أنتظر رابط قصيده يشرح الخاطر صداهـا=وأنتظر بيتٍ يلم أشتات حزن القلـب لمـي
وأنتظر ذيك البروق اللي ينوّرنـي سناهـا=وأنتظر ذاك السحاب المرتكـم والمدلهمـي
ماتوقّعت العواصف ليـن طيّرنـي هواهـا=كان جوّي قمة الروعه ولكن جات يمـي!! [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حرام تغريني وأنا مقدر ألعـب=يومك على كيفك وأنا ممنوعـه
والميّ لامن شافه العطش يتعب=لاصار مايارد علـى ينبوعـه
وأجزل طواريق الشعر مايصعب=على لو أنّي باكتبه موسوعـه
حكم العوايد حال دون الملعـب=وش حيلة المقهور غير دْموعه
[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما ألووم قلبي بعذب الشعر ما الوومه=أقرأ وأتابـع ولـو ماكـان يعنينـي
بنت القبايل عن الزلات محشوومـه=لاشك بعض القصيد العذب يغرينـي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فيض المشاعر تجاوز بالغلا حـده=يالله عسى خير وش ناوي يسويبي
كتبت وتْعبْـت ماكفـى ولاسـده=خذا شعوري على ذبحي وتعذيبـي [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أوشكت حدّ الوقوع وربـي أدرانـي=لطفه حماني من الزلات والضيعـه
جتني حْـروفٍ جديـداتٍ علشانـي=تقـول شـلال مـيٍ مـن ينابيعـه
وحْروف شعري تحلّى الزين منشاني=لاجيتها جاتني عجـلات ومْطيعـه
قامت على حسها من كل وجدانـي=تزيّنـت واستعـدت دون تشريعـه
قلت أرحميني بلاش أرجوك قيفاني=وأخير من صوغ قاف الشعر توديعه [/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت ألاياواهنيّك هنيّاه =تجين أبوك الحي وتْْزاورينه
وأنا رحل مني ولايمكن ألقاه=ماعاد والله عيني تْشوف عينه
عزاه ياروحي من الحزن عزاه=والعاجز المسكين مافي يدينه
حكم الولي غصبٍ على النفس ترضاه=(والموت حق وكلنا ذايقينه)
يامر فرقى أبوي ياسعود مراه=وياشيب عيني يوم قفـّت سْنينه
بيعيش في قلبي ولا والله أنساه=حتى لو أنهم فاللحد دافنينه[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياما جحدت دْمـوع عينـي ويامـا=وياما عذلت القلب واخفيـت مابـه
حتى ولـو قامـت هْمومـي ترامـا=وصْفوفها أعبر من جيوش الْحرَابـه
حطت مراهيـف المشاعـر حْطامـا=تلعب بْروحي مثـل لعـب الربابـه
تعْزف على الشريان لوهـو حرامـا=بصوتٍ, عميق الجرح ينقض صوابه
أصنع على وجهي رسـوم أبتسامـا=عشـان لايـدرون بعـض القرابـه
واضحك وأبـادل بالغـلا والسلامـا=والصدر فيه مْن الهواجيـس غابـه
والجفـن لاعيّـا وعـاف المنامـا=قضّيـت وقتـي بالسهـر والكتابـه
بحْروف شعري,دون هـرج وكلامـا=ترجمت حسـي للقلـم فـي لبابـه
وبالغت لين ألحقت روحـي ملامـا=وسجلت شعري فوق ذيك السحابـه
وحط السهر في ناظري لـه علامـا=وإلى متى؟مدري متى ألقى الإجابه!!![/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماكنّي الا بعـض الاحيـان صـوره=يدعونّي ب/أسمي ولكـن بـلا رووح
معهم مادام الصبـر فحْـدود طـوره=يالله عسى ماوْصل على حفّة البـوح
وين الذّكي يقرأ الكتـاب وُسطـووره=اللي على عيني مسجّـل ومشـروح
أخـاف صمتـي لايشكّـل خطـوره=يثّر على قلبٍ(ن) معنّـى ومجـروح
لو أنّي أشكي الحال كـان امْعـذوره=يمكن يريّحني على غيـر مصلـوح
نفسـي تْكابر,تشتهـي ومْـغَـروره=واوطى عليها بالقدم وابعـد الشـوح
وين الغدير اللـي تذعـذع زْهـوره=ب/أجلس على جاله وأغني من الروح [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليتك قاضي واجي واشكي على القاضي=واقول بالله تكرّم حل مشكلتي
والله مااجي لين أشوفك رايق وفاضي=ويكون صدرك وسيع لغامض أسئلتي
مراات ابصارحك وبْتفهم ألفاضي=ومراات بتوّهك وتقول وشقلتي؟ [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وشلي على درب المتاهات وشلي=لاصار لارااحه ولامستفيده
حتى لو ألقى فيه مليون مثلي=الفكر لازم لاشرد نستعيده[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالنّويصيب لامن جاك حسّ(ن)غريب=لاتخليه يلحقني وأنا فـي الكويـت
ودي أستمتع الطلعه بجوّ(ن)رهيـب=وأن لحقني سرق فكري معه مادريت
أحجزه لين أعوّد والعَهَد به قريـب=هاجسي جاوب المرسول لو ماحكيت [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عصفور لامن حداك الشوق بتغني=ياواهنيك لقيـت اللـي يلاحيلـك
من فوق غصنٍ عليه الورد متثني=روعة جماله مع الورده تْحاليلـك
تلعب على ماتبي رايـق ومتهنـي=كثر المناقيـد مـاردّت مواويلـك
بلاش الأغراء,رجيتك تبتعد عنـي=والا تراني على ذا الغصن باجيلك
ترضى تسبّب على روحي وتقتلني!=إغراء الأوادم,أمانه كيف يوحيلك؟ [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أن جيت ودي وأتمنى وياليت=وأن ماحصل فاعذر خفايا ظْرووفي
على طريقي طفّوا الشمع والليت=وغمّوا عْيوني لاجل يزداد خووفي
ولّيت ياحظ القشَر وألف وليت=بين الظلام وبين وعْر الجرووفي[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شعري ونيسي ولا لي غير شعري ونيس=أشكي على الله وبعد الله شكيته عنااي
حتى لو ألقى من أقرابي حبيب وُجليس=حرام مااقدرأسولف له وأبيّن خفاي
سري من الله خلقني في فوادي حبيس=تشكي عيوني لناسي مادروا وشبلاي[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالشاعرالفـنـان ودي اجـاريــك=لكن ظْروفي عـن شفوفـي حدتنـي
يعجبني اسلوبـك وصيغـة قوافيـك=وابيـات شعـرك كلهـا معجبتـنـي
وش رايك ابشعر النسـا الله يخليـك=أهـل القلـوب الحاقـده موجعتنـي؟
بََاسَجّـل ابياتي...والَحْكَـام تَرضيـك=أمـا اعجـب الشعـار والا انقدتنـي
وترى الهدف والقصد ماهـو تحديـك=حبيـت اوضّـح حاجة(ن)مشغلتنـي
أنا استمد البوح مـن نبـع ساقيـك=الغصـن أنـا وجْذوركـم شايلتنـي
الله عطانـي موهبـه مثلمـا فـيـك=وابيـات شعـري لابغيـت اطربتنـي
أعوم في بحـري واباهـي وورّيـك=والْعَـب علـى الامـواج ماغرقتنـي
ومن عذب شعري أقطف الورد وأهديك=نـزف المشاعـر لاتهيضـت جتنـي
يكفيك عـن بعـض التعابير..يكفيـك=توجـع نعـم!! لاشـك ماحطمتـنـي
الشعر فـن وْ ذوق والْـوان تزهِيـك=وانا رسمت.... وْلوحتي معجبتنـي !! [/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا من البارح وأنا خاطري عمس=وأحسّ في صدري بكتمه وضيقه
متعكّرٍ جوي من أوّل وزااد أمس=ياشيب عيني (يُم) كشفت الحقيقه
حلفت مااتكلم معه غير بالرّمس=عشان لاصبح في البُحيره غريقه
بعض السوالف توصل الروح بالهمس=تشعل بوسط الجوف مثل الحريقه[/poem]

[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا غـلا,والا قسـاوه وتهديـد=وأظن الاقـرب للجميع,الأخيـره
قللي أمانه,كل هـذا وش يْفيـد؟=والا مُناك تْشوف غيرك,بْحيـره!
أشكي لك هْمومي,وأجر التناهيد=وأبدي عليك الخافيه والسريـره
أبي الطرب مابي طلاسم وتنكيـد=ياما لجيت لْحضرتك مستجيـره
مدري وش المطلوب,قللي بتحديد=والا خلاص,وجعل فالامر خيـره [/poem]