مـخـتـارات الـمـرقـابـيـيـن (ديـوان)

أخوي/ زايد ناصر

شكراً على تفاعلك مع الموضوع


وفي إنتظار بقية الأعضاء

عـادات وسـلـوم

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

من يطلب العليا فلا يرخص السوم=المجد ماهو قسم نفسٍ بخيله
للناس عاداتٍ مع الناس وسلوم=يرقى بها الرجال راس الطويله
من قدم الحسنى والأحسان معلوم=ينال من مولاه كسب النفيله
ومن قدم الحسنى على اللوم والشوم=عدله سبق عن ضيعة الراي ميله
ومن مات مسلم قالوا الناس مرحوم=شفيعه محمد وربي كفيله
ولو يرحم الظالم من الخلق مظلوم=الوادي الممحل جرى فيه سيله
مانال من شاور على حقه رخوم=الا مثل مانال من هد فيله
المجد يبغى له شغاميم وقروم=يوفون بحقوق الزمان الثقيله
بادت حضارت قيصر الفرس والروم=ولابكتها عين خلقٍ كحيله
بالمنتحي ماينفع العذل واللوم=أطلب له الله وتركه في سبيله
لابد مايذكرك يومٍ بعد يوم=ويحتاج لك حاجة مصر فيض نيله
العز من بين المخاليق مقسوم=ويفوز به من طيب راسه دليله
كم واحدٍ وده بمجدٍ مع القوم=وعيت صواديف الدهر تستويله
وكم واحدٍ يحيا من الوقت ملطوم=لطمٍ يشاف ولطم كبدٍ غليله
وكم واحدٍ من نعمة العقل محروم=وماله على ماقـّدر الله حيله
وكم واحدٍ يلقى به الكبر والزوم=مجدٍ على راسه يعود فشيله
وكم واحدٍ يمشي مع الناس منجوم=وهو من ارجال الحسب والفضيله
مادامت الدنيا لحد دايم الدوم=تجذي عن الغايات خيل الوسيله
أطلال دارٍ فوقها يلعي البوم=الله من يومٍ زهتبه وليله
وظرفٍ على مافيه بالختم مختوم=الله من عينٍ وعينٍ تخيله
متعلقٍ بين السماوات ونجوم=سبع الأراضي كلها ماتشيله
مايشرب إلا من جبا بير مسموم=تشوف ناره فوق راس الفتيله
يدري بها اللي عن سما الديد مفطوم=ويجهل به اللي عـّـن للعرف خيله
ماهوب ضربٍ من ظلالات ووهوم=وافٍ على ماقدر الله كيله
والهقوه اللي مالها جنب وعزوم=تطيح دونه حيلةٍ مستحيله
وحرصٍ تحرص به يفكك من الحوم=حولك من اللي يحسب البعد عيله
لاوالذي تسجد له الخلق وتصوم= ولرضاه بيته والمقام تعني له
أن الوفا له بالعرب حد ورسوم=عند الذي يظفر بكسب الجميله
وروضٍ ينوج بريح شيحٍ وقيصوم= له نظرةٍ تشف النفوس العليله
أكثر عيون الخلق ماتقبل النوم=يشكون هم دقاقها والجليله[/poem]


.

نسناس الشمال


[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي كل ماهب نسناس الشمال =
وجد من حدّه زمانه على اللي ما يبيه
وياوجودي كل مااغفيت ثم مال الظلال=
لاغفت عيني ولاذقت شيٍ مشتهيه
وجد من قفـّى وهو في رجا كلمة تعال=
والتفت من عقب مااقفى ولحدن لدّ فيه
وياعذابي لادنـا الليل من روس الجبال=
وانتهى يومٍ من العمر ماعاد ارتجيه
وانتي ابعد من سما الحلم ووصالك محال=
يابعد من هلّ دمعي ضحى الفرقا عليه
ياغناتي لاتحسبين دمعي يوم سال =
ضعف والاّ خوف والاّ كذا والاّ كـذيـه
والله اني من رجالٍ يضدون الرجال=
لكن الحظ الردي ساق دمعي كلـبيـه
ووالله اني كل مادار حوليك الجدال=
قمت كن الموت يشـر على قبري يإيديه
ووالله ان قد لي وانا اصد لاجالك مجال=
صدّت اللي لاتضايق تذّكر قبر اخيه
ومن سألني قلت مدري واذا عاد السؤال=
قلتله تكفى سؤالك ترى ماهو وجيه
وش تبيني اقول عماََ ترى ذبحي حلال =
والخطا منها علي صرت احبه واهويه
عذرها لو ماتعذر مثل واضرب مثال =
واحدن مايعرف الحر الأشقر يشتويه
وان رجعنا للتواصيف لله الكمـال=
لا انتـهى ليل المزايين جاتك تبتديه
كنها غفلٍ مع البدو طاويها الحـيال=
ما يمـيز وصفـها الاّ نبيهٍ من نبيه
واهني اللي وصلها وذاق امن الزلال=
رشفةٍ مع غفلة الناس من فيها لفيه
واعزتي للي سواتي عشق ما لا يطال=
ويوم طاله ضيع الحلم بين أمه و ابيه
يااول احلام الطفوله على حد الخيال=
الرجا بللي حمى البيت من حملة بريه
حال دونك سيف عنتر وتاسع حول حال=
باثر حولٍ حال دونك وانا ادعي هيه هيه
هيه يللي غرك الحسن واطغاك الجمال =
والله ان اموت ماشفت لاوصافك شبيه
لو يسام الحسن والتيه بجنيه وريـال=
مابقى في سوق غيرك لا ريال ولاجنيه
كيف اهدك للمقابيل وانتي راس مال=
راس مال ومال والماال مايعطى السفيه
حافظك حفظي لعيني ورمشي لك جلال=
وانتي تشحـّـين بالما وانا شفـّـي مويه
شايفن ظلمك وساكت وطال الليل طال=
لاتركتي طعن قلبي وانا ماقلت ليه ؟
لو بقا للهيل صبرن على فوح الدلال =
مابقى للقلب صبرن على شيٍ يجيه
كنت احسب ان الغلا زال واثره لايزال=
في الحشا ماكنه الا دخيلٍ في وجيه
ساقني حبك على الموت وسنيني هزال =
والظروف اقسى من الظلم للعرض النزيه
وانتي تسوقين عقلي على حد الهبال =
تحسبين ان من بغى شي يقدر يشتريه
والاّ انا ياوجد حالي وجودن مايقال=
وجد من ضحى بغاليه لرضا والديه
وياوجودي يااول العمر قبل ألبس عقال=
وجد من باع آآخر العمر في رغبة ذويه
وياوجودي كل ماهب صوتشششش من شمال=
وجد من حدّه زمانه على اللي مايبيه[/poem]



.

لعب عيال[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هنا نجلس احسن؟!!.. او هنا؟ وين ماتبغين=أنا احب هذا الركن!! لكن على اية حال:

هنا احسن ارمي معطف الفرو للتخمين!=وفيه تعرفين اننا احب هذا الشال!

علامك؟ علامك ساكته؟..ليه ماتحكين؟!=تبين ابتدي ؟!حاضر على امرك براحة بال

على نفس هذي الطاوله من ثلاث سنين=رمت بنت دبلتها الذهب وانكسر رجال!

تمسك بها ..حاول و حاول و حاول لين=بلا لين!! كان يحاول بكافة الاشكال!

وشدت يديها.. وارتفع صوتها:وبعدين؟=أنا لازم امشي وانت يكفيك..لعب عيال

على أحر من قلب انهدم حاول المسكين!=وعلى اقل من مهل الندم باعدت تختال!

هنا..مات حب ..ويبس قلب ..وتملت عين!=من الدمع واندفنت حكاية فرح وآمال!

وجيتي تبين نرجع اللي مضى هالحين؟=أنا من ثلاث سنين بطلت لعب عيال![/poem]

[glint](( اخــوي ..!! ))[/glint]
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="ridge,3,gray" type=2 line=0 align=center use=ex num="0,black"]
مدحنا ناس تستاهل وجربنـا الحيـاه الـوان=ومدحنا ناس ماتسوى قصايـد نـاس تعبانـه
وانا متجاهلٍ طيبك علـي بالسـر والاعـلان=وانا لـولاك بالاعـراب ماحصّـل ولا خانـه
انا مجبور مادام المراجـل شالهـا الطوفـان=اقول اني بدونـك موقعـي مجهـول عنوانـه
انا متعّود اخذ منـك لامنـي مدحـت انسـان=عسى اللي ماقدر يمدح جنابك يقطـع لسانـه
يزودّني شرف مدحٍ يجي في فارس الفرسـان=اخوي اللي شمخ بنيان عـزي فـوق بنيانـه
اخوي اللي بطارف منكبه يفتح لـي البيبـان=اذا شاف الزمن قدام وحهـي صحـك بيبانـه
اخوي اللي ليا دورّت ماحصلـت لـي ديـوان=اجي له كـل حـزه واجـده مفتـوح ديوانـه
اخوي اللي جعل وضحى لغه بلسان ابن عدوان=جعلها رمز مشهـور مثـل خولـه وسفانـه
جعل لي بالغضب حكمه منحني بالرضا ميـدان=مسجل بأسمـي الميـدان والميـدان ميدانـه
عطاني من شريفين المبـادي بيعةالرضـوان=علومي فـي نظرهـم كلهـا دره ومرجانـه
معي دايم يحدثّني ليـا مـن غابـت الخـلان=ولا افضل من حديثه غير ذكـر الله سبحانـه
خليـلٍ مايبـور ولا نخيتـه كسـر القضبـان=ولا من طحت يحملني علىصـدره وذرعانـه
خيار الناس له بقلوبهم قـدرٍ كبيـر الشـان=اخوي المعجزه معـروف تقديـره وسلطانـه
ليا منه غضب يخشى غضبه الشيخ والسلطان=سلاطين الدول تحرص على كسبه ورضوانـه
يسافر ماتقيّـد فـي نظـام المـدن والبلـدان=ولا يمكن تحـاول تمنعـه شرطـه وهجانـه
اخوي اللي على دربه تسير وتتعـب الاخـوان=خوي اللي تقدرني جميع النـاس مـن شانـه
تبون اسمه نعلمكم وكل انسـان لـه ميـزان=بتكوين القناعه كـل عقـل انسـان ميزانـه
(اخوي الشعر)محمود السجايا وهبةالرحمـان=ولا ينلام مـن يعتـز بالطيّـب مـن اخوانـه
..
..
..
..

ذيب الشمري....,,[/poem]

[glint](( مستعمرات المشاعر ))[/glint]


[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="ridge,3,gray" type=2 line=0 align=center use=ex num="0,black"]
احبك كثر ما عذبت غيري من جميع النـاس=واحبك فوق حب امك وابوك وباقي اخوانـك
غلاك اكبر من احلام الشباب وفيه قوة باس=طويت اطوّل مسافات السعاده فوق نشوانـك
لك المستعمرات من المشاعر ماتبي حـراس=تسيدّها غلاك واصبحت جزءٍ مـن اوطانـك
تحل ضيوف ذكراك الجميله بالعيون انعـاس=ويسامرها خفوقي واعتبر هذا من احسانـك
ليا من غبت عني زارني مندوبك الهوجـاس=وارحب بالهجوس اللي تحدثّني عن السانـك
اذا تدري بحبك من خلاله تجـري الانفـاس=على هذا حبيبـي مستحيـل يتـم نسيانـك
علامك تاسر احساسي وتحرمني من الاوناس=وانا ماسور كلي تحت جبروتـك وسلطانـك
نهار العيد يرضالك تخليني بدون احسـاس=بدل ما ازور جيراني نسيت وزرت جيرانـك
كأنك ماخلقت الا على شاني مـن الاجنـاس=وانا والله ما كني خلقـت الا علـى شانـك
اذا عند الجميع اعظم سلام يكون حبـة راس=انا محتاج احبك كل ساعـه بيـن حجانـك
..
..
..
..
..

ذيب الشمري....,,[/poem]

وهذي للشاعر المبدع مسعووووود اليااامي

في ذمتك .. ما خذاك الشوق واشتقت لي؟؟!!

........... ما ضقت بالبعد .. والفرقا .. وطوووول الغياااااب !!!


بعدك .. وانا بالدموع .. وضيقتي ... مبتلي !!!

........... وان مــر فــ... الذاكره عطــرك !! فقدت الصواب!!!


تمـر بالعيــن وبعبراتـها تمتـلي !!!

......... ......وتمــر بالـبال .. وافج الصـدر لـك كتــاب !!!!


من يوم ســـافرت !! وبيمنــاك لوحت لــي !!!

.............. فتحت للدمع .. والضيقــه على الرووووح بــاب !!!


ليتك تركت الوداع!! ورحت ماقلتلي!!!!

............... ماكان يأسي غلب صبري !! لكبر الـمـصــاب !!!!


غيبتك .. أو سمّها .. لو جــاز لك / مقتــلـي/ !!!

...............خلتني اعرف دروب الهم ... والأكتئــاب !!!!


من وين ما القيت نظراتي .. تصورت لي!!

.............. كن الأمـــاكن تبشر بك !! بشـور السحاااب!!!


جـدك .. / برآءتك.. / غمزاتك اذا اشرت لي !!

............ تــمـر تســأل عليك ؟؟ ولا لقت بي جواب !!!


وين انت؟؟ .. يسأل خفوقي عنك؟؟ ما لحت لي !!

.............. ماضخ بالدم فـ.. غيابك !! ولا عنك تـاب !!!!


وين أنت ؟؟ ياملح كل العشـق يامعتــلي !!

..........عرش الغلا ... في خفوق (ن) من محبتك ..ذااااااب !!!!


في ذمتك ؟؟ ماخذاك الشوق ؟؟ واشتقت لي ؟؟؟؟!!

....................... في ذمتك؟؟؟ ... ما شكيت ؟؟ من الجفا؟؟.... والغياااااب؟؟؟؟!!!!

[align=center]وهذا لفارس العصيمي من موقفات الشعر وجاايبها من ( طلب اتصال بشاعر ) ومالوّن بالأحمر لخالد الحصيّن

راكب اللي يرهب العربان نبرة صوته
ـــــــــ لا ضرب دهم الخطوط وجمّل الله حاله...!
كن زلزال الرعد يرجف تحت كبوته
ـــــــــ والبروق تلوح في وجهه وفي تمثاله

والله اكبر كن بين المروحه والشوته
ــــــــ طنيةٍ من طنية اللي عقلهم ميّاله


توكتبت في وكالات الجميح كروته

________ طالبه من يحتمي صرف الذهب برياله

وممنه تأمين شامل حسب شرط النوته

_______ من وقاره مايعده غير شيخ عياله

مير عيبه لا مسك له خط قام يشوته

_______ كنه الخصم العنيد وشارب ٍ فنجاله

يوم طاف الحوت راع الحوت طلّق حوته

_______ بالثلاثه بعد طارت غترته وعقاله

المواتر عن طريقه جنّبت مبهوته

_______ يكرمون السامعين يدوسها بنعاله

يلعب بها لعبة الحرّيف في بيلوته

_______ حل زات اللال لأجل يدق زات الكاله

وشاعر ٍ فطحل وشيخ وكلمته مثبوته

_______ لاسمعته ودّك أنك نازل ٍ منزاله

كن أبن قضعان يقرى لك عظيم بيوته

________أو كن حبيّب يغني على مواله


منوة اللي من ورا نجد العذيه موته
ــــــــ لا تذكّر كلمة التجريح من عذّاله

قال في نفسه... تراني قنبله موقوته
ــــــــ و (طاش ما طاش) الفكر يا (مسلسل الحيّاله)


خمسة أشهر لا ينام ولا أهتنى في قوته

_________ مالقى رقم أتصال ولا لفاه رساله

والمشاعر في ضميره بالغلا مكبوته

________ وأرتفع ضغط المحبة وأنفجر زلزاله

لأجل عين اللي تسمى الدر والياقوته

_______ وأخت شيخ وبنت شيخ جدودها خياله

وجسمها تقول من صاف الذهب منحوته

_________بقدرة اللي يازن الذره على مثقاله

ووجهها بدراً تجلّى والوجاين توته

_______ وعنقها عنق الغزال اللي يزود جفاله

صدرها فوته وعرض الخصر ربع الفوته

________ وأن تمشّت بالهداوة بالغنج مياله

إن سكت ياويل قلبي يحرقه بسكوته

______ وإن هرج ياويل قلبي يسحره بأقواله

هومصيف القلب وجنيفه على بيروته

______ وهو ربيع القلب وبروقه ووبل خياله

الهوى شاشة غرامي والغلا ريموته

______ وكل ما أفتر الخفوق بمهجتي لبى له

من غلاه وزود حب جنوني المفلوته

_______ كن ربي ماخلقني فالحياه إلا له


أخبروا خالد تراني جبتها محتوته

_______ ماسفهت القرم تكرم لحيته وسباله[/align]

هذا ولكم خالص التحايا

الشاعر الجميل
وليد العمودي


شكراًَ لتفاعلك


وقصايد الوالد منورة الموضوع


شكراً لك
وتحياتي للوالد

أخوك
فيصل

المشرف العزيز
فهد فالح


شكراً لتفاعلك مع الموضوع



وفي إنتظار بقية الأعضاء

ع ـلـيـاء
مدّن اللي تمدّن من ملابسْك
........... أزرق ٍ تلبسه يفضح ردوفك!
كنك البحـْر ونهودك نوارسْك
............ طّرت معهاااا وردّتني كفوفك
مروح ٍ من نفـَسْك معطّر المسْك
....... ومعشب الصدر من نسناس جوفك
إن تثنيت كان القلب: حارسْك
.......... ميّل العدل!..من ميلة كتوفك!
وان مشيت الأراضي ماتلامسْك
........... وان وقفت الهوى عيّا يطوفك
وان جلست الرضا يجتاح مجلسْك
......... غيّر الصمت صوتك من حروفك!
في يدينك حبيس ٍ من محابسْك
......... غاطس ٍ فالرغد كنه "وصـوفك"
أخضرك ماترك فرصة ليابسْك
.......... واحمرك في شفاهك مايشوفك!
كن الاحلام سودا في نواعسْك
.......... قبل اذوب بحرير اخفاه صوفك
أنبت مْن الوصل والقلب يغرسْك
............. لين تثمر على تربة ظروفك!
قد خنقني حديث ٍ ما تنفّسْك
............. لو شهق كلمة آحبك لـ نوفك
قلت أدوّرك واقلامي تـْلمّسْك
........ كنك الحضن واقلامي : ضْعوفك!
قل من اللي يابوالحنين نافسْك؟!!
............ غير خوف ٍ تسبب فيه خوفك
المحبين طارو مع نوارسـْك
............ وبعضهم مال مع ميلة كتوفك
وإلا انا طحت شاعر في هواجسْك
.............. يوم شفت التثني في وقوفك !


.

مساجلة بين الشاعرين خالد بن مدعث وناصر الفراعنة


قصيدة : خالد بن مدعث الدوسري

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
هيه يا قلـب المحبـة مـا بقـى فـي العيـن عبـرة
..........كـل يــوم والعـيـون مــن الـغـرام يسـيـل مـاهـا

لين صار الجفن عنده مـن غزيـر الدمـع خبـرة"
..........وانـت شيـخ حنـوة الاضـلاع مسجـون وراهــا

ما تعدى لـو طلـع راس الجمـل مـع سـم الابـرة"
..........فـي ضلوعـي بكيتـك مـا غيـري بيسمـع بكاهـا

يا سجين الجوف تدري مالنـا فـي الحـب قـدرة"
..........سنـة للنـاس مــدري وش قـداهـا مــن خطـاهـا

الهـوى كانـه خطيّـة مـا حـدٍ قــد جــاب عــذره"
..........والـهـوى كـانـه مبـاحـي عـلّـة صـعـب دواهـــا

اصبر ويلقـى طويـل الصبـر فـي الايـام صبـره"
..........كـم صبـور جـاب صبـره حـاجـة عـسـر لقـاهـا

يا فؤادي صرت لك حزمة هشيـم وانـت جمـرة"
..........كـل مـا هـب الـهـوى بأطرافـهـا يكـبـر سنـاهـا

والهـوى تاليـه فرقـا والنـوى لـو طـال عـمـره"
..........ما نسينـا العهـد وجروحـه براهـا او مـا براهـا

دام عهـده فـي يمينـي والنجـوم اتجيـب خـبـره"
..........نعتـبـرهـا غـايـبــة عــنــا وحـجّـتـهـا مـعـاهــا

لو درت وش صار فينا ما خذت عن نجد سفره"
..........يــا هبـايـب علميـهـا كــم شـقـيّ فــي رجـاهــا

منبـت الـنـوّار عقـبـه يـذبـح العـسّـاس دهــره"
..........حالـف مـا عـاد ينـبـت فــي ديــار مــا وطـاهـا

المـولّـع عقبـهـا ينـقـل عـلــى الكـفـيـن قـبــره"
..........ميّـس مـا عــاد تشتـالـه عظـامـه مــن جفـاهـا

عقبـهـا راع المطـايـا مــا دعــى للـعـد نـشــره"
..........والظوامـي صافـي المـيـراد مــا يقـطـع ظمـاهـا

جـادل حـده زمـانـه عــن روابــي نـجـد مـكـره"
..........والليـالـي مــا تخـلـي مسـتـريـح فـــي ذراهـــا

صـوب دار مالهـا مــن قسـمـة الاجــواد بــذرة"
..........النجايـب سبعـة اشهـر مـا يجـن ارض نصاهـا

البحـور تحـول دونـه والفجـوج الجـرد عسـره"
..........والذيابـة تحتـري مـع سـكـة الطـرقـي عشـاهـا

فـرّق الله شمـل مـن فـرق ثنيـن كــان خـشـره"
..........فـي غـرام وفـي علـوم يشـهـد الـوالـي عـلاهـا

مــا يـحــق الـواحــد مـالـقـح النـخـلـة بـتـمـرة"
..........مـن سقاهـا واحتماهـا لأثمـرت يقـطـف جنـاهـا

كنت اقـول يمـوت رجـل مـا نفـع نفسـه بعمـره"
..........ثــم قـلـت يـمـوت رجــل حــدّ نفـسـه منتهـاهـا

كنـي الرحـال وسنـيـن الليـالـي الشـهـب بـكـرة"
..........شلـت زادي فـي خبـاهـا والحيـايـا فــي خبـاهـا

يـا عنـود الصيـد لـو آخــذ مــن الايــام عـبـرة"
..........كـان روحـي فـي يمينـك حكـم ربـي مـا رمـاهـا

جيت لك غيث تهادى وانت يمـي جيـت حسـرة"
..........يوم علّقـت السحابـة سقـت رجلـك مـن سماهـا

لك شهر من غبت عنا والهوى يا طول شهـره"
..........ذكـريـهــا يـالـثـريـا وانـشـديـهـا وش بــلاهــا

العـرب قـد قالـوا انـه مـع توالـي الـعـج مـطـرة"
..........واعذابـي كانهـا عجـت والاخــرى فــي قفـاهـا

والهـوى لا زان قــاده للـولايـف سـلـك مـكـرة"
..........ميـر وحـي مـن عرفتـه والهـوى يلعـن ثـواهـا

آتـصـبـر وآتـحــرى رجـعــة الـغـيّــاب بــكــرة"
..........والـزمـان بعـيـد والايــام مــن يـلـحـق مـداهــا

يـا نديبـي هـاك خـط مـن دمـوع العـيـن حـبـره"
..........الرسالـة غيـر (ناصـر) لا حــدٍ يبـحـث خفـاهـا

صاحـبٍ بيـن النشامـى بالمـراجـل بــان ذكــره"
..........السبيـعـي لا تـعـزوى عــزوة الـعـود احتمـاهـا

يا ابن فارس شف صحيبك عيّب الجبّار كسـره"
..........ان بكـى قـال اقطعوهـا وان شكـى منهـا كواهـا

يا ابن فارس كان عندك في عميق الجرح دبرة"
..........لا تخـلـي صاحـبـك ينـقـل جــروح مــا قـواهــا

حالـتـي حـالـة فقـيـر يــوم قـــام يـســدّ فـقــره"
..........مـا لقـى لـه غيـر عيـن تدفـق مـن الفقـر ماهـا [/poem]


وهذا رد ناصر الفراعنة عليه :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
عـلـم والا حـلـم يــا قـلـبٍ حـشـاه عـويـد سـمــرة
..........كــنّ مــن بـيـن اضلـعـه جـنّـيّـةٍ تـصـفـق يـداهــا

قلبـي اللـي مـن سطـر مابـه تقـل غاشـيـه خـمـرة"
..........يـوم فـيـه قـلـوب شــق الـثـوب مــا كــدّر كـراهـا

قـم يمانـع فـوق وجْنـاً مـن خيـار الجيـش ضـمْـرة"
..........وصــف شـقـرا ربّـهـا دون المليـحـة مــا نـحـاهـا

بنـت هـرشٍ كـنّ قــرن العامـريّـة وصــف وبْــره"
..........وكــنّّ نيـبـان السـبـاع الضـاريـة تنـهـش حفـاهـا

ابـن مدعـث لـجـل عيـنـه نـقـرن الحـجّـة بعـمـرة"
..........ابـن مـن همّـل مجاهيمـه عـلـى البـصـرة وجـاهـا

لا تحسّـر دام بـاقـي فــي صلـيـب الــراس قُـطْـرة"
..........يا ابـن مدعـث والضلـوع العـوج داهـا فـي رداهـا

لا وربـي مــا نقلـنـا السـيـف ابــو حـدّيـن بـطْـرة"
..........كــود لعـيـون الصـبـيّ الـدوسـري نطـعـم شبـاهـا

يا ابن مدعث ما نلومك في الهوى لو شفت عُزْرة"
..........الـهــوى قـبـلـك غـدالــه بـأمّــةٍ بِــيْــضٍ لـحـاهــا

مـا أطـال النـوم فـي عمـر الفتـى المكـتـوب فـتـرة"
..........والسـهـر مــا قـصّـر اعـمـارٍ كـتـب ربــي بـقـاهـا

زمّ نفسـك والهـوى سكرتْـه عـن ملـيـون سـكـرة"
..........لـو حصـل منهـا سلامـة ويـن تسـلـم مــن نمـاهـا

نركـض وتركـض ومــا نجـمـع بأياديـنـا نِخَـسْـره"
..........اللـيـالـي دوْل والـدنـيـا رحـــول الــلــي مـشـاهــا

تـالـي الدنـيـا يخـالـد حـفـرةٍ فــي جـــوف حـفــرة"
..........نـطـرد الدنـيـا ولا نـفــرق خـطـاهـا مـــن قـداهــا

هيّ وش هي؟ هيّ من هي؟ هي ثمانٍ كـان عشـرة"
..........الـبـواشــق قـرنـســت وام الـكـبـايـر ذا جــزاهــا

مير اخذ من دنيتك (صاحب) و(بارودة) و(خفرة)"
..........زبــدة الـدنـيـا ثـــلاثٍ عـانـهـا واتـــرك سـواهــا

اتــرك الـلـي يـطـرد الدنـيـا يـبـي عــزٍّ وشـهــرة"
..........كـيـف يبغـاهـا تـعـزّه وهْــي مــا عــزّت ضـنـاهـا

يا ابـن مدعـث لـو عـرا جسمـك بمشلحهـا تغمـره"
..........لا لقـت غـيـرك تِحَـذْفـك حـذفـة الجـاهـل حصـاهـا

رايعـت مـن لا بنـى مــن شـامـخ البيتـيـن وكــره"
..........ولعـوزت كــل ابــن حــرٍّ بــأوّل الهـجـرة عطـاهـا

وصفـنـا وصــف ثْـمَـرَه والـزيـن فـــلاّحٍ بـغـمـره"
..........يعتنيهـا وان حـداه الجـوع مـا اسـرع مــا كـلاهـا

يا ابن مدعث لا رعت بيـن الجهـام السـود عفـره"
..........حاجةٍ تقضي عقب سـن الصبـا وش هـو قضاهـا؟

ابـعـد الله دار مـــن يـبـعـد ثـنـيـنٍ كـــان قـصــرة"
..........امّــة لا شـافــت الـشـمـل اجـتـمـع جـاهــا بـلاهــا

لا سقـى الله فيـضـةٍ فيـهـا سمـيـن الصـيـد قُـعْـرة"
..........كــل دِحْــلٍ واجـهـوا بــه حـيّــةٍ تـلـحـس جـمـاهـا

عـزّتـي لـلـي بـقـى بيـنـه وبـيـن الـمـوت شـعْـره"
..........روحـه اقـرب للمنايـا السـود مـن حـذفـة عصـاهـا

طال وقتك يـا ابـن مدعـث بيـن لا تطريـه واطْـره"
..........حـيّ ابـو مجنـاك ويـن الله شلـع بـك فـي فضاهـا؟

شدّهـا مـن خدّهـا واقطـر عـلـى المـركـاز صـفْـرة"
..........والحمـى مـا احـدٍ حمـاهـا كــان ربّــي مــا حمـاهـا

انــت مـثـل الـلـي يــدوّر للوسـايـد وســط خُـبْـرة"
..........وخُبْـرة الـروض ايتحمّـل مـا يجـيـه الـلـي ربـاهـا

نقطـن الـواد المخيـف ونـضـرب البـيـد أمّ جُـفْـرة"
..........لعنبـو بعـض البـنـي يــا مــا لحقـنـا مــن هـواهـا

مـا لقينـا مـن يقـول: ابطـى بـهـاك السـيـل كُـبْـره"
..........طـالـت الـمـدّة وخـالـد فـــي رجـــا دورة رحـاهــا

الوجـيـه البـيـض سـفْـرة والوجـيـه الـسـود ودْرة"
..........وجثّـةٍ مـا سـرّت الصاحـب علـى ويـش انغـذاهـا؟

هيـه ياللـي فـي فـؤادك مـن عسـام الـوقـت نـفْـرة"
..........طالت الدعوى ولا ادري وش حجَلها مـن قطاهـا؟

آخـر المنصـوب فتـحـة وآخــر المـجـرور كـسْـرة"
..........حطّـهـا نـــذرٍ عـلــيّ انّـــي لألـيّــن لـــك قـسـاهـا

واجمع اوّل حرف من كل بيـت تلقـى بيـت شطْـره"
..........عقّـب اللـي مزنـتـه مــا يــروي العطـشـان مـاهـا[/poem]

وهذه قصيدة لعبدالله بن زويبن :

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
سقوا سقى الله من مطر كل ناشي
ربعٍ لهم في منبت القفر مغباش

يتلون درب اللي لبرقه تواشي
كثحه على حد السما تقل لطاش

كم مرة بين السفر والغطاشي
دكوا على جول المها منه وأنحاش

وبنوا به اللي مثل روس الدشاشي
مثل القور ماهن هداريس وعشاش

لاشافها الجيعان جاك متحاشي
يقلط على بيض المناسف والاكباش

وصفر من الصالي لهن اجتواشي
يصوك ريح ابهارهن كل ماغاش

والتمر والمركا ودمث الفراشي
زل ٍ بروما له موزع ونقاش

ماحسبوا تال الشهر للمعاشي
ولاسعروا حمل البواخر على الطاش

بالسوق عملتهم ماغير المواشي
اللي من اللي ينبت الغيث تعتاش

وإن جاء بلدهم زاد ولا قماشي
وسمعوا ووافاهم بالاخبار طراش

ودوا لسوق البيع فاطر وحاشي
والمندرج بالسوق من باق الادباش

والطيب سعره صعب ماهوبلاشي
فازوبه اللي يدفعون الثمن كاش

ماجاب غيب قلوبهم كل واشي
بين القبايل ذكرهم يدهش ادهاش

مافض مجلسهم خطاة الدفاشي
اللي يتوع بكلمة تصطح الجاش

هماز لماز هبود ارياشي
سباب نمام مراوغ وهلاش

الليا نصحته زاد شره وطاشي
انحل امانه وانفرط تقل رشاش

ينبش جثث ناس بها الدود ماشي
وسط اللحود اللي توحش توحاش

حرااام فيها مايجوز النقاشي
جنايز حدر الثرى كيف تناش

كل العلوم الطيبة في تلاشي
تمضحلت واللي بقي ( طاش ماطاش) [/poem]

الأخ العزيز المشرف/ سعود النفيعي

شكراً لتفاعلك

ومشاركتك التي تنم عن ذائقة راقية

من اختكم .. ريــــــــــم عـــتـــــيـــبـــه


ألا يالهبـوب الـبـاردة عجَـلـي هـبـي
على جاش من قامـت هواجيسـه أتلوبـه
أنـا مــرةٍ أصـحـى ومــره يغيـبـي
وأسَـرح معـا كثـر الطـواري بغيبوبـه
ألا يـادهـر مـاهـو بـحـقٍ تلاعـبـي
وخليتـنـي لمـقَـرد الخـلـق لعبـوبـه
أعـبـادٍ مغفلـهـا الـزمـان وتعجـبـي
يحسبـون قـل المـال فالرجـل عذروبـه
وأنـا قانـعٍ باللـي علـي كاتبـه ربــي
ومومـن بمـقـدوره وقـانـع بمكتـوبـه
ولا أبغـى عمـا الاريـا برايـه يجربـي
وهو ماعـرف ماجـوب ربـي وماجوبـه
هذور المجالـس راعـي المـدح والسَبـي
وهو بالخلا لـو جـاه بنـتٍ خـذت ثوبـه
يقولون لـي جـز مـن تصرفـك وتحَبـي
وهي توبتي مـن مجتمعهـم هـي التوبـه
ديـار الوبـاء مـن طبهـا راح متـوبَـي
وقرَابة الجربـاء علـى الحـول مجروبـه
أنـا عـارفٍ منصـاي إلا مـن بدانـبَـي
وعارف طريقـي والـذي باتجـه صوبـه
وأنا أعرف من أعادي وأنا أعرف من أحبَي
وبـه نـاس لاتعـرف ولاهـي بمحبوبـه

هذه المشاركة الثانية لـ متابعة المرقاب/ ريـم عـتـيـبـه
شاكرين لها تفاعلها مع الموضوع ومشاركتها

وفي إنتظار بقية الأعضاء والمتابعين
وما تجود به ذوائقهم!




ذبحني هالسؤال ارجوك قلي بـس وشجابـه
دخيلـك ليـه تتعمـد مـع ضحكـك تبكينـي
من البارح تعيده هالسـؤال وتطـرق ابوابـه
وعلى نفس الطريق اللي تجـي منـه تودينـي
قلي وش تبي مني وحزني ويـش تلقـى بـه
يهمك ايش في هـذا عذابـي وانخلـق فينـي
تبي تعرف حكاية شاعـر جمهـوره احبابـه
تبي تعرف يصفق ليـه جمهـوري ويحيينـي
لأن الشعر عندي ماهو بـس اوراق وكتابـه
ولاني من فراغ اكتب .. ابي تكثـر دواوينـي
تبي تعرفني. شاعر ليه ؟ هاك الشعر واسبابه
تبي تعـرف مكانـي ويـن رتبهـا وتلاقينـي
فقر مال وفقـر حـال وفقـر حيلـه وطلابـه
فقـر حـظ كريـم امدلـه كفـي ويعطيـنـي
فقر عيشه فقر دنيـا وجـوع تنهـش انيابـه
فقر راحه فقر صحـه فقـر فرحـه تنسينـي
فقر ايه الفقر يعنـي ضيـاع العمـر وركابـه
فقر يعني فقر يعنـي عـذاب وضيـم مالينـي
وراس الفقر وراس الجوع وعمر طارت اسرابه
وحق الدرهم اللـي مانـوى مـره يخاوينـي
رضعت الويل من صغري ولبست الحزن وثيابه
على شط الشقا مولود .. همي كـان يسقينـي
تقطع وجهي وجلدي بنـاب الفقـر ومخلابـه
ولا كني عزيـز النفـس ولا احتـاج تغنينـي
كساني ثوبي المشقوق وبين النـاس ازهابـه
وكـل يلتفـت يمـي يضـن بتنكسـر عينـي
حشى ماتنكسر عيني وانا اللي وقتـه يهابـه
عزاي اني فقيـر صـارت النظـرات ترمينـي
عيون الناس تطعنـي وكـل يغـرس احرابـه
وبعض عيون اقدرها وبعض عيـون تدمينـي
وش اللي مابعد قلته وتبغى تعـرف اعرابـه؟
مضيت ساعات اتكلـم وانـت بـس توحينـي
تبي تعرف حكاية عشق وبنـت حيـل لعابـه
تبي تعرف عن اسباب الجفى ما بينها وبينـي
تخيـل جتنـي وقالـت فمـان الله ورحـابـه
تشرفـنـا بمعـرفـتـك ويالله لا تـأذيـنـي
وانا اعشقها ثمان اسنين وهي تلعـب وكذابـه
تسلـي نفسهـا فينـي ونيتـهـا تخليـنـي
تبي تعرف حكاية قبر وطفلـه تسكـن اترابـه
تبـي اقولهـا مظلـوم ودم الطفلـه بيدينـي
تبي تعرف وش الغربه من اللي طول اغيابـه
تبي احكي قبل اعـوام بالتفصيـل انـا وينـي
تبي احكي عن الزاهد وعن ذنبه في محرابـه
دخيلك مقدر اتكلم خـلاص ارجـوك تعفينـي
قسم بالله في صدري مدينـه تلتحـف غابـه
مدينـه ساكنـه قلبـي وغابتهـا شراييـنـي
دخيلك سكر الموضوع وشف لك شي اتسلى به
انـا منـك ألاقيهـا او ألقاهـا مـن سنينـي

فيصل الشريف :


على الود نلتقي ان شاء اللة قريبا

للشاعر الكبير رشيد الزلامي :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا موزع النعم خل النعم لاصحابة
ما ينعطى غير ناسَ يستحقونة
النعم يعطى لرجلً فاتحا بابة
للضيف واليا حداهم حال يلقونة
اللي بوقت اللزوم يبين مضرابة
سيفَ يحدة لزومة ما يحدونة
والا الردي لاتقول ونعم يضرابة
يرهي على نعم وهوه قاصرا دونة
لاقلت لة نعم جاك يفتل اشنابة
يحسبك صادق مايدري نعم وشلونة
يطمع بشيَ يموت الخبل ما جابة
ثم قال انا جبت نعم اللي يقولونة

بعض البشر يحلمون احلام كذابة
ومن لاعرف قدر نفسة جاب طبلونة
يجيك يمشي ما يدري ويش يبلابة
من قلة العرف ما يمشي على هونة
اما على اقرب قريب استل مشعابة
والابعرض المقفي سل مسنونة
وتناوش الغايبين وكثروا احزابة
اللي على قلة الخيرة يدفونة
واهل القول اسكتوا ما قالو الجابة
لاينقصونة بشي ولا يزيدونة
وقالو هذا فية عاهة وابتلشنابة
والاهذا فية شيئا مل تعرفونة[/poem]رشيد الزلامي

لشاعره نيافه

((( الـعــود الـمـعتــق )))


بعض البشر كبيـر جـداً .. لان ماحولـه كبيـر
مثل القصير اللـي مـع الاقـزام طالـت هامتـه

قس الكبير مع الكبار وقس صغيـرٍ مـع صغيـر
لاغرّك اللي فـي سـرا الاطفـال يسمـك قامتـه

يعني اذا صارت حرير وصوف .. نختـار الحريـر
لكن حريرٍ مع حريـر .. الفـرق جـودة خامتـه

ياسيدي كان اختيـارك سهـل مـن بيـن الكثيـر
قبل الهوى في القلـب ياعمـري تقـوم قيامتـه

كنت متميز عن مناعير الرجال . . وكنـت غيـر
واختـارك القلـب وفـرد . . لعيونـك إبتسامتـه

هذا ورغم ان الهوى عفوي .. وتحديـد المصيـر
من إختصاصات القدر . . وانـا احتـرم صرامتـه

لكن انا روحـي .. تجاذبهـا القناعـات وتسيـر
وتقـدم لمحرابهـا . . مـن يستحـق إمامـتـه

دلو العواطف تجذبه يد الهوى . . مـن جـم بيـر
ويرقا قراح الحب . . بحبـال القلـوب الصامتـه

تستقبلـه افـواه عشـاق ٌ مجففـهـا الهجـيـر
ليـن الضمـا رام الحناجـر والحناجـر رامـتـه

كاسـه يعـدا للقلـوب إللـي تشـوم وتستخيـر
ماهـي قلـوبٍ لالقـت كـاس الحثالـه هامتـه

ياسيدي عديت لي كاسك .. وجا في الامـر خيـر
معك افطرت نفـسٍ نهـار العمـر كلـه صامتـه

انعشتنـي يانفحـة العـود المعتـق . . ياسفيـر
جلالـة الحـب الاصيـل . . ومنتهـى فخامـتـه

ما اخترتك إلا لن مالـك فـي تواصيفـك خشيـر
والعين قـرت بـك بليـل العاشقيـن . . ونامتـه

من وين جيت ؟ بلا انتظار . . وصرت شىٍ مايصير
يامرحبا باللـي لفـا . . وحمـداً علـى سلامتـه

افتح شبابيـك الغـلا . . خـل الستايـر تستذيـر
قدام يختلهـا الغبـار اللـي رسـم . . علامتـه

وافرد ضلوعي ياسحاب الوسم . . واقسم لي غدير
قلبي تحت هتانـك . . وعينـي علـى غمامتـه



وسلامتكم

المشاركة الأصلية كتبت بواسطة غازي المغيليث

فيصل الشريف :


على الود نلتقي ان شاء اللة قريبا

الشاعر الرائع
غازي المغيليث

فعلاً آمل أن نلتقي قريباً


ولك كل الشكر على هذه المشاركة الرائعة


أخوك
فيصل

المشرفة الغالية
مـيـثـاء


شكراً لمشاركتك الجميلة
وتحية لشاعرة المرقاب/ نيّافة

موْضوع مُوَفق ,, وثري بالشئ المُفيد ,,
وانا لو تحضرني قصيدة الشاعر الرائع جابر بن هايف(سارة والعيد)
ماترددت بنقلها لكم هنا ,,
تحياتي لقلبك يافيصل ,
سعود الفرحان

المشاركة الأصلية كتبت بواسطة سعود الفرحان

موْضوع مُوَفق ,, وثري بالشئ المُفيد ,,
وانا لو تحضرني قصيدة الشاعر الرائع جابر بن هايف(سارة والعيد)
ماترددت بنقلها لكم هنا ,,
تحياتي لقلبك يافيصل ,
سعود الفرحان

شكراً لك يا سعود

وفي إنتظار ما تجود به ذائقتك