الـشـيـخ / مـتـعـب

السلامـ عليكمـ و رحمــة الله و بركاته

أسعد الله أوقاتكم بكل خير .. جديده و هي اقل من أن تحيط بالإسم الذي في العنوان



:
:



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يدوم البقا .. ياهاجس بالجزال يجود = و لا يذخر الماجود .. لا من طلبت الزود
يجيب السمان اللي عليها الشحم مبني = و أكرم بها .. اللي له جزيل الشعر مقصود
قصيد على مبنى و معنى و له دلّه = و له عند عرّاف القصيد الجزيل .. شهود
مواريثنا من عهد .. الأجداد و الآباء = هذا غير ميراث الشجاعه .. و كف الجود
أورّد على العد الرهاوي .. و أنا راهي = و أصدّر .. و ذيدان العرب من وراي ورود
و أشرّف على روس الطوال المنيفاتي = و أحوّل .. و قصّاص الأثر من وراي حشود
و أغوص الغبب .. و أجيب من درّها درّه =و أعوّد .. و ينشب فــ .. الغبب واحد مقرود
و لا أقول بإني مالك الخلق و الدنيا = معك يا فهدها من فهود الرجال .. فهود
أبأبدع على عرفي .. و كل و له عرفه = و لا هو بهمّي .. ساحة النقد و المنقود
أبأمدح وريث أهل الوفا و الثنا كله = وريث الجدود .. اللي لهم في المديح جدود
يجي قبل حرف اسمه .. دليل على كبره = لو إن اللقب عنده مهو غاية المجهود
هذا ( الشيخ متعب ) .. تاج راسي .. و نوماسي = و فخري .. و قدوة منهجي .. و البرا مردود
جمع شيخة الدين .. و جمع شيخة الدنيا = و في نون عين الحاسد الراصد .. مية عود
جعل من كتاب الله .. مرجع و منهاجي = و من سنة اللي في السماء و الثرى محمود
درسها .. و وثق علمه بها .. و درّسها = و فاد بفوايدها .. حثيث الخطى للفود
و ناظر بحجّتها .. بلين و كلام زين = غريق الجهل .. و الجاحد .. النّاكر .. النمرود
و له فوق ما قد تمّ ذكره و تبيانه = يمين شبرها .. فوق شبر الرجال يزود
فهو مكْرم الضيفان .. فاليسر و الشدّه = هذي بمرقة ذي .. و الطراقي .. وفود وفود
و هو هيبة .. اللي ما له من الزمن هيبه = ليا كلّحت الأنياب .. و البيض عادت سود
و هو غيث ربعه .. لا احتمى الموقف القاسي = يجي عجل .. ما هويعرف بخدمة الموجود
هذا أبوي .. جعل الله يطوّل لي بعمره = و يزيده من أفضاله .. على ما يبيه و زود
و هذا أبوي .. جعل فداه من يجحد فعوله = و ليّ الفخر لا قلت .. أنا من عيال العود
هذا ( الشيخ متعب ) .. تاج راسي و نوماسي = وريث الجدود اللي لهم فـ .. المديح جدود [/poem]