..سـر الوجـود... (( استلم ياخوي ياسداح))

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سر الوجود وسير الافلاك آيه=وغيب الدهر تشرق به الشمس وتغيب
ومبدأ الطريق يضيق عند النهايه=ياقف مسار الدرب ما له سراديب
دربن على ما فيه فيه انحنايه=فيه اجتمع ترغيب طرقه وترهيب
كل بزاده ماعلى الله كمايه=للخير كتاب وللخطايا مناديب
ويبقى الامل عند المخاليق غايه=يدرك مداها من يروم المقاضيب
ومن لاهداه الله ماله هدايه=يمشي على عمياه مقفي ولا يجيب
فحوى الكلام رموز تقرا قرايه=ومن لافهم تعطيه الايام ترسيب
هذا واشوف اليوم طول بطايه=لارحت شرق ولا توجهت تغريب
امشي واروح شوي وارجع ورايه=وآخذ مع الهوجاس سجات واغيب
وتاعيبي النبهه قصير قصرايه=واجمع شتات الهم بين المحاديب
واخفيه عن ناس تعمد عنايه=واضحك وقلبي فيه مثل اللواهيب
من شان لا يلحق مداهم مدايه=ابعد واسلي خاطري بالمراقيب
لينن بلوايه تروح وبلايه=في عزلتن جنبتها الناس تجنيب
اقطع صدى صوتن يجيد الدعايه=واحرم كبودن قوتها بالعارقيب
واخلف هدف ناس تقصى خفايه=تموت ما تلحق هدفها ولاتصيب
راضي لو ان الغيض مدرك ارضايه=وطيب لو ان جروح قلبي معاطيب
ارفا خلل مبناي وارفع ابنايه=لاينكشف سدن عوا دونه الذيب
ياأهل الحكي مال القضيه حكايه=ولدت وماتت في حضور المعازيب
وكفن جسدها من شرفها وفايه=ودعتها بيض بليا عذاريب
وش عاد لو خالف هواها هوايه=لاهي بيدي ولا بروس المشاعيب[/poem]