شـــــد العتيبي ..

[align=center]السلام عليكم ورحمة الله وبركاته

إخواني هذي الابيات المتواضعه للتواصل رغم قدمها ،، لها قصه أمل أن تنال رضاكم وهي :
كان لي جار من عتيبه رجل بكل ماتعنيه الكلمه الدين والخلق وحق الجار والشهامه والكرم وسلوم العرب كلها مجتمعه فيه وبقينا اربع سنوات وحدث ان نقل الى خارج الرياض وشد من عندي ، وجا مكانه صومالي ..والحقيقه فقدت جاري ولم يعجبني الصومالي وقلت هذه الابيات .

صلو على النبي
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شد العتيبي جعلها له سهيله= شد العتيبي مكرم الجار والضيف
يا وجد حالي يوم قفا شليله= وأنا على جاري كثير التحاسيف
واين أغدي للي علومه مهيله= بالمدح والناموس ماله تواصيف
عينه على درب المراجل دليله= مثل النداوي فوق روس المشاريف
معا هل الطالات جزلٍ حصيله= على الكرم والجود والطيب والكيف
أربع سنينٍ كنّها وقمْ ليله=في جيرة الطيّب معزّه وتشريف
تبنا له البيضا براس الطويله=شوق الهنوف ام القرون المراديف
والله ونعم به ونعم القبيله = عتبان معْروفين أهل منسف وسيف
عكف الشوارب كاسبين النفيله= مثل الغصون اللي ثمرها مدانيف
واشيب عيني مايعوّض بديله= أصبحت مثل مبدّل العز بالحيف
الجار صومالي ولا فيه حيله= لا يعّرف الجيره ولا له مواقيف
صكاك باب ولاّ يفوت الحليله= وان سمع صوت منادي الجار ما شيف
وليا عزمّته يتقي ما يجي له= يستغرب الجمْعه كثير التصانيف
وإن صار هاجرنا فحنْ نعتني له= سنّه وسلم وحق ما فيه تكليف
نحْفض له الجيره سنينٍ طويله= حتى لونّه مايعرف المعاريف[/poem]

ودعتكم الله[/align]