(( تواقيع الاعضاء - 18 - ))

الي ثلات شهور ماسج بـي قـاف
مع ان صـدري مختنـق ومتضايـق
يمكن تلاقي فيه (( 90 )) محـراف
لكن .. ماتقـدر تشيـل الحقايـق
يحتاج من عندي بطاقـات صـرّاف
وآنا على الله .!! ماش عندي بطاااايق


محمد السواط .,

لــ الدكتور ســــداح (رسالة شرارها يقدح)


يا الزاير اللّي عزمت لشاتك الصوتـي
مانيب راعي ( لك أحلى مايك ) بالمرّه
شكراً .. ولو دعوتك ما تعمر بيوتـي
وإليا شكرتك لا عـاد تعـاود الكـرّه
دردش وفرفرش مدام الحبل مفلوتـي
وعيونك السود يا المقـرود محمـرّه
لو تزرع الـروّم بالرمّـان والتوتـي
روّادهـا بالهوايـل تصنـع الــذرّه
البنت متمّرده .. والرجـل سربوتـي
يفرّهـا مـع ظـلام الليـل وتفـرّه
تضحك على شاربه ويلوتهـا لوتـي
أمّا كشف سترها وإلاّ فضـح سـرّه
واللي على دربهم ماهـوب مبخوتـي
كثرت عليه العلوم وضاعـت الجـرّه
من يدخل الشات لو ينشات بالجوتـي
لا يطلب الناس حقّه والعرب حـرّه !


عزالله اقديت بهم 000 حقهم ماجاهم

ياهمّي استح على وجهك وخلّك خجـول
ماتكفي طعونـك اللـي قبـل سمّيتهـا

كم ليلة ٍ صرت في صدري تجول وتصول
ونيـران كـل المواجـع فيـه لمّيتهـا

ماكنّك ألا ماتعرف غير بـاب الدخـول
وليـا لقيـت الوناسـه فـيّ ذمّيتـهـا

ربّعت في قلبي المسكين عرض ٍ وطـول
ولا تركـت المصايـب ليـن ضمّيتهـا

تاهت جميع المساعي بيننـا والحلـول
من بعـد زهّبـت ضيقاتـي وحمّيتهـا

والله ماعاد الك في الصـدر ذرّة قبـول
قدمـك كتايـب مـن الأحقـاد نمّيتهـا

الشاعر محمد السواط

الا يارفيق ٍ كل مسجد تصلـي بـه
وتهجد توال الليل تستغفـر وتوتـر
ومن قام من عندك تشذّب عراقيبـه
وتعطيه قسمه قبل ما يركب الموتر
توقع ترى الحسنة تلاشى مع الغيبة
ترى كل ما سويت محسوب ومفوتر




للمبدع / مشعل فالح الذيابي

ياخي تبسم لوجه الله ليا شفتنـي
تبسمك في وجيه المسلمين صدقه



لعدنان مرضي .. مع أحلى ابتسامه

لا قلت له روح ثم لد ف.. عيوني
قالت عيوني ترى ما هـو بـودّه

للشاعر /محمد آل عبدان

من قبلك الحال ضايع فالوصوف
مثل التبسّم على وجه الحزين



ابو مناحي تراك علقت على ذالتوقيع

بس برضو حلو

تعينوا في قلّة المبدول *** الله يعافيه ولا يبلاني



لـ خالد الغازي

ياوجودي يارفيـقٍ بالمعانـي نستشيـره
مادخل فيه الغـرور ولاتغيّـر فيـه ملّه
نادرٍ من خيرة الأخيار مايظلـم ضميـره
حافظٍ قول الرسول ومنهج التوحيـد كلّه
ماتغيّر رفقته وليـا زهمتـه فيـه غِيره
له طموحٍ تعجز الأنذال تاصل مستوىً له
ودي آخذ معه وأعطي في الرحاة المستديره
لين ربان السفينه يلتفت فـي حاجـةٍ له
راحت الأيام وإنّا نتبـع الركـب المغيـره
ودّعينـا يامجلـه واكتبيـنـا يامجـلّـه

لـ حسين بن ضيف الله الدوسري

..

اشتاق لك لاغبتلـي فـي مهمـه
واليارجعت من الوله ودي اطيـر
واشتاق لاشفتك والاشـواق جمـه
عن وصفها تعجز جميع التعابيـر
حتى لاضميتك على الصدر ضمه
احس في شوقي لك احساس تقصير
من كثر شوقي ودي آكلك صمـه
واشح فيك من الغلا شـح تقديـر

للشاعر المبدع / سعود الدهيمي

..

عطني قصيده بدون بيـوت
من بحر عينـك وحجّانـك
حتى لو أنّ العيون سكوت
نظراتها أفصح من لسانك !
سلهم بعينك وأجرّ الصوت
وأبـدع لحونـي علشانـك



د-سّداح

عين الرضا جفّت .. عسى منت ظامي
وعساك من جمـرة غيابـي تدفّيـت
إن كان غرّك .. ضحكتي و ابتسامـي
ساعة نظرتك يـا حبيبـي وصدّيـت
هذي بقايا صادقـه .. مـن غرامـي
ظلّت معي .. يومـك عليّـه تجنّيـت


وهذا توقيع الرائع \ سعود ناهض الرويس

ياهاجسي خلّك على هونك ترى ماني عجل
لين الليالي تنهي الدعوى ونـارك هاديـه

انا على هداج تيما والخبل يـزرع فجـل
اما عط الماء شاديه والاّ عط الماء ناديـه

علي الحرام اني لأوقّف للخبل على رجـل
أني لأعبّربه جميع الناس حضـر وباديـه


الشاعر سعد بن مناحي بن شفلوت

شعري لو اني مثـلهم فيه اباهي
ماجابته كفي من الجوف منـزوع
القى له اللي عن هل الشعر تاهي
واهذبه واسماه فـكره ومـوضوع
ولو ماني بعين المخاليق راهي
رفعت صوتي طفل الاضلاع موجوع

سعود بادي

آسف .. على قلة ردودي ولكن
ماكل ما يُكتب .. يشدّ إنتباهـي !

محمد المسعري

ربَّ \ أخْ \ لم \ تلده \ لك \ أمُك
وربَّ \ أخْ \ جابته \ أمك ومات
في عيونك \ ما يشيل اليوم همّك
مانفعْك دموع عين وتضحيـات
من لحمْك ودمّـك وودّه يسمّـك
بسمته أحْقاد وهروجـه شمـات




,
/


وجــد

من اول اشفق على حـزة وصـول الحـلام
اللي من اسبابهـا عينـي تضـم الحبيـب .!
واليـوم لابـارك الله فـي وصـول المنـام
من عقب حلم الوداع اللي كسا العين شيب . !


لحبيب الكل فراج

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هجوسي هجوسي حضري غصب وإلا طوع=لـزوم آتحملهـا مـادام إنــي الـبـادي
علومً تجي وتروح من كـل صنـف ونـوع=وراس الجبل للنود والسيـل فـي الـوادي
ولاني مغني في هـوى المتـرف الدلـوع=ومـاد التغـزل ياعـرب ماهـو بـمـادي
أغني محبه فـي طـوال المـدى والبـوع=علـى شـان مايزعـل نفيعـي وشــدادي
علوم النشامـى غانمـه والزعـل ممنـوع=وهـذاك مـصـداري هــذاك مـيـرادي
يافيحـان بـن هـلاٌل لا يكبـر الموضـوع=ترى العيس يافيحـان سـارت بـلا حـادي
ولاهي بحبة حال في جـوف حبـة كـوع=ولكـن علـى ماقالـو الـدرب متـحـادي
ترى هرج غيـرك ماهـو بعندنـا مسمـوع=يسولف قليـل العـرف ونسكـر الـرادي!
وهرجك يبـو هـلاٌَل سيـف وقنـا ودروع=علي الحرام إن هرجتـك تشـرح فـوادي
فلا ينشغل لك بـال مـن طابـع ومطبـوع=على أهل الطباعـه مانـت شـاره ونقـادي
ويافهيد بن سلطـان دون الخفـوق ضلـوع=ترى الوضع يالشدادي أسهل مـن العـادي
معرْفة سنه والا معرفـة شهـر وإسبـوع=ماتفرق معي وآنـا علـى سيـرة أجـدادي
علي الحرام إن ياقف الشغل في المشـروع=ولا يزعل النـادر علـي وابـن الأجـوادي [/poem]


لـ ناصر الاحمري

ماهيب حرام انها في مربع التوقيع يابو يحيى

..

ياليل لونك لون ونجومك نجـوم
وانا على شوف النجوم متعافـي
من عقب ماجوّك معاصير وسموم
سبحان من زيّن واصبحت صافي
اعشقك لاجاني على الخاطر هموم
واسريك وابدي كل ماكان خافـي

لـ بندر

واظن ان فيه حرف دحدر سهواً

^
^
^
هههههههه

هو صاز هذا هو ( ك ) عيّنته متربقله في شمعه

^

ها شفت اني مانيب هين

حبيبي يا حبيبي راحت الدعوات سين وجيم
لعلّ الضيق في تال الزمن يخجل على دمه
احبك وانت تدفعنا على ما قيل للتأزيم
مثل وضع الحكومه فالبلد مع مجلس الامه !



من بيتين عرفنا ان تركي البادي عاشق , وسياسي مخضرم

للمذكور أعلاه
8
8
8




كب المعاذيـر يـاراع المعاذيـر
الصدق لاتتركه والكذب خلّـه
الدمع لوصدّقك في كلّ تعبير .؟
ماعاندك كلّ ماجيـت بتهلّـه
أقبلت , لكن مشاعرنا مدابيـر
أبقطع الوصل , والباقي على الله
قلبي كما جذعٍ ايشلّ العصافيـر
لاطار واحد ؟ يجي واحد محلّه .!




سوالم