[ .. مثل لميس .. ! ]

كانت توقيع .. وإستجابة لرغبة البعض .. اصبحت هنا .!
إتمنى أن ترقى وترقى .. لكم





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]



يالترك جيناكـم نبـي مثـل لميـس=مدعوجة العينين مدموجـة السـاق
ولا لقينـا الاّ وجـيـة متاعـيـس=عامـل ميكانيكـا وبنشـر وحـلاق
يكفي يا الام بي سي خدعه وتدليـس=وعزف على جرح المشاعر والاشواق
شبابنـا راحـوا وجونـا مفالـيـس=واحسنهم اللي حافظ نـص الأخـلاق
راحوا ضحيّة ضحكة النفس وإبليس= وتجاهلوا سلم القبايل والأعراق
إن قلت : يا أهل القيس وش ضيّع القيس ؟= ليه السفر والبهذله عبر الآفاق
فأرض الوطن للزين منهج وتأسيس = هنا جمال / أساس - وأشكال - وأعماق
قالوا لأجل ( عين الحلا ) نرخص الكيس = وننساق لأجل اللي لها المال ينساق
مزيونةٍ شدّت جميع الأحاسيس = وشدّت نواظرنا قبل شد الأعناق
جمالها ماهوب من صنع باريس .!= مرتبه ترضي شغف كل الأذواق
اليا نظرناها تضيع الهواجيس = ونضحك و لو إنّا من العالم ضياق .!
واللي هنا .. يبغى لهن دوم تدريس = في فن ( كيف توسع الصدر لاضاق )
ويبغى لهن جلسات موضه وتخسيس .!=وتعديل فكرٍ ما عرف غير الأسواق
لبسن كعب قالن طوال وسناعيس = وحطن كحل قالن هنا سحر الأحداق .!
قلت العقل دائم .. بكل المقاييس = للخير مفتاح ٍ .. وللشر مغلاق
والحمد لله .. ما تركت الوساويس = تتل قلبي تل .. طيرٍ بمسباق
و لميس لو إلها ( مجنن لماميس ) = ماحركت بي شوق من جملة أشواق
[/poem]