(( حياتنا )) بـ (( أبياتنا )) .. !! - الصفحة 2

18-11-2008, 02:30 PM

المشاركة الأصلية كتبت بواسطة عبداللطيف الغامدي

بغض النظر عن خشوم الربع ياحامد

الشطر هذا تأكد منه

(جيته ابا اجمع ايجاره مثل جمع الزكاة الخراج)

مغطته شوي مدري مغطه حمد السعيد

وسلامة خشمك

والله مدري ياعبداللطيف ،، انا نقلته سماعيا لأني عجزت القاها مكتوبه ،،، يمكن مغطت بعض الحروف

بس هاك التسجيل واسمع بنفسك ،، ولا تبخل علينا برأيك ،، لأننا منك نتعلم يا معلم

http://www.movn.net/7md_al_s3eed/AL_BeeT_AL_qaDeeM.ram

بس ابا امشكلك بطلب قبل لا تسمع واقولك ،،،،،،

حب لي خشمك

تحياتي/ حامد

18-11-2008, 02:49 PM

ههههههههههههههه

حامد زوّده كلمة ( جيته ) في اول الشطر ....

البيت اصلاً مثل ما سمعته في المقطع الصوتي اللي ادرجه حامد هو كالآتي:

باجمع ايجاره مثل جمعة زكاة الخراج

تحياتي

18-11-2008, 05:40 PM

ابو حمد

وتميز كالعاده الله لايضرك

يالحميدي

وصح لسان جميع الشعراء

وفيه موقف حصلي هو

عزمتلي واحد من الاصدقاء وقلتله الليله العشاء في الاستراحه قال تم ومع صلاة العشاء طفا ماطور المخيم ورحة استاجر ماطور قبل الضيوف يجون ودق علي وعلمته بـــ سالفه قال ياخوي الليله 1/1/2006 عيد راس السنه والناس بسط وهز وسط وانت في خيام وخربان الماطور بعد
قلتله مادريت عن عيدكم لكن اصبر لين اجيك اعلمك

وسويت هــ البويتات وانا رايح له

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
تقول لي وشلون واقول لك ليه ؟=متى الشقي يترك دروب الشقاوه ؟
يعني. اذا اني عاشق البر وش فيه ؟ =من ساس بدوٍ يعشقون البداوه !
انا من اللي ما تغير مباديه = وطبع النعومه ما يحب القساوه !
وانته تبي لك لانش جاهز وشاليه= وتبغا الوناسه مع بنود العلاوه !
وتبدل الصمان بــ شانزليزيه= وتبدل التمره بقطعة حلاوه ![/poem]

19-11-2008, 12:26 AM

^
^

ههههههههههههههههه

(( عيسى الشاطري ))

ماكتب في أهل (( الطايرة )) ..
كنوزهم في (( الأرض )) .. !!

19-11-2008, 02:47 AM

^
^
^

العيد قرب للي يبا يطلع لديره

19-11-2008, 02:51 PM

اول شي ...

اشكر الاديب الرائع عبدالرحمن حمد ... واشكره على إيراد الابيات المتواضعه

والله يجزاكم خير .. على الدعوات الطيبه

واحب ان اورد لكم موقف وابيات ... الابيات معروفه للجميع لشاعرنا المبدع / محمد السبيعي

وهي ان شاعرنا كان في مقر عمله في الرياض وعاد لديرتهم رنيه في إجازه وقبل ان يعود لبيتهم الجديد هزه الشوق لمسكنهم القديم ومر به في طريقه ... وقال الابيات التاليه:

[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رجعت من درب المواجع الى البيت=اللي بقى به للسعادة بقيّه!
كم لي أمره حيّ وبـ ( خافقٍ ) ميت=لو ان جروحه في نواحيه حيّه!!
اقبل والى مني قربته .. تعدّيت =ما كنّ لي في جيّته ألف نيّه!
ما فـ ( الخفوق ) الا جروح وتناهيت=وما فـ ( العيون ) الا دموعٍ عصيّه!
حتى دخلته بإختياري ، ومدّيت=لـ ( ايامه ) العطره خوالي يديّه!
قلت اخذني .. قال انتظر .. كيف حنّيت؟=من بعد عشر سنين من غير جيّه؟!
قلت أنت لو تدري كثر ما تمنيت=اجيك من ليلة وداعك شويّه
من شان ابوس ظلالك اللي تربّيت=في فيّته صبح السرور وعشيّه!
ضمّيتني من غير وعيٍ .. وهلّيت=على جبيني دمعتينٍ نديّه!
قال اقترب .. وآنا اقترب .. لين حسيت=بـ ( أنفاسه ) الحرّى توالى عليّه!
وآنا بصدره .. قلت لو كان ما جيت=يمّك .. ظنوّنك كيف بتكون فيّه؟
قال اعرفك رغم البطا .. ما تخليت=عن حبّك اللي في محانيك .. ليّه!
تبقى محمّد .. طفلي اللي تهقويت=يكبر ولا يلقى ليا كبر زيّه!
لكنّي أشعر في خفوقك .. بقى بيت=في نظرة عيونك ظهر بعض ضيّه!
قلت إنولدت فـ ( ظل ) سورك .. ويا ليت=فـ ( ظل ) سورك .. ألتقي بـ المنيّه[/poem]

19-11-2008, 03:05 PM

عبدالرحمن الشيباااني

موضوووع اكثرر من رائع ..

استمتعنا بقصائد تعبر عن مواقف تشدنا وفي نفس الوقت تطربنا

عفاس بن حرباش

ابدعت . ابيااات لها تأثيرها في النفس . ورحم الله والدك وبيض الله وجيهكم

مشعان البراق

شاعر جميل ورائع .اطربتنا يبو محارب

خالد الروقي

شاعر يصور الموقف شعر ويطرب

ابو راكان وابو عيضه

سلمتوا .. والله يصلح راكان ويديم المحبه

للجميع امتعتونا بردودكم ومشاركاتكم

ومتاااابعين