بارك لجناب الود .. شعرا

[poem= font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سداح يطرح جناب الود = في السوق ووحيت ترديده
إبداع مشهود ماله حد = صعبٍ على الناس تقليده
لله درّه فرَق عن جد = ونواف تسلم يا رب إيده[/poem]

[align=center]الف مبروك لدكتور سداح

والحقيقه مهما قلنا فيه ما عطيناه حقه لكن هاذي مشاعر عابره :[/align]

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
من يلوم أحساسي وذهني وفكري=كل ما يسهر هجوسي ذيب عاوي
والله أنه مادرى بالي في صدري =يوم أغني قاف سداح العطاوي
شف (جناب الود) والأصدار حصري=من مراقيب السعد.. بأسم النداوي
عين حرٍ ثاقبه.. والطبع فطري=نادرٍ من نوعه وطلعه شفاوي
لا أعتلا.. كل الجوارح عنه تدري=أن مخلابه على الجزله رهاوي[/poem]


[align=center]وشكرا لك يابنت وايل [/align]

يـا ربّ .. قدّرنـي وساعدنـي عـلـى ردّ الجمـيـل
لأهـل الوجيـه الطيبّـه .. وأهـل القلـوب الصافيـه
وشلون أبلقـى مـا يناسبهـم مـن الشكـر الجزيـل
الله يـمـدّ أعمـارهـم فــي طاعـتـه بالعافـيـه
أكتب شطر .. وأشطب شطر .. وأبحث عن الحرف البديل
كـنّ الحـروف الأبجديّـه عـن عيـونـي خافـيـه
حسبـي عليـك الله يـا هاجوسـي ونعـم الوكـيـل
أزريـت عـنـيّ لا تــردّ .. الوافـيـه بالوافـيـه
أشعـر بتقصيـري وأنـا مانيـب رجــال ٍ بخـيـل
يـوم المشاعـر والعـه ليـه القريـحـه طافـيـه ؟
الله يجمّـل حالهـم فـي كـل َ صبـح وكــلّ لـيـل
اللـي كسـونـي بالجمـايـل والجمـايـل ضافـيـه
كـم شرفونـي وأكرمونـي وأحرجـونـي والدلـيـل
شـف كـم مرقابـي علشانـي يـصـوغ القافـيـه
أفخـر بهـم وأمـاري بفخـري وأنـا راسـي طويـل
لعـلّ كلـمـة ( ماعليـهـم زود) كلـمـة شافـيـه
لـو مـن جنـاب الـود مـا لـي لا كثيـر ولا قليـل
إلاّ المحـبّـه مــن نظيفـيـن الضمـايـر كافـيـه


الله يوفقك ياسداح لما يحب ويرضاه ويوفقنا معك أجمعين

وكلمات المدح والثناء مقصورة بحقك مهما قلت لن افيك حقك

ولاهنتي يابنت وايل

[poem= font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله يبيض وجه نواف نايـف = وثق لنا شيٍٍٍٍِ من ابداع سداح
شعرٍ رقا في عاليات النوايف = يستاهل التقدير كساب الامداح [/poem]
بنت وايل

مشكوره على هالماضوع
واعذروني على الخرابيط هذي انا كسفان ههههههههه

كل الشكر لك يا بنت وايل على اللفته الجميله

وجناب الود هو الشعر


[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مدري وش أقول لكن من نهار الربوع = وأنا على الجيب ألفلف من مكان لمكان
مع الخطوط السريعه والخطوط الفروع = أحوس ماهو عشان أحوس لكن عشان
كاسيت صُدّر لضيق البال [ تسكين روع ] = الشعر والصوت والأداء كلّه جنان
يشرح لك الشعر والإبداع في كل نوع = رثا \ غزل \ حالة أمّه في فصاحة لسان
ويعلّمك رغبة الشرّد لحضن الخضوع = ويثبت لك إن الطرب ماهو فـ\عود وكمان
وشلون ما أطبع [ جناب الود ] بين الضلوع = وذائقتي تدوّر الإصدار ذا من زمان[/poem]

تبون الحقيقه واضحه ياعرب من جِدّ!
كلامٍ مزكّى بالصراحه..وعطره فاح

نعايش سنه..فيها الربيع,وجناب الودّ
ياكثر الغلا يانجد..مْا اغلاك ياسداح

مشكورة بنت وايل على هذه المساحة التعبيرية ,,


وأنا أقول :


حضرة جناب الود دكتور سداح
أنا أشهد إنه غير وف طلته غير
يخجل شعوري كل ماحضرته باح
كل التحايا تاصله دون تقصير


,,,

,,,



كل الود