يارب راسي!! رد راسي مكانه..!!

[align=center] بسم الله الرحمن الرحيم
مشاركه متواضعه للتواصل تقبلوهاا مع التحيه..

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بالبورصه ساهمت في بنك الإفلاس=اللي لحقي ما عطاني ضمانه
طقت براسي قلت أغامر مع الناس =يوم ان كل جاك يهذب حصانه
صرّفت ما حولي ونفّضت الأكياس=وأخذت دين وقلت ياليل دانه
في خاطري ماعاد للفقر مجلاس=عندي ومن بيني وبينه حصانه
ومن حين ناقوس الخطر دق الأجراس=للحرب بين المحفظه والخزانه
وأصبح مؤشرها بوضع التنكاس=وأومُا لقاع الأرض بأحمر بنانه
الفقر عاد بصحبة الهم والياس =وهذا يقول لذاك صاحبك عانه
إستانسوا عندي وانا كلي أوناس=وربعي على عرف قديم وميانه
ما منهم اللي قال يا فلان لا باس=مدري بلاده حسّ ولا لعانه
ما همهم كلمة حقيرين واخساس=ولا خايفين منك يالخيزرانه
من شوفهم صرت أضرب أعشار بأخماس=وأرخيت لحصان التوجد عنانه
ذكرت يا مخبلك ياطابخ الفاس = حديد وتريد المرق من دهانه
واللي دعا بالقدر تكبيرة الراس=وده يجاري عالمٍ في زمانه
ولحظة كبر حجمه قبل رد الأنفاس=دعا بتصغيره ولخبط كيانه
صغر ورجا ربه بعد فكر واحساس=يا رب راسي رد راسي مكانه[/poem][/align]