رمز الإنسانية .. ( الأمير عبدالعزيز بن فهد بن عبدالعزيز )

أقل ما يكتب بحق شخص بقامة /
صاحب السمو الملكي الأمير عبدالعزيز بن فهد بن عبدالعزيز آل سعود ..

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] زوري معـالم خـيالي يا حروف الهـجاء=ثم اظهَري بإنطباعاتك على ارض اليقـين
وليا سمعـتي نـداء الشعــر لبّي النداء=وانتظري حضور فـكري قبل ما تبتـدين
لأنه يعَـرْف ان ما للطـيب غيـر الثـناء=ولأنه يعـرْف المراجل والرجاجـيل زيـن
وهنـا بـدا المدح يتـوجّه بكـل البهاء=لك يا فريد الخصـايل رغـم أنف السنـين
يا اللي جمـيع الصعـايب تعلن الإنحـناء=أمـام هيبـتْك يا درع الفعـول الحصـين
ومادام طاريك في شعري منحـني ضـياء=بقول : عبدالعـزيز ابن فهـد .. مرّتـين:
مرّه عشان اضـمن لفـاخر قصـيدي بـقاء=ومرّه عشـان اقهر بمـدحي لك الحاقـدين
وإذا انت ما اجيك من هو يستحق العـناء ؟؟=يا ابن اطيب الناس ذكـرٍ بألسـن العالمين
ورثت منْه الصــفات وقمـت بالاقـتداء=وظهرت للناس بشموخك من اشرس عرين
ابو التواضع , قوي الباس , أصل الدهـاء=راع المروّه , مفكّ العسر , حـازم بـ لين
ساس الشهامة , عدو الخوف , نبع العطاء=حكاية العزّ , حبّ الخيـر , رفعـة جبـين
فيض المكارم , سديد الراي , رمز الوفـاء=نيّـتْك بيضا , شجاع القلب , عزمك متـين
ماريّة الصدق , منهل نبل , بلسـم شـفاء=محقّق آمال , طلـق حْجاج , صيدك سمين
جزل العطية , نديم الطـيب , روح النـقاء=سمح اللـقا , مضرب الامثـال في كل زين
يا سيـدي والله انـّه يصعـب الإحتــواء=موسوعة أخـلاق فالحـالين دنـيا و ديـن
بنيت لك صرح من مجـــد وأجدت البناء=يوم ان غيرك بـنا صـرحة بلبـنات طـين
سواك أشوف ان طيبه فيه جـود وسـخاء=لكن اشوف ان طيـبك له على الطيب ديـن
من جـاك حامل من صدوف المقـادير داء=دواءهـ مواجـهك يا قــدوة الطـيّبـين
تسـطع بفعـلك مثل بدرٍ سـطع بالسـماء=يحفظك ربٍ خلقـكْ من اعْيـن الحاسـدين
لأني احبـّك محبّـة صـدق ماهـي ريـاء=يا ماكن بنبـض قلب وساكن بشوف عـين
وحبي لك اللي سجـنْه الصـدر قبل اللقـاء=شف كيف ابتفجـّر من اسـباب هذا السجين
وغــلاك حـاكم وطـن قلـبي وكلّه إبـاء=ومشـاعري إتّجـاهـك شعـبه المخلصين
كأن ربـي خلـقْك لـدفـع شـرّ البــلاء=يا محـبط محـاولات الفـقر بالمـعـدمين
فجر, ظهر, عصْر, مغرب, لين بعد العـشاء=وأنا أشــوف اليتـامـى فيك مستـانسـين
ما ألومهـم فيك يا سـاعي لهـم بالخـفاء=ياللي ما تدري يسـارك وش تمـدّ اليمـين
واكبـر دليـل لمحبـّّتهم لك .. الإحـتـفاء=لا جيـتهم بعـد غيـبة يـوم وإلا اثنـين
كـلٍّ يوصّي خــويّه يـدّي أحسـن أداء=لإظهـار ما يختـزلْه مْن الـوله والحنـين
يا سيّـدي ما يعرْف الوصـف فيك انتـهاء=ومعـذوره الحيـره اللي توصف الواصفـين
لذلك المعــــذره ولا لـي إلا الدعــاء=اللي به اطلب من المولى وانا ارفـع يـدين
ان عمـرك يطول في خير وأمـان ورخـاء=يا ابن اطيب الناس ذكـرٍ بألسـن العالمـين
[/poem]

: