اوتـــوجــراف

اللـي ليـا نمتـي عيونـه سهيـرة
يدعيلك ان الله مـن الشـر يحمـاك
لولاك ما خاض الامـور العسيـرة
ولا كابد الدنيـا والاتعـاب لـولاك
الله عليـك يديـم عـزه وخـيـره
وستـره وعافيتـه بدينـك ودنيـاك
ويفتح لك ابواب السعـد والبصيـرة
ومن شر كل اللي منه شـر ياقـاك
صحيـح تـوك يامنيـرة صغيـرة
ما لوّنـت سـود الليالـي نوايـاك
لكنّ فيـك احـلام عمـري كبيـرة
وليا كبرتـي يكبـر الحلـم ويّـاك
وانتـي بتحقيـق الامانـي جديـرة
يجذبك دين ويدفعك طيـب مجنـاك


الله الله الله الله الله

لله درك
لله درك

والله يخليها لك ويصلحها ويرزقك برها

اللهم آمين

قصيده مليئه بالاحساس والصدق النابع من الوجدان

صح لسانك مليون

ولاهنت

احترااامي

و
ج
د

مصلح بن نميان

ياهلا ويامسهلا

كل الشكر على عذب مرورك واطرائك

تحيتي وتقديري

المشاركة الأصلية كتبت بواسطة مشعل فالح الذيابي

السلام عليكم ورحمة الله وبركاته

اكبر البنيات جاتني بدفتر اوتوجراف وقالت اكتب لي اوتوجراف وانشغلت

عنها وكل شوي وهي جاية تقول ما كتبت لي في الدفتر واخذت الدفتر

وكتبت لها ها البويتات اللي اتمنى ان تفهمها اذا كبرت ان شاء الله تعالى

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بنتي الحبيبة والعزيزة منيرة = طلبتي اهدائي بعد كل ٍ اهداك
وهاضت قرايح هاجسي بتعبيره= هاتي اوتوجرافك وفي صفحته هاك
اهداء ابوك اللي سكنتي نظيره = واللي على اسم اغلا المخاليق سمّاك
اللي ليا نمتي عيونه سهيرة = يدعيلك ان الله من الشر يحماك
لولاك ما خاض الامور العسيرة = ولا كابد الدنيا والاتعاب لولاك
الله عليك يديم عزه وخيره = وستره وعافيته بدينك ودنياك
ويفتح لك ابواب السعد والبصيرة = ومن شر كل اللي منه شر ياقاك
صحيح توك يامنيرة صغيرة = ما لوّنت سود الليالي نواياك
لكنّ فيك احلام عمري كبيرة = وليا كبرتي يكبر الحلم ويّاك
وانتي بتحقيق الاماني جديرة = يجذبك دين ويدفعك طيب مجناك
ابغاك لربوعك ولاهلك سفيرة = باخلاقك ودينك وعاطر سجاياك
وابغاك في لبسك وقولك ستيرة = وليا مشيتي نظرتك يم ماطاك
وخطوتك عن باب القصيرة قصيرة = ما ابغى يقال احد ٍ تحلّاك واوحاك
وعينك عن عيوب الخلايق ضريرة = وخافقك عن زلات الاقدام ينهاك
والصدق طبعك فالعلن والسريرة = ونهج الصحابيات نهجك ومبداك
وابغاك دوم لوالدينك ذخيرة = بالبر واجر البر ماهوب يخفاك
وتردين غبات العلوم الغزيرة = وتعانقين المجد من فعل يمناك
وابغاك الاولى فالادب والاخيرة = فالهرج كثر الهرج يبدي خفاياك
تجملي بالصمت في كل ديرة = والابتسامة لا تفارق محياك
وتكفين ياعنق المها المستذيرة = حذرا يزين من التفافيق مرماك
تراك قايدة الظبا فالمسيرة = وما للظبا مجناب عن جرة خطاك
تجنبي ممشى الدروب الخطيرة = واخذي طريق الدين لا حارت ارياك
حتى يجي لك مع هل الدين سيرة = وكل ٍ يقول ان جا مجالك وطرياك
يابنت مالك فالصبايا نظيرة = الله يعز اللي على العز ربّاك
[/poem]

مشعل الذيابي

ما اضن فيه تعليق ابلغ من مشاعرك

وما اقول الا

اسأل الله أن يجعلها مثل ما تمنيت لها ورجيته منها

وبمشيئة الله إن تربيتك لها على هذه الخصال تحقق هدفك

ولسانك ماينلجم ويمينك ماتنشل



دمت بخير

تحياتي لك