طروق الهواجيس

السلام عليكم ورحمة الله وبركاته ,,,

للتواصل مع المرقاب الشعبي اليكم هذه الابيات علها ان تلااقي على اعجابكم ,,,


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا الله يا المعبود تفـرج عليـَه=وتـرحـم ضلوعي من طـروق الهواجيس
البال ضايق و المشاوير ليـَه=و القلب وسوس والوساوس من أبليـس
تـاجر ويعرض عندنا كل سـَيـه=ونسـوم سياته ونرجع مفاليس
بضاعته فيـها ذنـوب و خطيـه=مامنها مصلوح للروح والكيس
العود وصى و الوصيه حـذيـَه=أشعل من اعواد الخطايا مقابيس
نفس البشر تامر على كل شـَـيـه=ما برقعوها بالبراقع قرانيس
أتبع طريق الطيب واترك رديه=خـل النشامه في حياتك مجاليس
ورد الشعر ورد الركاب الضميه=من فوق عدن ما دخل فيه تنجيس
خل المعاني نارها نار حيه=حتى يزين البن جوف المحاميس
صونه كما صون الخوي لخويه=واخذ من علوم الليالي تداريس
حال القصيده مثل حال البنيه=اردم عليها من الستيره ملابيس
والبينه ماهي سوات الخفيه=خل البيوت امرمزه كالطلاميس
وما كل حاجه تنكتب للبريه=كم زلتن رفرف لها حاجب الهيس
وعشق العذارى ينجح القلب كيه=ما فاد قبلك متعبين القراطيس
ترا بيوم الحشـر نفســي بريـَـه=في يوم يشيَب راس من يرضع الديس
مـرحـوم ياللـي مامـشى بالعصـَيه=يـتـبـع رضـا ربــه ودرب النواميـس
يا كثر ما وصى ومد الوصيه=وأنا حروفي في هواها نسانيس
ليلـي سـرا و الصـبح شعشع بضـَيه=وش عاد عذري و القوافي محابيس
مسلم ومؤمن بالألاه ونبيـَه=ولا يجي في دين ربي وساويس
سنـي ونفسـي يا عـرب رافضيَـه=تـامر على عشـق العيون النواعيـس [/poem]

وسلاامتكم