(الجمس مجده راح )

اعزائي اعضاء وزوار صرحنا الراقي السلام عليكم ورحمة الله وبركاته
هيضني الجمس والجمس له عندنا مكانه خاصه ولقيته مع غير اهله
ويمكن اول مايسمحون للحريم بالسواقه يكملون الباقي
تهيضت بهذه البويتات اتمنا لها القبول عذر عن طول الغيبه
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجمس مجده راح ماغير تذكار = طاح وسقط كرته وقل اعتباره
اللي معه نرهي على كل مشوار = وكلا يعده راس مال وتجاره
شيخ ابمعم ابيض وله رمزواشعار = خمس الجماحيات فوق الغماره
اللي منول ماحدن فيه يحتار = يفرض على كل الهواه اختياره
اخذ اهوات الجمس قصاف الاعمار. = ثم اسقط اسماهم من الاستماره
بندر و خالد و ابن مناع و ذعار = خذوا معه يوم اشهب الوقت تاره
مشوا على وضح النقى سر واجهار = وعاشوا معه على الحلا والمراره
يوم اعبرو به فالقسى كل القطار = قبل التطور والرقي والحضاره
خاضوا على متنه عظيمات الاخطار = يوم الحدود مطوقه بالخفاره
وجابوا به اللي فالصناديق ماثار = اغلا السلاح اللي ينومس مثاره
والرد الآخر حملته بن وابهار = ونوادرن تعطا عليها البشاره
الجمس فالشدات راعيه صبار = يشفي عليه اللي بعيدن دياره
ياللي ما تقدر تملكه يدك والحار = تقف الرجال لهيبته والو قاره
اليا أشتغل صوت الشكامين هدار= مثل البعير اللي تزايد هداره
والياسرح من دار يمسي على دار= صفق الهواء ماميله عن مساره
والياسرى واطلق على الخط الانوار= (جنبه عكس ضوء القمرمن حماره)
وقوده البنزين و اعلاجه النار = لهيب شكمانه تقادح شراره
لو له جناحن يرفعه فالسما طار= لانن ليله ينفهق عن نهاره
يعد طبلونه و راعيه بيطار = ماأشرعلى ابريكه ولادق إشاره
مجنون فالصحرى ومفتون فالقار= ما يرتفع عنده انبير الحراره
صوته لامرك مع جلد كنه اعصار = ومثل السحاب اليا تراكم غباره
من قو تصميمه ما ينحل مسمار= مع خط ولا مع نفود و زباره
نوع اكفره مشلان وجنوظه اكبار = ياخذ غزير الخط مادق زاره
مازودو هواء الكفرات بعيار= و زيت المكينه مانقص من اعياره
ياجمس مماصار ماجور و مجار = لو كان مني ما طلبت استجاره
امنولن في بوج الا قطار مغوار = ولا تاقف الا عند باب الإماره
واليوم اشوفك صاربك شي ماصار = جعل الردي يفداك و تموت ناره
اليوم صارت حملتك جح واخضار = ودوج بك الخضارفي كل حاره
وشلون طمعوافيك عميان الابصار = واللي يمينه ما تساوي يساره
حضك قصربك عن طويلين الاشبار = واقفا وحطك للمفاليس شاره
الله هو أعلم عن خفيات الاسرار = يمكن تسوقك تالي الوقت ساره[/poem]