وش الـدبـره ؟

السلام عليكم ورحمة الله وبركاته
أسعد الله اوقاتكم بكل خير ,,


وش الدبره؟

5 مواقف قد تمر على احدنا في حياته اليوميه , جمعتها لكم هنا لكي نعرف كيف تدبرون اعماركم لو صرتوا فيها

1
( واحد / وحده ) تقابله لأول مره عند ناس تعرفهم , ومن الغد يتصل بك ويطلب ( سلف ) 2000 ريال ,
وتقول : ابشر متى تجي تأخذها؟ ويقول : جبها لي للبيت الله لايهينك ,وياليت تجيب معك كيس رز ابوكاس ! ها كيف تصرف ؟

2
( عامل / عامله )يجي ويشتغل عندك فالبيت , وبعد شوي تفقد جوالك وتدوره ماتلقاه , وتجي عند السباك وتسمع نفس نغمة جوالك في مخباه
وتلاحظ انه حريص مايرد قدامك وش تاتسوي ؟

3
رحتـ / ي لطبيب اسنان تشكي من ضرس وقرر يقلع الضرس بـ 150 ريال ووافقت , وعند الفاتورة طلبوا منك 300 ريال
لان الطبيب قلع ضرس ثاني من كيفه ها ماذا تفعل ؟

4
تروح تخطب من ناس مادحينهم ناس واجد
ويقولون لك : انت رجال مافيك قصور لكن البنت اللي خطبتها معها ( ماجستير ) ولاراح نزوجها الا لدكتور
ويعرضون عليك اختها الكبيره اللي معها ثانوي ها علمني كيف ترد علاهم ؟
- الزميلات المرقابيات اجابتهن عن هذا الموقف حول ماذا يشيرن به لو كان الخاطب اخوهن -

5
تدخل الى مطعم وتتفاجأ بواحد يرحب بك ويحتفي بك احتفاء غير عادي ويسلم عليك بحرارة ومعه 4 اشخاص
وبعدين يقدمك لهم بأسم غير اسمك ولاهو قريب منه - اسم واحد مشهور -
ويصر هو واللي معه على انك تتعشى معهم ها قل لي ماذا ستفعل ؟
- لـ الزميلات المرقابيات يقلب الخطاب من مذكر الى مؤنث ومن ثم الاجابة -


بانتظاركم