[ طـــواري ]

ياخادم البيتين صدّر حكم عام او حكم خـــاص
فأهل الكبائر والفواحش والمناكر والبــــــغي

يا إنهم ( ينّـــــفون ) , ولاّ فيهم يصدّر( قصــــاص )
وأول ضحايا الرابضه , بالحكم [ حمزه كشغري ]

7
7
7
7
7
7



ياخادم البيتين ياقايد سلاطين العرب
نبي العروبه جيشها يصبح وهو في سوريا

لازم نحرّر حمص و ادّلب واهل درعا مع حلب
ونردع هل الطغيان من قتل الصغار الأبرياء

أحتاج لك
يابعد
حالي ويامالي


ياحالي الذوق /
مالي
فالبشر حاجه !!

الويل والحرمان والبعد والتـــــــيه
أربع هدايا , مهديتّها سنيـــــني

بكيت حظّي لين من كثر ما أبكيه
جاء يعّتذر وقتـي , وقـبّـل جبيني

أنتي وأنا , في ذمتي مالنا / أشكال
من بيننا حب (ن) مايرضى الإساءه

حب الكبار يعانقه حس الأطفــــــــال
فيه الثقل / ومن الصــــــغار البراءه

ورّدك وكاديّك وعطرك وفـــــلّك
تفوح منّك شرق واتعطّر الغرب

لو رحت عنّي / مايروًح محـــلّك
أنته هناك , وحبّك هنيه فالقلب

أصحي على ذكرك صبح و أسري مع طيوفك مسا
وأشيل حبـّــك مع جـــروحي من شباط اليا شباط

أفديك فدوه بالعــــمر , لا يابعد كل النـــــــــــــــــــسا
متى يجي بيني وبينك بعد ماصار ( ارتـــباط )

أنا على أخر حياتي , / كان ياخلّي ماجيــت
يبي يجيني من عذابك يوم ماجيت / الأجل

إن كان ابه حبيب يعشق له حبيبٍ حيّ ميت
أنا الذي متصدّر الأحباب في كشف الســجل

لاتعتذر لي , خلّ عنك المعـــــاذير
العفو , كلمه عندي أوّل/ ما تطري

حبّك عن العالم في قلبي ترى غير
ولا ينتزعزع دامـــه / الحب فـطري

ماني مجمّل حـــال لو اسمي تشوفينه جمال
العمر ضاع وضيّعته فالوقت منك أنتي فـقط

ياما عرض لي من بنات ادم وحواء فاللــيال
وياما كذبت وقلّت أنا مع من خذتّني مــرتبط

أنا الذي باع عمره لاجل محبوبه
الموت شعره فقط , مابيني وبينه

هايم بحبّك وداخل منه غيبــــوبه
ولا متّ , أبـويه لاتنسينه تعزّينه !

أنا بعيد عن الأمن , وأنا قريب من الخــــطر
يامجازيٍ عاشقّك بالحرمان وش هذا الجزاء ؟

جيتّك لي , كنّي معّيد مع هلي عيد الفـــطر
,وإن رحت عنّي , كني اليتيم في حالة عزا !

.
.
.

( قناعه )
بعض البشر شوفه عمارات وابراج /// وبعض البشر ذكره لاجاء يقطع الرزق

ماجاوب المبّلي ليّا شفت مبــــلّي
لو زل بـ لسانه وقال (الخطأ عمّد)

ولا قال قلت , وليه ماتقول ؟ قلّي
أقول من بلواك يالله لك الحمّد !

أمسح دموعك وخلّ الدمع ياشاطر
فــ مــوادعٍ ساعته ياقربها تأتـي

نبرت كلامك حزينه تكسر الخــاطر
واليّا أكسرت خاطري ماينكسر ذاتي

خلّي يكّـــــحل ناظره ويتأّمـــل
في ضيعته بين الخضار وربيعه

وأنا بصحراء نجد كم لي مهّمل
وبوسعها ضاقت علي الوسيعه

اسمي جمال وحــــالتي ماتجمّل
أنا بـ [ ضيّعه ] والغضّي وسط ( ضيّعه )

عيد الحب ( فالنتاين )

مسلم / مع اهل الكفر مالي علاقه
لي شرع وسلوم وتقاليد وأعــراف

الحب : ماهو وردٍ أحمر في بــــاقه
إحساس يرسم واقعه [ بادع القاف ]

تعال يامسافر , بعد طال صـــبري
لو كان تبرى النفوس الجــــريحه

على الأقل , يرجع برجعتّك شـعري
من غبّت غابت معك حتى القريحه

ليه العذاب المــرّ , ياعــذب اللـــما
ماترحم المشتاق ياشين الطـــبوع

أسكنتني صحراء المفــارق والظما
وأنته بـ صدري ساكنٍ بين الضلوع

.
.

.

حيل الله أقوى بعد ما طـــــال العناد
من شان حبّك , بين قلب وبين عين

العين تبغى اتضمّك وعيّـا الفــــــؤاد
وأنا ازعّـل مين , و رآآضي لــ مين

أغنمّ شبابك دام نفسك نشيــــــطه
لا تشغلك دنياك والقدر فاللــــــوح

اليوم واقف فوق وجه البسيــطه
وباكر تحتها عقب وقفتّك مسـدوح