مرسى ( هاجوس فكري )

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تمر الأيام واستأسرت خفاقي = ما تدري إن الأسير يجض من قيده
لا تطلق القيد خله ثابت وباقي = و استدرج احساس اسيرك باللي يريده
لك بعلن بما أسرّ و خط باوراقي = تشهد عليه القوافي ولك ابا اعيده
عليك صمت الحروف بشوق تواقي =وده يناجيك ويردد ل/ أناشيده [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله انه يرحم الحال في الناس الضعوف = من صواديف المحبه وذكر اسبابها
كم فتى يشكي جروحه من اسباب الهنوف = وكم هنوف(ن) تشتكي من هوى طلابها
ما دريت إن الهوى يبغت إن جاء له صدوف = لين دققت الحسابات يا حسّابها
ارسل سهوم النواظر عليّ بدون شوف = وابتليت بناظرينه وقو اهدابها
و يدعي لي بالبراءة ولا يلحقه خوف = لو طردت بثار جرح الضلوع وما بها [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسدل ستار المناقيد و اخذ اللي تبيه = يمطر الهتان صافيه ويهل بردي
لو شكيت من الهوى ما استحيت من الوجيه = كم رجال (ن) قد شكوا منه يالغصن الندي
بس انا لو بشتكي فعله لمين اشتكيه ؟ = ماذكر له قاضي يفك حبل معقّدي
و إن شكيته للقوافي تسابقني عليه = من محبتها له اطريه و تجيني عدي [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما كل من صاغ ابجدي حرف يجزل = ولا كل راعي جود مفتوح بابه
يا عود رويان (ن) طويل متعزّل = يا من كفوفه زاهياتن خضابه
إن قلت اشوفك بالقوافي تغزل = قلت إلك شايب و يتذكر شبابه
وشعر الغزل له في المعاليق منزل = و يطري ليا خايلت برق و سحابه
ويطري عليّه كل ماشفت لي زل = من نبت وسمي(ن) ما هوب متشابه
وعصر الشباب اقفى وطرد الهوى زل = وقته , وانا للقيض ما اطرد سرابه
وليا رقيت لعالي الرجم ما انزل = ما ارضاه لو شفت إن غيري رضى به [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يلاحي كل مايذكر وهب من الهوى نسناس = طرى له ماطرى وابعد خياله في مخيّلته
يعبّر عن مشاعر تختلج في صدره الحساس = وغنى ما يهيّض من على همه وشاكلته
وبنى من سامري الحرف ما يعزف له المرواس = يهوّن به هموم(ن) ما حملها غير كاهلته
وليفي كيف هيضت الهجوس اللي لها نبراس= وانا كم قد لي الهوجاس لو يطري تجاهلته [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين الثريا بقى من الليل ثلثينه = والثلث قد راح ما بيّن تلاعجها
يالنجمة اللي سهر عيني تلاحينه = العين طول السهر ماعاد يحرجها
ما باقي وما مضى في حسبة سنينه = تبرير للنفس يوم يزيد واهجها[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تمـر الأيـام واستأسـرت خفـاقـي = ما تدري إن الأسير يجض من قيـده
لا تطلق القيـد خلـه ثابـت وباقـي = و استدرج احساس اسيرك باللي يريده
لك بعلن بما أسـرّ و خـط باوراقـي = تشهد عليه القوافي ولك ابـا اعيـده
عليك صمت الحروف بشوق تواقـي = وده يناجيـك ويـردد ل/ أناشـيـده
صمت المشاعر ينادي لك ومشتاقي=والا ينـادي لـك بزفـره وتنهيـده
يشرح بنجواه ما تخفيه الأشواقـي=ولا وده يسمّـج هروجـه بترديـده
إن لاق و الا معاك الوضع ما لاقـي=لا تجرح الصمت , غرد له بتغريده
و خلك مثل ما انت لا تعطيه ميثاقي=إن كان ما انته بمخلص في مواعيده
على حصون السرايا ما وقف ساقي=ودي بها والسرايـا عنـي بعيـده

[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين انت ياللي ليا جاء للقوافي مجال = اذكرك بالخير لو انك بعيد(ن) علي
و اقول حي القصيد ليا نظمه ارتجال = جاب الجزيلات ما يغرق به المحملي
ماهوب ممن تبع طراد قيل(ن) وقال = حسن النباء , ما اتّخذ لبس الغرور الحُليّ
إن صد ما صد غير من الخطايا الثقال = و إن صد لا تنتظر مِنّه يجي مقبلي
و الله ما ارضى عليه يجيه مني خمال = ايضا ولا من حدٍ غيري , ولو هو مِلي[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين أنت عن حب(ن) زرعته لك سنين =اهملت زرعك لكن الزرع ما مات
إن شاف ناس (ن) للحيا مستغيثين = يحيا الأمل عنده ويذكر لما فات
و لا تحسب إنك في غيابك عن العين = تغيب عن فكري ولو بس لحظات
ولا تحسب إن الصد عني ينسين = باسباب صدك زلزل الصدر ونات
مكانتك عندي ترجّح موازين = رجوح حبك مانقص لو غرامات
و قسوة حنانك لو حدتني على البين = باقي وفاك اللي عطاني ضمانات [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تحرق ازهار حبك في بساتيني = يوم انت جاني و أنا رشحتك القاضي
نويت قتلي بعد ماكنت تغليني !!= إن كنت صادق بحبك وقتنا الماضي
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من عقب ود وغلا و ورود سحريه = و الوصل يسقي مشاعرنا ويحييها
ماتت غصون الغلا و جذورها حيه = على بقايا الثرى والصبر يسقيها
ضحيت لجله بفرقا , عنه جبريه = و تبقى لنا الذكريات بحكم ماضيها
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ساقيت نبت الورد يـوم الله اسقـاه = وجيت اقطفه والشوك دونه منعنـي
يا شوك أنا اسقيته ولكنـي اضمـاه = وبالرغم من لينك و صغرك ردعنـي
انساق له خافي شعوري من اقصـاه = وعن كل ماضي في الحياة انتزعني
وحبل المواصل كيف ما استنبط ارياه = ياالروح مع روح اسبح الليل طعنـي
الموق يسهر والسهر لـي معانـاة = يوم القدر مع من هويتـه جمعنـي
اعيش في دنيـاه يـا بعـد لقيـاه = الا أن حظـي ماتبعـتـه تبعـنـي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انسكب خمر المشاعر على غر الـورق=من الثمالة هزّت الخصر وتنادي تعـال
راقصة متمايله شاربه حبـر وعـرق=تنطوي بين الأصابع ومعها الحرف مال
نادته ياحرف لو نزفك يسبـب غـرق=مستحيل اكل وامل من نزف الوصـال
نادر الإحساس ما يوم للفكـره سـرق=بنت فكرة تكتسي كـل يـومٌ بالجمـال
و إن نظم ينظم نقاوة بهرجه ماشـرق=يعشق الجزلات ما يلتفت يـم الهـزال [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما صرت ف/غيابك مثل شخص عادي =وخانت مواقيت اللقاء شمس الاشراق
ظرف الزمان اللي على الوضع سادي = سلطن على الحاضر ولا بل الارياق
و صمت الغياب اللي بغربه ينادي = يقول لا تبعد ترى خاطري ضاق
ساعات بعدك كنهن الهنادي = تواردن للصدر تغتال خفاق
ودي لو استرسل بقاف التنادي = و اخاف في مفهومك الوصل ينعاق[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تسرق النوم والا النوم طبعه كـذا ؟=يهجر العين إذا ما تهتنـي بالرقـاد
إن تكرمت لي بالوصـل يـا حبـذا=و إن تمنّ بوصالك لا تزيـد العنـاد
بـس خلّـك مواصلنـي بطيفـك إذا=حال من دون وصلك في الطبيعه عباد
و الله اني ما اسبب لـك بعمـد الأذا=واتحاشى أذاك بكـل منطـوق ضـاد
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماعاد به شي(ن) جديد(ن) نقوله = متشتت التفكير مع كل ذعذاع
مدري هي العدوى تجيني عجوله =والا لبنت الفكر ماجاز مرباع
إن غاب ملهم بنت فكري خجوله = وتنظر بنصف العين وعيونها وساع
إن مالقت في الماد صوله وجوله = ماصارت لحبل الرسن تجي مطواع
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عسى كل طاروق ٌ يجي منـك يالهاجـوس=يواصـل مسيـره ليـن تكمـل مفاهيمـه
لعبت الهجيني من قبل والعـب المنكـوس=واحـورف بتنويعـه واحـدد مراسيـمـه
و اعدل نياشينه علـى وزن نبـل وقـوس=و اشكّل من الأجـراس واعـرف ترانيمـه
واخيّر بنات الفكر و ارسل لهـن عسـوس=و عرفـت التجـارب كـل طقـه بتعليمـه
و اصوغه كما صوغ الذهب معمله محروس=نفـا للشوايـب والمخـايـل مقاديـمـه
و ازفه مع النسناس وإن هب ريح الكـوس=لمـن يستحـق اهديـه ويعـرف تقييمـه
ولا ابغى جزاه المـدح والا بنقـد فلـوس=يكفينـي انـه يعتبـر نظـرتـه قيـمـه
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحمام الدوح ليه تهيّض الحوريه = ما تعرف انك تهيض اشجانها واشجاني؟
ليتك تودي الرسايل والمشاعر حيه = تنقل الاحساس وترد الخبر عجلاني
و ياقنوات الفضاء والشاشة الفضيه = ليه غبتن عن مشاعر حدها الحرماني
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
زمان الصمت , نعرات المزاج , اللي بلا ميزان=إثـارة للتعجـب والعجـب طبـع المزاجيـه
زمن كله عجايب ماصفـى للمـوج والربـان=عجزت افهم عجايب ذا الزمان اللي كما الحيه
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما تشوف ان السنة دارت ليليها سريعة=و الولع ناره تزود و زادت الاشواقـي
و اهنيّك داله و تلعب لك بقلبٍ وديعـه=لا تضيّع للوداعه و انت أمين و راقـي
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حطي شموع السهر ,والبن مع هيله = نسهر مع النجم لين النور ينباجي
وفلي جدايلك ما ابغى طاري الشيله = ايضا ولا ابغى الحجاب يغطي الداجي
ويلاعبك قاف شعري مع مواويله = ياشمعة الليل خدك كنه سراجي
طرق الغزل لجل عينك هان تذليله = لو كان دونك يزوم الحد وسياجي
والله لو اسهبت في مضمون تبجيله = لتقول شاعر , وكذبه ماله علاجي
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القلب فز لصورةٍ و أبعـد الشـوح=للسيل يـوم انـه تخيّـل حـدوره
تصوير عبّر عن خفاياك بوضـوح=واشغلت تفكيري لو اعلن سـروره
ودي ولا ودي وكيف أجيّ و اروح=والشغل حاديني ونفسـي جسـوره
لو كان مالي مع هل البر مصلـوح=الـروح والله كـل يـومٌ تــزوره
ما ابغى تلوموني ليا اسرفت بالبوح=إن طاعني قاف القصيـد وبحـوره
[/poem]