مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصبح على خير ياغصن(ن) توارى من ورى أوراق = و استودعك ربنا المعبود و إن طال الغيابي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في ميادين الحياة وطبها و اجراحه = مايفيد بها عبوس ولا يُجنّ الصاحي
كل فكرة في بساتين الزهر سوّاحه = و تقطف من الورد يوم إن الشذى فوّاحي
عانقي حرفي فرح ضد الحَزَن و اشباحه = و انسي احزانك وغني للفرح و ارتاحي
لين تشرق بسمتك شمس الضحى الوضّاحه =و الشحوب اللي على الورد الندي ينزاحي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
السامري مجنون جرّه بالالحان = يتل معه القلب لين يغدي به
و يبقى صداه بوسط صدرٍ له مدان = لو زلزله زلزال ما احد(ن) دري به [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليت الهجوس بخاطري يوم ما دك = و بقى بطي الصمت ما جاء ودكه
ياليل سامرني على ثورة الشك = و حاول تبرر ما ينافي ل/ شكّه
في الصمت قدمه كني موقّع الصك= و في كل كلمة قال الإثبات صكّه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بوح القصيد ومسرح الفكر في جو = ما كدّره عاذل ولا حاف جوّه
وبنات فكري تنهمر كنها النو = في أول نجوم الوسم لا هل نوّه
ياليل شد القاف في ليل يحلو = و درب التفاهم معك ياليل سوّه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للحقيقة طعم ما يستسيغه كل ريق =والله اني بالتجارب مخاوي للزمن
يا صدور (ن) تدّعي بالوساع ولا تضيق= الحليم ءليا زعل ضيقته تبدو علن
و بيّن اللي ضاق صدره لمزحه من رفيق = وبين اللي صدره ءلزلة الصاحب وطن [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو جيت ابي انظم جديد الطرق زعلني = وانا ارضي القاف مير الوقت به ريبه
زبّنته سنين كيف اليوم ما ازبنّي = و أنا على كل لحن(ن) واضح اجيبه
و الا إن شبه الحذر فاق و تمكني = في عالم ٍ مختلط صفو و حثاريبه
لو كنت واثق وما اقوله يجمّلني = ادرى المناقيد من صحبي و اجانيبه
والا زمان التغيّر صعب يفتني = لو زام جيل التغيّر هو و اساليبه [/poem]

مع اعتذاري
الصورة مسروقة من ركن
عبدالرحمن حمد
( بصمة الهامي )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم فكره سج ساعات ءمتحيّر = واثق بدنيا الفنى مامن ضمانه
شايب(ن) ماهوب في صوب التغيّر = الطبيعة طبع لو يقسى زمانه
ومن مذاق ال/ مر ما وده يسيّر =العصا ضاعت و هو كاسب رهانه
يوم هيفا مع اليسا مع نويّر = قايدات(ن) للتغيّر بالحصانه
وللعمر يا اهل التغيّر من يجيّر = ومن تقدّم سنه بياخذ مكانه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا مقيدني بعهدٍ معه وااافي = ماتقول الا المواثيق القديمه
يوم من يعطي عهوده غصب يااافي = ومن نقض للعهد كل(ن) جاء خصيمه
مير قل لإحساس هجسك ليه غافي = ما اعتبرته ضيف اقدم له عزيمة
خبره يقلط ترى الدنيا عوافي = له مكانة فوق والنيه سليمه
سوق للمظهور مع كل الفيافي = ومسكة عنان المهار اكبر ظليمة
اطلقه في الجرهدي ولا تخافي = و العتب يوصلك كان انك تضيمه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
طيور من الهوى تملا الصدور وتخفـق الجنحـان = تخاوى مع بنات الريح وترف الجناحينـي
تهاجر من مواطـنها و لو هـي تألـف الأوطـان = ويبقى أطلال للذكرى و شاهد عصر للبيني
و يطول الانتظـار لمن شكى من لوعـة الهجـران = يراقب كل مشرق شمس عودة للمحبينـي
تموت البسـمة لصـدر(ن)عطش ماعـلّها الهـتان = مثل بيـرٍ نشف يوم ابتداء نجـم الكليبيني
لو انه يرقب سهـيل اليماني تخـضر الأغـصان = يضيّع حسبـة التاريخ صار اليـوم يوميني
محاحيل الزمان تـدور بـه لو حـاول السلـوان = ترجّل عن جواد الصبر لأصـوات المناديني
يطول البعـد يا شمس الإصـيل ومركب الربـان = بلا مـرسى مع الأمـواج اداريـه ويداريني
أكون احيـان مع ميلـه لو انه ما يطـيع احيان = وإذا إنـه تـأزم أمـر اواسـيه ويـواسيني
ابي شاطيء الغروب و حدني دونه حمم بركـان = ولو شفت الهدف خلف الحمم قلت له يمديني
سحاب وليـل داجي ولا رصدت احـداث ماجلان = وبقى هاجوس فكري في المحيط بلا عناويني[/poem]

[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تل قلبي تل جمسٌ يوم تلاّ = سايقه هارب من السجن ءمحدود
باع نفسه بيع ما يرضى بذلاّ= دون عرضه قاتلٌ سبعة جنود
طالت الأيام في سجنه و ملاّ = و انتظاره طال وادمته القيود
وهربوه بليل من سجن المُكلاّ= وسلموه الجمس والعالم رقود
ما يبي صاحب ولا دوّر لخلاّ= مايبي ياكود دار آل السعود
واقتفوه اهل الطلب من عقب فلاّ= وكل ما ارخى للقدم عزمه يزود
ذا سبب بيتٌ قريته ما يجلاّ = المجنب ليه تبلاه القرود[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامثري الصدر بالاشوق قرّب تعال = نستمطر الذوق , و مزون الغرام الدفا
طوفان بحر العواطف من لهب و اشتعال =لحظة وصالك تأجج لك فرح و إحتفاء
و استوقد الليل شمعة تستحث الوصال = لذة غريق(ن) عن عيون الرقيب اختفى
معك الحقيقة تحدى كل عالم خيال = في عالم ٍ واقعه حطّم صروح الوفاء[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على ضفاف الشط في دار عينيـن=الموج يوصل له ويعطيه الاسرار
وانا عطيت الموج كلمة وبيتيـن=تعبير خافي جاش في نظم الاشعار
حمّلته الاسرار ولها نياشين = بصمة عليه اثبات والشمع والنار
للموج حمله بالأمانه براهين = إليا وصل لأقدام رجليك ينهار
لا تنشدين الموج من وين و لوين=ولا تفرضين الصمت بالحكم لو جار
ردي بحكم العدل و اوفي موازيـن=قسطاس عدل ويعكس الموج تيـار
استأذنك صمته وصبره زمانين = حتى انبرى حاله ولا اعلن لك جهار
وناجاك طيف مثبته في دواوين = وارسل مع الامواج في غزر الابحار
وارسلت له ليزر سهومك من العين = و ادميت معلوقه قبل وصل الأنظار
لك جاذبيه تحكم ءبها البعيدين = ولك نظرةٌ توردني لحوض الأخطار
عليـك ون وسِهـر والنـاس غافيـن=و جاوب لبوح الورق لاغصان الاشجار
وعليـك نـادى يستبيـح القوانـيـن=لـو تستبيـح الـدم ماتُطلـب بثـار
وبيني وبينك مالنا عذر في البين = في وصلنا ياقرب دارٌ من ديار
وبيني وبينك لو صفا ولف قلبين = ما يفرح العاذل بتبرير الاعذار[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري ليا صرت أنا وياك نتكلم ؟= ودي و ودي و ودي بس ماودي
و تدري ليا صرت متضايق و تتألم = لو ما المحاذير , وصلك كل ماعندي
و تدري ليا صرت أنا وياك نتعلم = غلطاتك تعدي وغلطاتي تعدي
و تدري ليا من خجلت وصرت متبلّم = كني اشوف الورود من الحيا تندي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قد شعبت ءمع الدروب الموعرات ركابي = و قد طويت رشاي عن كل العدود و ساهي
و حلّني و ابيحني في نظرتي مرتابي = كان رفضي للغرام الراي مني راهي
و سامح الله حظي اللي في طريقي جابي = فتنة اصحاب الهوى, ماكن فيه الا هي
وش برود اعصابك اللي تحرق به اعصابي = كيف عما اريد أنا وعما تريده لاهي !!
كل هذا من دلع يالمترف اللعابي = تدعي إنك ما فهمت ؟ من الفخر متباهي !!
في تصنعك الف معنى لو تثير اعجابي = و من غلاك البّسك تاج الغرور الناهي
و لجل ما اصير بنظرك الشاعر الكذابي = اتغزل نظم قاف , و في مشيبي جاهي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آدم وحواء و اختلاف الجروا = و تذبذب الاوضاع تاره و تاره
العيب عند آدم ليا شاف حواء = تبدي برودتها لموضوع إثارة
و عيب الخجل في آدم ولو هو تقوا = ردّة فعل حواء بقولة خسارة [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ترى برغم تعذيبك لي بكل شك, اغليك = واراضيك لاصرتي بلا اسباب زعلانه
وابا انظم بيوت الشعر واقول لك لبيك = وقصايد بلا شعر الغزل مالها خانه
لكن الخطوط الحمر ماتنتجاوز هيك = و لا ادخل مع الطاقة و للبيت بيبانه
تماديت والا ماتماديت, اجي و ارضيك =كلامي صريح وكلمة الحق مليانه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تصبح على خير , لو الجفن ما نامي = و تلاقي الخير , وقت و دقت طبوله
ماتدري إن ب/سحايب وصلك ايامي = و إن غبت عني , ليالي سود مسدولة
لو من سحايبك ما تتحقق احلامي= و نعيشها احلام غيبية و مجهولة
تمر ساعاتنا لو جرحها دامي = نقول حنا بشر ونفوس مجبولة
اهم شي النقا لقلوبنا حامي = و صدورنا صافيه ماهيب معلولة[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازارع البستان تو اغصان ورده وارقه= بدا اخضراره وانتظر واحذر عليه من الرياح
الورد يكسب لون تكوينه بـ /شمسٍ شارقه= نعومة الزرع اغتنام الري من قبل الصباح
قطر الندى يبقى كذا يصعب عليه ايفارقه = حتى يجف اذا اصفرار الشمس غطاه اكتساح
الشمس تعطيه الدفى والظل يمنع حارقه = بين الندى والشمس يتبسم ومنه العطر فاح
لو تعتذر بالغيم شمس/ الغيم يكشف بارقه= في حالة ان الغيم موجود العذر منها مباح
ماتقبل اعذار الهوى من برد ليلٍ طارقه = يحفظ دفى حتى يحين لموعد الغد انفتاح
الحب يعني التقاء ارواح تسبح غارقه = لو تبعد اجساد المسافة ملتقى الروح استباح
مايمنعه حزن او فرح قوه عظيمة خارقه= تبادل احساس ومشاعر ما يقص إلهن جناح
من قال عنه انه وهم يجهل علامه فارقه=لهفة غلا// زود اشتياق// البسمة لكثر الجراح[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من غير ما ارسل لك نداي بمراسيل = حييت والمرسى زمرد ومرجان
و هاجوس فكري حط مرساه قنديل = إليا ضواه الليل والبال عمسان
اصبر معي و اقدّم إلك الفناجيل = فنجال بن اللي على الكيف خرمان [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حتى النصيحة صار فيها تبلّي = ياشيب عيني راحوا اهل النصيحة
هوّنت و لدرب النصيحه ما ادلي = بنزف القريحه , دم لا تستبيحه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا اللي خفت يوم اطريت لي خوفك من الاحساس = ما ابي نوصل الى خوف النفوس وعهدنا باقي[/poem]