نبض ..,,.. حرفي

توكلنا على الله وإبتدا المشوار .. ياكافي
.............................عسى ربي يكمل صورةٍ بالعقل .. راسمها
هذا .. والعمر مره .. والقدر طول الزمن خافي
...........................وتفسير الظروف الباقية .. يحرج طلاسمها
انا لي حجه وشاهد عدل .. وأدوّر إنصافي
...............................واسلّمها بعد بكره بكفي .. كف حاسمها
ليا قابلت قاض المحكمه .. ليه أنظر خلافي
..........................وأنا مااجهل علاقات الحياة .. ولا مراسمها
يميّز في قراينها .. ويلقى العذر لإسعافي
.......................ياكثر الضيق .. ودروب الرجا ضاقت مناسمها
ولا يرضيني الا الوزنه اللي كيلها وافي
...........................ولا أقنع لين اشّد الحبل .. كان الله قاسمها
يصح الصح ..ويبين الصحيح .. ويصفي الصافي
..........................لو إن الشر فأقلام الخبول .. وفي مراسمها

[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياكبرها .. لن كان قفيتي .. وانا عيني تشوف=اذا لحقتك.. مشكله .. واذا تركتك ..مشكله
الوضع .. جداً صعب .. جابك .. بين آمان.. وبين خوف=حملك ثقيل.. الله يعينك .. كيف تقدر تنقله
شيٍ رهيب .. ويتعب الأرقام .. ويذل .. الحروف=من اوله لين آخره .. ومن آخره لين أوله
[/poem]




إقلب الصفحة

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
"يسعد صباحك".." مّر ذكرك".." وفزيت"="وقربت" "من ذكراك" .." يسعد صباحك"
"وجاتك هجوسي" .." تدفع البيت بالبيت"="والشعر" .." طب بديرتك" .." واستباحك"
"الفكر".. " دايم معك" .. "لن رحت" .." وان جيت"="عسى الزمن" .." دايم لطلتك" .. "ضاحك"
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تابع وتلقى لك خبر يامتابع=وازرع وزرعك لك من الناس مزروع
يامن على وجهك تشير الاصابع=ماضيك عنوان القلم وانت موضوع
دايم شرابٍ للورق والمطابع=وكتاب تاريخك من النشر ممنوع
كونت فكره عنك وآخذت طابع=منها القناع اللي يغطيك منزوع
حتى تبّين مركزٍ فيه قابع=واصبحت مرجع للدارسات مرجوع
ليله من الصفحات مقبل- ونابع=من عمرك- اللي في روايتك مدفوع
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مليت اسج الرجل حافي على البيد=وانا غرامي فوق ظهر الاصيلـه
قيدني الحظ الردي واحكـم القيـد= والوقت قاسي والمسافه طويله
في كل يوم اقول وازيد واعيد=واعيش نفس الحال في كل ليله
ضيعت وقتي في طوال المواعيد=اللي تسويها الوجيه البخيله
وين انت ياللي شوفتك طلة العيـد=مدري صدوق الغيث وسط المخيله
في وقفتك عز ومهابه وتمجيد=وفي كلمتك ترضخ لك المستحيله
وفي نظرتك طب الجروح الملابيد=وضحكتك راحه للنفوس العليله
قضى القضاء والحال يحتاج تجديد=وأنا عيوني .. في عيون الجليله
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله يزيحه عن طريقي.. لا أدوسه=حجر .. رمت به قدرته .. تحت الاقدام
الشر بعض اوقات .. لا سل موسه=كابوس مفزع ..ينحر حلوق الاحلام
يرمي بسهمه .. ويتعذر بقوسه=وقوسه غضب .. والسهم مع حدته سام
[/poem]

صندوق الوارد:

الله يسعد وجهك السمح بالخير..
ويسعدك رب الكون صاحي وغافي..


الرسائل المرسلة:

الله يسعد طلتك بالتباشير..
ويلبسّك ثوبٍ من الستر ظافي..
ويجير وجهك من صدوف المقادير..
وتعيش عمرك بالرضا ومتعافي..
مع طلتك غنت لحنها العصافير..
وهاضت هواجيسي وغنيّت قافي..
اكبار واجلال ومعزّه وتقدير..
وتعبير بيّن لك وتعبير خافي..
.
::
.

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على الهوا والا تحت سبّع الارض=مافيك شيٍ يخدم .. الشعر والذوق
مضمونك أجوف .. فارغ الطول والعرض=معدوم فكر .. ولا يجملك منطوق
فيك الظليمه.. سنّه.. وواجب.. وفرض=وعنك الأدب ومتابعه .. يرتقي فوق
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كل الذي عندك.. بدا لي من العام= واللي فقلبك.. من عيونك كشفته
عنك انطباعي.. ماتغيره الايام=واللغز ماله حل.. لو ماعرفته
عد الحروف ..وضمها جنب الارقام=وتشوف شيٍ قبل .. مايوم شفته
اتعبت روحك ..مثل مااتعبت الأقدام=والموقف اللي يقنعك ..ماوقفته
ماباقي الا كلمه .. وبصمة إبهام=مع جرأه لموضوع ..يحتاج لفته
[/poem]

[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عادي تناسى.. لو ماانته بناسي=ياانسان لكن.. مادريت انك انسان
ماانت بقياسي ..لو مكانك قياسي=محسوب مالك كنز.. حسبه وحسبان
قصير قامه ..ورفعتك الكراسي=وصار لك كلمه ..وانت ماتملك لسان
راسك كبير الحجم ..ماهوب راسي=عزي لراسك تنقله ..ماله امتان
تكسي مصنف .. من رخوم التكاسي=من خلف جفالي .. ومن قدم جابان
ياصبر الأرض .. اللي تشيل المآسي=الحال مزري .. واغلب الوضع خربان
[/poem]

مُذهل يابن عاصي

المشاركة الأصلية كتبت بواسطة مصلح بن نميان

مُذهل يابن عاصي

ارحب يامصممنا المبدع

اسعدني مرورك وإطرائك الكريم يارائع

خذه تلك الورده استنشق عبيرها العطر والا نتفها

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
كل ماحسيت في صدري من الأيام ضيقه=قلت انا لي صاحبٍ لا ضاق صدري .. معه اروق
والمشاعر صادقه .. والشعر صادق .. والحقيقه=..كل لحظه للعيون السود والرمش .. اتشوق
وينك الله يمهل أيامك .. غيابك كيف أطيقه=الزمن حكمه قوي .. وآنا من ايامي مطوق
اقترب .. قربك علاج جروحي .. وجوّك حريقه=وأنس نفسك لاحضرت .. وخلني منك اتذوق
[/poem]

البريد الوارد:

[poem=font="Traditional Arabic,6,firebrick,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الرفيق اللي صدوده .. مثل مداته جزيله=صد عني واعرفه .. لا صد عن حاجه هجرها
[/poem]

الرسائل المرسله:

[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
السنين اللي عطاها.. نسبته دايم قليله=تشرح اوضاع البشر ..ويبين للعاقل خبرها
كل يوم يغيب.. ويظّلم على الدنيا بليله=هكذا الايام دايم .. شمسها تحرج قمرها
في طريقي شي واحد..ماتغير نظرتي له=جعل عينٍ ماتحب الوافيه .. يعمى بصرها
سال سيل الوادي اللي.. مبطيٍ ماسال سيله=وارتوت منه الغصون اليابسه .. واروى شجرها
مير باقي ديرةٍ بالأرض ..مازالت محيله=مرها المزن وتعدى جوّها .. واخطا مطرها
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اللقمه اللي تجذب الك المهونه=ادعس عليها لو غناتك وراها
واطلب من الله الفرج والمعونه=اللي يدينه عزتك من عطاها
الراس عزه نابعٍ من متونه=والنفس قوتها برغبة هواها
من لا يكحل بالمراجل عيونه=تكحله سود الليالي عماها
[/poem]

من امام اللجنه إلى سمو ذائقتكم الراقيه .. أتمنى لها القبول ..
المكان /الرياض .. قناة المرقاب الفضائيه
الزمان / الجمعة 11/5/1432هـ



[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انا لي وقت أحاول والمشاعر حبلها مشدود=وحجم شعورها يصعب على الكلمه تعبرها
أدور فالنوادر مايبعدّني عن المنقود=لوصف الهامة اللي يتعب الشاعر تصورها
مليك المملكة حامي حماها سيفها المجرود=وصفوة قادة العالم من أولها ليا آخرها
حميد السيرة اللي كل طاريها مكاسر عود=سليل المجد عز الدار ماضيها وحاضرها
رفع راية بلاده لين ثبتها بقمة طود=على القوة ترفرف بالسما كلٍ يناظرها
وجند روحه لخدمة بيوت الله بدون حدود=وقف فيها وتابعها وعمرها وطورها
على العليا يقدم خطوته ويضاعف المجهود=جهوده لأمة الإسلام ولدينه مسخرها
مواقيفه لها التاريخ يشهد والفعول شهود=على وضح النقا بالعز والحكمة مقررها
صليب الوقفة اللي فعلها وقت الطلب مشهود=عداه ليا نهض قدامها عميت بصايرها
حكيم الرآي والمضمون والمنطوق والمردود=ولو تكبر عليه المعضله عقله يدبرها
كريم الخلق محمود الذكر رمز الكرم والجود=تحاصره المكارم والمروات ويحاصرها
ابو كل اليتامى والأرامل والولد والعود=مساعيه الحميده كل من بالكون خابرها
أبو كفٍ على بذل العطايا راهي وممدود=وشعبه من وفاه يقبل اليمنى ويشكرها
سحابة خير هلت وارتوى منها السهل والعود=ومال الغصن بورود الربيع وفاح عاطرها
غلاه مقيم فقلوب الشعوب وثابت وموجود=ولا يمكن غلاه قلوب خلق الله يغادرها
اذا شفناه قامت تنشر الفرحه هبوب النود=على الشعب السعودي تنثر الدنيا بشايرها
شعوب الأرض من زود الغليبة ينشرون السود=على حكامها وتندد وتعلن تظاهرها
وحنا ننشر البيضا لأبو متعب ولآل سعود= عسى ربي يبارك فالحرار وفي مواكرها
لهم من الوفا يربى عليه ويكبر المولود=ويبقى طبع لين اجسادنا تدخل مقابرها
هذا ميراثنا اللي وارثينه من ثمان جدود=مبادينا ولو جار الزمن صعبٍ يغيرها
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الضيقه اللي لها مده تراودني =مستعصيه والصدر .. عيا يقنعها
عاده لحظي على همي معودني=بضروفه اللي على قلبي مدنعها
ياحظ ماني بشاةٍ لك تقودني=سنّع دروبك قبل لا اجيك اسنّعها
[/poem]

من صندوق المراسلات:
احترم الذوق العام ولا تركب برنامج زيادة عدد الزوار


8
8
إلى سلة المهملات


[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
عسى ربي يبارك في ضيوف الركن والشعار =تواجدهم شرف وآعده وسامٍ على صدري
اقدر من يتابعني وله حشمه واله مقدار=حضورٍ معتبر ويهمني واعز به جدري
اكحّل عين والا عين .. ادق بنونها مسمار=يموت الحاسد بنار الحسد ..مااحدٍ عنه يدري
انا لي ذوق ومكرّم عن اللي قلت ياسبار=على العليا موجه خطوتي .. والساقطه حدري
تجي وتروح من زود الغبن .. ماتلفت الأنظار=ويكرم عنك جمهوري وشعري واسمي وقدري
[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
مدري وش اللي معجب الضيق فيني=ماله وراي من المطاليب حاجه
يارب انا طالبك لا تبتليني=في كل مايصعب لروحي علاجه
في كل ليل ارفع لوجهك يديني=عجل عليّه من سعتك انفراجه
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياصغر بعض الناس فالعين صغراه=خٍلقه صغيره لو تهوش وتكّبر
من كل خير وكل خيره معراه=مرورها عابر ولا ينتعّبر
قومٍ على الحقران دايم مضراه=وفي حكمة بليس وعياله تدبّر
[/poem]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
اليوم ذكرك مر داخل خيالي=واحيا بقايا صورتك بين الأضلاع
ذكرت مع طاريك وقتٍ مضالي=واشتقت للماضي وعانقت الاوجاع
يوم السعد في ماضيات الليالي=بيني وبينك حاضر بكل الأوضاع
اقلط على فالي واحصّل عقالي=وابحر فبحرٍ مركبه ماله شراع
وألقا الاجابه قبل ما اطرح سؤالي=والعلم واضح ماعلى وجهه قناع
في ساعةٍ يرخص لها كل غالي=ويفتح لها باب الرضا كل مصراع
[/poem]

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
طريق عابر مزدوج سريع يربط نقطتين=فيه الخطر واللي يبي ..يشعب معه سيارته
مافيه... غير الله يعوض بخير... ياماض السنين=واللي مشى به راح وقته ماروى مطارته
يالواحد المعبود .. يارب الثلاثه والثنين=يامن تحت دبرتك وأمرك .. في يديك إمارته
قضى القضاء وانا أتحرى فاليسار وفاليمين=مدري تبين اشارته والا تضيع اشارته
يمكن تصير الصوره اللي في جهازي صورتين=الاوله من لوحته والثانيه من فارته
وجه الحقيقه لو يبين.. الصدق في وجهه يبين=الذل قبل إثارته والعز بعد اثارته
يعني بدون مجامله... تحت القدم .. حتى تزين=واللي يفارق حارته ... بكره مصيره حارته
[/poem]