مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا طول صبر المنتظر للمواعيد = لعل في ميعادهم مانسونا
لو كل ميعاد(ن) يحدد بتحديد =عقارب الساعة لها الفين لونا
ماكنها الا ترجع لخلف وتعيد =الوقت مادام انهم مالفونا[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حدب الضلوع اللي كما صلد جلمود = احيان احس الهن لجج و اهتزازي
إن دار فكري في فلك ماله حدود = اخضع ذليل لخالقي بإعتزازي [/poem]

ابيات وجهتها

لشاعر الشباب

مشعان البراق

[poem=font="Simplified Arabic,6,green,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلامي على مشعان يوم إن قافـي طـاع=و انـوّع مـن الأمثـال للقمّـة اعلامـه
تعجبت من دنيا الغرايـب طويلـة بـاع=و أنا شاعر (ن) عادي ولا نيب علاّمـه
غرايب زمان العلم في المنهج اللي ضاع=و عجايب زمان العالم المسلـم اسلامـه
و غرايب زمان الجهل من خطة الـزرّاع=تفنـن بخطـة زرع و افكـار هـدّامـه
و عجايب زمان الغاب ما عاد فيه سبـاع=تـزود الثعالـب فيـه ويقـل ضرغامـه
و عجايب زمان البحر يوم الدرر في القاع=و روّج صناعي لول مبنى على حطامـه
و غرايب زمانك يا ذهب سوقك الخـداع=لو البورصـه تهتـم و تتابـع ارقامـه
سبايك ذهب ماهيب تشـرى ولا تنبـاع=ذهب اربع و عشرين قيراط مـن خامـه
ولا هـي وسيلـة للدعايـه ولا البيـاع=ولا هيب تعرض فـي مـزادات سوامـه
يبدّله بإكسسواره , ابو عيـون وسـاع=لحب المظاهـر بالمـدح يرفـع الهامـة
و عجايب زمان البر ما صار به مربـاع=على شان من يهواه يبنـي بـه خيامـه
تقصّرت في شرحي بالأمثـال للأوضـاع=رسالة لشاعر واثـق بمصـدر إلهامـه
[/poem]

وقد شرفني
ابو محارب
بهذا الصدى

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

رموز القصيده .. فكها فن وآستمتاع=مفاتيحها , في خدها كنها الشامه
تهيضت معها , والله الله على الابداع=وسجيت سجه من ذكر ماضي أيامه !
أعيد النظر في كل ما قلت , والملتاع :=لقى وآحد ٍ ملتاع .. يشكي لي آلآمه ,
ما قلته : تراني حابسه من وراء الاضلاع =أكنه وهذا اليوم ياصاحبي .. عامه !
12 شهر صاموا وأنا أكابد الاوجاع=ولوّ أتكلّم كم شهر بـ أجرح صيامه !
عن العلم : ماللعالِم الا سميع الداع ِ=يثّبت فؤاده مثل ما ثبّت أقدامه
وعن الجهل : الأنفس صبرها من حديد وماع=شياطينها : تلعب بها ( لعبة الدامه ) . ,
وعن الغاب : ما ماتت سباعه لكن جياع=هذا وقت من هو بالفشق مالي حزامه
وعن البحر : لا شفت السفن مالهن شراع=تبي تعذر اهلها .. ولاهي بـ / منلامه . ,
وعن البر : ماله روح لو بارد الذعذاع=يهفهف هواه , وتنعشك هبة أنسامه
يضم النحاس مع الذهب .. لونه اللمّاع ,=وهذا له أقيامه , وهذا له أقيامه . ,
أقول ( الحقيقه نوع واحد من الانواع ) =مريره .. ومن يؤمن بها ؟ يقتل أحلامه ![/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا هبي بصحنكِ و اصبحينا = بقائمة المؤنة و ارحمينا
ترانا يابعد روحي طفارا = ولو نضحك بوجه البائسينا [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجس اللي يلتهب كنه الذيب = لجلج قنيبه بين حدب المحاني
اقبل عليه الليل بين المراقيب = ليلين ماشاف إله مخلوق باني [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خذ راحتك في ماتشوفه وتهواه = وما جاء خطأ مني ومنك السموحه
و مالي عليك حقوق و الا مقاضاة = و لك أوفي بوعدي و احقق طموحه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما تدري انك تجرح الروح يالروح = من دون رأفه يوم تجرح لروحي ؟
كانه تعمد صعب اقول إلك مسموح = و إن كان ماتدري , بلاش الوضوحي
خلك على طبعك و زد جرحي جروح = ولك مني إن عمّقت جرحي ما ابوحي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلمة, تقال , و وقعها في الصدر نار = و من قالها يضحك ولا يحتسبها
أو قالها ضحكة وهي سيف بتار = و لا تحتسب غلطه لمن يرتكبها
الا انها مزحه برزحه لعيار = و في داخله خطة فخر ينتسبها [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رعاك الله ياليل السهر كم لاح فيك البرق = على ضوحه و نجم الجدي يِمّه , وجهت الساهر
و أنا كم شفت في الصفحات ياليل السهر من فرق = فوارق بين طيات السطور وبعضها ظاهر
و تباريح الصدور اللي تفيض وينظم ءبها الطرق = حوّت ما استحوذت من فيض ما يخفى على الماهر [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد كلمتك , حلفت لأطوي طويل رشاي = ليا اتضحت الرؤيا , اتضح معك منهاجي
لو اشكي لواهيب الضمى ما طلبتك ماي = ما دامك طعنت الأبهر و وصلت التاجي
تجاهل , أو انك ما تجاهل , هذا مسعاي = ليا جزت لي من شي , قررت مخراجي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليا سقت ياليل السهر للتباشير = تلامع نجومك كنها العاب ناريه
وليا دلبحن نجوم قلت السهر غير = انا وين بسهر يالعيون الشقاويه [/poem]

لا تفقد المفقود ,,
له عمر ,, و ,, أمضاهـ ..
.
.
واصل لما امضى ,,
من عمل ,, و,, احسب حساب ..

يفقد فقيد ,,
و,, فاقدينه ,, دناياهـ ..
.
.
و فقيد ,, مفقود ,,
القرابه ,, و الأجناب..

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تفقد المفقود له عمر و أمضاهـ =واصل لما امضى من عمل و احسب حساب ..
يفقد فقيد و فاقدينه دناياهـ = و فقيد مفقود القرابه و الأجناب..
و ما مات من خلّف له إبن,, بمزاياه = يعوض عنه بلين و بوقت الانشاب ..
ابنه ومن صلبه من الصغر ربّاه = و مختار خاله من عريبين الانساب ..[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مساك ياليل السهر خمس شمعات = والشمعدان اصابع اليّد تخيّل ؟
و حبر القلم ماء المزن يرسم للوحات = إليا اختلط بألوان من عقب خيّل
يرسم علامات الرضا بإبتسامات = جزله كثير ولا رضى بالقليّل
و رسمت وصف وحط جملة علامات = و صارت حروفي في عيونه تزيّل
و احترت , في قرب وبعيد المسافات = ولا ودي اجفِّل شبيه الغزيّل [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اخاطب الطيـف وارحـب واردد شطـر=يامن سكنت الحنايـا والغـلا مستطيـر
يا مرحبا يالخزامى اللي سقاها المطـر=يزود ترحاب من مشتاق جـوّه مَطيـر
الورد فوّاح مـن طيفـك وريحةعطـر=ماعاد لي عنك يا الغالي مفر و مطيـر
ارحم محبك ترى قلبـه عليـك انفطـر=وان قلت ماشفتني وشلون بي تِستَطِيـر
اهدابك سيوف والنظره خجـول وبطـر=في وصفها اشد سطوّة من فعول الشطير
اجراسـه تـدق للتحذير,تعلـن خطـر=واللحظ سهمه لياصاب المولـع خطيـر
ما شفتها, لكن ارسمها استقامة سطـر=واراهن اللي تحـدى طيـر بالله طيـر
القاف غِيره عليها من الوصوف انشطر=عيا يكمل وصوف وحرف قافي شطيـر [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أتدري إذا نطق اللسان تلعثما = فأدنِ اليراع لعل أن يتكلم
سحر البيان العربي بضادهِ = بفصح لسانٍ قد يناجي الأنجم [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فهمي ثقيل ,, وثقل فهمي ,, و شيّبت = ما عاد لي في الفهم حيله و مقدور
إن جيت اعبّر صرت غضبان و أغضبت = من كان يفهمني باحاسيس وشعور
كني بديت بسب يوم ءبه رحبت = و كني عليه اخطيت لو قلت مشكور [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ماعرفت اللي لي ارسل بيوت وطاف = حدود الجزيرة وإله هجمات مرتده
ترى أول شطر لو ماتضمّن للام وكاف =أبا اعذر و اقول إنه خلط مزحه بجده
و جزيل المعاني توجب الرد للمحراف = لو آخر شطر ماهوب موزون بالقدّه
ترى اللي يغوص البحر ماهو كما الغرّاف= تخيّر وهات الاسم وإلا لك الصدّه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلطان الأفكار جاء مع حرفـك العجلـي = و أوحى لهاجوس فكري يسـرج خيولـه
و وجهت معه التحيـة لجلـك ولأجلـي = عسـى التحايـا ليـا وصلتـك مقبولـة
في كل ما امشي طريق احذر زلل رجلـي = و على النقا أمشي طريقي عرضه و طوله
القاضي اللي حكـم يـا زاهـي الحجلـي = في حجة البعـد مـن غاليـك محلولـة
يحكم رجـوع البعيـد لراعـي النجلـي = الا ليـا صـار مجبـر , ماهـو بحولـه
عليـه حجـز التذاكـر لا يجـي وجلـي = وعليك تلحق بركبـه و اكسـب الجولـة
يزيل عنك الكـدر يـا المولـه الخجلـي = وصلـه وقربـه ونـار البعـد مذلولـه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا ضيقة الصدر مالك عندي ديونـي = يا ويش تبغين جعلـك مـا تحيينـي
غثيتي الصدر و أيضا اسهرتي عيوني = من لا يبا جيتـك دايـم لـه تجينـي
يشكيك صدري وفيّض منك مخزوني = يا سرع جيّتك ما امدى لك تقفينـي
أنتي جريّة و وصلك صار مقروني = مع موج الأفكار و الأبحار تغرينـي
سحاب صيفٌ ترادم واخلف ضنوني = اخايله يوم شوف المـزن يحيينـي
و الورد لو جوا من المضماه يردوني = العد مـا صـار جمّـه للمحيمينـي
هنيـت نـاس علـى الشـدات يقوونـي=للصبـر والصبـر قـرّت عيـن للعينـي
و إن فاض غيض الصدر ما صار موزوني=مـا كـل مخلـوق يخضـع للقوانينـي
كسر الحواجز يهابـه كـل مسجونـي = وليا سنحت فرصته ما هـاب حدينـي
ومن ضيقة الصدر جاوبتك على الهوني = وجهت نظر , ياعسى لك وجهة تبيني
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وحدة الأمة على سنّة نبيه = تشغل الشايب وشبّان وصبايا
ومن يبي شقر العصى ونفسه جريّه= هو عدو الكل في ذهن الدهايا
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من دون منّ ولا ترجى لمصلوح= الا من اللي كافلٌ كل الآنام
تعطي يمينك كن يسراك مشحوح= اخير لك من فعل ينشر في الأعلام
[/poem]