الزلايــــــــــــــب

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مانشدتك يالقدر. ويش انت جايب = هاتها. مادام ربي. لي كتبها
عارفٍ جعبتك. مليانه مصايب = ماتحسّّّّّّّّّّب بالرقوم. لمن حسبها
ياكثر ماجاتني. حاضر وغايب = ولو بعاتبها. فلا ينفع عتبها
الجبل راسي. وكل الرمي صايب = والسهوم المرسله. بيّن سببها
ايه يالطود المنيف. فلانت هايب = وهبة الخلاّق. للشامخ. وهبها
والشموخ احيان. نوع من الغرايب = في زمانٍ كل فرسانه.غلبها
والأمل بالله. مابيكون خايب = لو صروف الوقت. تظهر لي غضبها
دنّ. يالرعّاد ..هلّي.. ياسحايب = ماطرٍ من نجد. حتى سودة ابها
ياقصيد الغمر.. والتفكير شايب = اعط طلاّبتك.. ياقافي طلبها
ملك ماهو دين.. والا جا نهايب = ولّع النيران.. وأفكاري حطبها
ولّع النيران. في دنيا العجايب = هات والعقْبه. نصيب اللي عقبْها
لو يطول الماد. يانعم النجايب = النجيبه لي. واباروّض صعبها
مابيلحقك الظما. يوم الطلايب = لو تشوف الناس. تعصر في قربها
ولو تعوّد. للمواجه. والحرايب = تكسب الجولات. ماغيرك كسبها
فوق ياقافي. ومن عيّبك عايب = واحد لو قلت .(وش حالك) قلبها!
مذهبك ماتستمع. هرج. الزلايب = الزلابه من على يدها. ضربها؟
المطيّه هامله ..والذود. سايب! = والدوا قطران. نطلي به جربها
شدّها اللي ماعرف. شد الركايب = والتهى عنها. وجا غيره حلبها
من سبايبها بدت. حرب الكتايب = وانجرح بأمر الله. اول من سلبها
فالجروح اللي عليها الدم. رايب = تنكوي. والنار من يقوى لهبها؟
من يدوّر للنشب. يلقى النشايب = ما درى من هو الضحيه في نشبها!
والعدود اللي. تعذربها. الشوايب = جغمةٍ منها تلوّع. من شربها
والحيايا الرقط ..ملعونة صلايب = شددّت من سدرة الوادي. عربها
ماكذب من قال. ( رقطا والعطايب ) = سمّها من راسها. حتى ذنبها
كل هذا نوب. والباقي. نوايب = باقي اللي كل رجالٍ . خطبها
كل يومٍ تستلم. منّا .ضرايب = نرخص الغالي.. ولا شفنا طربها
قنبعت بين الطوارف. والقرايب = تقلب الدنيا ولا ادري وش حربها؟
واحدٍ نايب. والاخر بوه نايب = لحيةٍ تنزل ...ويرفعها. شنبها
اما انا والله. ما اذعن. للهبايب = دام شفت نحاسها. يسبق ذهبها
عايفٍ لذاتها ..واليوم.. تايب = انتهى سوم السلع. ياللي جلبها
وعفت من يزهاه. منسوع الذوايب = ماجنيت من الغرام.. الا تعبها
باستريح من العنا. والبال طايب = ومن كلا رمّانها.. ياكل عنبها!
من هنا حتى يجي. ركز النصايب = لا حنابلها .بغيت ولا . كنبها



[/poet]

المدير الفخري لمرقاب المواهب وماجاورها
ناصــر الأحمري