جنبــيّة الزيــدي - الصفحة 3

13-03-2007, 02:50 AM

ابو يحي

ابداع 0000000000000000

ابداع الى مالا نهايه
بيض الله وجهك وماقصرت
اخوك
عبد الاله شلواح العتيبي

13-03-2007, 06:15 AM

علي الملازيم انك مبدع

تبا العلم صح لسانك وبس

اعجابي + متابعتي + احترامي

13-03-2007, 06:19 AM

مرحبا يابويحيى

الله الله الله الله الله

وانفك حبلٍ مـلاه الوقـت تعقيـدي
ويسير في اللازم اللي يقدر يسـدّه
ذيب الاواليد وش ذيـب الاواليـدي
لكن ظروف الزمان موقّفـه ضـدّه
لو كان كثر الحكا محسوب ويفيـدي
بااقول وارجي كريمٍ ماانقطـع مـدّه
اعيد وازيـد ليـه اعيـد وازيـدي
مادام نصف العرب كفّه علـى خـدّه
ياطول دربي وياما اقـواك ياقيـدي
وانشهد انّه وصل صبري على حدّه
فلا صبر في الزمن غير الاجاويدي
اللي بعضهم يموت ولا انكشف سدّه
والمشكله ماهـي بكثـر التراديـدي
ولاهي اللي عطتنـي بالنظـر لـدّه
المشكلـه كلهـا جنبيّـة الـزيـدي
قالو شراهـا وقـال مورّثـه جـدّه

ناصر دايم حضورك مختلف

صح لسانك
تحياتي

13-03-2007, 06:31 AM

ناصر الاحمر .....

ابداع لا حدود له ،،،،،

لله درك يا غالي

وصح لسانك

16-03-2007, 12:59 PM

ناصر/
لله درك وصح لسانك

تحياتي لك
محمد

03-07-2007, 09:59 PM

المشاركة الأصلية كتبت بواسطة ناصرالأحمري

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لله شكري وتمجيدي وتوحيدي = ادعيه وقت الرخا وادعيه في الشدّه
واعوذ به لاكسا الشيب المواليدي = في ساعةٍ تشخص الابصار منشدّه
من ناره اللي تذوّب قاسي الحيدي = اللي يجازي بها اهل الكفر والردّه
سبحانه أخضع لسلطانه ولا أحيدي = عن ما كتب لي وحكمه ما اقدر اردّه
وأسعى واسدد وأقارب والله يريدي = ولا اعتلى من يد الاّ فوقها يدّه
يارب جنّبني دروب المناقيدي = واجعل دروبي على الطالات ممــدّه
فالشعر لاهو بلا عمّي ولا سيدي = اعدّه احيان وامّا احيان ما اعدّه
ان هجرست به هجوسي دوّنته ايدي = والحبل بـ ايدي ماغير ارخيه واشدّه
وان مابغيته يروح ودربه سعيدي = النفس ماهي على فرقاه منحـدّه
والشعر تالي الزمان أصلي وتقليدي = بابين مفتوحه وبابين منسدّه
فاللي يجي كاش واللي بالتقاصيدي = وتزين مسودّةٍ وتشين مسودّه
ماقال ابو الطيّب لكافور الاخشيدي = مضمونه اليا استحيت من الحكا بدّه
ماكنّه الا العزى في ليلة العيدي = ليل النقيضين وش يثنيه ويمدّه
حتى فصاحة خليل ابن الفراهيدي = ماضاعت إلا على الكورنيش في جدّه
مافيه شيٍ على ماقيل تجديدي = سلام ردّيةٍ يامرحبا ردّه
ودام البقا يالكوميدي والتراجيدي = والصف عامر وهزله غالبٍ جدّه
الصوت بالصوت تنديدٍ وتهديدي = واحد من الفين سيفٍ بارعٍ حدّه
والعاشق يقول ذي جملة مواعيدي = ونفسه من فراق نور العين منضدّه
مايدري ان الغزل ومعاشر الغيدي = ولّى وغابت نجومه قد لها مدّه
الذود هامل من نياق ومفاريدي = ياراعي الذود قل لي كيف ترتدّه
والوقت وجهه تغطّيه التجاعيدي = واشوف فيه القدور السود منكدّه
فيه القروم الحلاحيل الصناديدي = مابين ودّه وهاته هاته وودّه
ماكل صقّار هدّ الطير بيصيدي = حتى ولو هو على ماجاز له هدّه
يلقى التعب من نوى للقصر تشييدي = والضيف لو جاه قالو عشّه وغدّه
فالكفو يجمل ويقري الضيف ويزيدي = وجزاه طيب الخلف عن فعله وكدّه
والفسل طبعه من طبوع المناكيدي = جزاه يهدم رداه البيت ويهدّه
ياليت حلّ العقد نتش العباريدي = كان استوى ملبس الواحد على قدّه
وانفك حبلٍ ملاه الوقت تعقيدي = ويسير في اللازم اللي يقدر يسدّه
ذيب الاواليد وش ذيب الاواليدي = لكن ظروف الزمان موقّفه ضدّه
لو كان كثر الحكا محسوب ويفيدي = بااقول وارجي كريمٍ ماانقطع مدّه
اعيد وازيد ليه اعيد وازيدي = مادام نصف العرب كفّه على خدّه
ياطول دربي وياما اقواك ياقيدي = وانشهد انّه وصل صبري على حدّه
فلا صبر في الزمن غير الاجاويدي = اللي بعضهم يموت ولا انكشف سدّه
والمشكله ماهي بكثر التراديدي = ولاهي اللي عطتني بالنظر لدّه
المشكله كلها جنبيّة الزيدي = قالو شراها وقال مورّثه جدّه[/poem]

هلا اخوي ناصر
صح لسانك مبدع
وقصيده قمه في الروعه
اختك