تامر على شي .!

السلام عليكم



يشرفني ان اكون احد اعضاء هذا المنتدى الفارق بكثير عن غيره واضع هذه المشاركه بين ايديكم

راجياً لها القبول

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]وين انت مبطي عنك يا قرة العين=ياويّ يا وقتٍ مضى معك ياويّ



المشكله ماهيب وينك وانا وين=المشكله في ردّت يدينك إيديّ



كتبت فيك امن القصايد لهالحين=خمسين فارع كلها مستوى ذيّ



معقول ما غنّو عليك المغنّين=منها ولا جاك الخبر بأنها ليّ



ما شفت منك الا الغرابيل والبين=مع كل هذا إمحبتك ..مثل ماهيّ



يا غايتي عطيتك امن الهوى لين=مليت قلبك حب وتشوفه شويّ ؟



ارخصت لك قلب وعروق وشرايين=لكن خذاك الكبر والطيش والغيّ



كنت احسبنّا غير .. بالشين والزين=ونعشق بعض مادمت عايش وانا حيّ



سبحان من تقلب يديه الموازين=اللي يبدّل عتمة الليل بالضيّ



اسخف موادع في سجل المحبّين=حطوه بإسمي والسبب فعلتك فيّ



نبني محبتنا لنا شهور وسنين=وننهي محبتنا بتامر على شيّ ؟



يا ليت عند اهل المحبّه قوانين=ما كان جرحك كيّ واعلاجه الكيّ[/POEM]

وتمّت