((~~الصوره الفنيه ~~))

المشاركة الأصلية كتبت بواسطة مبارك آل خليفه

السلام عليكم ورحمة الله وبركاته


الله يسعد جميع اوقاتكم



صلوا على محمد :


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا مشجعين الصوره الفنيّه=ياما جرى للوزن والقافيّه
الجزل سمي عندكم تقليدي=وتقريري وقصيدته عاديه
طيب وعادي ؟؟ ويش فيها عادي؟؟=يعني استعاراته مهي مكنيه ؟؟
سهل القصيد الزين ما يقنعكم=اما المعقّد حاله ابداعيه !!
حالة مرض يلعن ابوها حاله=مابه دوا للعقده النفسيه
اجل يجوز ان الكذاب يصدق؟؟=وتكذبون الصدق والعفويه؟؟
خربتوا افكار الجميع وخربت=اراء كل الساحه الشعبيه
كل ٍ رسم له في خياله صوره=واهتم في المنظر وفي الخلفيه
يلطخ الالوان وردي وازرق=ولا شفتها واليا انها بنيّه !!
الغيم فيها والجبل والشاطي=والفرد والرشاش والجنبيه
آيه تعب جدا وجاب جهوده=واضفا عليها الخلطه السحريه
ولا جيت بتحلل بعض مافيها=أوعدك ما تلقى بها ماريّه
لو تسأله هذي وشنهي؟ جاوب=هذي سبب للصوره الرمزيه
طيب وهذي ؟ قال هذي مدري=لكنها تصلح مع هاذيه !!
يشوف خبلان البشر وش سووا=وكلٍ على ماقيل مثل أخيّه
اوحى الموسيقى عاليه واطربته=حامض حلو لومي وهاي وهيّه
وشاف العرب غنوا وقام وغنّا=ويجيبها شامية ٍ عاميه
خبلان خلق الله قذوا خلق الله=والناس لا رحمه ولا ماويّه
مع الجديد ان بان قالوا مثله=على عماها صوب كل نحيّه
معه معه حتى لو انه ضايع=وتعممت نظراته الذاتيه
ضيعه عقل ضيعة عمر الا اكبر=ضيعة وجود وطمس للشخصيه
ما يعرف المتبوع هو والتابع=وتساوت الحسنه بجنب السيّه
ما اخص موضوع الشعر بلحاله=الا بكل الكوره الارضيّه
الا الجميل نشجعه ونحبه=اللي على الصدق وصفاة النيه
في الدين والدنيا يا طيب الطيّب=واهل الوفا واجد ما هم بشويه
والشعر زينه زين والا الامحق=ماهوب كفو الوقفه المسميه
سوالفه مسفوطه ومتروكه=ماهيب مسموعه ولا مرئيه
واهل الجزاله شانهم ماينزل=لو كثرت المجموعه الشمسيه
الجزل يبقى جزل ويمتعنا=وياحي راعي الطيبه يا حيه
وانا على رايي كتبت بيوتي=وقناعتي ما خذتها عاريه[/poem]

يارجال خلهم عنك

واقسم بالله انك مبدع شعر ومنطق واسلوب

الله لا يحرم المرقاب منك

وفوق ياسنايدي فوق

عدنان مرضي

صح الله بدنك يا غالي


ولا هنت لا هنت

اررررررررررررررررررررررررررحب


والله اني احبك واحب قصيدك




وانا من تلاميذك واتشرف بمتابعتك يالقرررررررررررم

مبارك آل خليفه

صح لسانك ولا نستغرب الإبداع منك يابوعبدالله

تقبل تقديري وإحترامي ,,,

مبارك آل خليفه

لله درك ثم لله درك ثم لله درك

عزالله صدقت ان البساطه في التركيب اصبحت عيب في القصيده

ولو كانت الجزاله موجوده .. عزالله ابدعت يالغااالي

صح لساااانك

ابو عبدالله

صح لسانك
صح لسانك
صح لسانك

شعر .. ورأي نفتخر به في المرقاب .. بيض الله وجهك ..

تقديري ...لك