[ القصائـد الدينيــه ] - الصفحة 3

31-08-2008, 01:44 AM

قصيدة ( السلام ورحمة الله ) للشاعر القدير عبداللطيف الغامدي

,, ,, ,,

,, ,,

,,

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

بسم رب الكون الاوحد في صفاته = والسّلام ورحمة الله وبركاته
وبعد حمْده والثّناء على نعيمه= هات يا قافي جديد الهيض هاته
يا شعاعير رمضان اقبل بخيره = ياردى حظّ المفوّت لين فاته
شهر ذِكر وشهر شُكر وشهر طاعه = ما يحصّلها امتمنّي فمنياته
افرض انك ما انتبهت وضاع شهرك = ياترى تلقى عوضه بمقبلاته ؟
لا تقول الجاي اخير اذهن لحالك = كم سمعنا منتظر حاجه ما جاته
العن ابليس الرجيم الأن وابدأ = لا يسجلك الله بزمرة عصاته
كلنا نذنب ولكن فيه توبه = دام للانسان باقٍ في حياته
من قنط من رحمة لله ماحْصلت له = لو يحصّل راس ذيب فـ بطن شاته
قلتها وانا ادري ان الذنب نكبه = من عيال ابليس وابليس وبناته
يشغلون الادمي عن ذكر ربه = لين يتبعهم ويغفل عن صلاته
والعوض ما فيه تعويضِ لميت = كل ميت له حسابٍ في رفاته
لا تقول الموت راحه .. وين راحه = كان ما جودت فالدين وعراته
والله ان تلقى سواتك قدم عينك = في سجلٍ ما يفوّت محصياته
والا انا مذنب ويا مكثر ذنوبي = لو بيكتبها القلم باحت دواته
غير ما دام ان شهر الخير فينا = فرصةٍ للمذنب يحوز احسناته
الله الله فالصيام وفي قيامه = لين يحملنا على مركب نجاته
ان بغيتوا هرجتي فالخير واهله = وان تركتوها فكلاَ له سواته
والختام ازكى الصّلاة على محمد = والسّلام ورحمة الله وبركاته[/poem]

01-10-2008, 11:44 AM

بسم الله الرحمن الرحيم

اختي الفجر البعيد جزاك الله خيرا على هذه النافذة النيرة والتي اعتبر

ما تحتويه هي الرسالة الحقيقية للشعر

ولدي قصيدة قديمة من نظمي المتواضع ارجو ان ينفع الله بها

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحة عيت عيوني لا تنوم = ما هي بمرتاحة ولا هي سالية
والقلب ما يرتاح من كثر الهموم= هم ٍ خفيف وهم ما ينشاليه
فكرت في دنيا ً تغير كل يوم = يوم ٍ تجي مرة ويوم ٍ حالية
والناس فيها عايشة وسط الحلوم =كل ٍ يبا المكسب وراس المالية
الكل يجري بين فايز ومهزوم = طبع البشر من سالف الاجيالية
احد ٍ كسب واحد ٍ يطيح ولا يقوم = يفنون والاطباع ما تنزاليه
واحد ٍ على دنياه وامواله كتوم = واليا خسر صفقة يجيه هباليه
واحد ٍ يبيع العرض والثاني يسوم = سلعة تجي بخسة وسلعة غالية
واحد ٍ يحسب انه طلع فوق النجوم = وانته تشوفه فالصفوف التالية
واحد ٍ يحب الهرج وسمان العلوم = لو كان ما يسقيك بالفنجالية
واحد ٍ على اكل حقوق خلق الله ظلوم = من كثر جوره يبخس المكياليه
واحد ٍ يعيش مع المشاكل والخصوم = ولو تنصحه ما يسمع العذاليه
واحد ٍ يبين وغاب في وسط الهموم=مدري تقي والا من الأنذالية
واحد ٍ تمسك بالمبادي والسلوم=على الشرف والدين ماينحاليه
واحد ٍ شجاع وفزعته عند اللزوم=وإن حلت الشدات ماينطاليه
واحد ٍ سخي لو كان معدم ومعدوم=طلق ٍ يمينه والمخابي خاليه
واحد ٍ على ربعه كما السيل الدموم=ترجع به الوديان والأسهاليه
واحد ٍ حشيم ٍ عند ربعه ومحشوم=واليا تكلم تنصت العقاليه
واحد ٍ كما المخيول لو لبس الهدوم=مصنف ٍفي خانه الجهاليه
هذي صفات الناس معطى ومحروم=سوالف ٍ تنقال فالأمثاليه
سبحان خلاق البشر كله عموم=موجد جميع الكون والأشكاليه
اللي خلق خلقه وقسمهم قسوم=أحد ٍ رحل وأحد ٍ يجي نزاليه
يالله طلبتك وأنت غفار ٍ رحوم=ياقادر ٍ تحيي العظام الباليه
الدايم اللي ماحد ٍ غيره يدوم=ياباسط ٍ سبع ٍ وسبع ٍ عاليه
أطبلك ترفع مسهمي بين السهوم=في ساعة ٍ تشهد أعماليه[/poem]

10-10-2008, 06:59 AM

هلا اختي الزاهدة
الف شكر على تواجدك الرائع
وعلى مشاركتك الجميله

10-10-2008, 07:01 AM

قصيده ( يارسول الله يا عبدالله ياعطر السيره × × يا صلاة الله عليك وروحك المرضيّه )

للشاعر القدير عايض النفيعي

:: :: ::

:: ::

::

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يابشير الخير محشـوم ٍ عـن التزميـره = ياقـرار العلـم مخلـف وجهـة الأميّـه
يافرات ٍ، عذب , قرهود ٍ , قراح ٍ بيره = يابحور المعرفـه .. مدهـل بيـاض النيّـه
ياكريم ٍ يكـرم أترابـك عـن التقطيـره = قطّـروا كـل الـورود وعدّهـا منسيّـه
إن طريت ولاح ذكـرك زانـت التعطيـره = يالملحّى اللي سمـاره مزنـة ٍ وسميّـه
يارفيـق اللـي يقينـه آيـة ٍ تدثـيـره = اليقين اللي غذيته فـي حضـن سعديّـه
يامغيث ٍ غاثنـا الله فيـه يـوم الحيـره = يـوم كنّـا نعبـد العـزّى وبالمـاريّـه
في رجاو الآلهه ضقنـا مـن التصبيـره = مـن جهلنـا ننحنـي للحـرّه المبنـيّـه
لين جاب الله يتيـم ٍ سدّنـا عـن غيـره = أكرم المهدين وأشرف وآخـر المهديـه
أشرقت شمسه .. تقدينا علـى تبصيـره = وأنكشف عنّا غطـاء البدعـه الشركيّـه
سيّدي بـأمي وأبوي الـلا بكـل الديـره = لك مغاريف اليمين ولـك حصـاد ايديّـه
يارسول الله ياعبـدالله ياعطـر السيـره = ياصلاة الله عليـك وروحـك المرضيّـه
ياصواب ٍ ينطق السانك مـع التشميـره = يالسان العقل والمنطـق ضديـد الهيّـه
ياعزيـز ٍ عـزّك الله فيـه وبتكبـيـره = أعتزيـت وعـز تهليلـك ذليـل السيّـه
ياطبيـب الغـي طبّـك وافـي ٍ تذكيـره = و ( آخر الطّب المياسم مـع نجـاح الكيّـه )
كرّم الله وجهك وكرّمـك عـن تصويـره = الخسيس اللي رضع حقده مـن العبريّـه
شمت يـأطهر من وطى الدنيا على تعبيره = مايدنّسـك الخبيـث ولا يمسّـك غـيّـه
مالحقنا فيك شـك الـلا لحقنـا غيـره = وأنت في ( علـّي ) يقين , وفوق في ( علـّيّه )
لك نسوق الروح في درب ٍ بـلا تدويـره = لجلك نبيع العمـار الغاليه فـ , شويّه
أيه أقبّل قبر ٍ يضمـّك.. عسـى تكفيـره = دامنا والنـا عصـور صدورنـا مفريّـه
يامبهّـر دلّتـي زوّد لــي التبهـيـره = خلّهـا وزنـيّـة ٍ مابعـدهـا وزنـيّـه
بادي ٍ لي علـم والمولـى هـذا تدبيـره = الليالـي غابيـه وأعمـارنـا عـاريّـه
العجم صكّـت علينـا قفلهـا تحضيـره = والصهاين وقّعـت عقـد ٍ مـع النازيّـه
الهدف واضح جلي لو حاولـوا تزويـره = حملـة ٍ ملعونـة ٍ والحجّـه الحـريّـه
ودّهم يمحـون نسـل ٍ باقـي ٍ لمغيـره = والزبيره وحمـزه ومـن يتيـع المنقيّـه
يمكرون وقسّهم يبصم علـى التأشيـره = والحبـال معـقّـده ومعـقّـده مثنـيّـه
كل مسلم موجـب ٍ دستورهـم تنصيـره = والرسايـل تابعـه برقـيّـة ٍ برقـيّـه
هدّوا ( أبـراج التجـاره ) شيّـدوا تسويـره = ( الجـدار العنصـري ) و ( الخارطـه ) مقريّـه
شافـوا أبّغـداد شـي ٍ قـرّروا تغييـره = جـرّدوا ذاك العميـل وشلّـة البعثـيّـه
فجرّوا لبنان قالـوا مـن ورى تفجيـره = لفّقوهـا لزّقوهـا فـي ظهـر سوريّـه
مانبا تقرير ( ميلس ) ماخفـى تقريـره = الدعاوي واضحـه ماعـاد بـه سريّـه
العـرب دارت عليهـم بكـرة الجنزيـره = ضيّعوا هدي الرسول وضاعـت الغاريّـه
دنّقوا مثل الدجـاج اللـي يكـت شعيـره = لا ملى بطنـه تجمــّع في طويل الفيّه
سربّـوا فينـا عميل ٍ محكـم ٍ تمريـره = جنّـدوه وزنّــدوه فـوالـة الربـيّـه
باطل الحجّـه بطـول وباطـل ٍ تبريـره = مايعرّق في طرف مـن مذهـب السنيّـه
وينه اللي عام الأول واقـف ٍ معصيـره = يوم جا للحـق رايـه ..رايتـه بنيّـه !
ما نبا له خيـر يالله تقلعـه مـع خيـره = مار هو لا خير منـه ولا رضـى بكفيّـه
علّموا راع البعير اللـي يسـوق بعيـره = شايل ٍ خرجه ولكـن شايـل ٍ لـه حيّـه
والله أنّـه فالجمـل بيّـن لنـا تاثـيـره = مابرك لكـن خطـر ٍ يكسر الزوريّـه
الأمور أستفحلت والطور عـن تطويـره = زاد وارتـدّت علينـا هجمتـه عكسيّـه
بين فتحات الضلـوع مثبّـت ٍ تسميـره = خالـط الـذل الهـوان وزوّدوه شـويّـه
زادت الكيله عساهـا ياعساهـا خيـره = ياعساهـا تنتفـض هـالأمـه المبليّـه
( قاطعوهم ) ماتسـد وفكرنـا تطهيـره = واجب ٍ يهل اللحـى لكـن شوفـوا ذيّـه
يارجال الدين قومـوا جاهـدوا تحريـره = صفّكم مـن فرقـة الأقسـام والحزبيّـه
أنتم اللي فيكم الرجـوى علـى تعميـره = من ( طويل العمر ) ليـن ( البنيـه التحتيّـه )
وإن قعدنا حالنـا هـذا علـى تصويـره = والله أنّي ما أحشم الأمه عـن المرثيّـه
يارسول الله ياعبـدالله ياعطـر السيـره = ياصلاة الله عليـك وروحـك المرضيّـه
لك نسوق أرواحنا واللي ظهـر تزميـره = من تعرّض لـك تراهـم شلّـة ٍ مكفيّـه[/poem]

10-10-2008, 02:36 PM

بيض الله وجيهكم وصلى اللهم على نبينى افضل الصلاة والتسليم

13-10-2008, 05:23 AM

اللهم صلي وسلم على نبينا محمد وعلى آله وصحبه آجمعين
هلا اخوي عيسى
الف شكر على حضورك الكريم

29-11-2008, 12:34 AM

قصيده(ميقاف الشجيع) للشاعر القدير عايض النفيعي

,, ,, ,,

,, ,,

,,

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الا يالله بعفو ٍ منك يالله يا عزيز الجاه = انا عبدك وابن عبدك ضعيف وحالتي حاله
انا الأمي وانا الجاهل وانا اللي ما يحسب خطاه = وانا بنـّاي بيت العنكبوت بسوءة أعماله
وانا اللي شاري ٍ دنياه بالغالي وباع أخراه = وانا اللي صارف ٍ له راس مال ٍ ماهو بماله
وانا اللي للهوى يطرد وطرده محفي ٍ سمراه = وانا اللي باركلـّه عند حمل ٍ ترغي اجماله
وانا اللي لو يطم الموج مايدري و ويش ادراه = يغرّه زود نقص ٍ فيه عن جرد الوطى شاله
وانا اللي ظالم ٍ نفسه قبل يظلم هذاك وذاه = وانا اللي فالعرب من ضيق منظوره يورّى له
وانا اللي سكّر اسموعه وانا اللي ماشي بعمياه = وانا اللي شارب ٍ حتى العمى والورع فنجاله
وانا اللي شاف بعيونه عمى قلبه وعمي أرياه = وانا اللي شين فاله مار فال الله ولا فاله
أنا اقوى قلب من حيد المنيف الراسيه صمّاه = وانا الين عظم من قلب التقي لا كبّر الحاله
وانا اللي عدلته ياقربها قرباه من عوجاه = وانا اللي شاف حاله لين حاله صار يرثى له
وانا مخلوق من ماء ٍ مهين .. وطين .. ومعاناه = وانا اللي ما يشوف امن السما لو قاعة بياله
وانا اللي قوّم الساعه وطاول مع رعاة الشاه = مباني مع ذعاذيع الصبا فالصبح منهاله
وانا اللي ما ستر عيبه وقام يعيب خلق ( الله ) = وانا اللي يجزعه ثوبه ومال براسه اعقاله
وانا اللي لو يجوع يرم كلْ شي ٍ يبا يلقاه = وانا اللي لو ظمى يمتصّ ابوه وعمّه وخاله
وانا اللي لو دعا ماهي غريبه ما يجاب دعاه = مدام أنّي من اللي ما يصدّق كل ماقاله
انا الانسان لو أنّه يحط الكون الكون في مخباه = جداه اضعيف واهو اضعيف مهما كانت افعاله
أنا المسكين انا اللي معترف فـ / أيّة خطا سوّاه = انا اللي حسنته ما غير لله يشكي أحواله
أنا ياويش أنا .. ماني بشي ويالله المنجاه = أنا داخل عليك امن الحشَر والبعث وأهواله
وقفت الحين ميقاف الشجيع قليّل الاشباه = يزوده عز يومنـّه وقف لله تذلاّله
مدام أني ماعندي شي عن رب العباد أكناه = درابي كاين ٍ من كان غيره مالي وماله
ثلاث اليال والبارق ينوض ولا سقاني ماه = وخمس امرار سال الشعب ما كنّي على جاله
تفرّق ماه عن زابن جبل ( كنعان ) للمثناه = وانا ماني مثل كنعان ، أنا قنعان بخياله
عسى الله مايسجّلني مع المحرومه المعطاه = ويرحم عبده اللي ما قنط من رحمته ( لآله ) [/poem]

01-12-2008, 10:20 AM

متصفح جميل وفيه نوع من الروحانيه .. تشكرين يا الفجر البعيد على فتح هذه النافذه المميزه

قصيدة ( حاسبت نفسي ) للمبدع / مشعان البرّاق

[poem= font="Arial,5,indigo,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
صحيح للشعر بـاب وللمشاعـر جـواب=ولا .. تزيـن العلـوم الا علـى حلّـهـا
وانا من البارحـه فاتـح للافكـار بـاب=كنـي علـى عالـي الرجـم اتبيّـن لهـا
يمكن اني اغيب ساعـه واستلـذ الغيـاب=وافتـح ملفـات عمـر ٍ راح .. وافلّـهـا
لكن ليا جيت .. جيت اسوق علط الرقـاب=ومن دونها انقل سيـوف الهنـد واسلّهـا
ارقى المراقيـب واجـاوب قنيـب الذيـاب=وجلّ الغوالـي .. تـرزّم يـوم اهوبلّهـا
اختار من صفوة الصفـوه مالـذّ وطـاب=واسوقها .. للعقـول اللـي تحيّـن لهـا =
ماهيب في حـب والا صـد والا عتـاب !=لاوالله الا علـوم ٍ تـوي اذهــن لـهـا
البارحـه ليلـة ٍ كـن بسماهـا ضبـاب=يامل عين ٍ جفاهـا النـوم .. يـا ملّهـا
سوادها اسود سواده من جنـاح الغـراب=من عقدة ٍ يتعـب الحـلال .. مـا حلّهـا
دنيايه ارخص بعيني مـن جنـاح الذبـاب=ماعـاد ابــي ياسمينتـهـا ولا فلّـهـا
حاسبت نفسي وضاقت بي وساع الرحـاب=كثرت خطاياي مدري كيـف ابـا اقلّهـا !
جاهرت بذنوبـي اللـي كنهّـن الهضـاب=وقصّرت في واجبات ٍ كنـت فاطـن لهـا
تبعت درب الخطاء واخطيت درب الصـواب=اتبع هوى نفسي اللي غـيّ ارضـاً لهـا
يالله وانت المجيب اللـي مادونـك حجـاب=تقـدر تعـز النفـوس وتـقـدر تذلّـهـا
يامحيي الارض بأمرك من حقوق السحاب=اعوذ بـك مـن ذنـوب ٍ عاتقـي ملّهـا
واعوذ من دعـوة ٍ تدعـى ولا تستجـاب=ومن كلمة ٍ مادريـت ابهـا وانـا ازلّهـا
انا بوجهك وجاهـك مـن شديـد العـذاب=عبدك ونفسي اليا اخطت رحمتك من لها !
ما أخذت للاخـره قبـل رحيلـي زهـاب=انا وناس ٍ معي مانـي بـمحصـي ٍ لهـا
كم واحد ٍ يطرد آمـال ٍ سـوات السـراب=شي ٍ يبـي ياصلـه وأشيـاءً ماياصلّهـا
يجمع حطام ٍ .. مصيـره للفنـا والذهـاب=ومـن الطمـع عنـده ان الارض يحتلّهـا
اغرته بنت الهوى والقلب الاقشـر شبـاب=وانساق معها وهي ما احـد ٍ خليـلٍ لهـا
ماحث رجله علـى درب الاجـر والثـواب=اسحرته المغريات وصـار .. عبـد ٍلهـا
في غفلته كم رقـد واصبـح وودّا وجـاب=اظله ابليـس .. مـع نـاس ٍ قـد اظلهـا
يشعب ركابه مع اللي يشعبـون الركـاب=نسـى ان الايـام شجـره زايـل ٍ ظلهـا
لابد مـن ساعـة ٍ مابعدهـا الا المـآب=الله مـا يهمـل عبـاده .. اليـا امهلّهـا
هني من تاب لله مـن ذنوبـه .. وانـاب=زهد بدنيـاً .. مسـاوي كثرهـا / قلّهـا
مشى على سنـة محمـد ونهـج الكتـاب=تبـع دروب ٍ .. قليـل الديـن مادلّـهـا
مع مسبلين اللحا .. ومقصريـن الثيـاب=قوم ٍ .. علـى طاعـة الله ياحلـو دلّهـا
منشى البنـادم تـراب ومرجعـه للتـراب=والروح امانه على من هـو وديـع ٍ لهـا
اليوم ( صفحه ) وعمر المودماني ( كتاب )=مـدوّن ٍ فيـه .. دق اعمالـه وجلـهـا
ماضايع ٍ منه حاجه .. في نهار الحسـاب=كل ٍ يبي يشوف مافـي صفحتـه / كلهـا [/poem]

صح لسان ابو محارب .. ولي عوده حتّميه

27-12-2008, 09:25 PM

الفجر دائما مميزه في مواضيعك

جزاك الله ألف خير لفتحك هذه النافذة الهامة ..

تقول الزاهدة:

الا ياهل المسجد ورا مـا اسمـع الاذان
ولا له امام وناقص ٍ بعض الاغراضـي

جفاه الزمان اللي غدر به وجـوره بـان
وانا اشوف حتى شارعه مظلم ٍ فاضـي

عسى من بنى المسجد وسيس له السيسان
اله فالجنان قصور واثمـار ورياضـي

والا ياوجودي كل ما قلـت وقتـي زان
صدف لي صواديف ٍ تذكرني الماضـي

والا ياعيون ٍ دمعهـا جـرّح الاوجـان
كما جرح سيل ٍ مع مسيله ليـا فاضـي

تهـل العبايـر كنهـا وابـل الــودان
ويطري علي علوم ٍ طـوال ٍ عراضـي

الا يازمان فـات مـا ينصخـي باثمـان
زمان السعادة راح مـا عـاد ينعاضـي

والا ياهموم ٍ داخل النفـس والوجـدان
لها في صميم القلب مشتـى ومقياضـي

والا يامعين اللي تعود علـى الاحـزان
وعلى ما كتب رب الملا صابر ٍ راضي

انادي بعالي الصوت وين انت يالنسيـان
يقولون فيه علاج من بعض الامراضـي

اناديه لكنـه مصـر ٍ علـى العصيـان
وابشكـيـه لله لله الحـاكـم القـاضـي

05-01-2009, 05:45 PM

قصيده ( نسحبه,واِنجرّه ) للشاعر القدير عبدالرزاق الذيابي

:: :: ::

:: ::

::

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياعرب, يامُسلمين..القدس ويش اخباره؟=من وعد بلفورمن سبعين عام بشرّه

إعتقال, وهتك عرض, ومذبحه دوّاره=من عدوٍّ يفرحِه ذِلّ العرب ويسرّه

زاد بطشه في حماية دولةٍ غـدّاره=واِبتدى بحماية أمريكا يعيد الكَرّه

عام, بعده عام, بعده عام..في مشواره= يمتهن في حرمة المقدس وفعله غَرّه

غاشمٍ بالقدس يعلن رغبته واِصراره=ويعلن ان القدس ماهي للعرب بالمَرّه

والعرب! مازال في شجبه مع اِستنكاره=لين صرنا قابلين الوضع شوف, وجِرّه

لكن اللي صار فيْ المقدس غشانا عارِه=والله انه عار من حَد القدم للغِرّه

لاطخٍ دم المصلي للحرم وإجداره= وصخرة المقدس بعد من دمهم محتَرَّه

ظيَم.. واللي صار في غَزّه! نذوق امراره=كيف نرضى بالمهونه واِنكسارالجَرّه؟!

مايطَهَّر عارنا دعوه, ولاكَفَّارَه= وكلنا! ذيل الهزيمه! نسحبه واِنجرّه

لين نعلن بالجِهاد وكلّنا نختاره=وبالشهاده,والجِهاد! القلب نَبرد حَرِّه

كيف نرضى بالحياه وقدسنا منهاره=لعنبو منهو يعيش بذِلّ لو في سِرِّه

ياعرب ذيعو قرار المعركه..واِصداره=اللْه اكبر..واِبتدى كرّ الجهاد وفَرّه

وغَزَّه اِخذو ثارها,والمَقدَس اِخذو ثاره= نذبح الغادر وقلبه بالغضَب نِجتَرّه

كلنا قوّه وبالخطّه نشِنّ الغاره=وأشهب البارود فيْ عيون اليهود إنذرّه

ونشعل النيران بالصاروخ, والطيّاره =تشتعل فيْ الارض صفرا, والسما مصفَرّه

لين تطهر قدسنا وارض الحرم واِدياره=وكل مسلم يرتدي ثوب الفخر ويزرّه

والنهايه مايطهّر عارنا كفّاره=نغسله بجهادِنا والقلب نبرد حَرّه[/poem]

08-01-2009, 04:42 AM

قصيده ( غـزه ) للشاعر القدير فراج العتيبي

,, ,, ,,

,, ,,

,,
[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للضيق ساعه مالها وقت محدود = ماتعترف باللي نحب وندانيه

لو تستثير شعور الانسان بركود = علق على بدع التماثيل عانيه

وآقلبي اللي كل ماهبت النود = خطرٍ من الضيقه تمزع مثانيه

ماهي بلحية شعر وإعجاب وردود = ياضيعت الشاعر في حزة تفانيه

غزه حداها الموت والحشد محشود = وحسني على المعبر تلحف أذانيه

الارض شبت والسما برق ورعود = والطفل يذبح قبل تكبر أمانيه

هذا هجادٍ ماعنه أي منشود = تدرج على ارواح الاوادم سوانيه

على كثر ما تابع الوضع واعود = أيست في شيٍ تسامت معانيه

الوقت علمنا وش النقص والزود = وانا اعتبرها حسنةٍ من حسانيه

من يوم غاب الدين والعز مفقود = واكبر دليل الذل واللي نعانيه[/poem]

09-02-2009, 08:52 AM

[align=center]القصيدة للشاعر د/ أحمد عثمان التويجري ..

ألقاهــا د. أحمد التويجري على سماحة الشيخ عبدالعزيز بن باز _ رحمه الله فـكـانت الدمــوع تنهمـر من ذلك الإمام وأبكى من بجانبه
وهي من أقوى ما كتب من الأبيات الشعرية المعبرة عن المأساة التي تعيشها أمتنا الاسلامية . [/align]

[poem= font="Simplified Arabic,5,black,bold,italic" bkcolor="transparent" bkimage="" border="none,5,gray" type=2 line=0 align=center use=ex num="0,black"]
دم المصلين في المحراب ينهمر = و المستغيثون لا رجع و لا أثر

و القدس في قيدها حسناء قد سُلبت = عيونها في عذاب الصمت تنتظر

تُسائل الليل و الأفلاك ما فعلت = جحافل الحق لما جاءها الخبر

هل جُهزت في حياض النيل ألويةٌ = هل في العراق و نجد جلجل الغير

هل قام بليون مهدي لنصرتها = هل صامت الناس .. هل أودى بها الضجر

هل أجهشت في بيوت الله عاكفة = كل القبائل و الأحياء و الأسر

تُسائل القدس هذا الليل حائرةٌ = و نحن بالقولة النكراء نعتذر

ياليت شعري أضاعت كل عزتنا = حتى استباح حمانا جهرة قذر

أين المنادون بالتحرير و يحهموا = أين الصمود و أين السهل و الوعر

أين المرابون في أسواق أمتنا = في كل صقع لهم للخزي مؤتمر

سيوفهم في سبيل الحق مغمدة = و في سبيل الخنا يا ويحهم حمر

سلوا الملايين من أبناء امتنا = كم ذُبحوا و بأيدي خائنٍ نُحروا

سلوا حماة سلوا لبنان ما برحت = دماؤنا في ثراها بعد تستعر

يا أمة الحق إن الجرح متسع = فهل تُرى من نزيف الجرح نعتبر

قوميةٌ كم نبحنا في مقاطعها = حتى أنتنت فاشتكت من قبحها مضر

شعبية كم نعقنا بتسمها زمناً = بها اقتتلنا فما نبقي و ما نذر

غربية كم سُقينا من مشاربها = سمّاً زعافاً به الطغيان يختمر

شرقيةٌ كم جرعنا من مصائبها = و جه قبيح للاستعمار مستتر

يا أمة الحق ماذا بعدُ قد نفدت = كل الدعاوي و كلت دونها الفِكرُ

ماذا سوى عودة لله صادقةٌ = عسى تُبدل هذا الحال و الصور

عسى يعود لما ماضٍ به ازدهرت = كل الدُنا و اهتدى من نوره البشر

على أساس الهدى كانت مدائننا = و في سبيل العلا لم يُثننا سفر

لم نفتخر أبداً بالطين أبنية = كلا و لكننا بالعدل نفتخر

إذا تطاول بالأهرام منهزم = فنحن أهرامنا سلمان أو عمر

اهرامنا شادها طه دعائمه = وحي من الله لا طين و لا حجر

أهرامنا في ذرى الأخلاق شامخة = هي السماحة و هي المجد و الظفر

أهرامنا في ربى التوحيد راسخة = غيث النبوة يسقسها فتزدهر

يا أمة الحق ماذا بعدُ هل قُتلت = فينا المروءات و استشرى بنا الخور

أما لنا بعد هذا الذل معتصمٌ = يجيب صرخة مظلوم و ينتصر

أما لنا من صلاح الدين يُعتقنا = فقد تكالب في استعبادنا الغجر

يا أمة الحق إنا رغم محنتنا = إيماننا ثابت بالله نصطبر

فقد يلين زمانٌ بعد قسوته = و قد تعود إلى أوراقها الشجرُ[/poem]

28-06-2011, 12:23 AM

قصيدة (الخــوف) للشاعر القدير معدي المرقاب

:: :: ::

:: ::

::

يارب عفوك ولطفك من ضلام الذنوب
اللي تحت الغصون وتستفزالورق

شاعر ومذنب وتاهت بي جميع الدروب
واقول واكذب واغني واستحي واحترق

والله يا لولا الرجاء والخوف منك ماتوب
عن كل حلم ن يراودني وبرق برق

لاكني اذكرك واخافك واصلي واذوب
ومن السحاء يمتلي جسمي وجهي عرق

انا ادمي والاوادم كلبوها عيوب
وانت ارحم الراحمين الواحد اللي فرق

يارب اجرني من الفتنه وزيغ القلوب
واستر عيوب الضعيف اللي بذنبه شرق

تستاقني فتنة الدنيا وخصر اللعوب
واروح مع مايسر العين شربة مرق

وليا صحت مهجتي واونست برد الهبوب
لا مركبي من خطايا خاطري قد غرق

02-07-2011, 01:00 AM

•

متصفح سآمي بسموّ حضور" الفجر البعيد " وروعتهآ
أتمنى له الاستمرآر لأنه يشمل روعة الشعر وفآئدة الأجر من نشر مآ يتعلق بالدين من ابدآع
ألف شكر / وَجزآكِ الله خير
ولي عوده باذن الله

06-07-2011, 03:31 PM

:
:

بـ صوت : جزيان السليس ,
[rplayer]http://www.g5g5.net//uploads/files/g5g5-108681c22f.rm[/rplayer]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
بين جرح الشعور وبين جرح الصيام = حاجز ٍ لو كسرته ضاع كل آتعبي
ايه صايم عن طروق الهوى والغرام = مع كتاب الله المنزل وهدي النبي
وأنت ياللي تقول الشعر ماهو حرام = ياكبر شرهتي مدري ياكثر عتبي
لـ .. رمضان الله يشرفه قدر ومقام = حالف ٍ ما اكتبه في لابسات العبي
فوقي من الخطايا والذنوب الجسام = ما آثقلت خطوتي بعد انهكت منكبي
لا عرضت في عيوني كن مالي عظام = كل ما جيت اوّقف طحت على ركبي
من هو اللي يقول أني على ما يرام = والله انه ما يدري وش كِتب فـ ( كتبي )
لا متى نور دربي من نجوم الظلام = كن ما الله خلق لي شمس في كوكبي
لا متى آسهر على رغبات نفسي .. وانام = ونار الايام تاكل ما بقى فـ .. حطبي
لا متى بيتي يقول : الهمام الهمام = انت طرقي ..على وجه التراب اجنبي
ماني بـ .. ماخذ ٍ له غير مترين خام = غيرها ؟ ورث لعيالي ولأمي وأبي
أتوسد ترابه .. بعد ريش النعام = واصله / واصله .. لو أني آحبي حبي
لا متي كل ما اجمع في يديني حطام = وكل ما اجمع من الدنيا ماهو مزهبي
لا متى , لا متى ثم لا متى والكلام :-= بكره آرحل وآخليها وآخلي عربي
[/poem]

لـــ / مشعان البراق

06-07-2011, 03:36 PM

:

كذلك ايضاً للمتألق : مشعان البراق

:

:

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياكل الأسرار .. ما يدري بك الا الله = توبي , وأنا تبت والتوبه هي التوبه
توبي , وخلي سبيل من آتجه لله = اللي نجا من ظلام العمر بأعجوبه
كم ليلة ٍ مرّته لو ما رحمه الله :- = يمديه تحت البسيطه - وآكفنه ثوبه
اليوم .. ماعاد يبغى الا ما عند الله = عمره ماهو شي , والفردوس مطلوبه
وقّف .. وشاف العطايا اللي عطاه الله = ورّجع شريط الحياه , وراجع ذنوبه
وشلون كان يتعاظم والعظيم الله ؟ = وهو كله ذنوب من راسه لـ / عرقوبه
يخاف يوم القيامه , لا سأله الله = عن كل ما حصل من الحب ودروبه
شاعرك : خلا ملذاته لوجه الله = عمر ٍ تعدّاه .. ماهو ملتفت صوبه
وهو لـ / هالحين يقسم ويحلف بالله = لو حب قبلك ! فلا بعدك محبوبه
لكن توبي وأنيبي .. وأرجعي لله = العمر لحظات , والأنفاس محسوبه !
[/poem]

06-07-2011, 03:39 PM

وهنا رائعة للمبدع /

صقر المعتاد

[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
امسيت تايه فكرواصبحت مهموم = الحزن قيدني ولافك قيده
كلن رقد وانا جفت عيني النوم = شبت على قلبي هجوسه وقيده
فالشعر نسبح غبة البحر و نعوم = ونرهي على نظم البيوت الفرده
وين انت ياللي تسهر الليل وتقوم = بعطيك من فيض القرايح قصيده
تعال اخذ مني تفاصيل وعلوم = وصية لاهل العقول الرشيده
دنياك هذي كلها زيف واحلوم = تضحك لعاشقها وبكره تكيده
والعمر مايزداد والاجل محتوم = تمسي مابين اهلك وتصبح فقيده
تراك عايش في اثرعاد والروم = راحوا ودنين بيدتهم جديده
لاتصير للباطل مجند ومحكوم = لازم تحلا بالصفات الحميده
ترا طريق الحق واضح ومرسوم = وكل تجيه ارسالته في بريده
تمسكوا بالدين والشرع ياقوم = ترا زمام الدين حسن العقيده
واللي يصلي الفرض ماينقض الصوم = والمستفيد اللي يزود رصيده
وراعي المعاصي دايم الدوم مهزوم = دايم خويه ينقصه ما يزيده
واللي عرض صحبتك للبيع والسوم = بيعه وتلقا لك بداله وليده
ترا ضياع الصقر لاعاش مع بوم = بعد ما كان يصيد كلا يصيده
واللي يبا يمشي بلاراي منجوم = يضيع لو انه مع الدرب سيده
اختر من الاصحاب لا خترت زيزوم = تقي وصاحب دين واريا سديده
واصبرو لاتظلم ولوكنت مظلوم = الله يمضي حكمته في عبيده
هذا وانا ماني من الذنب معصوم = اتوب من زلات ذنبي و اعيده
ياالله لاتجعلني من ارضاك محروم = ويا الله تكتب لي حياتن سعيده
حفظت لي شطرن يقولونه القوم = نفس الكلام اللي نقوله نعيده
[/poem](صقرالمعتاد)

19-07-2011, 12:30 PM

كان الحسن بن هانيء المعروف بأبي نـُواس من أشهر الشعراء في العصر العباسي ، ويقال : بأنه كان مسرفا ً على نفسه في المعاصي والآثام ، وكان له صديق اسمه محمد بن نافع الواعظ – من أهل الصلاح - قال : لما بلغني
موتُ أبي نواس أشفقتُ عليه ، فرأيته في المنام ، فقلتُ : يا أبا نواس ، فقال :
لاتَ حين كناية ، فقلتُ : الحسن ، قال : نعم ، قلتُ : ما فعل اللهُ بكَ ؟ قال:
غفر الله لي، قلتُ : بأيِّ شيءٍ ؟ قال : بتوبة ٍ تـُبتـُها قبل موتي ، وبأبيـــاتٍ
قلتـُها ، قلتُ : أين هي ؟ قال : عند أهلي ، فسرتُ إلى أمه ِ ، فلما رأتنـي
أجهشتْ بالبكاء ، فقلتُ لها إني رأيتُ كذا .. فهدأتْ ، وأخرجتْ لي كتابا ً ، فوجدت ُ بخطـِّه ِ قوله

يا ربِّ إنْ عـَظـُمتْ ذنوبي كثرة ً//فلقد علمتُ بأنَّ عفوكَ أعظــمُ
إنْ كانَ لا يرجوكَ إلا مـُحســـن// فبمـَنْ يلوذ ُ ويستجيرُ المجـرمُ
أدعوكَ ربـِّي كما أمرتَ تـضرُّعا ً// فإذا رددتَ يدي فمنْ ذا يرحـمُ
ما لي إليكَ وسيلة ٌ إلا الرَّجـــــــا//وجميل ظنـِّي ثمَّ أنيَّ مـُســـلم

faecbook · 20-07-2011, 02:18 AM

الاخت ، الفجر البعيد

موضوع مميز ، الله يجعله في موازين حسناتك

22-07-2011, 08:54 PM

قصيدة (الهلع والخوف ) للشاعر متعب العتيبي الله يرحمه

:: :: ::

:: ::

::
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بشرّ اللي حث رجله كل ليله=للمساجد قاصدٍ رب العبادي
في ظلام الليل خطواته دليله=بشره بالنور لانادى المنادي
مافعل مثل النفوس اللي ثقيله=وعن فروض الله مارده رقادي
ولاغواه ابليس عن درب الفضيله=الصلاه مع الجماعه خير زادي
خايفٍ وقت الوعد ينقص حصيله=يوم لاينفع صديق ولامعادي
في نهارٍ ينكر العاصي خليله=ويتنّدم في حياته ماستفادي
يوم الأم عن أبنها تصبح ذهيله=والهلع والخوف صاير فزديادي
وقربت شمس النهار بقدر ميله=والعرق حسب الذنوب من العبادي
ويتنكر الابو وايضا الخليله=والابن من والده يبغا البعادي
ولايفيده حتى اخوه ابن الفصيله=كلٍ بنفسه ومشغول الفؤادي
وكل واحد اعطي كتابه يشيله=محصيً فعله ومكتوب بمدادي
انكتب فيه الحسن واللي جميله =وانكتب فيه المعاصي والتمادي
من خذه بيساره افعاله رذيله=ومن هو بيمناه قد نال المرادي
والعصاه من الاوادم في مليله=نارها تشعل ولافيها رمادي
واهل الايمان في ظلٍ ظليله=في سرور وفي نعيم وفي برادي
ياكريم وكل مسلم يرتجي له=اهدنا درب الهدى ياخير هادي
[/poem]

24-09-2011, 11:09 AM

متصفح اتمنى له الاستمرار

يتصفح الموضوع حالياً : 1 (0 عضو و 1 ضيف)