&&..... احــــــزان ....... متفرقــــــه.....&&

احذر.....؟
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يامرهقٍ نفسه على شان دنياه=احذر ترى الدنيا قصيرٍ مداها
ماينبني شي على غير مبناه=ومن سيّس المعروف نفسه بناها
مكسبك منها بذرة الخير والجاه=وزرع السنين اللي غدينا عشاها
اللي زرعها خير يطيب مجناه=واللي زرعها شر يالقا جزاها
[/poem]

سكين....؟

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سكين في قلبي وفي كف جزار= يجرها جر الربابه هجيني
خلا شراييني لسكينه اوتار=بيح جمع اللي لجا في كنيني
[/poem]
.

على امرك.......؟

[poem=font="Traditional Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ايه اعترفلك بحبٍ جم=ومجداف مكسور في بحرك
وبابور تايه ضحية يم=واشواق داست على جمرك
عذاب قاسي ونشفة دم=وان قلت لي شي قلت امرك
[/poem]

.

عقوقي.....؟


[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسيدي مالك على قلبي ايامان=من عقب ماشفتك تفجر خفوقي
احيان اقول انسان ويعامل انسان=واحيان اقول القلب يعلن عقوقي
[/poem]


.

شرهه.......؟
[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياصحيبي شرهتي يمك قويه=شرهة باقي عتبها ماوصل لك
الرجل مايسفه رسالة خويه=وان سفها يعتذر والعذر سالك
مير لا قفى وصارت له سويه=ياصله منا العتاب و غير ذلك
[/poem]

.

خاااايف......؟
[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

خايف يموت الهوى .. رغبة لقانا تموت=وتموت كل الاماني .. قبل تحقيقها
تكفين قبل العمر .. قدام عيني يفوت=لاتحرميني اشوف الشمس .. وشروقها
لاتحجبين السنا .. ثم تلحقينه سكوت=ولاتحبسين المشاعر .. وسط صندوقه
ترى العواجي بعينه .. ماكمل غير نوت=وانتي سماك الجميله ..شحت بروقها
طفله ثغرها ملاه الثلج .. واخفاه توت=واليا كشخت كل عينٍ .. شدها ذوقها
ومن عقب ماكان قسمي .. مع كبار البخوت=صارت عباد الله .. تلويلي اشدوقها
مانيب قايل بعد فرقاك .. يمكن اموت=لكن جروحي بتبطي .. تنزف عروقها
[/poem]


.

نجمة الصبح...؟

[poem=font="traditional arabic,6,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يانجمة الصبح شفتك والقمر توه=يرسم على صبح ضحكاتك وبسماتك
والعاشق اللي بعد حزنه ضحك جوه=مع طلعة النور صافح صدق همساتك
قولي امانه بداية حلم او توه=إمداعبة شوق والا سحر نظراتك
بالله صب الحنان بكفك وروه=ولاتحرمه متعة النظره لوجناتك
خلك سحابٍ كريمٍ صادقٍ نوه=حياه حبك وصدقه بيض صفحاتك[/poem]
.

الرساله....؟
[poem=font="traditional arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ان كان تسعدك الرساله.. فانا ارسلت=انا اشتري منك الحزن ..بالسعاده
امسح دموعك..بازرق الدمع بللت=خدٍ غدى للدمع.. مثل الوساده
حتى ولو من هم الايام.. قد شلت=ماينكسر من كان.. عالي شداده
وانا معك ثابت.. ولاعنك قد ملت=وان غبت عنك.. الموت هذا مراده
اشتغفر الله ..وان طرالك وهللت=قل ياعسى.. جنات عدنٍ معاده[/poem]


.

ياحضرة الشعر....؟

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياحضرة الشعر لاتاقـف علـى بابـي=في حفظ ربي توكـل مانبـي حاجـه
اللي منول يهـز القلـب واعصابـي=اليـوم قفـا وطفـا قلبـي سراجـه
كنت اتغنـي بزولـه وانثـر اعجابـي=دفاتـري ماتمـل الشعـر وانتـاجـه
اسهر معـه شـوق واغنيلـه كتابـي=واضما وصاله واجوع لضحكة حجاجه
[/poem]


.

دفني.......؟

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دفني تكفى ترى البرد احتدم=ياااه يا اطرافي تجمد وانت فيه
دفني من خصلتك حتى القدم=واسمع النبضات وش تامر عليه
اسقني خمرك معاد ابغى ندم=جل عمري راح والباقي ما ابيه
لو اروح بسبة اشواقي عدم=يكفي اني جيت في راحة يديه
[/poem]

.

بعد البطى....؟


[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
بعد البطى جت ورسمت بسمة الشوق=ياسحرها ياحلوها ياطعمها
ماكنها الا غيمةٍ تسكب الذوق=تحيي العروق الميته من سقمها

[/poem]
.

نخيتك......؟


[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا مهموم من ليلي ويومي = كفايه لاتزيد الهم فيني
يكفي قسوة اصحابي وقومي = نخيتك لاتسيل دمع عيني
دخيلك ما اتحمل منك لومي = ولا تفلت يدينك من يديني
انا عن فرحتي قد طال صومي = وحزني يدرج بيني وبيني
عجزت اقول عن سهري لنومي = وعجزت اسال مدى الاحلام ويني


[/poem]

.

الضيقه.....؟
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الضيقه اللي تمدد داخل اضلاعي=وش حيلتي يوم اهل الدمع لرضاها
جت تسكب الحزن في صدري مع اوجاعي=وتقيم وتعلم ان الصبر ما ابلاها
[/poem]

.

ياجميله....؟

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياجميله صوت يحدوه الامل=والالم والخوف يرجعله صدى
في غشاوة ليل جرحه مادمل=وخطوة الايام مافيها جدى
اضحك الدنيا على صوت الجُمل=والدموع انهار وعيونه ندى
والشهاده منك يوم انه كمل=تعني انه طار لحدود المدى
ياجميله لاملامه لاصمل=والله انه ماقصد فيها ردى
من عباراتك شرب حتى ثمل=والصبر لو طال مايذهب سدى
[/poem]

تبي تعرف متى ودي اسولف واسحب الموال
اذا لاحت بعيني صورة مانيب ناسيها

تجيني ضيقتي وارجع على صبري وضيق البال
كئيب ونفسي اتشيل الحزن محدٍ يواسيها

البرد.....؟

انا بعز الصيف واهلكني البرد
وش حيلة البردان في عز صيفه


.

سفينة الحب.......؟

لاعاد تبكي على الاطلال
الموت بكره موافينا

يابادع الشعر والموال
ماعاد الاشعار تروينا

بالله ياحزني القتال
خل الصدر لاتبكينا

عامين وانا على ذالحال
الصبر مزع عراوينا

سفينة الحب لو تختال
ياكيف تبحر بلا مينا

اشراعها من هوانا مال
واحطامها في محانينا

نروي الرجا من مزون الفال
يالعنة الخوف خلينا

نضمى وتضمابنا الامال
وجروح الاحباب تسقينا

عايده....؟
ياقصيدي لاتساوم في غلاه
رح وسلملي عليه وعايده

قل صباح الخير والا يامساه
وجعل الافراح بحياتك عايده

.

لاتحسبنك....؟


[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تحسبينك راس مالي وفكري=مادام اشوفك بين هذا وهذاك
لك من صميم القلب عذري وشكري=عرفت وش معنى الخيانه وشرواك
ياللي تغش الناس حيله ومكري=يشقيك ربي في حياتك ويبلاك

[/poem]

.