مصر والجزائر

بدون مقدمات




[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

القلب من ما شافت العين محروق = والدم من ما تسمع الأذن فائر

لا ياعرب ما كل مطرود ملحوق = مصيركم معروف بين المصائر

الغرب وصلوا للقمر والقمر فوق = وأنتم جملكم فوقه الحمل جائر

شمس الحضارة عندكم مالها شروق = وعهودكم دايم على جناح طائر

بين الجماد وبينكم ما به فروق = ووالله من شين السِيرْ والسرائر

ومفهومكم عن التطور به فتوق = تلهيكم (إ)عن الكبريات / الصغائر

بطاقة المرأة ، متى المرأة تسوق = متى بلا محرم تخش الدوائر ؟

متى يجي للسينما دُور في السوق ؟ = متى يفلن البنات الضفائر ؟

وكن التطور عندكم شيء مرموق = ولا يتم إلا بطمس الشعائر

وعدوكم من عقب ما كان مفهوق = ومن بعد ما دارت عليه الدوائر

تطور ورد لكم الطاق مطبوق = ولا ثار منكم عقب ما ثار / ثائر

وغدا لكم عنده مطاليب وحقوق = وفي خاصرتكم جرح ، والجرح غائر

وفي بعضكم ما يعترض دربكم عوق = وكن العدو / الزوج ، وأنتم ضرائر

وأمينكم ماهوب سالم من البوق = والله يستر لا تطيح الستائر

وآخر فضايحكم على كل منطوق = شيٍ يخلي خالي العقل حائر

بأسباب كورة بين سابق ومسبوق = النار شبت في مصر والجزائر
[/poem]