(*( لآ تفضـحــنآ )*)

..,

بويتـآت جديـده .. أسمحو لقصورها .. وتقبلوها كما أتت

[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


ناظري دورة زمنا ويش سوت فينا = كيف كنا فأول العشره وكيف اصبحنا
كيف كانت بهجة الايام ملك يدينا = وكيف صارت ذكريات ايامنا تجرحنا
كيف جابتنا الليالي .. ليتنا ماجينا = وكيف ودتنا الصوادف ..ليتنا مارحنا
واعذابي كيف نقدر نرجع لماضينا = لو خسرنا المقبلات ..يسدنا مربحنا
ماضي الايام عن باقي العمر مكفينا = كل ماهبت هبايب ذكرياته.. نحنا
به ضحكنا ملي دنيانا وبه غنينا = وبه حذفنا الكون كله خلفنا وارتحنا
مع بعض نضحك على وقتن عجز يبكينا = كنه إليا مرنا بالموجعه .. يفرحنا
لا افترقنا فالضحى ميعادنا لا امسينا = ولا افترقنا فالمسا ميعادنا لا اصبحنا
ولا سكن ليل البشر .. حنا سرا سارينا = وسط خلق الله وكنه ماحدن يلمحنا
نبحر ببحراً نهاياته بليا مينا = بين الامواج نتهزع كنه يمرجحنا
ونتبع الهبه و كم هبه بغت تغوينا = وآه من هبه غوينا يومها تلفحنا
ودارت الدنيا علينا وآظهرت خافينا = وأنتبهنا من مقادير الفراق .. وصحنا
ثم بغينا الوصل يرجع والخطى تهدينا = و الخطى ضاعت ..وحنا للوصل ما افلحنا
وقلت لك شوفي زمنا ويش سوا فينا = وقلتي اكتمها بصدرك قبل لاتفضحنا
[/poem]


.,