يا .. عبداللطيف ودمع عيني يهل افواج .!

أنا ودّي آقفل على روحي المزلاج
علشان مآبي بعض الآخبار تأتيني
لإنْها تسبب في ضميري قلق وإزعاج
وأنا دمع عيني ما يشاور هدب عيني
ياعبداللطيف ودمع عيني يهل آفواج
أنا مدري آعزيك والاّ تعزيني
عسى الله يرحم طيب الصيت والمنهاج
صبي الشجاعه والمواجيب والديني
خبر فقده أثّر في ضميري بكاء وخلاج
وبكّى قبل تبكي عيوني شراييني
أنا ما أعرفه .. لكن عرفته مثل هداج
لإنّك كريم إحساس ولسان ويديني
أنا ما أعرفه .. لكن عرفته قوي سياج
لإنّك صديقٍ صادق القول وأميني
أنا ما أعرفه .. لكن عرفته طليق حجاج
لإنّك شبيهه ياطليق الحجاجييني
مثل ما أنت له محتاج ، هو للدعاء محتاج
أذكرك وأنت اللي أعرفك توصيني
عسى ملبسه في جنّه الخلد بالديباج
وعسى مسكنه في وسط روض البساتيني
وعسى بالبرد والثلج والمي والثجاج
يغسل الله ذنوبه وينجيه سجيني
ويحسن عزاءك ويفرج همومك الفراج
ويحسن عزاء كل الآهل والمحبيني
عسى الله يرحم طيب الصيت والمنهاج
عسى الله يبيحه .. وأختم القول بـآميني .



الله يبيض وجهك ويرحم والديك يابووليد
شعور مايستغرب على رجل وفي مثلك اخوي ناصر

صح لسانك وقلبك

وتعازينا لخوي عبداللطيف احسن الله عزاك ورحم الله والدك يابوراكان