تحت الفتنه بقليل !!

.

.

فـ المشاعر بيننا لو صار شورت
.............ضاع فيك الشوق لين ابعد مدى
قلبك اكبر من مطار فرانك فورت
.............. ماخبرت احد ٍ نزل به ما غدى




.

.
.
كل ما تشعر بنبض الدم فوره
................. الجروح النازفه تنسى ألمها
ولو كتبت ابيات في حد الخطوره
...............اكثر الاجواد يبطي ما فهمها
سيد الاحساس وسط العين صوره
................ اتخيلها / وربي ما قسمها
لو يهيم القلب ـ فـ النفس ا/معذوره
.......... العتب فوق الخيال اللي رسمها




.

.

.

ساد الظلام وباتت الاسراب
...................بين الضلوع العوج من بدري
والصمت خيم ما لقى له باب
........................ليل ٍ عتيم وبارق ٍ حدري
واخذت من نور الصباح اسباب
..................لـ اطلاق قيد البوح من صدري
لو الشعور الداخلي كذاب
.................. يعكس مفاهيمي وانا ما ادري





.

.
.
بعض الحبايب ..
كـ شركة الاتصالات .. تعلم انها تكذب . ومخسره . ولكن ليس لك غنا عنها



.

.

ياصدري اللي هماجه /زاد عن حلوه
.....................لوتحتوي /سالفتك / وصعب تنساها
حبل المواجع /طلبتك لا عقدت الوه
.......................ما كل سيره /عيون الناس تقراها
يزعجني البوح /لا منه نطل دلوه
.................في جمة الظيقه اللي ما اعرف اقصاها




.

.

.
شاطره خليتي العالم حيارى
...................ما بقى لك غير قولت وين قيسي
الغريب اني ما شفتك في سهارى
..........:...... بس يمكن ما درى عنك القبيسي .


.

.
.
للبرق / في كبد السما : كان لايح
..................والورده اللي بالثرى عرقها حي
واليوم / مابه ما يثير القرايح
..................كم هاجسٍ مد النظر ما لقى شي


.

.
.
مشاعرك لا تعرضها سما الجاحد
......................احفظ كرامتك / في نفسك وتلقاها
صحيح يغنيك عن كل البشر واحد
.......................... لو كل مزنه بعينك ينتثر ماها




.

.


كل حين / وكل وقت وكل حزه
...................اتحدى كان ما جاب الك طاري
انت حبك / كـ الهيودي وسط غزه
................ساكن ٍ قلبي وانا صرت انتحاري



.

.

.

لا تهز الوجد يالريم المذير
............وانت ما تدري عن اللي فيك جامح
ما هقيت اني بعودلك مسير
................احسبني بعد جيتك رحت سامح
كنت قبل اعرفك بـ اوضاعي مخير
..............ما هقيت اني بجي لرضاك طامح
وكنت ما احسب لا كبير ولا صغير
.................ومن عرفتك كل زلاتك تسامح
وانت حتى االوقت ما يمدي يغير
.............في تعابير الزعل لو ما انت دامح
الغضب دايم معك حبله قصير
.............ما قدر يرسم على وجهك ملامح




.

.

,

اللي مشكك ويسآل عن كتاباتي
................ردي وخلي جوابك (يالله الخيره)
حتى لو الليل حاول في معاناتي
..................يسوقه الصبح مع دوامة الحيره
ماهوب طبع الغرور اللي سكن ذاتي
........... اعرف قصيدي عظيم وصعب تفسيره


.

.

.

قالت /وهي تتهمني بالغلط / وش لقيت
.....................بقولك / بالامآنه يوم كلك قلط
تدري .. ترا احيان من نفسي لو اني دريت
.................احب اسوي غبيه لو تسوي غلط



: )

.
,
البارحه والوجد يفتح باب / ليت
................ على غياب الشمس وموادع شفق
يوم ابتدا نبض المشاعر / واتكيت
................على ضفاف الفوت / للحسره نفق
اسج مع ذاتي /ولو فيه اختبيت
.............. ما ودي المح من على حالي شفق
الوم من ساقك على البال وطريت
.................مع جنح ليل ٍ ما خبرت انه رفق
تهزني وحشة غيابك ما نسيت
.............. كن الظلوع اهداف . وفراقك تفق
وليا ذكرت اني خديت اللي خذيت
....................عزيت قلب ٍ لا تذكرك وخفق


.

.

.

يا راويه / ما بقى لـ احلامنا ساعي
...................مات الرجا مع وصالك يوم بدلته
اللي كتبته عشانك زود اتباعي
................... لكن على البال شي ما بعد قلته
لا يمكن الحب /همه يرسم ابداعي
.....................لو مكنه من خفوقي كبر منزلته


.

.
.
لو عشت في دور الاسد وسط غابه
............... ما كان لي قلب ٍ من الحب تالف
صادق شعور الحب /كله رحابه
.................يستقبله صدر ٍ عن الغي حالف
اسآل ولاالقى من ظلوعي اجابه
.................. يوم اتفق معها ويوم انتخالف
اللي نبي قربه /نخاف ونهابه
...............ودايم على وصله تطول السوالف


.

.
.
شموخ ذاتي / والمعزه والعناد
.................تعبت منهن بس ما ادري وين اروح
استسلمت عيني /وطاولها السهاد
................ويا امتلى صدري / وانا ما اقدر ابوح


.

.

.

وا هني / من طاب حظه واعلن التوبه
..............من قبل ما يقبض الارواح باريها

الراحه اللي تسر البال مطلوبه
........... لا صرت ما تملك الا غير طاريها

ترتاح نفس ٍ على اللوعات مغصوبه
.........مع ساقة الوجد /ليل الشوق يطويها

من حولها جملة الاوضاع مقلوبه
............واقفت بها ظيقة ٍ هاذي مواريها

الونه اللي من اقصى ضلع مجذوبه
.........ما ساقها الا صدى صوت ٍ يناديها

والشاعر اللي بنا طوبه على طوبه
..........حرك شعوره على الفرقى معانيها

يحس كن المشاعر منه مسلوبه
.........لو القصيده عليها احساس بانيها
ابيات شعرٍ على القرقاح منسوبه
..........كنه /موايق على صدري وقاريها

يقول لا راح قلبك بيد محبوبه
..........لا هيب ملكك ولا تقدر تخليها

تمر في خاطرك نوبه ورى نوبه
.........والنفس ما عاد تدري وش ينسيها

وانا علي الحرام اني مع اسلوبه
..... (واندم على الساعه اللي شفتها فيها)




.

.
دلعك لو يرسم لك قلوب شعار
...................وردك ترا هاذي بداية ذبوله
واعرف ترا اللي مهنته لفت الانظار
...................حرام حرم الدم ماني بحوله




.

.

.

لها خيالي / يجبر الهوجاس
...................يرسم طيوف ٍ داخله حامت
يمكن شعور ٍ يكتم الانفاس
................... ولا هواجيس السهر قامت
ما ادري لو اني جيتها بحساس
...................هي صاحيه / ولا بعد نامت


.

.

,
حظرت واطلقت بطيوفك سراح الذلول
..................وتهبدت فوق صدر ٍ ما شكى باجده
ان كان ما عاد باقي للمشاعر قبول
...............لا تسآل احساس قلبي فيك وش هاجده
بـ النفس رغبه على عشانك تحدى الميول
...................والشوق يتعب قليله / يا بعد واجده
تحتاج / واحتاج / لكن جيت كلي بقول
............. كيف اغرقك حب من قلبي وانا ما آآجده



.

.

.
الشمع ما يمسي عن النار محجوب
.................وما فيه غصن ٍ ما تهزه حمامه
اخذي كلام اللي على القوم محسوب
.................وخليه في صدرك ثمانين قامه
يمكن علشان الهوى نخسر قلوب
.............. ونقطف من عذوق المحبه ندامه
لكن ترا لو بان للوقت عرقوب
.................. نموت عزه ما خسرنا كرامه

.

.
.
لا سج فينا الخيال وهبنا طايف
..................وش عذرنا منه كانه جاب ريحتها
من يوم راحت وانا من حالتي خايف
...................لكن عزا القلب نلقى له شبيهتها