مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الكيبورد نطبع للحروف وكل حرفٍ جاب= ثمان اميه وتسعين الف من برقا مع الروقه
شريته والثمن قلبٍ من اعلانك خفق مرتاب = لو انه ماسمع في سوق واقف لفظ منطوقه
من الارض اعتلي به للجدي واناجي التواب = ليا جيته بقلب المشتكي هوعالم اوفوقه
واقول الطبع يغلب للتطبع من طلوع الناب = مثل طلع البلح حالي لو انه مات بعذوقه
دهاليز الليالي للمتيم توقد المشهاب = دروب العشق هذي من قبل ماهيب مسبوقه
تعال اشرب من البن الهراري واعتق الارقاب= مادامك تعتق ارقابً قبل ماهيب معتوقه[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اقفى عن افكار الطفول وابتدا الدرب الطويل= نظرة لمستقبل حياة شعوب وسلاح الحياة
وسمل الهدوم الباليات تغطي الجسم النحيل= توحي لمن فيه ايتمعن لبس صيفه مع شتاه
الارض قدامه جلد قفراء يتوه بها الدليل = وتأملاته في نهار الغد توحي له شقاه
كتّف يدينه لظهرة حتى إن جسمه ما يميل= والإلتفاته لليسار تقول وين الإتجاه
احتارت اقدام الوجل ما شاف له عابر سبيل= يعطيه لو فكرة بسيطه عن عناوين النجاة
شجرة وحيدة من عطشها مالقى فيها مقيل= اوراقها متساقطة واغصانها اشباح الجناة
من تحت الإقدام الحجر ما بان به جرف المسيل= كنّه يحذّره التقدم في غياهيب الفلاة
حيره , وجل, ويناشدالصحراء ابي فيّ(ن) ظليل= وين المعالم قبل لا يضويني الليل ودجاه
يسمع بزرع الغردقه جنوب غزّه والجليل = ويحاور افكار الملل من يزرع الزرع وسقاه؟
ويتذكر اصوات النداء وتحليل من جيلٍ لجيل= يا كم زعيم أدى القسم ويحذّر بحرب المياه[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رهيبة صورة القمري تشـــد الفــكر للتجـــوال=ونظرتها تمعّن كأنها نظرات محتارة
براءة في ملامـحها براءة عالم الاطفال=دليل الصمت والتركيز مثل الموج وابحاره
شعرها دون تسريحه تمنيت (إ)لها اكون ظلال =واميّز وش تفكر فيه وافتح عالم افكاره
سواعدها النحيفة تسند الفكّين شد احمال=تشاهد قدم عينيها سراب تضنه امطاره
تعانق للشموخ اللي سبق عــن سـنها بأجيال=غريب المشهد اللي بالنظر ما حدد اطواره
تحكم الصورة الرسام بالتحديد لو ما نال= معالم كاملـة يرسم تبيّن خافي اسراره
تعرى كتفها ,موضة, وبالمشهد لباس اسمال= من اللون الرمادي له غموض وناي زمّاره
توقف قاف شعري عندها واهتزت الاطلال= على حزن القوافي للمعالم والهدف شاره
بقت في الذاكرة رسمة تعاتب فكري الرحال= تقول استنطق المنظر لريشة رسم واشعاره
على المرفى رسى يخت الهجوس ولا ربط بحبال= ولا همه زبد موج البحر والريح واعصاره
تعمدّت انشغال الفكر يا من بالنظر قتّال ؟ =اخذت الدرع من صورة بريئة دونك ستاره [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا ياقلب بدّل كل هم (ن) يدهلك بمزوح = يزول الهم بأمر الله ويترك يوم مدهاله
لو إن الفكر محصور بهواجيس ٍ تجي وتروح = لقيت الناس كل (ن) منطوي بهمومه لحاله [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على التخمين واحساسي ضمانه = لو ان الناس ما قالوا تكانه
كذا طبعي و لو طبعي تغيّر = محال اقبل على التخمين اهانه
اقوله والدليل من التجارب = مثل من ياثق بفزّت حصانه
و أنا الخيّال , و احساسي جوادي = ولا به يوم ما ارخي له عنانه[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اي سحر وثقل من ساحر لسااان ؟ = والانوثه سحرها سحر(ن) بريء ؟ !!!!!!!!!!
سحر حواء احيان يورث للجنان = كم كتم لأنفاس رجال (ن) جريء ؟؟؟[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
.=.
.=.
لكن ابا اصبر مادام الترف يحلا له = مثل فتى الاصمعي ما زول ينعيني
يمنّ بالوصل ولجمهوري اعماله = يا كاسب الاجر لا تكسب سهر عيني
كل(ن) على نيته والفال يبرى له = و اكثر مظاليم خلق الله مساجيني [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مشتاق أنا لهمس القوافي = يوم السهر داعب عيوني
هِني من في النوم غافي = ما حركة زود الشجوني
باسباب من زاد التجافي = وفي صدري اثخن للطعوني
و انا اللي اصوغ اعترافي = أسير و الغالي يموني [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامن سناها ضـوح فـي كـل ديجـور = يشرق بشمسـه فـا لغياهيـب أدلـه
لك بـ النظر تمييز والشوف محصور= زولك وطيفك فـ النظـر مـا يملّـه
ولك بسمتى فـ الوجه لو كنت مقهور= يا حر شمسـه للدفـى وانـت ظلّـه 0
ولك بـ الشذاالفوّاح بـ المسك وازهور= ليا هب نسناس الهـوى العطـر عَلّـه0
ولك مني الذكـرى مـعَ شقّـةالنـور = وايضـا ليـا بانـت نجـومٍ مطلّـه [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
باقيه ذكرياتي معـك شـوق وجـدال=كل لحظة قضيناها سواء تزود شـوق
كم سهرنا وأخذنا في سمـاه الخَيَـال=وكم من اشواق بلّت في سهرنا العروق
رغم بعد المسافـه للجنـوب وشمـال=اللقاء فوق هام السحب رعد وبـروق
والعتب يـوم للعـذال تتـرك مجـال=لكن أهدي سلامي لك بلحن الطـروق [/poem]

,
,,
,

رف الجناح ,,
,

الورد من عبق الشذا والعطر فاح,
,,
,

بعد انقطاع ,,
,

الوصل مع طول المسيره وامتناع,
,,
,

ليل الوصال,,
,

وعاصفة في مبتدا الفجر الجديد,
,,
,

,
,,
,

هبت رياح ,,
,

الشوق وامطر غيم في ليل وصباح,
,,
,

حسب ارتفاع,,
,
الماء من الشلال لامنه تحدّر باندفاع,
,,
,

يصفي زلال ,,
,
ولا يرده ردم من قطر وحديد,
,,
,

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تغيّر وليف الروح ما هوب مثل أول = يبرمج مواعيده بما يعكس الماضي
وليا من نشدتّه قال وش علمك مهوّل = عجزت اعرف اوقاتك متى تصير لي فاضي
ليا صار عندي ظرف قلت الوعد طوّل = و تمل السهر و أنا من الليل ب/اعتاضي [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا سامر الليل يوم استرسل بما طرى = اُضحك لدنياك , تكسبها بليا ضياع
شوفتك صعبه و توديعي لك ايبس ثرى = مابين كلمة وداع وبين اجي بإندفاع
و الله ما ابي خطارك في يوم يتكدرى = يا ممتلك للعواطف , صاحبك ما استطاع
ما ودي اوادعك و الغيب ما يندرى = عما طوت صفحته و احترت بأمر الوداع
وفي حضرتك كل لهفة , تكتب وتنقرى = و من قبل لا اقفي, مع اللهفة بقيت ب/صراع
و لو جيت اعدل ظروف البعد و اللي جرى = يمكن ظروف الحياة تصير قوّة دفاع
و إن كان باقي عمر,عالي المزون امطرا = على فياض الوصال ب/داع و بدون داع
و دوّن حروف القوافي ,, و اعترف لك ترى = مكانتك مايزعزعها مزوح ونزاع
و الا الأماني قُبَل والغصن منها اخضرا = و إليا حيينا تلاقينا بدنيا المتاع
ومنك اعتذر يا الثريّا يوم ليلي سرى = لمّحت لك عن ظروف الجدي دون استماع [/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماضي العهد ليته يا وليفي يعاد = يوم وقت التلاقي به طراوة قطوف
عقب ما كان وصلك لي نسيم البراد = لو بوصل ٍ محدد ما لمحت الوصوف
قل وقت الوصال و زاد وقت البعاد = و صار بعدك و وصلك تحت حكم الظروف
لا يغيّرك ظرف , مع الليال الجداد = جد بوصلك مع اللي ينتظر للطيوف
يوم حطيت لك في وسط صدري شداد = ترقد آمن بظله ما تفكر بخوف[/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا للي تسلطن غلاك و حلّ بين الضلوع = حـالي تـلف والمولع ضايقً خاطره
عـليك دم الوريـد من ارتفاعه يفـوع = العـمر دلـبح قطاره وانتي القاطره
يا قو سهم (ن)من اهدابك تمثنـى الضلوع =حصن الصدرسهم عينك بالصورفاطره
اودعـتي الحال من كـثر التغلي جزوع= وليا بغيتي ثبوت الحـرف جا ماطره
هذي حـروف القوافي جات من كل نوع= وان ما بغيتي قوافي,, تنكتب خاطره
تعـالي استرسل التـعبير واوقد شـموع= وان كان قلتي بدا قلت إلك ياشاطره
ابـني ضـريح المولع قبل دور السبوع =ورشي على القبرمن ديم الغلا قاطره[/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الليل طوّل وانا مع مهرجان السهر=اراقب الجو ليه الجو ما ناس جوه
طال انتظاري ولا بيّن نجوم وقمر=والقاف قافي ولكنّ العرب كفنـوه
الصدر ضايق وفيض الشعر كنه بحر= والغيض كنه محيط الاطلسي واحبسوه
فيضه جواهر وغيضه من محاره درر= اثمنه لو جميع الخلق ما ثمنوه
عشنا وشفنا واخذنا من الليالي عبر=ان عجزوا الناس في هدم البناء مابنوه
ومن يطلب الحق قالوا ذا يدوّر قشر = ومن يلزم الصمت قيل ضعيف ما صاحبوه
وإن ميّز الرجل لين الصمت عز وفخر =في عالم النت كيف اعرف بسيما الوجوه
لا بد من يومٍ تغادر لدار الممر = من فعله الطيب ما يندم ولو حاربوه
ما اهتز أُحد من هبوب الريح طول الدهر = وكلٌ بعقله قنع مبداء ولا غيروه
هامة جبل شامخه ما زحزحوها البشر = ولا ترتخي هامته يا كود لأمه وأبوه
يا طاير الشوق غن الحانك اسمر عبر = واترك لحن دان وا دانه لمن مجدوه
وارسل مراسيل واحذر لا يجيك الضجر = لا بد تنسى لماضيهم وهم مانسوه
لك حلم والعلم للهوجاس جاب الخبر = والفلم هندي وفي مصر العرب صوروه
ولا كل كسرٌ ليا جاه المجبر جبر = ولا بد يكسر زياده لو بغوا يجبروه
[/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا والغرام ومهرجان السهر والليل = نسرّي هجيج الهجن والسير درهامي
نباري نجومٌ سارية هديها قنديل =عسى سكة الأشواق تثمر بها أحلامي
شموع الفرح من حولها الورد والأكليل= وعلى سير الإنضا يارد لعدّه الضامي[/poem]


,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قريت بوح(ن) يحتوي بـر و إيضـاح=وفيضت دمع (ن) من عيونٍ نواضيـح
ما ارخصت دمعي في هوى الغيد نضاح=لكن مـن المعنـى تصـورت مابيـح
يالعنبوا من لا مـك بجـزل الإفصـاح=وياكم قلوب(ن) مثل قلبـك مجاريـح [/poem]


,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليا صار لك خاطر تعلّم لطاخ وطيخ = تولّم بعد بكره بتقلع مراكبنا
تعالي نبي نرحل ليا كوكب المريخ = حوالي شهر ثم عاد نرجع لكوكبنا
سئمنا من ارض ٍ للعروبه بها تكفيخ = وصرنا لحكم الغرب تخضع مناكبنا [/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الود ودي اقدر اغيّر الظرف = ويصير ما يخفى عليّه خصوصي
لكن خصوصيات يا ناعس الطرف = وادري بضحكاتك وهرجك تحوصي [/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مشينا على نور القمر يا شبيه الريم = نبي نسهر الليله على كوكبٍ ثاني
تعبنا وملينا من الهم والتكتيم = تعالي بقيفانك واجيلك بقيفاني
أنا وانت والقيفان تشبه هطول الديم = يعل الخباري والزهر غبّه يباني [/poem]

,
,,
,

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لو شكى هاجوس فكري من غرامه = قلبه اخضر لو تشوف الراس شايب
يستبيحك عذر يسبقه احترامه = و اعرِف إنه ماش شي بلا سبايب
الخيال اللي سرج وسق الغمامه = من يلومه يوم يتعلى السحايب
إن سرى في خرمسي ليل وظلامه = مع سكون الليل,, مايبغى الطلايب
في بيوت الشعر توضيح لكلامه = يوم قال إنه عن التوصيف تايب
كل ما لدّت عيوني للحمامة = اتحلا اوصاف منسوع الذوايب
وشفت وجه الشبه يالله السلامة = ارتكاز العنق مع نظرات هايب
ويوم تختال المشي فيه إستقامه = و لو بزيد الوصف قالوا يا عجايب
و سجعها وقت العصر ما ادرى علامه = يودع اللي عاشق ضلوعه حطايب
في فرحها وحزنها مابه ملامه = مع رخيم الصوت طعم الشهد ذايب[/poem]

,
,,
,