تحت الفتنه بقليل !!

.

.

ابطيت عني وحبك مفترضه افتراض
................قلب ٍ غيابك يسوقه سوق للتهلكه
ان رحت جده /من اقصاها تغار الرياض
.......... وش لون لا غبت وانته خارج المملكه

.

.

.

ترفق علي شوي ماني على خبرك
..............سقى الله زمانٍ ما احترى الشعر ملهمته
شف اليوم وانته في حجى العين وش كبرك
....................... يمر النهار وهاجسي ما تعلمته



.

.

.

يا ضاميه لوقلتي الشعر جابك
......................شوفي ترا ربي خلقي بدونه
ان كان ما غيره معي طق بابك
...................الشعر حتى الوروعنه يكتبونه


.

.

.

بانت خيوط الفجر والنجم ماطاح
.............نوره قسم ليلٍ به الشوق جامح
على سكونه ضايق الصدر يرتاح
................لو بان ياجرح المحبه ملامح


.

.

.

لا تقهوى دلة ٍقبل مشروبه
...............لا كتبت الشعر لعيون من يقرا
كان مالك فكرة الشعر محسوبه
...........صرت مثل اللي مع الخيل ياشقرا



.

.

.

ترا لو قصيدي بين عوج الظلوع اخفيه
...................من الوقت ما آمن ظيقة الصدر لا حلت
وانا لي خفوق ٍ كل يوم الزمن يبريه
............... والايام ما ادري وش خدت منه وش خلت

.
.

ما جيت اعن خيول فكري للابداع
.......................حققت من نازف حروفي مسيره
اليوم في صدري من الظيقه انواع
........................من وين ماوجهت بالفكر حيره
يحسني شي ٍ على وقت مهجاع
.......................يفتح لباب معاتب النفس سيره
مبطي وانا حظي مع الوقت ما طاع
....................ولا ضاع شي ٍ من يدي قلت خيره





.

.

.


لليل مطلع نجمة الصبح دوباح
............... يشعر به اللي هاجسه ما يمره
الا ليا عم الدجا والقمر طاح
................وغفت عيون اللي حياته مسره
يبدا الندم ومحاسب الذات يجتاح
..................النفس ويطيح العتب كل مره
اكتب لعل بصادق البوح ينزاح
.............واتلى الحصيل من المحيطات دره
الشعر لو عنده على الظيق مفتاح
..............ما عانق احساسي نجوم المجره
ولاخلي الهم داله ومرتاح
..............ودايم ورى الشعار قصاص جره

.

.
.
امنعيني قبل لا ادوس الكباير
............فيك لذة عيش وابن ادم مغوى
والله ان الحب لا ناش الضماير
..........شجرة التفاح / وانتي بنت حوى


.

.
.
البارحه يوم صرتي مصدر البوح
..........كن صدري البير وعيونك سواني
صبيتي العذب وارضه منبت جروح
...............ولا نبت بـ الظلوع الا معاني
كم لي وانا اقول هاذي بـ اول الفوح
..........واستنجد الصبر بالسبع المثاني
كيف اقتل البعد لا يجهز على الروح
..................وانا عليه اتحزم بالاماني



.

.
.

ياخافقي /مع ضفة الطيش والغي
.........فاض الشعور وضاق صدر الكتابه
تكتب وتمسح لان ما يقنعك شي
..............لو ينهمر بعروق دمك سحابه


.

.
.
يموت الطموح ويابس الريق بين شفاك
..............وتشوف الحزام اللي يشد الظهر همك
ليا صرت ناجح وانحنت للنجاح خطاك
...............ترا اول ماياقف في طريقك ولد عمك



.

.
.
سكون الليل والنسمه تداعب عطرها، والشوق
........................بكيناه الفقيد اللي قتلته قبل مسراها
يا قلبي ما على النظره مشاريه وعتب وحقوق
..............تشوف احلى من اللي شفتها البارح وتنساها



.

.
.
البارحه ليلي شموع وفوانيس
.................واشبعت من حولي وانا اقول توي
واحرقت لعيون السهارى قراطيس
....................وخر القمر ساجد ولا زان جوي
واستسلمت روحي لداع الهواجيس
.....................وشبيت من حر التناهيت ضوي
اقول لا هبت علي النسانيس
......................وامطر علي كل المزايين نوي
ملكت عرش الروم ما شفت بلقيس
................ وش لون لوهي حاظره وش بسوي


.

.

.

ودي اسآل عنك / واسآل وانت غايب
.............ليه اشوف .الشعر في صدري يخافك
شف شعوري فيك حتى وانت ذايب
.................في ضلوعي /نار واشعر برتجافك



.

.

.
خذ راحتك والعب معي لعبة الموت
.................... ما قدمك الا خافق ٍ فيك ميت



.

.
.
بين صمت الخوف واحساس اعترافك
................. ينكسر في خاطري مليون ظيقه
من ملكت البحر في صدري وشافك
................ماتت امواجه على صوتك غريقه
تمتلك كل المشاعر في ضفافك
...................كل نبضه بوح ترسم لك حقيقه
موغريب ليا قدرت اشبع جفافك
...................الغريب ان قلت ما يملك طريقه

المشاركة الأصلية كتبت بواسطة محسن المقاطي

.
.

ما جيت اعن خيول فكري للابداع
.......................حققت من نازف حروفي مسيره
اليوم في صدري من الظيقه انواع
........................من وين ماوجهت بالفكر حيره
يحسني شي ٍ على وقت مهجاع
.......................يفتح لباب معاتب النفس سيره
مبطي وانا حظي مع الوقت ما طاع
....................ولا ضاع شي ٍ من يدي قلت خيره





.

يسعد لي مساك اخوي محسن
استمتعت هنا بالكثير من الدرر
عذوبه ,نقاء,ابداع ,شعر يروي الذائقه
جل تقديري وعظيم التقدير
جنائن الجوري تهدى لك

المشاركة الأصلية كتبت بواسطة معدي المرقاب

يسعد لي مساك اخوي محسن
استمتعت هنا بالكثير من الدرر
عذوبه ,نقاء,ابداع ,شعر يروي الذائقه
جل تقديري وعظيم التقدير
جنائن الجوري تهدى لك

الله يسعدك يا معدي المرقاب .
دائماً وجودك له رونق خاص .
ومصدر للبهجه .

لا خليت من هذ الحضور المشرف

.
.
ضوى الليل يا قلب ٍرهين اعترافاتك
.................ولا بان نور النجمه اللي تآملها
تمر السواري كلها في مداراتك
..............تهيمن على جنح العتيم وتجاهلها
تعيش برجا غاليك سؤ احتمالاتك
............... تدور بوجه الصد عذرا يجملها
على كثر ما لبا النسيم احتياجاتك
...... ماشفت الورود اللي قلط بك على اولها
مكابرك /تفكيرك /شعورك تنهاتك
............مع الوقت قلي كيف نفسي تحملها
مشاعرك واخلاصك وصدق انطباعاتك
........... عتبها على نابض خفوق ٍ مهملها



.

.
.
بمتطي صهوة عنادك لين اجيك
.................لو ذلولي ليل /ودروبك رعد
باخذ اجر الساعه اللي تحتريك
..................كن في دوره عقاربها وعد


.