تحت الفتنه بقليل !!

.
.
عطنيك / صدري مل حبس التنهاد
............ جيتك وانا من حر شوقي دخيلك
يا خوف يلمح لهفتي فيك حساد
................ وانا جريح ٍ في يديني قتيلك
انته عطيت الصد حزه ومعياد
..............وانا خذيت من السهر حبني لك
تدري وش اللي معي باقي من الزاد
............. ليل ٍ عقارب ساعته تشتكي لك

.

.
.
.
يا سيد الغيد /جلاب التنهات
.............مع وحشة الليل /وشعور المضره.
اليا رسى /طيفك العابر على الذات
...................لا تنشد الشعر عني كل مره
من كثر ما اقطع ضمى ريقه خيالات
................ صار الفضا بستاعه حجم ذره
اخذ على شاطي انفاسي مدرارت
............... لا ضاقت النفس واحلامي مجره

.

.
.
لو تخفي الحب يبقى نبضك الواضح
..........يشرح لي اسباب ما يخفى على الجاهل
اللي يداري ملامح شوقه الفاضح
............. قد حط له شخص بعيونه ما يستاهل


.

.
.
كم قلت لك لو شوق روحي غمرها
.............. شوفي سما وخيول فكري مداوير
الشجره اللي قد تساقط ثمرها
............... شي ٍ طبيعي من نصيب العصافير

.

.
.
.
يهزني شعره وذكره وطاريه
........واتجاهله /واشتاق له لين اهابه
احيان احس اني بنبضة قوافيه
..........ما ادري غلا ولا يجدد صوابه



.

.
.
الحب بعض احيان يا ثقل دمه
........ لا ارهى على حدب الظلوع يتهاونك
من كثر ما يرخي على النبض سمه
.............كنك تحس برمح جساس يطعنك
لو يقتنع في كثر موتى مجمه
............ ماكان شفته ياخذ اللي بقى منك
تدري وش اللي يوجعك منه همه
............. لا صار قلبك عملة ٍ مالها بنك
يطيح من حر الوجع ما يلمه
......... الا هجوس ٍ ليلها اسود من الزنك
ولا يحبك شخص ما انته بيمه
......وانته تموت بواحد ٍ ما درى عنك..!!


.

. يضيع نص الليل ما ادري وش احتاج
................ بيني وبين شتات فكري تحالف
لا قلت ضمة من توده لك علاج
............... شوقي يرجح حاجتي للسوالف


.

.
.
مبطي وانا ودي اقول اعترافي
...........واعلمك وش سر بحر ٍ سبحته
خذيت لي وقت ٍ من الصمت كافي
.......... يا ليت احصل راحتي يوم بحته
اللي تهشم من حديث القوافي
......... الشاهد الله عن عيونك مستحته
تدري وش اللي ثار كل الخوافي
.......... ما فيه شي بخاطري ما ربحته
بس المحبه /لو تعيش بضفافي
.........قلبي على كثر الفشل ما نصحته
يا اخي ترا ودي اقول اعترافي
........... طيفك يحرك هاجسي لا لمحته.
.


..
.

.
.
كم دمعة ٍ طاحت على خد جوال
.......واصبر وانا بين الرشا والمحاله
واضحك وتسعدني تعابير الاطفال
.......... وافرح ليا رحنا سوى للبقاله


ّ

.
.
الجو هادي وانا صوتك بعد مشتهيه
......فيني من الشوق ما يروي وسيع الفياض
والله لو تمتلي عيني بشوف الوجيه
.........الليله ما احب غيرك غير جو الرياض

.

>
مستولي ٍ حبك على دم وعروق
...............واحس كنك في فؤادي ربيتي
اذكرك / واتخيلك ويدوبح الشوق
...............وأمر واقرا صفحتك ما دريتي

.

.
.
لو ما خلقك الله علشان الالهام
......احس كن الشعر يعرف من انتي
لكن رميتني على حكم الايام
...........وانتي الظلع القصير زبنتي

.

.
.
تعال باقي تنتظر طلعت الروح
........... .الحال ذبله والخفوق متردي
املك / واخذ راحتك في قلب مجروح
.......... مـا للهوى قاضي ولجنة تعدي

.
.
دوبح الليل /واهتز القصيد وطرى
...............واحد ٍ عاش بالدنيا وقلبه كفيف
كل جرح ٍعلى جمر التناسي سرى
.........في ظلوعي شجر مورق وحبه خريف

.
.
لا صار وجه الحقيقه في زمنا كذوب
.................الناس لازم تقيمها على فكرها
به ناس تبقى على ظيق السبل والدوب
.........وبه ناس وصلت هدفها وامحها ذكرها

.

.
.
راح ثلث الليل تفكير وطواري
............. ااه يا شين الزعل من دون سبه
في صحيح الشيخ مسلم والبخاري
............. قد سمعتو شي عن حكم المحبه !!

.

.
.
لو الذكريات الماضيه كلها تنعاد
........تريحت من تفكير بك وانرحم صدري
ترا اللي يحبك لا بغيت الصراحه عاد
........هو اللي يتابع نبض قلبك وما تدري

.
تم طرح ثلاث ابيات للمجاره على صفحتي بتويتر .
.
وعشر الاف ريال لمن يقوم بمجاراتها . والاختيار .
. لـ افضل مشاركه .
.
التفاصيل على صفحتي بتويتر

[SIZE="4"]
لو ما يلوح مع الدجا يا سما / برق
............. ما شفت عندي للهواجيس نيه
ولا الطموح بواحدٍ يعرف الفرق
................ ميت وقدمته لغيري هديه[/SIZE

لا يا لبيب القلب خذها صريحه
......... من هاجس ٍ فيه المشاعر تحرك
على لهيب القيض تبرى الجريحه
..............والهم لو تنساه لازم يمرك
لا ضاق صدرك ما تضيق الفسيحه
.......... وكل على رب العباد ويسرك
وفـ المجتمع كله شريحه شريحه
........ لا ينكشف للناس حلوك ومرك
ميز كلام المخطيه والصحيحه
............ ترا لسانك للمشاكل يجرك
ان كان سرك للاوادم تبيحه
....... ما احد ٍ يعيش بجو بردك وحرك
اليا لزمت الصمت قبل المجيحه
.......... اقل حاجه تكفي الناس شرك
ولاشفت من يملك زمام القريحه
..............فكر معي لا قلت لله درك
خوفي يدور بالمكارم مديحه
.............وتصدقه فيما يقول ويغرك
القبر لو خفف عذابه ضريحه
......... شفت القبور تفوق بحرك وبرك
وان كان ما تاخذ من العلم ضيحه
...........احذر من الشيطان قبل يتبرك
خذها على قول العوارف نصيحه
........ لاتمازح اكبر منك يمكن يضرك

مراويح فوح الصدر لو بينت مسراي
.....................على ديم فكر ٍ صاير ٍبه تشتاته
هذا اقل حاجه دامني ما بلغت مناي
......................ابقفي بقلب ٍ في شعوره تلفاته
يصارع ضروف الوقت والجاحد النساي
................... مناه الخفوق اللي مرابيع كشاته
وانا والله اني بالوفا لو بحثت اقصاي
.....................رسوم المحبه داخلي نقش نحاته
على الشوق يمكن يدفن الجرح في رمضاي
..................... هذا لو تدراك فرصة ٍ منه فواته
مضى عام وامالي هي اللي تمد داوي
.................. وانا الروح لولا علقم الصبر مواته
يا صهوة قصيدي لا امتطيتك وانا معناي
..................يجي له على مكنون صدري تفلاته
ترفق وخلك من علو الضلوع وجاي
................... ترا كل سجه في شعوري تنهاته