الثنين ثنين !!

مسيتوا بالخير




[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]النهر واسع ما اقدر أجتازه=أحتاج لي قارب يشيل أثنين
ماهو ردى لا والله العازه=اللي تعوز العين شوف العين
تجملوا يا جملة أعزازه=وتزينوا له بالكلام الزين
لعل قلبه يطلق احجازه=ويبدّل القسوه بطبع اللين
كم صار له والصد مركازه=والهجر في عينه من الادنين
باحث خفا قلبي وحزازه=كل الغلا وأغلا من الغالين
فديت غمازه وغمازه=وتناغم النرجس مع اليسمين
والنزهه اللي تجذب النازه=ومن وين ماهب الهواء من وين
وضحكة ثغره وفوح قزازه=والليل والتفكير والتخمين
وحلمٍ كبير وصعبٍ إنجازه=يفزّع الشعار والصفين
لو ماشلع قلبي وما حازه=ما اونست لفراقه على الضلعين
اللي فتيل العين بروازه=الله يرده للعيون ( آمين )
تجملوا والنهر مجتازه=في قاربٍ فيه الثنين ثنين !![/POEM]





..ـ وسلامتكـ/م ـ..