 |
 |
 |
||
 |
 |
|
|
|
|
||
|
|
|
13-02-2008, 03:37 PM
|
#67 | |
|
(*(عضو)*)
|
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وحشتني ياصاحبي يلعن ابو جد الغياب = اللي غرز رمح الغلا في قمة الراحه وجع خلا جروحي (مزعل الفرحان) واحساسي (رباب) = مافيه عرقٍ من عروق الشوق في قلبي هجع غرامنا شيٍ مابين الما الحقيقي والسراب = واشواقك أسماك ببحر غيبتك واشواقي بجع[/poem] : : مزعل الفرحان : فنان شعبي عهدي به بداية العولمه  ، وظيفته فقط ان يزعل الفرحان والله المستعانرباب : فنانه لم يبقى في ذاكرتي شئ منها الا شوشتها بجع : طائر بحري منقاره ثنين متر قدام يتغذى على الأسماك ،أول ماشفته على كورنيش الدمام ماعرفته
|
|
|
|
15-02-2008, 04:29 PM
|
#68 | |
|
(*(عضو)*)
|
[align=right]:
* : (الأماكن كلها مشتاقه لك) من يقول ! الليال السرمديه والصباحات النديه والأماني والأغاني والدقايق والثواني والخلايا والمرايا والزوايا والهدايا والصحاري والقصايد والهوى والدروب اللي مشيناها سوى والحروف الأبجديه والحروف اللي بدون حروف والمداين والقرى والورود بكل نوع والسحابه والقمر والشمس ونجوم المحبه والمشاعر وقلبي اللي مايبي غيرك ابد والعيون اللي ملاها حسنك الباهي والشواهي والدلال ام القهاوي والشهاوي والفراشات الجميله والنخل والسِيف والما واالشمع والشمعدان والسهر والضحك والإبتسامات الخجوله والطفوله والنهر والبحر وطيور الصباح والحجاره والمحاره والبروده والحراره والشوارع والإشارات المروريه والرصيف اللي قبل درب القطيف والكريات اللي بدمي والصدر والريح والريحان والفكر وكل الأماكن كلها شبر شبر والعماير والمحلات التجاريه والملابس والمجالس والمدارس ودربي اللي جيت فيه والأمل والضيق والنوادي والبوادي والخرز والتبر والكلام اللي ينقّط لك عسل والعسل والنحل والتمر والقحويان والصحاري والجبال الراسيات والقطارات السريعه والقطارات البطيئه والحراكات الجريئه والأيادي والشفاه اللي تنادي والصدور وكل سور وكل نور وكل منبع للسرور والعنب والتين والرمان والخوخ والتفاح والبرشومي والمسك والموز والكادي وانا والقصور اللي هنا والبواخر والسفن والزوارق والسمك واللول والمرجان والدرّ والياقوت والبخور وكل انواع العطور والدموع اللي مثل زحف الجموع والطلوع والربيع والمتاحف والجرايد والفرايد والشرايد والصور والرياض والنعيريه وشرم الشيخ والحزيره والبصيره والعقول والطبول اللي بصدري والبختري والشمطري والعروق وكل شيٍ فيه ذوق والرسايل والمثايل والخلاخل والبناجر والأساور والخواتم والأماسي وكل فكره وسط راسي والكراسي والمصافي والنفط والإقط والكباري والحواري والجسور وكل معنى يعطي القامه فتور والمطارح والجوارح والدرايش والستاير والكنب والزوالي وآخر الركن الموالي والجنوبي والشمالي واللآلي والمعادن والكواكب والصبر والملح والسكر وكل شيٍ جيت اقوله غير كل اللي ذكرته : كلها مشتاقه لك : * :[/align] |
|
|
|
|
19-02-2008, 02:26 PM
|
#69 | |
|
(*(عضو)*)
|
(.. لآلئ مرقابيه ..)
[align=right]:
* : أبت الذائقة الا أن تغوص في أعماق البحر المرقابي الغزير بحثاً عن الجمال أينما كان ومهما كانت صعوبة الرحله لستتخرج " لآلئ " منسيّه قد تعيد لنا هيبة الشعر في أرض الشعر والتي افتقدناها نوعاً ما : * : قرّائنا إستمتعوا بهدووووء[/align] |
|
|
|
|
19-02-2008, 02:47 PM
|
#70 | |
|
(*(عضو)*)
|
قصيدة " طيور المزغديّه " للشاعر / عبدالله الطلحي
كم أنت رائع ياعبدالله ، نصّك يتجدد مع كل إحساس بالخوف والشفقه على هذا الكائن الوحيد المسكين والذي أنهكه كل البشر والذين أصبحوا كلّهم شعراء مبدعين [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ليت للشعر لوحه وإستماره=بعد ماصار مجهول الهويه وعسكرٍ واقفه في كل إشاره=لأجل ترفع على المخطي قضيه والقضيه تصل عند الأماره=تردع الناس بأحكامٍ قويه كان ماجات للشعر إنحداره=كل من حب جاته شاعريه إبتلشنابهم في كل حاره=أجوديٍ لمح زول أجوديه كلهم يدّعي وصل وزياره=عند ليلى وهي منهم بريه ماتباغير منهو في الصداره=قيس محبوب ليلى العامريه الصداره وصلها عن جداره=ينظم الدر ويجيبه هديه والدرر كل دره في محاره=والذهب في بنوك الصيرفيه والخزاين مع ارباب التجاره=فتْحها بالحروف الأبجديه راعي الكار هو داري بكاره=لو يقولون غادي في نحيه ماتشوف العمى في جوف داره=لاإنطفا النور خير من البقيه وكل صقار داري عن حراره=والغشيم إدّعى بالمعرفيه يحسب الصقر صياد الحباره=مثل باقي طيور المزغديه[/poem] |
|
|
|
|
19-02-2008, 03:30 PM
|
#71 | |
|
(*(عضو)*)
|
قصيدة " ورده في شراييني " للشاعر / عواض عبدالرحمن الشهيب
عواض شاعر عذب ، قد لايكون في قصيدته الكثير من الصور الخياليه ولكن احساسه في القصيده صنع صوره كلية رائعه بقدرِه ، أعجبني النص بقافيته الغير مستهلكه (آكي ) والذي ابدع فيها [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] هو ليه ! ياوردتي .. ياعطري الزاكي=ملتي ظما وانكسرتي يابعد عيني اقسم برب ٍ منحك الطيب واحياكي=ماينثني لك قوام وباقي ٍ فيني روح ٍ تنفس .. وقلب وعين تهواكي=دام الوفا سنتي وانت ِ قوانيني لاسقيك ياذابلة من طرفي الباكي=وان مارويتي .. سقيتك من شراييني علي حفظك وعين الله ترعاكي=عيشي بامانه واماني والوعد ديني وعليّ كسرة يمين اللي تهقواكي=وعليك نسمة شذا . . لمواجه اسنيني لأن عمري ومشواره بليّاكي=مثل المنادي على ناسِ مقفيني واوعدك ياوردتي .. . ياعطري الزاكي=لن كان ملتي ظما ... لزرعك في عيني[/poem] |
|
|
|
|
19-02-2008, 03:57 PM
|
#72 | |
|
(*(عضو)*)
|
قصيدة " مرفى القمر والحرير " للشاعر / غازي المغيليث
ماأروعك ياغازي ،فعلا شاعر عبقري تكتب بحرفيّه عاليه وتجديد مبهر ، نص يحتاج للكثير من المتصفحات ، عذراً على إيجاده هنا دون الغوص في تفاصيله الخطيره وابتكارته الملفته ، لكن لعلنا نتعلم القليل منه .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] طاحت سما الصبر واغتال الفراش الهجير=ياالله يا ملتجى وجهي ويامحزمي يطغي على سطح صدري فيض همٍ غزير=وانا آدمي قلب وعيون وضمير آدمي ان مرني من نسيم الصبح نسمة عبير=مريت جرحٍ زرعني فوق رمش قلمي اصوّر الناس والدنيا خَضار وغدير=واصلُب دموعي على شُرفة دمي ولحمي واحيان احس ان قلبي قلب طفلٍ صغير=يسكن عيوني ويركض في فمي ونسمي ومابين دفن الشهيق وبين نبش الزفير=يعرض على شاشة افكاري ذهب وفحمي واشوف نوب التذلل في شموخ الكبير=واشوف عزة ملوك الارض في معدمي واشوف الاجرام فالوجة السفير المنير=واشوف نظرة براء الاطفال في مجرمي والياركض وسط وجهي دمع عين الفقير=يتمت مالي وجاهي وقدمي وكرمي وان مدّ لي حظي العاثر رمالٍ وجير=حوّلت نِفده وضلعانه ذهب منجمي وغلطان من قال حبل الكذب حبلٍ قصير=وغلطان من قال قلبْ محبّ اصم ابكمي والارض لو توأمت (نيتشه) وادب شكسبير=وجابت وراء التوأمين الاوله توأمي مرت على الجهل واهل الجهل ديمة عصير=نهارٍ اجوف وليلٍ موحشٍ مظلمي صحافة اليوم مسنود وغنيّ ووزير=اشعار ماتنبلع.. وافكار ماتهضمي والنود وان فاح فيها نفح جوري وكير=يقول دمّي عدا دمّي ودمّ رحمي إلكم فضاكم نفاق ومدح بشت ومدير=واليه فضايه ياعلّي ماخلا واعدمي والكم بلدكم روافد سلب عزة وخير=واليه بلادي فدى عمري وفدوة دمي والكم من الحسد.. مايعقل مسير البعير=واليه من الحب ماخلا الجمل درهمي وان ضاع من بخلكم مثقال حبة شعير=ماضاع من مد يمنايه كرم حاتمي وان مات الاحساس فـ (ابن ادم) ومات الضمير=لاعاد ترجي من ابن آدم يكون آدمي خلوني اهيم في وادي وفي جم بير=وخلوني ابحث عن اجزائي وعن معظمي ابكي بكا الغيث واحزن حزن شيخٍ ضرير=وانثر جروحي على سكة جمر ميسمي والوّن البحر واضحك ضحك طفلٍ غرير=واتبع جداول خيالاتي واسجّ قدمي خلوني اكون للفكر المناضل سفير=كم غير الناس بيتٍ شاردٍ ملهمي وياعايده .. عايد التشويق ..وضعك خطير=ياسيف موسى نصير وسيف ابن مكدمي الحب علّمني اشيا غير واحساس غير=جروحه اجروح غير وبلسمه بلسمي والبعد لو حط قلبي وسط قلب السعير=فى وجة سيف الوليد وخنجر الحضرمي والله مانساك يامرفى القمر والحرير=وانتي جرائم سكوتي وانتفاضة فمي[/poem] |
|
|
|
|
19-02-2008, 07:41 PM
|
#73 | |
|
(*(عضو)*)
|
قصيدة " خيره " للشاعر / عبدربه العازمي
عبدربه من الشعراء الذين لم يُنصفوا كثيرا ، شاعر على السجيّه ، من أخطر من يكتب التقليدي في هذا الوقت ، استخرجت هذا النص من أرشيفه الغزلي الجميل والذي يأبى أن يكتبه الآن لأسباب غير مقنعه [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ياملّ قلبٍ تعب من جدْ وأتعبني=من قو همي سهرت الليل ما بتِّه كنّي ذلولٍ متى ما أراد يشعبني=لا قام يومي به الهاجوس ويمتّه من شئٍ أشاهده ما هوب معجبني=مما تشوف العيون وما تكبدتّه أكبر خسارة معي حظٍ يحاربني=فـ الواقع المر كلّفني وكلفتّه! بيت الغرام انهدم ماعاد هو مبني=وأنا الذي في ربيع العمر شيّدتّه يوم انقشع من محله قلت يا غبني=ياليتني عن شعوف الصيف جوّدتّه ما نيب لاقن بداله ما يناسبني=انحتّْ غصن المحبة والورق حتّه في ذمتي فـ الهوى محدن مكذبني=ألاّ غشيمٍ يحطّْ الأربعة 00 ستَّة!! ياصاحبي عقب هاذي لا تعاتبني=دام الخطا اللي بدر منكم تعمدتّه لا تلحق الشرهة الشرهة وتغضبني=يكفيك قلبٍ ملكته غصب وأختّه العام بالرمش تاكلني وتشربني=واليوم صاحبك بالعينين ما صدتّه والصوت من يمّكم ماعاد يطربني=سوّدت يومي لكنْ وجهي ماسوّدتّه! إبعد مع أرض السعة لا عاد تقربني=يوم الغرام انتهى والحلم بدّدتّه أحسّْ لا ابعدت دارك يا معذبني=حرّرت منك الخفوق اللي تسيّدتّه لعل فيما حصل درسٍ يودّبني=خيره 00 ورايي هذا بالذات أبا أبتّه لكن تبغا لها حظٍّ يصاحبني=وألاّ العزيمة معي بالحيل منهتّة! على كلام المثل 00 لا أحدن يحاسبني=عطْ صاحبك حظّْ وبوسط البحر زتّه! توبة عن الحب والمجمول توّبني=سمّوني الخبل كان إني تعوّدتّه!!؟[/poem] |
|
|
|
|
20-02-2008, 12:31 AM
|
#74 | |
|
(*(عضو)*)
|
قصيدة " القلوب الدافيه " للشاعر / عبدالله ذويبان
كم هو مبدع هذا الشاعر قرأت نصوصه فوددت أن اضعها جميعها هنا ، شاعر ذكي ، اسلوبه سلس ثقافته ممتازه ، يعرف كيف يفاجئنا بفكر متجدد ، ويعزف على قلوبنا احلى سيمفونياته .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] يا نجم يا ساري على مسراي تكفى لا تبان=قّل للظلام يلبّس الدنيا عباة ٍ ضافيه مليت أشوفك ممتلي بالنور و تضيء المكان=و نجوم صدري داخل أضلاعي حزينه .. طافيه يا أبن الحلال.. أرجوك طف النور في دربي عشان=ما عاد أميز فالوجيه .. الخاينه و الوافيه ليه أخسر اللي طاح من عيني او أكسب لي رهان؟=ما عاد تفرق .. و النتايج كلها متكافيه ما عاد أبي صدمات تحت اسم التجارب.. و أمتحان=واحد كفيل بتعريّة كل العلوم الخافيه الجرح واحد لو يجي .. من يد فلان او يد فلان=يتشابه الهافين .. في فعل الأمور الهافيه نفس الوجع/نفس الضما/نفس الخطا/نفس الجبان=نفس السؤال .. و نفس اجابات الشهود النافيه يا نجم خلك في محلك مالك و مال الطمان=أقلط على صدر المعالي .. صحتين و عافيه !! ما دام موتك مستحيل و فيك للجو اتزان=لا تنزل الوادي و تضربك الرياح السافيه تدري لو أنك تسأل عيوني عن الحرمان .. كان=تشرح لك الحرمان في نظرة أجابه شافيه حلمي كبير و سيدة حلمي من السحر البيان=ما جابها الواقع و لا جتني على ارضه لافيه من وحي فكري صاغها الحرمان بعيوني كيان=أعيش فيها و أحترق لسنينها المتقافيه فأن كانها متفرده .. بأحساس و أوصاف و ليان=قصيدتي متفرده .. معنى و بحر و قافيه بنت القصايد .. كل ما هب الهوى و الطرق زان=غنيت فيها لين اصحي كل فكره غافيه ما يكفي اني كل ما غنيتها ذاب اللسان=كنه يقول ان السكوت أحيان حاجه كافيه!! أحيان أخاف الموت بيديها و لا أشعر في أمان=و أحيان أحب الموت .. لكن المنايا جافيه ان سولفت في صدري الخايف من البرد أستعان=فيها.. و قامت بين ضلعينه تمشا حافيه فيها برود و ثلجها .. خلطة رحيق و زعفران=تحالفوا فيها على هيئة ( عصابة مافيه ) هذا يجيد الفلسفه .. و هذا يجيب الأحتقان=و انا مع الأثنين نفسي ما تجي متصافيه وش عاد باقي!! بنت عز/و بنت شيخ/و ذات شان=مثل البحر و امواجها بأسمى المشاعر زافيه قالت : اذا مات الدفا .. من يثبت ان البرد خان=في صحبته .. قاطعتها!!قلت : أسمعي يا وافيه ! لولا الوفاء مات الدفا ..و اصبح يهون و يستهان=و أجراحنا بأروحنا صارت مهي متعافيه الشكر لو ماله وجود .. ان كان ما فيه أمتنان=وأكبر جفا .. وش ياسعه غير القلوب الرافيه؟ يا غاليه .. رغم الوجع رغم التعب رغم الزمان=جيتك و قلبي ينتظر فرصة حنان موافيه حطيني بصدرك واذا قال الزمان: أظهر و بان=خليني ابقى داخل ضلوعك .. بخير و عافيه انتي عطيني من غلاك.. أحساس وشويّة حنان=وأعطيك قلبي.. والقلوب أطباعها متنافيه تدرين لو كان الدفا دوله و فيها .. برلمان!=صرت الزعيم .. و قائد أحزاب القلوب الدافيه! لا زلت عادي.. رغم كل البهرجه و الهيلمان=صافي نوايا.. في زمن ماله نوايا صافيه ما هو خطا لو نفترق .. و يذوب شمع و شمعدان=بس الخطا لو نجتمع .. و قلوبنا متجافيه[/poem] |
|
|
|
|
20-02-2008, 12:56 AM
|
#75 | |
|
(*(عضو)*)
|
قصيدة " تناهيت الصدور " للشاعر / مناحي
نص من أروع نصوص الشاعر الرائع مناحي إن لم يكن الآروع ، إكتملت فيه مقومات النص الراقي الباقي في الذائقة ، إستطاع من خلاله أن يتمرّد على ذاته ليخرج لنا لؤلؤه قيمه .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] مع الوقت القديم اللي بقالي منه غصن وطير=خذاني هاجسي في طاري البستان وطيوره يوم أن اليوم ساقي ماء صباح وهفهفات عصير=تلاوين المساء تطبع على عيني لها صوره ما كنت اللي يعشق الملح لو الملح طعمه غير=يالين الفقد طاول مركب البحار وبحوره ! أمانه يا مراويح السحاب المركمه بالخير=تعدي وأسفهلي فوق صدرٍ ملت دهوره تحت صدري مدينة من زمن صالح وورد البير=وانا عيني على من عاشها لايعلن الثوره أداريها وادور عذر واكذب واشرب التقصير=وياكلني عناي وعارض الشيطان وغروره انا ماني بزيرٍ للنساء يا سالم ابن الزير=انا اللي حاكم شعوره ومات بطعنة شعوره وقفة أقول لحمول الزمن تحت الحمول بعير=وعيا لا يقوم بحملته من قل مقدوره ! هلا يا صبح عيدٍ زانه التهليل والتكبير=سواليف السنابل شيقه والارض ممطوره تعالي والمهر قلبٍ حدوده يطلع النوير=تعالي عرضةٍ بالسيف منهيه وماموره حشى لله ما ردك لداخن نافخين الكير=ولا أنتي لو تميل ارقابهم .. بالصد معذوره !! تنهيات الصدور وقلة الحيله وعكس السير=وزحمات الشوارع تَطْلع الرجال من طوره مع الوقت القديم ترّجعه بالحلم والتفكير=وهو ما باقيٍ له غير غصنٍ شال عصفوره [/poem] |
|
|
|
|
23-02-2008, 11:06 AM
|
#76 | |
|
(*(عضو)*)
|
قصيدة " جرح الغلا " للشاعره / نيّافه
لم يمر على المرقاب وربما ساحة الشعر كهذه الفاتنه شعراً ، فكر وصياغه واحساس والكثير من الذكاء الشعري والإبداع الفطري ..اقرأووا [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] نفاك الليل .. والثلث الاخير موثق الاصفاد=بعد جاوزت ياقلبي .. جحيم الثانيه عشرا تصومع في متاهات وغياهب .. سجنك المعتاد=بقى ثلثٍ عيونه مظلمات .. ووجنته سمرا تسمّر بين تعذيب الضمير .. وجفوة الميعاد=بليلٍ زعل سهيل اليماني .. كوكب الزهرا ايا قلبي نفيت .. ولابقى لك في الوجود بلاد=اخذ قيصر شمالك .. والجنوب احتلها كسرا حوانيتك خراب .. وشارعك موحش وصمتك زاد=وزفرات الهبايب في ممرات الوله .. غبرا تهزّ الريح كرسي الدروب .. وينعس النشاد=ايا ويحي ليا منه صحى .. كيف التمس عذرا ؟ انا من لي .. بعذر مثل عذر الام للاولاد=يتاما في صباح العيد .. واقدار الزمن قشرا لك الله .. شحت افكاري وجافتني حروف الضاد=ولا باقي بعد عسر الزمن .. في جعبته يسرا حبيبك غاب .. وعيون العواذل في الغياب حداد=وانا قد قلت لك : لن يستطيع مع القسا صبرا رحل ماكنه اللي .. كان لجروح الزمان ضماد=ابد ماكنه اللي .. لا لمس جرح الغلا يبرا خلت منه الاماكن .. وانحصر ذكرى وصار ابعاد=تلاحقها عيوني في علامات الجفا .. الكبرا اشوف الصولجان المنكسر .. والقصر والامجاد=ثلاثٍ بيض ولّت .. والبقى في الليلة الغدرا واشوف الجافلات من الجوازي .. صادها الصياد=واشوف الباسقات .. من الخريف اوراقها صفرا انا في كل يوم .. اخسر طبيب والتقي جلاد=خساراتي جسام .. وكل طاقاتي غدت هدرا ياقلبي حل .. عن عين الضلوع وبشر الاجواد=خطايانا جعلها الله لهم يسر .. ولنا عسرا[/poem] |
|
|
|
|
23-02-2008, 07:42 PM
|
#77 | |
|
(*(عضو)*)
|
قصيدة " أنا على نيّتي " للشاعر / مطلق المطيري
شاعر فِكر ومختلف تماماً ؛ له اسلوبه الخاص والمنفرد بالفكره الجديده والتجديد الراقي ، في كل نص يثبت ان الشعر ليس مجرد وزن وقافيه بل اكثر من ذلك بكثير .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] انا على نيتي ، واللي على نيته= لو جمعوا له سواد قلوبهم بعثره مانقصوا من طموحاته وشعبيته= ولاحركو من طرف راس الطموح شعره والشعر ماهوب في وزنه وقافيته=الشعر في ندرة بيوته وزين بحره ليا تجاوزت هفواته وسلبيته= انا اشهد ان القصيد يصير فيه ثمره يرتاح من يستلذ الشعر في فيته=وينام في عين من قض الجفون سهره والشعر كم له فقد نبضه وعافيته= كم له تشد الحمول الجايره فظهره ولولا من يهمني وتهمني جيته=والله لسوي لشرياني عنه قسطره اللي مهيمن على قلبي بعفويته= ايغيب وان غاب ماادري عنه وين ديره ماينعرف مستوى اهماله وجديته=آقول ماوالله اعذره واقوم اعذره آخاف لاسلمه قلبي وحريته= اسلمه خافقي حتى يجيب خبره عجزت لاحلل مع الوقت شخصيته= وسلمت بامرن محد من هالبشر ينكره تدرون وش يفقد الرجال اهميته؟= لاسلّم السلطه اللي في يدينه مره [/poem] |
|
|
|
|
24-02-2008, 04:35 PM
|
#78 | |
|
(*(عضو)*)
|
قصيدة " التجربة " للشاعر / محمد جارالله
شاعر مبدع خلوق ، يكتب بفكر متجدد ،ويُعد من أفضل من يفلسف القصيده الشعبيه ، أستمتع بنصوصه وأطرب لأفكاره وصدق إحساسه ..[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] تقدّم الدنيا لنا درس ٍ جديد بكل يوم = والناس تسلم من غثا الدنيا بحفظ دروسها !! وعلى حسب حفظ المواجيب وتعاليم السلوم = نعرف مقاسات البشر بالمرجله ونقوسها صيت الرجال الوافيّه بأفعالها .. ولا ّ الرخوم = ينبيك عنها : قل نفعتها وشين نفوسها تطرد ورى الدنيا وتكشخ بالمواتر والهدوم = مثل ( الحريم ) أغلب دراهمها على ملبوسها والإمعه والشايب الكذّاب وضعيف العزوم = ناس ٍ مع العالم بلا هيبه تدربي روسها !! والبخل : خلاّنه بهايم !! لا تسام ولا تسوم = لا شفتها ترفع يدك حمد وشكر وتبوسها على الصحن هم أول الجلاّس وآخر من يقوم = يعيّفك حلو الاكل والشرب طول جلوسها ماهيب لللازم سند ولا ذخر عند اللزوم = تموت ماسرّك مهايطها وكثر فلوسها وسوالف الخبلان .. رفعة ضغط وصداع وهموم = فلاوة ٍ تخطّف علوم العرب وتحوسها واجب عليك إليا حكت عن جملة حكاها تشوم = الهند ما يرأس حكومتها سوى هندوسها وربع المصالح والمجامل خوة ٍ ماهيب دوم = اقولها والتجربه قطع وريدي موسها وقت الرخا .. مثل الصقور اللي على المرقب تحوم = فيّ ٍ يذّري ساقك الرمضا وحر ّ شموسها وإليا احتمت صكّات بقعا وامست علومك علوم = اتلوّي خششها وتجحد خوّتك وتدوسها من عقب ما انت الطيّب وقدرك معزّز ومحشوم = تصير اردى ما خلق ربي ودم ضروسها أبعد عن الأشكال ذي .. بعد الثرى عن النجوم = وش حاجتك في قرب رديان العرب ونجوسها ماهوب عيب إليا عزموك تقول يالربع .. معزوم ! = العيب : لارحت لعزايمها وجيت عروسها وخلّك فطين تعلّمك دنياك درس بكل يوم = والرجل يسلم من غثا الدنيا بحفظ دروسها [/poem] |
|
|
|
|
26-02-2008, 01:06 PM
|
#79 | |
|
(*(عضو)*)
|
قصيدة " معمعه " للشاعر / إبراهيم الشيخي
قصيدة تحمل روح ثلاثي الإبداع ، والشاعر المثقف الواثق من نفسه ، فلسفة رائعه وعمق يحفّز على التفكير في روعة التصوير ، من النصوص التي فعلاً تحتاج الى اكثر من هذا الضوء البسيط والغير منصف تماماً .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] مركب وهم ازرق وموج من الوريد الى الوريد=رحلة لكشف الذات مابين الجهات الاربعة اول شعاع الشمس صحوة وآخره جثة شهيد=والبحر يبكي شايل الجثة على راس اصبعه على امل قطع المسافة لكن المرسى بعيد=والريح تعزف داخل اعماقي أنين الاشرعه بداية الرحلة جليد ويمكن آخرها جليد=والمرحلة بين البداية والنهاية معمعة ايدٍ تودعني هنا وهناك تستقبلني ايد=هيهات يستقبل غريب الدار حضن مودعه امتعتي احلام وطموح وشي ومن نزف القصيد=لهناك تحملني تخيّل شخص تحمله امتعه في داخلي صوتٍ يقول ارجع وسافر من جديد=يمكن تحصل نصفك المفقود وتسافر معه ماينبنى حاضر مجيد الا على ماضي تليد=وعذوبة آخر جدول الما من عذوبة منبعه وانا وحيد وميزتي في هالحياة اني وحيد=احيان يتبعني ظلالي وان تراجعت اتبعه يجوز ما ادري وش هي اهدافي ولا ادري ويش اريد=بس اعرف اني منفرد لايمكن اكون إمعه عندي يقين ان الحياة اضداد والشي الاكيد=ان احتكام الضيق مهما طال مفتاح السعه وان البشر بذرة قدر مابين مزروع وحصيد=وان القدر في ظرف لحظة يحصد اللي يزرعة وان الخسارة حمق متضرر وحنكة مستفيد =وان الفتى يجمع لعمره وان عمره يجمعه وان افضل المعروف مايفرج به الكرب الشديد=والخير درء الشر واقصاء المضرة منفعه عقدين وانا استعبد الاحرار واحرر عبيد=في مملكة فكري وقدراتي جيوش موزعه اعيش ما عاشوا ملوك الارض في ثوب الزهيد=في زحمة الشارع وكني في سكون الصومعه فراستي تكشف قناع ابلد ذكي واذكى بليد=المشكلة في هالزمن حتى للاصوات اقنعه[/poem] |
|
|
|
|
27-02-2008, 01:19 PM
|
#80 | |
|
(*(عضو)*)
|
قصيدة " الجفول " للشاعر / مطلق بن شويه
مطلق بن شويه شاعر تحفزنا نصوصه على التفكر وتجبرنا على التقدير ، شاعر عن ألف شاعر ، مبهر جدا ، صادق جدا ، مبدع جدا ، دائماً مايأتي بقصائد فارقه تعتلي قمة الذائقه وتستوطن الذاكره ، من أفضل الشعراء في اختيار مطلع القصيده والقفله بشكل رائع وذكي .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] الصدر ممحل غرام .. ومرتوي صدّه=والعين غصن السهر فيها ثنى عوده لولاي رجل ٍ محد وايق على سدّه=فضحني الشوق في باسه ومجهوده !! أدلّه البال بين الضيق والشدّه=الوقت دوّار .. والأعمار محدوده لو كل واحد يجي ودّه على ودّه=ماطال صبر العقيم لشوف مولوده !! راعي القناعه ليا من الزمن حدّه=يرضى بحظ ٍ ذخر جوده وماجوده يابيض الأحلام لاتمسين مسودّه !!=بشايرك في نواصي الخير معقوده حي الله اللي عليه القلب من مدّه=كنّه سحاب ٍ يمد يديه للسوده أبطى وحس الضلوع يقول لابدّه=رجله على الدرب !! وعيونه على العوده إيّ بالله أقبل جفول الريم من قدّه=يشيل روض الجمال بكامل وروده كنّه بيجزم ولْه !! وأنا على حدّه=وأغضيت شوفي يمين شوي .. ياكوده .. .. إليا تمثنى قفص صدري ولا ردّه=ما ياخذ القلب في رمحين من سوده !! اللي قلوب أكثر العشّاق في يدّه=تسعى لغاياته .. وتطّمح لمقصوده لو كان ماهيب ورث ابوه عن جدّه=لكنّها كسب حجانه وعنقوده !! سلمته الروح وأغليته على البدّه=يرعا مفالي حشاي .. ويارد عدوده من كثر ما أتوق له وأغليه وأودّه=تنقص مقامات بعض الناس من زوده عليه الأشواق .. محترّه ومبردّه=ويلي على نفحة النسناس من نوده ما والله أقسى على العاشق من الصدّه=الا أن كبده بحد الموس مقدوده لكنّه العشق لامن زاد عن حدّه=ياكثر ماياخذ !! وياقل مردوده أن حطّك براسه .. ونواك من جدّه=مايحترم نفسه !! ولايمسك حدوده فيه التناقض وجمع الضد مع ضدّه !!=حاجات معدومه .. وحاجات موجوده الله عطا (السوده) اللي ماعطا (جدّه)=والله عطا (جدّه) اللي ماعطا (السوده)[/poem] |
|
|
|
|
03-03-2008, 01:15 PM
|
#81 | |
|
(*(عضو)*)
|
هنا فيه شي
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] راسمٍ لي خط مااحدٍ يسلكه = غير زاير بو ظبي والمملكه والذكي عقله يورّيه أوّله = نقطتين وبينها عين سمكه وبعدها نكسة عربنا الثانية = لين نقطة انتهاء المعركة وعام رزينا العلم فامريكيا = بعد واحد قبل الإثنين اتركه والقضية كلبوها ياالعرب = فبركه في فبركه في فبركه[/poem]
|
|
|
|
|
13-03-2008, 03:50 AM
|
#82 | |
|
(*(عضو)*)
|
كيبورديه ( سبيشل )
: : [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حبيبتي نبض الحياه وكل معنى للوجود = اعيش بك لك معك فيك ومنك والك اللي تريد ان ماجمعت الك الخلايا كلها باقة ورود = مااكون هاك اللي سكنك امن الوريد الى الوريد تدللي ولا يهمك حزني العبد الشرود = اللي ليا شافك يخافك وانتي العيد السعيد ياحبي الأعظم رغم بعد المسافه والحدود = ياللي من احساسك يفوق القلب ويذوب الجليد يااصعب من طباع الكريم الوافي بعين الجحود = يااسهل من اهداف الشموخ الصعب في عين العنيد انا وحزني والظروف اللي تشح ولا تجود = فدوة هدب عينك عسى عمرك ورى اظلاعي مديد في ذمتي ماخاف قلبي لا فراق ولا صدود = يخاف يستشهد من اشواقه ولا يُكتب شهيد والدمعه اللي ساقها قلبي على مجرى الخدود = تعبير عن ضعفٍ يعلّم قوّتي باني شديد تطمني لك حول صدري جيش حراس وجنود = وانا دخلت بصدرك الواسع وانا قلبي حديد رسالتك بيرق وفا منصوب في اعلى عمود = يااعذب واغلى من رسل إيميل ورسالة بريد قلبك وصل وصل وصل وحروفك لقلبك شهود = وانا حروفي شايله قلبي على بيت القصيد اقري ياحظي بك وانا ساهر وخلق الله رقود = تشرّف حروفي بعينك فالقديم وفالجديد[/poem] . |
|
|
|
|
14-03-2008, 09:31 PM
|
#83 | |
|
(*(عضو)*)
|
((*( .. في الصميم ..)*))
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الحب خلطة وصل وافراق واشواق= والقلب في (اللاوعي) والعقل واعي قلت الك نبغى نغيب من شان نشتاق= ماهو عشان نغيب من غير داعي [/poem] : : |
|
|
|
|
22-03-2008, 02:44 AM
|
#84 | |
|
(*(عضو)*)
|
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أروع ليال العاشقين اليا ضحكوا = بقلوبهم .. سلام والله ياسلام واحلى كلام العاشقين اليا حكوا = بعيونهم .. ماهو مثل كل الكلام واكبر هموم العاشقين اليا شكوا = وهمومهم .. عينٍ تنام ولا تنام واصدق شعور العاشقين اليا بكوا = ودموعهم .. تعبير عن صدق الغرام [/poem] : : |
|
|
|
|
22-03-2008, 11:20 AM
|
#85 | |
|
(*(عضو)*)
|
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] مدري صباح الخير ولا مسا الخير = بس المهم ان اكثر الخير فيها ياليت لي جنحان واطير واطير = واقطع بها طول المسافه واجيها يصير مدري! يصير! لايمكن يصير! = مدري! ولكنْها تبيني وابيها [/poem] : : |
|
|
|
|
22-03-2008, 11:40 AM
|
#86 | |
|
(*(عضو)*)
|
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] حياتنا برواز والحب صوره = لاتكبر الصوره وينهار برواز والآدمي لازم يوقّف شعوره = لاشافه لكل القوانين مجتاز لنّ الغرام ان زاد مكمن خطوره =مثل الذي يطفّي النار بالقاز [/poem] : : |
|
|
|
|
22-03-2008, 12:00 PM
|
#87 | |
|
(*(عضو)*)
|
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ماودها أ دري بأني داريٍ عن حبها = وانا ادري وعلّمتها عن الغرام وداريه تحبني غصباً وانا غصباً عليّ احبها =ولو حاولت تلبّس الاشواق تبقى عاريه [/poem] : : |
|
|
|
|
22-03-2008, 03:58 PM
|
#88 | |
|
(*(عضو)*)
|
:
: [poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] قالت: أخاف وقلت: لا يلحقك خوف = اقولها ! وانا من القلب خايف نخاف صوت الـ(آآآه) والـ(أحّ ) والـ(أووف) = لاجادت الفرقا بطعن الولايف نعيش ماندري وبكره نبا نشوف = على أمل لو كان ماهو بشايف يا(غابة الورد) إعملي فيّ معروف =تطمّني بلاش بعض الكلايف الحب ماهو ورد ذابل ومقطوف = الحب قلبٍ طالعٍ له شفايف وكلمة (احبك) ماهي بأربع حروف =أربع نوايف نايفٍ جنب نايف [/poem] : : |
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الزميل راكان الروقي يتعرض لكسر | ضيف الله الغنامي | ..: المرقاب العَام :.. | 45 | 19-09-2008 05:30 PM |
| شفق السريع يستكمل علاجه في لندن | عبداللطيف الغامدي | ..: المرقاب العَام :.. | 52 | 17-06-2008 03:36 PM |
| تغطيةنتائج الحلقه الخامسه من قلطة الوطن(فوز ذيب الشمري) | وليد العمودي | ..: مرقاب الإعِلام :.. | 6 | 08-06-2008 09:02 PM |
| تغطية الحلقه الخامسه(قلطة الوطن) صور وانتظروا الفيديو | وليد العمودي | ..: مرقاب الإعِلام :.. | 4 | 23-05-2008 09:48 AM |
| تغطية الحلقه الثالــثه من قلطة الوطن(فيديو وصوّر) | وليد العمودي | ..: مرقاب الإعِلام :.. | 6 | 10-05-2008 11:17 PM |
 |
 |
العرض العادي
