( عبدربّه كل مرقابي يحبّه )

السلام عليكم ،

المشاركة الأصلية كتبت بواسطة مشعان البراق

,

السلام عليكمـ .. ,
مساء الخير والخيرات ,
قاعد اقراء الردود على تحقيق عبدربه وقريت قصيدتك في ابو حواء ,


رجاءا خاص انّا نقراها في المواهب .. هذو ولك سلامي وودي ,

مشعان البراق ومدير بعد يعني ماعاد لي حرف
والحقيقه عبدربه فوق الاطراء ببويتات عابره
وبعد طلب الغالي ابو محارب .. أكرر طلبي وبلهجة أكثر شدّه بعدم الرد يا بوحواّء



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ذمة التحقيـق والفرصـه متاحـه=يـا لسانـي غـنّ لا دقّ المنبّـه

من شهر شعبان صوتي فـإستراحه=كل واهـس يطـوي حبالـه يكبّـه

لين جاه اللي نفض صمته وماحـه=ميحة ٍ ما جات له من غيـر سبّـه

من يلوم الطير لو ينهض جناحه=شايف ٍ له فوق سطح الأرض قبّه

والله أنّ المـدح لا هبّـت رياحـه=له رجال ٍ تنطحه مـع كـل هبّـه

كفو والممدوح من باب الصراحـه=يستحقـه والصراحـه مستحـبّـه

لو عباد الربّ .. ما فيهم شفاحـه=ما عرفنا ويـش ميـزة عبدربّـه

بالذرابـه والشكالـه والسمـاحـه=له نظام ولـه مقـام ولـه محبّـه

يذكر الله في مساه وفـي صباحـه=ولا تشلهبـه العلـوم المشلهـبّـه

لا بس ٍ بشتـه ومتقلّـد وشاحـه=حافظ ٍ وجهه عن وجيـه المشبّـه

وفي مجال الشعر دكتور الجراحـه=والدكاتـر تستنيـر بعلـم طـبّـه

يشهد الله قبـل لا نشهـد نجاحـه=مـا يـدوّر عندنـا مثقـال حبّـه

أيه أحبّه وأمدحه في كـل ساحـه=والمنافق .. يمدحـه وإلاّ يسبّـه !

الرجال أنـوع .. لكـنّ الصراحـه=عبدربّـه كـل مرقـابـي يحـبّـه[/poem]


وسلمتوا ،،