حيلنا .. بيننا .. !!

السلام عليكم ورحمة الله وبركاته

ما شاء الله عليك يا عبدالرحمن اشغلت المرقابيين بأنفسهم ههههههههه

موضوع هادف وراقي لاهنت عليه


لي عودة على صاحبي سعود النفيعي

سعود النفيعي



- أميز مافيه .. ؟؟

* - مقابسة مع المرقابيين في الفنون الشعبية



- العيب المزعج فيه .. ؟؟

* - غيابة الدائم والملحوظ عن المرقاب


- ما الشي الذي تريد أن تأخذه منه في المحيط المرقابي .. ؟؟

* - كل شيء جميل لكن غبطة وليس حسد



- تواجده (( مثري )) في أي مرقاب .. ؟؟

* - الفنون الشعبية بدون منافس ..




- كيف تتوقع شخصيتة في حياته العامة .. ؟؟

* - كنت اعتقد انه يخمّ الرجال مباشرة .. وقابلته ..
ونعم الرجل .. دمث الخلق والحديث اللذي لا يمل ..



- لو أخذت (( يوزرة )) ليوم واحد كيف ستستخدمه .. ؟؟

* - محاورة مع خالد الحصين ..



- رسالة توجهها له .. ؟؟

* - ( .. ابواب المرقاب .. تنتظر الغيّاب ..)



- طلب .. تطلبه منه .. ؟؟

* - قصيدة جديدة في المرقاب الشعبي



الضيف القادم :


عبدالرزاق الذيابي

فكره مختلفه..


متابعه..

وين المطوع
لايجي يشغلني


تبا ترد ولا رديت

رد الله لا يردي نصيبك

طيب دام محد رد, أرد انا




عبدالرزاق الذيابي



- أميز ما فيه .. ؟؟
قوة قصائده و تواضعه



- العيب المزعج فيه .. ؟؟
بعيد عن المرقابيين

- ما الشي الذي تريد أن تأخذه منه في المحيط المرقابي .. ؟؟
طبعا قصائده


- تواجده (( مثري )) في أي مرقاب .. ؟؟
الشعبي


- كيف تتوقع شخصيتة في حياته العامة .. ؟؟
اتوقع صامت و دمه ثقيل للي ما يعرفه >>>> ماعندها ماعند جدتي



- لو أخذت (( يوزرة )) ليوم واحد كيف ستستخدمه .. ؟؟
بختار اي قصيده واطالب بنقدها أدبيا


- رسالة توجهها له .. ؟؟
حضورك مميز و قصائدك مميزة.. فلم تسطع حيناً و تخبو حينا ؟


- طلب .. تطلبه منه .. ؟؟
اتمنى التواجد بالأدب والنقد >>> تسوي دعايه




اختار نايف المقاطي

:
:

نايف المقاطي

- أميز ما فيه .. ؟؟

* - تفاعله .. وتلقائيته .. !!



- العيب المزعج فيه .. ؟؟

* - اللون (( الأخضر )) في ردوده وتواقيعه ..

- ما الشي الذي تريد أن تأخذه منه في المحيط المرقابي .. ؟؟

* - عفويته


- تواجده (( مثري )) في أي مرقاب .. ؟؟

* - في كل المراقيب ماشاء الله تبارك الله


- كيف تتوقع شخصيتة في حياته العامة .. ؟؟

* - اجتماعي رغم انه يحاول يكون رسمي .. طعاته واجد ..
الشماغ مايطيح من راسه يمكن حتى وقت النوم .. يحب ثياب (( الكبك )) .. !!


- لو أخذت (( يوزرة )) ليوم واحد كيف ستستخدمه .. ؟؟

* - اطلب (( عبدربه )) فالفنون .. واجرررررربعه .. !!


- رسالة توجهها له .. ؟؟

* - أكن لك ياصديقي مودة تزداد كل يوم


- طلب .. تطلبه منه .. ؟؟

* - يعطينا سبب ألتصاقه بـ (( غيمار )) ..
ويلغي اللون (( الأخضر )) من قاموسه المرقابي .. !!



الضيفة القادمة :


ميثاء

ميثاء

- أميز مافيه .. ؟؟
تعاونها وطيبتها

- العيب المزعج فيه .. ؟؟
غيابها

- ما الشي الذي تريد أن تأخذه منه في المحيط المرقابي .. ؟؟
ابداعها في التصاميم

- تواجده (( مثري )) في أي مرقاب .. ؟؟
في مرقاب التقنيه والتكنولوجيا

- كيف تتوقع شخصيتة في حياته العامة .. ؟؟
طيبه ومرحه وحذره

- لو أخذت (( يوزرة )) ليوم واحد كيف ستستخدمه .. ؟؟
اسوي لـ ( الفجر البعيد ) تصميم

- رسالة توجهها له .. ؟؟
انتي من اهم الاعضاء في المرقاب

- طلب .. تطلبه منه .. ؟؟
التواجد


الضيف القادم

وجـــد

وجـد

- أميز مافيها .. ؟؟
هدوءها وتفاعلها المثري

- العيب المزعج فيها .. ؟؟
استعجالها في تركيب بعض الابيات رغم شاعريتها الجميله

- ما الشي الذي تريد أن تأخذه منها في المحيط المرقابي .. ؟؟
ركنها الهادي (مرقابيات كيبورديه)

- تواجدها (( مثري )) في أي مرقاب .. ؟؟
في جميع الاقسام ماشاء الله تبارك الله وبالذات في (المواهب)

- كيف تتوقع شخصيتها في حياته العامة .. ؟؟
هادئه ذات تعامل جميل مع من حولها ومزاجيّه بعض الاحيان

- لو أخذت (( يوزرها )) ليوم واحد كيف ستستخدمه .. ؟؟
اطلب الاخت بنت وائل في طاروق في الفنون واسجّل خروج

- رسالة توجهها لها .. ؟؟
دمتِ هكذا عضوة فاعله وبحضور جميل واتمنى لك التوفيق في جميع حالاتك

- طلب .. تطلبه منها .. ؟؟
قصيدة مواهبيّه غزليّه وخلال اسبوع لااكثر


الضيف القادم

فراج العتيبي

- أميز مافيه .. ؟؟

شاعريتة التلقائية .. الجزلة
- العيب المزعج فيه .. ؟؟

تواجده الحصري في المواهب فقط
- ما الشي الذي تريد أن تأخذه منه في المحيط المرقابي .. ؟؟
غموووضه
- تواجده (( مثري )) في أي مرقاب .. ؟؟
المواهب .. بدون شك ..
- كيف تتوقع شخصيتة في حياته العامة .. ؟؟
هادئ .. مبتسم .. والله اعلم
- لو أخذت (( يوزرة )) ليوم واحد كيف ستستخدمه .. ؟؟
اشارك .. في المراقيب الأخرى .. وآفل الحجاااااج للآآآخر
- رسالة توجهها له .. ؟؟
تأكد يافراج .. أنك من أهم الأسماء التي ُينتظر جديدها بكل شغف .
- طلب .. تطلبه منه .. ؟؟

يطلب .. (( مشعان البراق )) .. بأسرع وقت ممكن في الفنون .. ويجرررربعه





الطلب .. لـ ../ خالد الروقي ..

خالد الروقي !



- أميز مافيه .. ؟؟

هدوءه وحضوره الممتع !

- العيب المزعج فيه .. ؟؟

ابتعاده عن المرقاب العام والروايات المجنونه

- ما الشي الذي تريد أن تأخذه منه في المحيط المرقابي .. ؟؟

قصائده الحلمنتيشيه كلها

- تواجده (( مثري )) في أي مرقاب .. ؟؟

المواهب .. والعام نوعا ما

- كيف تتوقع شخصيتة في حياته العامة .. ؟؟

صاحب نظره ثاقبه ورأي مقنع .. وخفة دم فطريه

- لو أخذت (( يوزرة )) ليوم واحد كيف ستستخدمه .. ؟؟

اسوي اعلان فالمرقاب واقول جميع قصائدي الحلمنتيشيه
سارقها من خالد الحصيّن .. واقدم اعتذاري لي


- رسالة توجهها له .. ؟؟


اعجابي ومحبتي واحترامي لك .. مالها حدود

- طلب .. تطلبه منه .. ؟؟

اطلب من روايه جديده فالعام .. وياليت تتكون من عدّة اجزاء !









سمو الشيخ / مبارك آل خليفه
شوفوا له صرفه

- أميز مافيه .. ؟؟

- صراحته المطلقه في كل شئ ( شعر - رأي )


- العيب المزعج فيه .. ؟؟

- مزاجي ( كما يبدولي )


- ما الشي الذي تريد أن تأخذه منه في المحيط المرقابي .. ؟؟

قصيدة ( الركعه اللي على الأنظار تركعها // هي تدخل النار ولاّ تدخل الجنّه )


- تواجده (( مثري )) في أي مرقاب .. ؟؟

- في كل الأقسام تقريباً موجود لكن في العام له حضور مميّز وأفكار جديده


- كيف تتوقع شخصيتة في حياته العامة .. ؟؟

واجهته مرّه وحده .. وأستطيع أن أقول أنه صاحب شخصيه مرنه .. لاتملّ من جلسته ومن نقاشاته وقفشاته


- لو أخذت (( يوزرة )) ليوم واحد كيف ستستخدمه .. ؟؟

فيه أسماء لاشفتهم متواجدين تحس الهوى يهب عليك من شمال .. وابوعبدالله من ضمن هؤلاء
أبعلّق إسمه اليوم كلّه


- رسالة توجهها له .. ؟؟

- كل عام وانت بخير يابوعبدالله وإفتقدنا طلاّتك ..


- طلب .. تطلبه منه .. ؟؟

قصيدة جديدة ( من الهجس للشعبي )



للي بعدي : مطلق بن شويه

- أميز مافيه .. ؟؟

كله مليان مميزات ولافيه مفاضلة ميزة عن الثانية بسم الله ماشاء الله على هالولد من العين والحسد والوسواس الخناس


- العيب المزعج فيه .. ؟؟

مايدري ان له متابعين كثر شعر راسه فالشبكة العنكبوتية ولو يخلي التغلي عنه يكون افضل


- ما الشي الذي تريد أن تأخذه منه في المحيط المرقابي .. ؟؟

على كل الاصعدة ماهوب فالمحيط المرقابي اسمه ثقيل ويروّع القلب ولا أوحاه الواحد طقّ لاعينه مافيها قطره


- تواجده (( مثري )) في أي مرقاب .. ؟؟

كان فالمرقاب ككل وكان فالشعبي وهالحين بدينا نشوفه فالمواهب الله يهب لعدوه قنبله


- كيف تتوقع شخصيتة في حياته العامة .. ؟؟

اجتماعي وعلاقته مع الناس اللهم لاحسد ومقبول والله قابله وفيه من اللكاعة اللي يكفيه ويكفي اللي يعرفه


- لو أخذت (( يوزرة )) ليوم واحد كيف ستستخدمه .. ؟؟

ابا انزل فالشعبي قصيده في محمد بن جار الله وقصيده فالمواهب في مدغم ابو شيبه وافتح في مرقاب الفنون طلب محاورة لسلطان الهاجري واحط المعنى في خالد الحصيّن


- رسالة توجهها له .. ؟؟

حسبي الله على الظالم ونعم الوكيل يا أخي حس فينا


- طلب .. تطلبه منه .. ؟؟
ترى كلها من راس ابو زيد الهلالي لذلك الله الله بالعلوم الزينة



والله مدري عن العضو : بن جار الله محمد السهلي

- أميز مافيه .. ؟؟

أخلاقه العالية .. رجل ترتاح له وتحبه من أول لقاء
- العيب المزعج فيه .. ؟؟

غيااااابه الغير مغتفر

- ما الشي الذي تريد أن تأخذه منه في المحيط المرقابي .. ؟؟

قبووووله .. في المرقاب

- تواجده (( مثري )) في أي مرقاب .. ؟؟

كان شعلة من النشاااااط .. لكن الآن .. ماااااش

- كيف تتوقع شخصيتة في حياته العامة .. ؟؟

ألا .. عن قرب (( رجل .. ومحبوب .. وذو خلق رفيع .. علاوة على هدووءه )) ..

- لو أخذت (( يوزرة )) ليوم واحد كيف ستستخدمه .. ؟؟

أرد على قصايدي .. كلها .. وأبجلها .. على شان تزين في أنظااار الكثيرين

- رسالة توجهها له .. ؟؟

أبو جارالله .. طوّلت الغيبه .. حتى جديدك .. نحتاجه هنا بقوووة

- طلب .. تطلبه منه .. ؟؟

فكرة في المواهب .. تشرف عليها .. بنفسك .. << --- يبغاني اترك اشغالي واسنتر في المرقاب

الضيف القااااادم .. / سعووود الدهيمي ..

سعووود الدهيمي ..

- أميز مافيه .. ؟؟

التزامه ماشاء الله تبارك الرحمن
وشي ثاني ان ابياته تنحت في الذاكره نحت

- العيب المزعج فيه .. ؟؟

قلة ردوده

- ما الشي الذي تريد أن تأخذه منه في المحيط المرقابي .. ؟؟

محبة الجميع

- تواجده (( مثري )) في أي مرقاب .. ؟؟

الشعبي والمواهب

- كيف تتوقع شخصيتة في حياته العامة .. ؟؟

من الذين يحفظون الله ليحفظهم ,,, احسبه ولا ازكي على الله احد

- لو أخذت (( يوزرة )) ليوم واحد كيف ستستخدمه .. ؟؟

افتح طاروق حلمنتيشي واطلب فيه خالد الروقي واتفاهم معه

- رسالة توجهها له .. ؟؟

الله يوفقك يابو مشاري ,,, والله اني احبك في الله

- طلب .. تطلبه منه .. ؟؟

يزود المرقاب باخبار مشاركاته القادمه في الامسيات والبرامج التلفزيونيه
ليتنسى لنا تابعت ابداعاته


الضيف القااااادم .. / مستور الذويبي..

خلوووووووه


- أميز مافيه .. ؟؟

الهدوء + الابداع


- العيب المزعج فيه .. ؟؟

عدم حرصه على الظهور الاعلامي برغم ان الاعلام بحاجه لقامه مثل قامة مستور

- ما الشي الذي تريد أن تأخذه منه في المحيط المرقابي .. ؟؟

كل قصايده من الى

- تواجده (( مثري )) في أي مرقاب .. ؟؟

الشعبي

- كيف تتوقع شخصيتة في حياته العامة .. ؟؟

وعلى نياتكم ترزقون

- لو أخذت (( يوزرة )) ليوم واحد كيف ستستخدمه .. ؟؟

ابطلب مشعان في طاروق

- رسالة توجهها له .. ؟؟

امنية نشوفك في شاطي الراحه

- طلب .. تطلبه منه .. ؟؟

قصيده غزليه مواهبيه



_

-


يا جماعه /



فيصل الدوسري

:
:

حبيب القلب :

فيصل الدوسري


- أميز مافيه .. ؟؟

* - خفة دمه .. ورحابة صدرة .. نموذج (( الطيبة )) اللي متشكل في سلوكة .. !!


- العيب المزعج فيه .. ؟؟

* - أنقطاعاتة المتكرره .. !!

- ما الشي الذي تريد أن تأخذه منه في المحيط المرقابي .. ؟؟

* - رحابة صدرة .. !!

- تواجده (( مثري )) في أي مرقاب .. ؟؟

* - أذا حضر أشفى في كل المراقيب ..
وأن كنت أنا اتابعه بشكل (( خاص )) في (( العام )) .. !!

- كيف تتوقع شخصيتة في حياته العامة .. ؟؟

* - ظاهرة (( حياوي )) وداخله (( لكيع )) مدفون ..
سمح قباله ومرحبااااااااااااااااااااااااني .. !!

- لو أخذت (( يوزرة )) ليوم واحد كيف ستستخدمه .. ؟؟

* - بأرسل لي رسالة (( خاصة )) .. !!

- رسالة توجهها له .. ؟؟

* - جعلك الله في الحازم من أمورك (( فيصل )) ..
وفي باقي أيامك (( سعد )) لمن هم حولك .. !!

- طلب .. تطلبه منه .. ؟؟

* - يتواجد مرقابياً .. ويحشر له واحد من شلة مرقاب 24
في طاروق (( فنوني )) صاخب .. !!


المرقابي المطلوب :


غلاب عايض

اسلم اسلم

يا شباب العملية معقده شوي والسالفه طويله .. لكن .!

مالكم في الطويله ومحمد السبيعي اختار مطلق الجبعاء


مطلق الجبعاء ,,



-أميز ما فيه؟
جميل بكل ما فيه لكن اجد ثقافته تعطيه تميز .!

-العيب المزعج فيه ؟
من اول كان حضوره الضئيل جداً مزعج لكن باذن الله انه يستمر على هالحضور ,, ولكن يبقى انعدام تواصله بوسائل الاتصال الاخرى شيء مزعج فيه .!

- ما الشي الذي تريد أن تأخذه منه في المحيط المرقابي .. ؟؟
احــســاس مـطــلــق .!

- تواجده (( مثري )) في أي مرقاب .. ؟؟

اجده فالمواهب أجمل وأثرى

- كيف تتوقع شخصيتة في حياته العامة .. ؟؟
لا روق يكون رايق <= طيب وش الجديد .. ولا قفلت اخلاقه لا تهرجه

- لو أخذت (( يوزره )) ليوم واحد كيف ستستخدمه .. ؟؟
اول شي اكلم مشرفين الشعبي والمواهب واطلبهم يسمحون لمطلق ينزل 3 قصايد في كل قسم واخذ من القصايد اللي ظلمها بالركن واحط 3 هنا و3 هنا

-رسالة توجهها له ..
ابقى هكذا <= حلوه ابقى ..

-طلب تطلبه منه ..
يعطي المواهب والشعبي مثل ما يعطي الركن ..



المرقابي المطلوب :- ناصر مناحي

:
:

أفضلت يـ طلال .. !!

ناصر مناحي

-أميز ما فيه؟

على النحو المرقابي .. عذوبة قصائدة .. تفاعله بالذات في الأونه الاخيرة ..
على النحو الشخصي .. عفويته .. وبشاشته الرحبه .. !!

-العيب المزعج فيه ؟

الأنقطاعات السابقه .. وعدم تنوير المرقاب (( العام )) بموضوع يحمل بصمته .. !!


- ما الشي الذي تريد أن تأخذه منه في المحيط المرقابي .. ؟؟

كل قصائدة دون أستثناء .. وربع جمهورة .. !! <-- قنوع


- تواجده (( مثري )) في أي مرقاب .. ؟؟

في اغلب المراقيب التي تبني على الشعر .. !!


- كيف تتوقع شخصيتة في حياته العامة .. ؟؟

كنت متوقعه أكبر بالسن .. ورجال يسوق (( الزرايا )) ..
لكن أنصدمت أنه لازال شاب يافع .. والزرايا ماهوب وياها ولايف .. !!

- لو أخذت (( يوزره )) ليوم واحد كيف ستستخدمه .. ؟؟

احط موضوع في العام .. !!

-رسالة توجهها له ..

تأكد أنه رغم شاعريتك الفاخرة .. الا أن طباعك الأنسانية هي أهم اسباب محبتي لك .. !!

-طلب تطلبه منه ..

قصيدة عن حال العزاب ساخرة في المواهب .. !!



الضيف القادم :

ترانيم

[align=center]أثركم حاطين حيلكم في بعض هنا .. وما ناديتوني

<-- ياحبك للقشر

ابو دآحم .. سلم لي على تفكيرك





//
/




(( ترآنيم ))





- أميز مافيه .. ؟؟

أسلوبها الرآقي..


- العيب المزعج فيه .. ؟؟

توقيعها .. مايتغير


- ما الشي الذي تريد أن تأخذه منه في المحيط المرقابي .. ؟؟

نوع الخط اللي تكتب به <-- معجبني
و توقيعها <-- عشان تجيب غيره


- تواجده (( مثري )) في أي مرقاب .. ؟؟

في الأدب والثقافه


- كيف تتوقع شخصيتة في حياته العامة .. ؟؟

هادئه .. اجتماعيه .. سريعة الغضب


- لو أخذت (( يوزرة )) ليوم واحد كيف ستستخدمه .. ؟؟

بـ افتح متصفح في [ الفنون ] بـ عنوان [ أقرب شاعر يجي..!! ]


- رسالة توجهها له .. ؟؟

انتي مبدعه في كتاباتك
ومتصفحك في الركن الهادئ .. جميل
قلمك راقي
إلى الأمام..


- طلب .. تطلبه منه .. ؟؟

فكرة موضوع جديد في المرقاب العام ..



//
/


الضيف القآدم ..{ محمد بلال




//
/[/align]