مرسى ( هاجوس فكري )

المرسى
رقم 62

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شح القصيد ومنّ وصل الحروفي =و قلت العوض/ طه وترتيل عما
ومن كل آية حكمةٌ للوصوفي = ومن هديها يجلى عن النفس هما
هبّت عواصيف السواري شعوفي = وهدّاهن الله بالمطر يوم سمّا
و اليوم ثالث و الأماني شفوفي = و رجع الحيا نو السماك ادلهما
سحبٌ لواقح طايعه للعسوفي = عسف الرعد تسبيح للسحب لما
مشحونة الطاقة وبرقه خطوفي = يرتد طرفٌ في مراعاه همّا

[/poem]

المرسى
رقم 63

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا و انت والا انـته و انا و المقاديـر = وردنا على عـدود الغـلا و ابتديـنا
و تخاصمت انا وياك في جمـة البـير = وفي قمة احـداث الخصـومه ضمينا
ومن الشام سقـنا يم صنـعا المظاهير = و من البحر الأحـمرللخـليج انتحينا
رعـينا المجاهيـم ورعيـنا المغاتـير = اسـيرين من عـد الروى ما ارتوينا
تجـرعت شـري وقلـت در الأباكيـر = على شان يبقـى الوصل حبله متينا
اغـذيك وصـلي واللـيالي مـدابيـر = لو إنك شحيـح(ن) بالمواصل علينا
صحـيح ابتساماتـك مثـابة تباشـير = وعطيتك بشاره و أسرف الوصل فينا

[/poem]

المرسى
رقم 64

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كل ما قلت المجاراة لا تطري علـيّ=شاقني للحرف من حدني غصبٍ عليه
وكل ما قلت ارجهنت هجوسي ياعلي=جاتني زافات هجسي وكني مشتريـه


[/poem]

المرسى
رقم 65

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

حمامة الدوح هيضتي هجوس المشيب=صوتك يهيض صدورٌ بـاح مكنونهـا
لا تأسرين العقول بهز غصنٍ رطيـب=للسدره اللي تهز الحانـك غصونهـا
ما للحمامة ذنوب بدون شـك وريـب=يوم ان صوت السجع تبديـه بفنونهـا
لكنها ليه تنبش كل جـرح(ن) عطيـب=ف/ صدور من هم مع السجات يوحونها
عليك انا سقت امان الله ولاني طليـب= و لحميك من رميـة الرمـاي وشطونهـا
والنوح كله عجب مع كل وقت ِ يطيـب=تنصت له عقول غصب يفيض مخزونها



[/poem]

المرسى
رقم 66

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مخافة خالقي حدتني اكتب فـوق ظهـر المـوج=بيوت الشعر والبصمـة تثبّـت طـرق قيفانـي
ما ابي ذكر الإله يصير مع ذكرك يجـي ممـزوج=و أنا مسلم من السنّه ولا ارضى اصير علمانـي
و أنا لو ما كتبت اسمك على رهف الضلوع العوج=لقيت انـي اهـذري بـه ونطقـه دوم بلسانـي
الا يا وجد حالي وجد عود من الضنى مسهـوج=عياله ساهجينـه فـي دخيلـه يـوم الأكوانـي
بلاه الله بقشـران العيـال وتـاه بيـن الغـوج=ليا زام ابتلـوه بمشكلـه مـع قاصـي ودانـي
هذا وجدي على اللي في الضماير حط عشر فجوج=حدانـي للتوجـد ليـن صـدري صـار ميدانـي
مثل ميدان فيه مناوره والجيـش فـوج وفـوج=تنافسهـم رمايـه بالذخيـره عنـد سلطـانـي
[/poem]

المرسى
رقم 67

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العصر عديت فـي عالـي مراقيبـه=وبيت القصيدة بنيت الساس واركونه
دنيا التعاجيب خالط صدقهـا ريبـه=مهما لعينك بدت حلـوه ومزيونـه
عشنا وشفنا الزمان وكثر اساليبـه=وشبنا وعفنا غدير القيض وشنونه
و ملاذ صمتي ليا حانـت مواجيبـه=ما جيت خط المسير اللـي يمرونـه
[/poem]

المرسى
رقم 68

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

العصر يوم الناس للرجـم نـوّو=ومن قبل يرقونه و أنا في علـوّه
دار الفكر يـوم المخاليـق طـوّوّ=و البيت مطوي لا يقولـون طـوّه
وداريت ماطا الرجل من يوم خوّوّ=سدد وقارب بيـن رفقـه و خـوّه
و الفكر له مغزاه من يوم سـوّوّ=قصة خيال بكـل معنـى الجـروّه
مع كـل ريـعٍ يسهجونـه تلـوّوّ=و أنا ما اداني ذكـر ليتـه ولـوّه
و رف الجناح الطير من عقب روّو=للطير هجره عـن عسـامٍ بجـوّه
اتلى العهد في جوّهم يوم ضـوّوّ=سحر البيان اللي شعم عصر ضوّه
و اهـل النوايـا بالنوايـا تقـوّو=سلام يا الأطلال مـن بعـد قـوّه
[/poem]

المرسى
رقم 69

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

العين تعشق للسهـر والمناجـاة=و الفكر يعشق نايفات المعالـي
و النفس تعشق كل شي و تمناه=والعقل يعشق ردعهـا مايبالـي
و القلب يعشق كل غالي وقراباه=و ظروفنا تعشق مسير الليالـي
و الذاكرة تعشق لها اسرار مخفاه=والصدر يعشق طرد ماقد مضالي
و الصوت يعشق للحون المغنـاه=و السمع يعشق كل صوتٌ مثالي
[/poem]

المرسى
رقم 70

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

قال انت ضايق قلت وش علمي اضيق = وهو يدري ان الصبر عنـدي تلـزي
اقــفى بقـــلبـي مـا بـقـى الا المعـاليـق = و زاد الدلال وقلت انـا منـه عـزي
لـو بشـتـكـي نــار الـولـه للمـخــاليـق = اللي يعـرف الحــب جانـي يعـزي
[/poem]

المرسى

رقم 71

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ليا ضاق لي خاطر وحاولت أبـديّ شـي=زرعت إبتسامة يمكـن احصـد نتايجهـا
يبدل لي الضيقة , وحر الشمـوس بفـي=و الإنسـان بالنسيـان دنيـاه سايجـهـا
و أنا ما بعد قيّمت لأهـل الهـوى والغـي=لكن البـروق تهيضنـي فـي تلاعجهـا
و أمتّع نظر عيني بجو(ن) خضـار ومـي=ويزيد الدجر شـوف الهنـوف وتغنجهـا
ليا مايل النسنـاس عـود(ن) ليـان وري=تخثـع بخطوتهـا وتقـصـر تدرّجـهـا
تلافح شعرها كـل ماغـط نـور الضـي=من خدودها اللـي مـوردات ومباهجهـا
لها مبسمٌ يفـرز شهـد والشهـد يشفـي=رضابـه دواء لمـن ذاق والا يهرجـهـا
[/poem]

مرسى
رقم 72

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للعقل حقل من الأدب ناتجه غير = اغصانه حروف الذهب من سبيكة
وسبايك الانتاج للروض تصوير = شُعر ومعارف علم لأهل الأريكة[/poem]

مرسى
رقم 73

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هب الهوى كوس وعبق فايح الورد=متشبع بقطر النـدى قبـل قطفـه
من ورد جوري, يصبغ بجمة الورد=من ذاق شربه منه ما هاب حتفـه [/poem]

مرسى
رقم 74

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صمت لا تفرض علـى هاجسـي صمـت=عط هاجسـي فرصـة ليـا صـرت جـازم
و عن خوض هرج النقص يا صمت قد صمت=والصمـت حكمـة لأغلـب الهـرج هـازم
من سم عمرو وزيد انا ماتسممت = ماهم بقدوه لي بشد المحازم
وليا فقدت الماء لفرضي تيممت = وعلى دروب العز ماضي وعازم [/poem]

مرسى
رقم 75

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ساقيت نبت الورد يوم الله اسقـاه = وجيت اقطفه والشوك دونه منعني
يا شوك أنا اسقيته ولكني اضمـاه = وبالرغم من لينك و صغرك ردعني
انساق له خافي شعوري من اقصاه = وعن كل ماضي في الحياة انتزعني
وحبل المواصل كيف ما استنبط ارياه = ياالروح مع روح اسبح الليل طعني
الموق يسهر والسهر لي معاناة = يوم القدر مع من هويته جمعني
اعيش في دنياه يا بعد لقياه = الا أن حظي ماتبعته تبعني [/poem]

مرسى
رقم 76

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدرين لو عبرت لك بالاحاسيس ؟ = كان الغيوم وبرقها له تواشي
و تهتز له بصرا ويافا وبلقيس = و تقول والله ما يجيك الغشاشي [/poem]

مرسى
رقم 77

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البيوت احيان قيفانها تجـي ارتجـال=و الهدف مفهوم وابيات شعري تحتويه
يوم تسترسل بيوت القوافي في مجال=هيضوني للغنا والطلب ما اقدر عليـه
[/poem]

مرسى
رقم 78

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ليا اقفيت عـن عـد وشهاليلـه=اعرف ترى العد ما جاز ءلي ميـراده
لو حادي القيـض ذكرنـي مداهيلـه=افنى عطش ما وردتـه ضمـن وراده
بنيت طيّـه وصنتـه ليـن تكميلـه=يوم إن حسن النوايا طبع من سـاده
وإن حثربوه الهمل ما ارضى له بميله=أما اعدل الطـيّ والا اغـادر بـلاده
مـا كـل كيـفٌ تقنـدي فناجيـلـه=ولا كل كييّـف ياجـب منـي قنـاده
عجزت أعدل امزجه في اليوم والليله=متغيّـره بيـن مصيـوده وصيـاده
وما كل من صد عني جيت عاني لـه=ماهوب لي ذخر لو اجـدادي اجـداده
ولا كل من عني اقفى اسعى لمواصيله=لو الغلا له بوسـط الصـدر ميـلاده
مرسى هجوسـي تكفّينـي قناديلـه=ولا نيب طارد ورى هيفاء ولا غـاده
[/poem]

مرسى
رقم 79

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياما صحـاري جـرد تشتـاق للسيـل = و ياما من الهتان تكشـف بروقه
ويامـا الزهـر والورد غنى المـواويل = و ياما خضار العشب يبست عروقه
وياما مـن الفرسان ركبـوا على الخيل = و كم مهرة خيالها جاه عوقه
وياما سنا نارٌ سهج داجي الليل = وياما بزوغ الشمس يظلم شروقه
وياما نواعس في سهرهن بهاذيل = وياما تمنن قرب ليل وغسوقه
وياما توارد للخواطر تعاليل = وياما اختلاف الرأي تكثر فروقه
[/poem]

مرسى
رقم 80

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
و نيت ونّة لصدري جات مرتدّه = وضلوع صدري قنيب الذيب يشضيها
و أعدت الإرسال يمّك والهوى صده = عسى الأحاسيس لك في صمت تفضيها
يا صاحبي هات ما عندك و خذ رده= صفحة بياض انت تمضيها و أنا أمضيها
إن ما بقيت ءلك عضد بموقف الشدّة= ما أكون رجلٌ ملازيمه يقضّيها
و حبال الأيام للحيين ممتدّة =و الناس بالناس حاضرها وماضيها
لا تلتفت للورى مستقبلك قِده =وما كل غلطه بيعلن عن تغاضيها
و إن خفت ما زاد عن حده قلب ضده= دعواك محلولةٌ من عند قاضيها
[/poem]

مرسى
رقم 81

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا كثر ما في الضلوع العوج من صلو نار = ولا كل نار (ن) توقّد ثار دخانها

[/poem]

مرسى
رقم 82

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
و الله أني ما نويت اقهر اصحاب الشمـوخ = يوم قافي جاء على الكيف فـن صياغتـه
يا حسين الدل لبستك ءمـع العقـد جـوخ = وجيت اجاري لك علن , من غفل ما اباغته
ما رضيتك تنسحب لا ولا ارضى لك رضوخ = ولا بغيتك تتـرك الرسـم دون صباغتـه
شكّله بألوان بصمتـك والمعنـى طنـوخ = يذهـل الرعديـد , دمـه دليلـه راغتـه
والشجاع ليا تمعـن مـن الجزلـه يـدوخ = ينثمـل مـن سكرتـه ويتحـرى صاغتـه[/poem]

مرسى
رقم 83


يقول أبو الطيّب المتنبي

عن الحمى كفانا الله شرها

وزائرتي كأن بها حياءُ = فإنها لا تزور الا المساء


وانا اقول

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا زايره خليتي البال محتاس = واحترت في دعواك والإنتقامي
لو بشتكي ,قلت الغلا ماله قياس = متخفيّه ما بيّنت للأنامي
تزورني واكثر حياها من الناس = وتصير ما بين اللحم والعظامي
تضمني حتى تضيق ءبي الأنفاس = و اغفي وتصحيني من احلا منامي [/poem]