شوف المنظره !

السلام عليكم ،،


متواضعة .. شرّفني النجم الغالي / إبراهيم الشيخي بإنشادها في أقرب جهاز ..
فرصة لشكر ابو خليل مجددا ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يا عبوس الوجه حاول تفلّ الحاجبين=إبتسم .. وانفض حجاجك وشوف المنظره

تعرف أنّ الإبتسامه لها معنى ً ثمين=يوم حطّت في ملامح محياك أثمره

مير لا تبخل بها .. عن وجيه المسلمين=خلّ وجهك مسفر مع الوجيه المسفره

ليه جالس تجمع الضيق مهموم وحزين=لا يعشعش فوقك الهمّ .. وأنته تقدره

عوّد لسانك على ذكر ربّ العالمين=أذكر الله .. وأحمده .. وأشكره .. وإستغفره

و الصلاة بوقتها تجلي الهم الدفين=إستعن بمواظبتها على الليّ تشعره

ومع صلاتك .. شدّ حيلك في برّ الوالدين=إخفض جناحك لهم كان تبغى المغفره

وأطلب الله بالمصايب يمدّك باليقين=المصايب مستديره .. والأرض مدوّره

وكان قامت تشغلك نزغة إبليس اللعين=إستعذ من نزغة ابليس وإلعن خيّره

و لا تجي شذاب عرقوب يا ذرب اليمين=النميمه سلعة اللاش رجال ومره

قل لبو نمّات .. خلّك على سمن وسمين=لا تحوّل في مغبّة وسيع الحنجره

ولا تدوّر شور من واحد ٍ مافيه دين=لو يسطّر سيرته .. بالقلم والمسطره

وأعرف ان الّرزق مكتوب والقاسي يلين=والله اللي يغني العبد .. وإلا يفقره

أعظم الأخلاق في منهج الحق المبين=بين كظم الغيض .. والعفو عند المقدره

أنصحك وأنصح معك نفسي ويا الله تعين =من لحود الناس قامت تفيض المقبره

ما نبى إلاّ روضة ٍ من رياض الصالحين=عقب نشتال المتاع .. ونقصّ التذكره [/poem]


وسلمتوا ،،