مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلطن ولا تحسب الاحساس قد مات =و إن كان جرحي نزف ضمّد نزيفه
لك مركز (ن) ما يهزه هرج نمات = القلب له ساس وضلوعي منيفه
الا ليا اهتزت جبال السراوات = من هبّت النود والريح و وحيفه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رغم الحذر والحرص من هرج الاشرار = واقفايتي مع مبعدات الفجوجي
لحقوني الاشرار بهتان و اصرار =و اسرار مهنتهم بزيف الهروجي
مرضى النفوس شكوكهم صارت كثار = و إلهم مع البهتان روج ٍ وروجي[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مابين سجّة خيال وبين كثر الهجوس = الذاكره كنها تفقد مضامينها
بالهون بالهون دام الفكر معك ءمحبوس = بنات الافكار بيدينك عناوينها
في الدرب عطني وانا بعطيك بعض الدروس = و نعيش في الغابة ونكسر قوانينها
ولا نعترف بالليال اللي بوجهٍ عبوس = من عقب ما ايامنا اختلّت موازينها
و ضيّعت بين النصارى والعرب والمجوس = فيهم صفات(ن) تشابه مع براهينها
والبيه للنيل قدم في طقوسه عروس = والغرب يذبح عروس ليا انشهر دينها
و انته وانا بيننا تصفي نوايا و نفوس = و لا كل لوحة بتعجبنا تلاوينها [/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن جيتني تنشد عن احساس وشعور = بنت الفكر فزت وهزت جسدها
و مالت طرب من غيّها تنثر زهور = وكل المشاعر في حضورك تجدها
مسترسلة متسلسلة حولك تدور = بسّمة فرحها موفية لك وعدها
و ليا بغيت إجابتي بين جمهور = قلت إن .... إلها مكانه وحدها
هذا جواب ايجاز ما فيه محظور = يا اطهر من الماء والمزون وبردها[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الليله الجو راق ولو بوقت العصر ماراق = و بعض الصواديف تحكم للعباد بلا رواقه
لا تلتفت يم حكم(ن) ما يُقر بقص الاعناق = ولا تلتفت في هروج اللي مشى درب الحماقه
ما كل نقد(ن) يثير احساسي ويدخل للاعماق = إن كان ما جاء من اهل العقل وبروح الصداقه
و يا0000نجنب يمن والا ان بغينا نشمل عراق = ما للبشر عندنا يا0000 لو هو خف ناقه[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحمامه غردي فوق الغصون = واطربينا يا حمامه بالقصيد
ترجمي لاحساس جرحك باللحون = والصدى مني لسجعك صرت اجيد
فضفضي بالسجع مثلي يسمعون = صوتك الخافت على خضر الجريد
ارمي احزانك على حدب المتون = وكل سر , الصدر في حفظه جويد
من حروفك كيّة القلب الحنون = وفي حروفك طب للفكر المريد
ليه صمتك عم في ليل السكون = هو كذا طبعك بعكس اللي اريد ؟[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سامريني بإختراق الصمت و الليل و سكونه = لجل ابوح بما احتواه الصدر من شوق و موده
كل همسه منك توصل , تثري القلب و شجونه = يوم احاسيس الغلا تنساق لك من غير صده
و كل قاف من القريحه صغت لعيونك لحونه = و للمشاعر فيض تعزف لك سلام و مستعده[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المسمى ركن هادي لو اغلبه انزعاج = لكن اسمه خلوة الروح مع قاف القصيد
وبين روح وروح في وصلهن صار اندماج = لو كثر هرج العواذل و وصله البريد
الغلا من بيننا ماورد عد(ن) هماج =لا تشيل الهم دام ان لك ولف(ن) عنيد
استمد الصبر ياولفي و فل الحجاج = و الله انه ما يفل الحديد الا الحديد[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حالة وجوم وصمت تجتاح الخيال = يرقى على متن السحاب ولا يمل
وما بين عقل وقلب لو طال الجدال = ما فيه قاضي يقدر لحل الجدل
و على ضفاف النهر حطيت الرحال = ورسمت للأطلال صورة في الرمل
و داعبت كل الذكريات و في ّ مال = و داهم غروب الشمس من في المعتقل
و بيني وبيني عندي إن الوقت طال = و أقول عذراً عاتب بليا زعل
مشاعرك تحكم بعرفك للخصال = ما كل ظرف يزول عني في عَجَل[/poem]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دارت سنة ما بين طب و تحاليل = و لا به عقوبة صادره في قرارا
مرحوم ياللي راح مع جـرّة السيـل=في موقف المبهوت مـا لـه و قـارا
يمـوت قـدام الرجـال المشاكـيـل=ماله مجيـر عزومهـم فـي انهيـارا
تدمع عيون ويعجز الجهـد والحيـل=الكـمّ هايـل مـن يميـن و يـسـارا
من شرق بحره والجنوب آخر إغليـل=ما به شعيـب الا مـن السيـل ثـارا
ضوح النهار الكارثة تفضـح الليـل=تستصـرخ الأمـة كبـار وصـغـارا
عشرين عام وعشرة اعـوام تظليـل=والسيل ازاح عـن الوجيـه الستـارا
و يسرد لنا الاعلام زيـف الأقاويـل=شكلـه عمـار وباطنـيـة دمــارا
الصرف للتصريف جيـلٌ بعـد جيـل=الواجهـة للبحـر الاحمـر عـمـارا
و صرف البلايين احتوى كل تبجيـل = و يـا للأسـف مردودهـا للبـطـارا
والشعب تحت ضغوط دين و بهاذيـل = خط الفقـر مـن يسلكـه مـا يـدارا
و دعايـة بنـوك القـروض بتساهيـل = و هيئة من التشريع تضفي الخِمـارا
رخصة بناء في الشٌعب من غير تأجيل = وتمـد طـرق وكهربـاء للفـقـارا
و ما شحت الدولة بصرف المداخيل = إنفاق للأنفاق ليل ونهارا
لكن لجان إشراف مالت مع الميل = و دم الخيانة في عروق السكارى
ما استوعبوا مما مضى للمقابيل = و استمتعوا يوم الضحايا الطفارا
امانه وماء وكهرباء وطـرق , تمثيـل = ماباقـي الا يعلـن بـهـا جـهـارا
البنيـة التحتيـة الـلـي دهـاويـل = ديكور خبث ليـا انهـدم لـه جـدارا
وانهار معه السيـل والعـج والخيـل = واغتال معه نفـوس مـن كـل دارا[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا يرتفع ضغطك ترى الضغط مرفوع = واليا ارتفع ضغطك معه زاد ضغطي
و انا هجوسي تدّحم داخل ضلوع = تردم كما الامواج والصدر شطي

[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ساهر لعب في حسبة اللي يسوقون = ودفع الضرايب صار مصدر عقوبة
ياليتهم لو بس ساعة يغفلون = عن جيب ناس ٍفي العصر روحوا به

[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
المحبه واضحه حد النخاع = والهدف يا اما كذا والا كذا
و نقدهم ما بين مد وبين صاع = وان قروها بصحها يا حبذا

[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خوفي عليك من البحر لا طمى الموج = خلى المراكب في بحرها تهدي
احيان اذا قابلتك اصير مرجوج = بين العناد وبين مزحي و جدي
و اجادلك واشيّد بجوي بروج = و اوصل معك متن السحايب واعدي
و على الغيوم إلنا مسارات وفجوج = و لا به تلامس بين يدّك ويدي

[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن نشدتك علامك يوم شحيت ماك = و ضامي الكبد حده مع ضماه النوى
لا تخلين عذرك والموانع حياك = هاجس الشعر يخفق مع نسيم الهوى
آآآهـ واقلبي اللي كنه غصون راك =كل ما حل لك طاري خفق ثم هوى
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عبرت جو دياركم وانته تشوف = وراك ما مديت يدّك بملواح
مدري تغلا صح والا من الخوف = صديت وانته لابس (ن) شال و وشاح
و من صدّتك صديت و افكاري تْلوف = مرسى هجوسي بين مسرى و مسراح
مسرى سهر و إرهاق و النار في الجوف = احرق لهبها كل شريان نضّاح
و مسراح لاهب قيض ضامي ومشغوف = يطرد سرابك , و إن لحقه الدرك طاح
ما قلت تكسب في المواليف معروف ؟ = تنقذ دريك (ن) في الهوى ماله جناح
واقف تفرّج كن ما انته بمكلوف = باللي طواه الشوق , و الشوق ذبّاح !!!
0=0
0=0
و لك في في الضماير برج عالي ومسقوف = ود و غلا مهما تغطرست ما انزاح
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لعبة الأقدار شطرنج في قرب و بعاد = لا تظن إني ل/ كرت المفارق لاعبه
ولا تظن الشوق ناره بتتحوّل رماد = و الله إن الشوق في الصدر يوقد لاهبه
يمكن أنسى كل ذكرى بحياتي و الوكاد = كل ذكرى معك بلسم بجوفي شاربه
و انت تدري عن مكانتك غير عْن العباد =ما تزحزحها ظروف الليال السالبه
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياساجع الورق لا تقضي على روحـي=يوم إن روحي بسجع الورق مفتونـة
خاويت هجس القصيد وبعثر شبوحـي=و أوردني حياض عدٌ فاضـت ركونـه
ونجم الثريا سرى ما عاد له ضوحـي=و اعياني الإنتظـار لشوفـة ضعونـه
اساهر الليل واثـر الليـل مشفوحـي=يبغاه دوبه سهـر عينـه و مخزونـه
و أخذت لي مع طروق القافية شوحي=وسهل انقياد القوافـي فـدوة عيونـه
مالي هدف غير ضحكة سن ومزوحـي=والله عليم(ن) بصـدري ويـش مكنونـة
لو كان باب المزح ماهـوب مفتوحـي=لكن أجزتـه علـى فكـري و قانونـه
و إن كان ما اباحني ماهوب مبيوحـي=و احسب ديوني عليه و يحسب ديونـه
كم مرةٌ من غنـاه ينقّـض جروحـي=والضغط منه ارتفع واجـاوب لحونـه
و يا ساجع الورق لو تستجوب الدوحي=قال انت هزيت كل الـدوح وغصونـه
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليا غنّت على الأغصان ورقا بصوت حزن اوحيه = و زجر بحر الهجوس وفوق موجه تزمي اطواده
و اجادل هاجسي و ليا انقتل في الرجاء يحييه = لو إن اليأس حبله منعقد ويثني قياده
و اصوغ القاف في منأى عن الترديد والتشبيه = و أنادي للوليف اللي غلاه بقلبي شداده
ملكت الخافق اللي ما احدٍ قبلك تجرأ يجيه = ولا تكتب شهادة عن وفاته يوم ميلاده
ترى كل المشاعر لك و ليل اشواقها تسريه = تساهر طيفك اللي كل ما اقرب زوّد بْعاده
و انادي لك, و تدري كل ما انادي, ولا ادري ليه = تغلى ما تجاوب للنداء و تعاند زيادة
على هونك ليا ضمدت نزف الجرح لا تدميه = اخاف انه يطوّل ما برى والسبّه ضماده
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابين غلاك أمرار وأمرار ماش حْلول = واقول الصبر كم فيه الاقوال مأثورة
والاعب رياح الشرق في عالم المجهول =واعانق خيال الفكر في الجو وبحوره
[/poem]

[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مابين علم وخيال و بين سِهر و مبيت = ياما تمنيت وصلك دون كل الملا
وياما بمتاهات دربك للمواصل مشيت = حفيان الاقدام ما يطلبك شرب و كلا
وعطيتني من غلاك ومنك انا ما اكتفيت = لي حق يوم إني اطمع في مزيد الغلا
وتدري وانا ادري بما يمنع لو اقول جيت = أجي و اعوّد و أنا ما رحت يمك ولا
عوّدت من عندك ولو قلت يمك سعيت = احتار و اضحك و لو صدري شهيق امتلا
ولو زفرة الصدر توحيها من أجلي بكيت = وما احد (ن) مسح دمعتك غيري وانا المبتلا
بلوى هل العشق لو ينسونها ما نسيت = اني عشقتك ولو من كان عاشق سلا
[/poem]

[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ويكيليكس و مفاد اسراره اللـي تصـوك=حط شارة لرمي اهـداف خبـث ولعانـه
و عنكب العج بتويتر مـع الفيـس بـوك=و الخطـى قالهـا كيسنجـر أول زمانـه
خارطة للطريـق اللـي يحـرر صكـوك=مثل من هو بشطرنجـه ينقّـز حصانـه
ثورة الياسميـن وطلعهـا صـار شـوك=ابتدت منك يـا تونـس و جـات الكنانـه
و ليبيـا و الجزايـر شعبهـا مثـلـوك=و وسط الاردن و بغداد ارقصت كهرمانـه
و لجنوب الجزيرة جـات لا رحـم ابـوك=بيـدن يمثـل ادواره بثـقـل و تكـانـه
و انتهى من لعب له دور من غيـر دوك=وصار مبداء المصالح مع شعوب الضمانه
و الوطن ملك شعب ولا تهـان الملـوك=يا شعوبٌ حرار(ن) ما رضـوا بالإهانـه
لا تفـرّق صفـوف ولا تقـول اخدعـوك=الحذر ياخـذه راعـي العقـل والفطانـه
و المواقف ليـا ضدتـك يمنـاك اخـوك=المواطـن ليـا عزيتـه اكسـب رهانـه
و العدأ ما تفيد إن كـان ربعـك جفـوك=و الفـرص مـا يفوتهـا عـدو الديانـه
النوايـا خـبـاث و قبلـهـا نبـهـوك=لا تقول الخيانه جت مـن اهـل الخيانـه
احسب حساب وش بعد الحدث من حيـوك=في الكواليس للساسـه بمكـر وكهانـه
[/poem]