أنتظروا النجم القادم !!!

المشاركة الأصلية كتبت بواسطة سداح

السلام عليكم ،

يا حسبي الله على التوقيع
بعض البويتات يرفضها


خاطره بعد حوار خاص جدا ،،


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
على هونك ترا لا زلت تنقز بأوّل المشوار=عسى تثبت قدم رجلك على درب النجوميّه

أخذ مني نصايح تنفعك مع معشر الشعّار=وتشوفك نجم ما شافوا من نجوم السماء زيّه

وتصبح شاعر المليون مدري شاعر المليار=وتظهر لك مع وجيه العرب سمعه و جاهيّه

بداية رحلتك يمكن تعرقل مير لا تنهار =تعرّض للهوى .. وأكل المطبّات الهوائيّه

تنحنح للهبوب وجرّ صوتك مع حمام الدار=ولا تفرض على صوتك مشاعرك الحقيقيّه

لا بدّ أنك تنافق لين تفهم لعبة الشطّار=ولا بدّ أنك تجامل في العلاقات الحميميّه

وهايط من يردّك لا تهايط .. وأنت دمّك حار=لا زدت هياط .. زادت نشوتك سعره حراريّه !

ولو صكوّا عليك أهل الصحافه ماعليك حصار=أخذ جوله في كلّ المنتديات الأدبيّه

وعلّق صورتك في ناصية بوّابة الزوار=ولمّعها وبروزها بديكورات ورديّه

وسجل بإسم ثاني وأنفخ الأوّل ثمان أمرار=ترا القانون ما يمنع عليك الإزدواجيّه

بفزعه من عيال العمّ وإلاّ من عيال الجار=تطيّرك الشلل في مسرح ٍ كلّه شلليّه

ولو نفرض على الخط السريع نحط ّ لك دوّار=توقّع لا تروّعنا بسرعتك الجنونيّه

ودوّر للمدوح الزايفه في رحلتك معبار=وخلك بهلواني والقصايد بهلوانيّه

وحضّر مع طوال العمر بالطبله وبالمزمار=وطبّل للبشوت وزمّر وهاذي ضروريّه

ولا تنسى نصيبك وأنت حرّ ومن بيوت أحرار=ولو راحت على قول المثل شحذه علانيّه

لا تقبل غير ( رنج ) ولو يحدوّنك على الفكسار=ترا الفكسار تال الوقت من حظّ العليميّه

وبكره يعزمنـّك طالبات الجامعه بإصرار=وتقيم أصبوحتك في جوّ مفعم بالرومانسيّه

وتشرّفهن بصورة تجمع الجمهور للتذكار=هذا غير العلوم اللي عن التصوير مخفيّه

ويمكن يعرضون أصبوحتك في نشرة الأخبار=خبر عاجل على كلّ القنوات الفضائيّه

عطيتك كل ّ ماعندي ولا أدري عنك وش تختار=يا بو شهره ترا الشهره لها طبخات سريّه

أخصّك بالنصيحه والرجال اللي لهم مقدار=بعيد الشكّ عنهم وأنت هاذي لك خصوصيّه

يقولون العرب ثلثين شعّار النبط في النار=وأنا ما أقول غير الغيب علمه عند واليّه !
[/poem]


وسلمتوا ،،

ألا بيّض الله وجه خانة التوقيع اللي خلت لنا هالرائعه في متصفح خاص نرجع لها متى ما بغينا ،

صح لسانك يادكتور

ولا تنسى نصيبك وأنت حرّ ومن بيوت أحـرار
ولو راحت على قول المثـل شحـذه علانيّـه


ياسلااااااام


ابداع غير مستغرب من اهل الابداع


صح لسانك ملايين ولاهنت

سداح



ماشاء الله تبارك الله


لله درّك



قاف ثمين وعقل رزين


لاجديد سوى التمكّن والتفرّد


صح لسانك إلى يوم الدين



زود على إبداعك ماتبخس الآخرين :

أخصّك بالنصيحه والرجال اللـي لهـم مقـدار

بعيد الشكّ عنهم وأنت هاذي لـك خصوصيّـه

يقولون العرب ثلثين شعّار النبـط فـي النـار

وأنا ما أقول غير الغيب علمه عنـد واليّـه !

صح لسانك ياسداح



والله ان الشهادة تبقى مجروحة
ومهما قلت ابقى مقصر



سلامي واحتراماتي

وتشرّفهن بصورة تجمـع الجمهـور للتذكـار
هذا غير العلوم اللي عـن التصويـر مخفيّـه


اووووووووووووووه

فيه علوم مخفيه ؟؟؟؟؟


الله لا يبلانا



تحياتي

وعليكم السلام ورحمة الله وبركاته
هلا اخوي سداح
صح لسانك لاهنت
نص قمه في الابداع والتمكن وغير مستغرب من شاعر بحجمك

اكبر من التعليق يادكتور .

ولا نستغرب هذا الابدااع من دكتور الكلمه ( سداح )

وصح لسانك مدد

تقديري

سداح .

الله لا يضرك

قل آمين

غير كذا

سلامتك

عليكم السلام ورحمة الله وبركاته..



الله الله






ياسدح صح لسانك عزالله انك كفيت و وفيت..

سداح



بيض الله وجهك وصح لسانك




شاعر جزل




لا هنت




لك تحياتي

صح لسانك يادكتور


قصيدة تشرح الواقع بكل شفافيه


لافض فوك


على هالبدع الذي لايجيده سوى سداح



اخوك

الغالي

خالد السيحاني

يا مرحبا بك وسهلا

والله يحييك يا بوغازي

شرفتني

حبيب الروح سلطان العطاوي

لاعدمتك وهلا مليون

شاعرنا النجم / مشعان البراق

لاعدمتك يا بومحارب

ومجاراتك وسام على صدر اخوك

لاعدمتك يا حبيب الروح ،

..

الغالي

محمد قطن المورقي

يا هلا وغلا

وحضورك يزيدني

الغالي

مشاري البرازي

والله ان وجودك يشرفني ورايك وسام على صدري

ولاعدمتك يا الامير

الغالي

عبدالله العبدلي

رايك يشرفني يا بوعابد
ولا عليك زود

شكرا لك وشرفتني

الغالي

سلطان بن حامد

يا مرحبا والله ومسهلا

وحضور شاعر قدير مثلك يشرفني

شكرا لك يا بن حامد

ولا عدمتك

اختي

مخايل

هلابك ومسهلا

وشكرا لك

حبيب الروح

ضيف الله الغنامي

هلا وغلا يا بو سعود


ولاعدمتك

القدير

محمد بن رشيد

هلا وغلا يابومالك

ويكفيني والله شرف حضورك العزيز عليّ

شرّفتني

الغالي

عبدالمحسن بن مصوّي

يا مرحبا بك ومسهلا

ويكفيني شرف حضورك

تسلم