[ طـــواري ]

أمي لاطابت تراني طيّب ( ن ) معها
ويون قلبي ولو أسمع لها ونّه

أحبّها من قدمّها لين برقعها
وأشم فـ أسفل قدمْها ريحة الجنّه

ياطيب حظ اللي مكن والدينه
أسلم وسلم لي على بار لـ أبويه

في مجابه الأخصام يرفع جبينه
وينزله لابوه ويحب رجليه

يا باغي الخير شوف الخير فالجمعه
تكفير ذنب وصلاه وللولي طاعه

وامواصل ارحام فرصة ناس مجتمعه
والدعوه المستجابه فــ أآآخر الساعه

ياناشدٍ عنّي تبي منّي خبر
أنا في يثرب والخبر فيما يليه

في روضةٍ مابين محراب وقبر
رسولنا صلّى الله وسلّم عليه

ألا يالله إني طالبك تغفر ذنوبي
ذنوبي كبار و واجد ازريت اجمّعها

وضاق الصدر وثيابي وضاقت دروبي
ورحمتك وسعت كل شيٍء وتوسعها

لا شح وقتي بي واكرم لحى اعداي
والرمش ملهاب الدهر ينتّفه نتف

علّقت نفسي بين يأسي ورجواي
وأهم حاجه ماتعلّق على الكتف !

.
قصيده فالشعبي ( فلّه وشغّاله وشوفير )
هنا
http://www.montada.mergab.com/showth...23#post1487823

.
.

إن كان تبغى تعرف أكبر خطاياي
أكبر خطاي إني من القلب حبّيت

أسرفت في حبّك وجيتك من أقصاي
واليوم شفني لاني حيٍ ولاميت !

لي صاحبٍ فالقلب خيّم وداده
والقلب من سكّين فرقاه دامي

في قو باسه والغرور وعناده
أول مايطري لي قصيد الزلامي !!

مرّت سنين العمر سبعه وعشرين
عامٍ وضيق الصدر من زود في زود

مال السعاده في حياتي عناوين
يمكن تجي لاصرت في قبر ولحود !!

بيت الفرح دقيّت بابه بالحجر
ابغاه يفتح بابه اللي منقفّل

وسمعت صوت ابداخله يقول در
أرجع وراك أحسن لورّيك الشغل !!

متي اتزوج واتمرجل مع الناس
الناس دايم تنشد الناس عنّي

ومن شافني يقول ياجعل ما باس
والمشكله منها ولا هي بـ منّي !!

جمر الغلا شعله وله نور وهّاج
أشعل لهيب الشوق في حاني العوج

له باب مدخالٍ وله باب مخراج
وباب الخروج يشيل فوج وراء فوج

لكن من دونه عراقيل واسياج
وحصن تصاهل بالإعنّات واسروج

تمكّن وسهمه بوسط الحشا لاج
حرارته هي هي في قيض واثلوج

لا يابعد من يلبس الماس والتاج
ولا يابعد من حطن الكحل والروج

فتحت لك قلبي مثل فتح الأدراج
وصدري وطن واطلال واديار وافجوج

مفروش لك حريرٍ ابيض وديباج
ومن اول ضلع لأخر ضلع سيّر ودوج

في ذمتي إني لشوفتك محتاج
حاجة غريقٍ طاح في غبّة الموج

أمواج من تحته ومن فوقه امواج
وتشيله اليا شالها عاتي الهوج

همّه من الدنيا تجي لحظة افراج
لاتنظر العينين والسمع مصنوج

وش داعي الهجران وش داع الإحراج
وسلك الغرام بسلك الأحزان منسوج

الكون مظلم وانت في كوني اسراج
وأدعي لعل يأتي من الخالق ابروج

لاخاطرٍ يجبر ولاضحكة احجاج
زارع ولاجاء للمحاصيل منتوج

سرّيتني من دون مسرى ومعراج
وأصبحت لاعاقل ولاني بمرجوج

مغير أسيّر فالديّر تقل دوّاج
وأشيل في صدري غرابيل واهروج

جيتك بحجة حق والحق فلّاج
وعوّدت من عندك وأنا منك مفلوج !

تاجر وفي جمع الدراهم ماهر
ويحرص على الحبحب وكثر انتاجه

من كثر خوفه لايصيده ساهر
يشيل حبحبته على درّاجه

ياوجودي وجْد طفلٍ طاح فالشبّيحه
بالسطو و امّه تصيح اتقبّله واتضمّه

يا اولدي فمان ربي قال فـ أخر صيحه
الوداع ونلتقي فالأخره يا يمّه

باقيٍ من عطرها من بعد ضمّه ريحه
والدموع السايله من خدّها في كمّه

ولابقى معها بعد كفّه علا التلويحه
غير قطرة دمّ فوق اثيابها من دمّه

لامليح ومثله أمه بعْد ما هي امليحه
مهتمٍ بافراقها وامّه بعد مهتّمه

بعد كان بضيعته ويلاعب المرجيحه
صار في ضيعه مثل ضيعاتنا ومطمّه

امتغرّب ويل حاله من عناه ويحه
لا خوان ولا ام لا بو لا عمام وعمّه

ايتشهد ينّطق التهليل والتسبيحه
بين شاري للجحيم وبين بايع ذمّه

كلّ هذا لأجل من خلّى السدود امبيحه
واترقّب جيّته مع كل صوب ويمّه

وا وجودي يانفح ورده وفوحة شيحه
كلّ ماهبّت هبوب النود قمت اشمّه

غاليٍ عندي وحبّه واضحٍ ترجيحه
لاوزنّا حبٍ غيره صار راس وجمّه

لو يكفّي شرحي ومااقول فالتلميحه
قلت شوفه بإختصار يزيل كل الغمّه

الشقا مع دربه وقومه بعدها طيحه
من كثر مااشيل جفواه وحمايل همّه

لامتى صاحبه من سجنه يجي تسريحه
بعد ثالث عام والرابع نصف ما تمّه !

متاااااااااااااااااااااااااااااااااااااااااااااااا اااااااااااااابع

المشاركة الأصلية كتبت بواسطة سليمان الشاماني

متاااااااااااااااااااااااااااااااااااااااااااااااا اااااااااااااابع

هلا ومسهلا ياسليمان
أسعدني تواجدك

الطيب مثل الضلع ما كلٍ رقاه
مايقدره يا كود من عزمه قوي

كم رجل وقت الصامله يرجع وراه
وسط الزوايا ينزوي فيها زوي

وياكم فزعة طيب تقدرها فتاه
تسوى ليا حان الطلب وقفة خوي

الشعر ماله لامضامين وصكوك
عندك ولاعندي ولاشخص ثاني

وإن كان جايك من على جد وابوك
أنا من الله معطي الخلق جاني

كم وحدٍ مليان راسه سعاطير
للمرجله شفقٍ وفيها مولّع

وقت الرخاء يفعل مثل سالم الزير
وان جات للصملات قام يتبلّع

فالمملكه ياكثر عشّاق الزعيم
من كل دار تشجعه وتطيع طوع

وأكثر منه عشقٍ توغل فالصميم
للي سرق قلبي من أقواس الضلوع

المرجله ماهي بـ في قلت واوحيت
تقول واتردد قصيد الشواعير

كم طيبٍ مايعرف ايركب البيت
وكم شاعرٍ محسوب ضمن الغنادير